مەن ياشاۋاتىمەن(ئۈمىدۋار)

umidwar.

	مەن ياشاۋاتىمەن مەن ياشاۋاتىمەن....ھاياتقا بولغان مۇھەببەت، ياشاشقا بولغان ئىنتىلىشنى باغرىمغا تېڭىپ، ئىماننىڭ يىتەكلىشى،سەبىرنىڭ پەپىلىشى، مىھىر-مۇھەببەتنىڭ ئەللەيلىشىدە بۈگۈننى سۆيۈپ، كەلگۈسىدىن ئۈمىد كۈتۈپ، ئۈمىد-ئىشەنىچ بىلەن ياشاۋاتىمەن...            تۈرلۈك سىناق، ئەگرى توقايلىق، جاپا مۇشەققەت، قايغۇ -خۇشالىق، بەخىت ۋە بەخىتسىزلىك ئارلىشىپ كەتكەن بۇ ھايات مۇساپىسىدە  يول تاپالماي تىڭىرقاپ قېلىپ  ئۈمىدسىزلىك تۇمانلىرى قەلبىمگە سايە تاشلاشقا ئۇرۇنىغاندا ئىمان، ئىتىقاد، ئەقىدە، ئۈمىد-ئىشەنچ نۇرلىرى بىلەن قەلبىمنى يۇرۇتۇپ، سەبىر  شاماللىرى بىلەن ئۈمىدسىزلىك تۇمانلىرىنى قوغلاپ، قانائەت شەربەتلىرى بىلەن تەشنا دىللىرىمنىڭ چاڭقاقلىقىنى  قاندۇرۇپ قايتىدىن ئۈمىد-ئىشەنىچكە تولىمەن...ئەنە ئاشۇ چاغدا كۆز ئالدىمدا پارلاق بىر مەنزىل پەيدا بولىدۇ.  مەن ئاشۇ ئۈمىدنىڭ يېتەكلىشى بىلەن سەپىرىمنى داۋاملاشتۇرىمەن ...          مەن ياشاۋاتىمەن ...يىراقتىن كۆرۈنۈپ تۇرغان ئۈمىد نۇرىغا ئەگىشىپ، ئارزۇ- ئارمانلىرىمنى ھاپاشلاپ، ئەگرى ــ توقاي ھايات يولىدا بىر قەدەم،  بىر قەدەمدىن ئىلگىرلەپ، پارلاق بىر مەنزىلنى كۆزلەپ گۈزەل بىر ماكاننى ئىزلەپ ئۈمـىد - ئىشەنىچ بىلەن ياشاۋاتىمەن.             ئىمان ئىتىقاد - ئاشۇ ئۈمىدنىڭ مەنبەسى، مېنى ئۈمىدۋارلىق  بىلەن ياشاشقا ئۈندەۋاتقان مەنىۋى كۈچ،.        سەبىر ـ  ئۇ شىپالىق دورا، ھايات پەيدا قىلغان جاراھەتلەرنى ساقايىتقۇچى سېھىرلىك مەلھەم.           قانائەت - ئۇ تەشنالىقنى قاندۇرغۇچى شەربەت، تۈرلۈك ئارزۇ-ھەۋەسلەر كەينىدە تىلەكلەرگە يېتىش ئۈچۈن تىپچەكلەۋاتقان يۈرۈكۈم ئۇنىڭ بىلەن تەسەللىي تاپىدۇ.           مىھرى-مۇھەببەت - ئۇ قۇۋۋەت دورىسى، ھالسىزلانغان جىسمىم ئۇنىڭ بىلەن ھاياتى كۈچكە تولىدۇ.      مەن ياشاۋاتىمەن .. ۋۇجۇدۇمدىكى مانا مۇشۇ مەنىۋى گۆھەرلەرنىڭ ئەللەيلىشىدە ئۈمىدۋارلىق بىلەن ياشاۋاتىمەن... چۈنكى مەن ھاياتنى سۆيىمەن...             مانا قۇلۇمدا رەڭگارەڭ گۈللەردىن تېزىلغان خۇشپۇراقلىق گۈل دەستە تۇرۇپتۇ..ئۇنى قەدىرلىمەي خۇشپۇرىقىدىن بەھىرلەنمەي سۇلۇپ كىتىشىگە قاراپ تۇرۇش ئەخمىقانىلىق ئەمەسمۇ؟     ھاياتمۇ دەل شۇنداق ، ئۇنى قەدىرلىمىسەم سۆيمىسەم، ئەھمىيەتلىك ئۆتكۈز مىسەم، ئاققان سۇدەك، ئاتقان ئوقتەك ئۆتۈپ كىتىدۇ...             قوياشنىڭ تاغ كەينىگە پېتىشى - بىر كۈندىن ئايرىلغىنىم، ئۆمۈرۈمنىڭ بىر كۈن قىسقارغىنى...قەبرىگە بىر قەدەم يېقىنلاشقىنىم، قوياشنىڭ شەرىقتىن كۆتۈرلىشى - يېڭى بىر كۈننىڭ باشلىنىشى...بۇ كۈن ماڭا پۇرسەت، نىئمەت، بەلكىم بۇ كۈن ماڭا بەخىت خۇشاللىق ئېلىپ كىلىدىغان بىركۈن...ۋە بەلكىم .....     مەيلى قانداقلا بولمىسۇن مەن بۈگۈننى سۆيىمەن...قەدىرلەيمەن .ئۈمىد-ئىشەنىچ بىلەن گۈزەل كۈنلەرنى كۈتۈپ ياشايمەن .....بەخىت - كۆز ئالدىمدىلا .......! ! !  (ئىنشائاللاھ  ...)                                     ئۈمىدۋار

mahatjan

	مەن ياشاۋاتىمەن....ھاياتقا بولغان مۇھەببەت، ياشاشقا بولغان ئىنتىلىشنى باغرىمغا تېڭىپ، ئىماننىڭ يىتەكلىشى،سەبىرنىڭ پەپىلىشى، مىھىر-مۇھەببەتنىڭ ئەللەيلىشىدە بۈگۈننى سۆيۈپ، كەلگۈسىدىن ئۈمىد كۈتۈپ، ئۈمىد-ئىشەنىچ بىلەن ياشاۋاتىمەن... بەك توغرا يولنى تاللاپسىز.

mahatjan

	مەن ياشاۋاتىمەن....ھاياتقا بولغان مۇھەببەت، ياشاشقا بولغان ئىنتىلىشنى باغرىمغا تېڭىپ، ئىماننىڭ يىتەكلىشى،سەبىرنىڭ پەپىلىشى، مىھىر-مۇھەببەتنىڭ ئەللەيلىشىدە بۈگۈننى سۆيۈپ، كەلگۈسىدىن ئۈمىد كۈتۈپ، ئۈمىد-ئىشەنىچ بىلەن ياشاۋاتىمەن... بەك توغرا يولنى تاللاپسىز.

TAXNAI2

	ۋاقىتنى بىھۇدە ئۆتكۈزۈپ لاغايلاپ يۇرۇۋاتقانلار  سىزگە ئوخشاش ۋاقىتنىڭ قەدىرىگە يەتسىچۇ  دەپ ئويلايمەن..      مەن ياشاۋاتىمەن ...يىراقتىن كۆرۈنۈپ تۇرغان ئۈمىد نۇرىغا ئەگىشىپ، ئارزۇ- ئارمانلىرىمنى ھاپاشلاپ، ئەگرى ــ توقاي ھايات يولىدا بىر قەدەم،  بىر قەدەمدىن ئىلگىرلەپ، پارلاق بىر مەنزىلنى كۆزلەپ گۈزەل بىر ماكاننى ئىزلەپ ئۈمـىد - ئىشەنىچ بىلەن ياشاۋاتىمەن.   ئىچكى ھىسيات ياخشى سىڭدۇرۇلگەن ماقالە بوپتۇ،،داۋاملىق يېزىپ تۇرغايسىز..

umidwar.

	رەھمەت ،تىرىشىمەن 。

umidwar.

	mahatjan يوللىغان ۋاقتى  2014-9-28 11:55 PM مەن ياشاۋاتىمەن....ھاياتقا بولغان مۇھەببەت، ياشاشقا بو ... ياقتۇرغانلىرىغا رەھمەت ！