قوشنا دېگەن

nazar

	قوشنا دېگەن ئاپتۇرى : نەزەردىن جامالىدىن جېنىڭغا جان بولىدىكەن قوشنا دېگەن ، يىقىلساڭ قول سۇنىدىكەن قوشنا دېگەن . يىغلىغاندا يىغاڭنى ھەم تەڭچە يىغلاپ ، كۈلگەندە تەڭ كۈلىدىكەن قوشنا دېگەن . موھىمىڭدا ئالدى بىلەن بار ئىكەن ئۇ ، تۇرمۇشۇڭدا گوياكى بىر يار ئىكەن ئۇ . يازدا شامال ، قىشتا ئىللىق پار ئىكەن ئۇ ، مۇڭۇڭغا مۇڭ بولىدىكەن قوشنا دېگەن . ئۆلۈم - يىتىم ئۇزىمايدۇ ئۇ بولمىسا ، توي - تۆكۈنلەر قىزىمايدۇ ئۇ بولمىسا . قول تۇتۇشۇپ بىر - بىرىنى تەڭ قوللىسا ، ئەجەپ روناق تاپىدىكەن قوشنا دېگەن . گاھى يىراق تۇغقاندىنمۇ ئەلا ئىكەن ، گاھى شۇنى بەزىلىرى بىلمەيدىكەن . بىلگەنلىرى بىرگە داغدام ئۆرلەيدىكەن ، بولسا شۇنداق ئۆرلىسىكەن قوشنا دېگەن .

alenur

	يىراىقتىكى تۇققاندىن يقىندىكى قوشنا ئەلا دەپتىكەن ياخشى يېزىپسىز

kepanogrisi

	ئۇلۇغ بوۋا-مومىلاردىن ئۇدۇم قالغان، تۇققانلاردىن چارە كۆرۈش خوشنىلارنى. ئەمما ئازراق بۇرۇقتۇمدا ئويغاق ھىسلار، ئۇۋا قىلغان كۈندىن باشلاپ بىنا ئۆينى.

1263318936

	ھەقىقەتەن خوشنا دىگەن مۇھىم

WOLKANII

	مۇبارەك بولسۇن ،ياخشى تىمىدىكى ياخشى چىققان شئېركەن بۇ.

mehriya

	بىنانىڭ ئشىكىگە چاپلاپ قويغۇدەك شېئىر بوپتۇ . ھازىر بىنا ئۆي دەپ خوشنىلىرىمىز ھەر مىللەتتىن بۇلۇپ كەتتۇق ، بىر -بىرىمىزنى چۈشۈنىشىپ بولغۇچىمۇ ئىشقىلىپ ئىشىكنى دۈم تاقاپلا كىرىپ كىتىدىغان بۇلۇپ كەتتۇق . يەنە بەزىلىرىمىز خىزمەت ، بالا دەپلا خوشنىلار ئارا كىرىش چىقىشلىرىمىز ئازلىشىپ ، دوقۇرۇشۇپ قالساق سالالملىشىپ قۇيۇپلا ھەممىمىز ئۆز ئىشىمىز بىلەن ئالدىراش . مۇشۇ روزا ھېيتتا ساڭزىنى سالىدىكەنمىز ھېيت دەپ ، جوزىغا تېزىيدىكەنمىز تۈركىيەنىڭ پۇشرۇقلىرى دەپ . ئەمما ھېيتلاپ كىرىدىغان بىرمۇ ئادەم يوق ، يۇرتتىكى ھېيتلارنى ، كىچىك ۋاقتىمىزدىكى ھېيتلىشىشلارنى ئەسكە ئېلىپ ئىچىمىزدە ‹توۋا بىز نىمە بۇلۇشۇپ كەتتۇق › دەپ ھېيتلارمۇ ئۆتۈپ كىتىۋاتىدۇ . ئىلگىرى خوشنامغا تاماق سۇناتتىم ، كېيىن ئاڭلىسام بۇ خوشنامغا نىسپەتەن روھى بېسىمكەن ، چۈنكى تاماق سۇنغان قاچامنى قۇرۇق ياندۇرۇپ بېرىشكە خىجىل بۇلامىش ، بۇنى ئاڭلاپ ‹توۋا ›دېدىم نەچچە رەت . شۇندىن كېيىن بۇ ئادىتىمنى تۈزەتتىم . مەن تۆتىنچى قەۋەتتە ئۇ خوشنام ئۈچۈنچى قەۋەتتە ئولتۇرىدۇ ، ئايلاپ يىللاپ بىر -بىرىمىزنىڭ ئۆيلىرىگە كىرىشمەيمىز ، زالدا ئشىك ئالدىلىرىدا ئۇچۇرشۇپ قالساق بىردەم ھالىڭ قانداق دەپ قۇيۇمىز  شۇ . ھېيتلاردا خوشنىلارنىڭ بېشىنىمۇ كۆرمەيمىز . ھەممىمىز ئالدىراش چوڭ ئۆيگە باردۇق ، كىلىپلا خىزمەتكە چۈشۈپ كەتتۇق دىيىشىپ ھېيتلىشىپمۇ بۇلالمايمىز . ھېيتلىشايلىچۇ ماۋۇ خوشنام دېيىشكەن بولساق ھەرقانچە خىزمەت ئالدىراش بولسىمۇ ئاخشىمى ئىشتىن چۈشكەندە بېشىمىزنى بىر-بىرمىزنىڭكىگە تىقىپ ھېيت پەتىسى قىلىشقا ۋاقتىمىز چىقاتتى . سەۋەپ شۇ خوشنىلار ئارا مېھرى -مۇھەببەت يوق ، ئاۋۇ شېئىردا دىگەننى چۈشەنمەس بۇلۇپ كەتتۇق !!!

قورغان

	شىئرىڭىز ياخشى چىقىپتۇ،خوشنا، بىلگەنلەرگە ئەڭ يىقىن كىشىلەردۇر .

qiqakkiz

	بىنا ئۆيگە كۆچۈپ كىتەي دەيمەن ، خوشنىلىرىمغا چىدىماي كۆچەلمەيمەن .‹ ئۆينى 100تەڭگىگە ئال ، خوشناڭنى 1000تەڭگىگە ›دەپ بىكار ئېيتمىغان چوڭلىرىمىز .

ahgulum129213

	ئاغرىپ يېتىپ قالساقمۇ يىراقتىكى تۇققان كەپ بولغىچە خوشنىلار ھالىمىزدىن خەۋەر ئالىدىكەن.بىزنىڭ مەھەللىدە،ھېيىت بولغاندا،بىر كۈن خوشنىلارنى چاقىرىمىز،ھەممە خوشنىلار كىرىدۇ،خۇددى تۇققانلاردەكلا،ئەركىن-ئازادە،خۇش-چاخچاقلار بىلەن،شۇنچە خوش بوپ كېتىمەن

boxuk

	ياتلىشىش سەل ئىغىرلىشىپ قىلىۋاتىدۇ