ۋەتىنىم تۇرقۇڭدىن مىڭ-مىڭ ئۆرگىلەي!...

tuti

	ۋەتىنىم تۇرقۇڭدىن مىڭ-مىڭ ئۆرگىلەي!... توختەم ئىمىن( ئاقسۇ ۋىلايەت توقسۇ ناھىيە ئۆگەن يېزا مەركىزىي باشلانغۇچ)        دۇنيانىڭ ئەڭ جىمجىت رۆجەكلىرىدە، چاقنايدۇ كۆز قىسىپ بىر تۈپ رەيھانگۈل. سۈپۈزۈك بەرگىدە تال-تالدۇر يۈرەك، يارىدۇ باغرىنى جان دەپ تەۋەككۈل. دۇنيانىڭ ئەڭ جىمجىت رۆجەكلىرىدە، تۇغۇلار قۇياشنى كۆتۈرگەن بالا. تۈكۈلەر يىپ-يېڭى كۈيلەر نازلىنىپ، ئاققاندا قارچۇقتا لالىرەڭ  دالا. سىغدىلار دىللارغا نەچچە يەر ئاسمان، سىغدىلار قەدىمىي كۈمۈلگەن قەۋىم. يالاڭياغ مېڭىش ئاھ،نىمانچە راھەت... غىدىقى كەلدىمۇ ۋىلىقلايدۇ چىم. سەلكىنلەر چاچلارنى سۆيگەن دەقىقە، كىملەردۇر ئىسىڭگە كىلىدۇ بەلكىم. غەملەرچۇ قەيەردە قالار ئىسەدەپ، ياپ-يېشىل دۇنياغا بولغاندا تەسلىم. چاقىرار بارخانلار يىنىك قول سىلكىپ، يۇلغۇنلار چالىدۇ گاھى قۇمۇش نەي. جىگدىلەر پىچىرلاپ قالىدۇ تاتلىق، قۇشلارچۇ لىۋىڭنى چۇقىلايدۇ ئەي!... مىھرىڭنىڭ شۇ چەكسىز رۆجەكلىرىدە، ۋەتىنىم تۇرقۇڭدىن مىڭ-مىڭ  ئۆرگىلەي!... مسرانىم مۇكاپاتلىق ئەسەر پائالىيىتىگە يوللانغان ئەسەر

mercury

	چىرايلىق يىزىلىپتۇ ، مەن ياقتۇردۇم . جىمجىت دالىدا دىكلاماتسىيە قىلغۇم كەلدى . تىمىنىڭ ماۋزۇسىغا قاراپ تاس قاپتىمەن كىرمەي قويغىلى .

kepanogrisi

	بەك ياخشى يىزىلىپتۇ، ئۇرۇن ئەپ قۇيۇپ كۆڭۈل ئارامچىلىقى بولغاندا چۇقۇم ئەگىشىمەن. توختەمگە ئاپىرىن!

uzum-tal

	ۋوتان-ۋوتان شېئىر !  مانا ھەقىقى شېئىر !   مىنىڭمۇ بىر ۋاقتلاردا يادقا ئىلۋالغان بىر كۇپلىيىت شېئىر ئېسىمگە كىلىپ قالدى . بىر ئوقۇپ بىرەي مىنى ئوقۇغىلى قويۇڭلار بالىلار . ئۆھھۇ !       قۇملۇقتىكى شوخ بىلىق .      دېڭىزدىكى نار تۆگە .     كۆكتە ئۈزەر ئاق پاختا .      يەردە ئۈزەر ئاق بولۇت .      لا لا لا لا ..لا ..لاي ئاۋازىم پۇتۇپ قاپتىكەن ۋەتىنىمنىڭ مىھرى تەپتى بىلەن ئۆزۈمگە ئىسسىق ئۆتكۈزۈپ يۈرۈپ مۇشۇنداقراق ئوقۇدۇم . بولمىسا بىر كۇپلىيىت شېئىرنى ئوقۇپ بولغۇچە يىقىلىپ قالدىكەنمەن . ئىخ ! جۇڭخۇۋا ئانا ۋەتىنىم  مۇنۇ ئوماق شائېرەنىڭ يۈرەكنىڭ قات-قىتىدىن مارجان بولاقنىڭ سۈيىدەك ئۇخچۇپ چىققان لەزىز شېئىرلىرنى ئاڭلىغانسەنمۇ ؟ مۇشۇنداق مەغرۇر قاقاھلاپ كۈلگىن .

mercury

	uzum-tal يوللىغان ۋاقتى  2014-9-22 10:00 PM ۋوتان-ۋوتان شېئىر !  مانا ھەقىقى شېئىر !   مىنىڭمۇ بىر  ... سىزدىن ئىككى سوئال سورىغۇم كىلىۋاتىدۇ . 1 . بۇ تىمىدىكى شىئېرنى راستىنلا ئوقۇدىڭىزمۇ ؟ 2 . ئادەتتە كۆڭۈل قويۇپ شىئېر ئوقۇپ باققان ۋاقتلىرىڭىز بولغانمۇ ؟

pinhani

	چاقىرار بارخانلار يىنىك قول سىلكىپ، يۇلغۇنلار چالىدۇ گاھى قۇمۇش نەي. جىگدىلەر پىچىرلاپ قالىدۇ تاتلىق، قۇشلارچۇ لىۋىڭنى چۇقىلايدۇ ئەي!... مىھرىڭنىڭ شۇ چەكسىز رۆجەكلىرىدە، ۋەتىنىم تۇرقۇڭدىن مىڭ-مىڭ  ئۆرگىلەي!... مانا مۇشۇ ئەڭ ئاخىرقى ئالتە مىسرالىق بىر كوپلىت ، پۇتۇن ئەسەرنىڭ جەۋھەر قىسمىنى يورتۇپ بىرىپتۇ، مانا بۇنى ۋەتەن مۇھەببىتى دەيمىز، مەن تەڭرىدىن مۇئەللىپنىڭ بۇندىن كېيىنكى ئىجادىيتىگە ئۇتۇق تىلەيمەن، تىنىنىڭ سالامەت، ئۆمرۈنىڭ ئۇزۇن بولىشىنى تىلەيمەن،

qaraxani

	بۇ شېئىرغا چىن ئىلھام يار بوپتۇ،ۋەتەن مۇھەببىتى ئەسەرنىڭ مۇكاپاتقا ئېرىشىشىگە مەدەت بولغاي...

tuti

	ھەممىڭلارنىڭ كەلگەن قەدىمىگە مەرھابا!ئەزىز تىنىڭلار ئامان بولغاي!...

pasil

	بەك تېتىملىق لېرىكا ئىكەن...تىلى شۇنچىلىك ئوبرازلىق چىقىپتۇ..«.مىسرانىم»غا باسقان قەدەمىڭىز قۇتلۇق بولغاي...قەلەم تۇلپارىڭىز كىشنەپ تۇرغاي...بۇ ئەسىرىڭىزگە مۇۋەپپەقىيەت تىلەيمەن...

باشتۇغ

	چۇڭقۇر مەزمۇنلۇق بۇ شېئىرىڭىز ئارقىلىق مۇكاپاتقا ئېرىشىشىڭىزگە تىلەكداشمەن .