ئۆزۈڭگە ئوخشىماي قالدىڭ

rustorahbar

	ئۆزۈڭگە ئوخشىماي قالدىڭ:ناخشا تېكىستى رۇستەم قاراسۇ تۇنۇشقان ئىككىمىز باھار پەسلىدە، كۆيگۈنۈم سۆيگۈنۈم ئىدىڭ ئەسلىدە، بىلمىدىم كۆڭلۈڭنى، نېمەم قەستىدە، ئۆزۈڭگە ئوخشىماي قالدىڭ ئەمدى سەن. ھىلى بار ھىلى يوق نازلىق كۈلۈشلەر، قەيەردە قالدىكىن راسچىل كۆيۈشلەر، جىنىمغا زۇلۇم بوپ پاتتى كۆنۈشلەر، ئۆزۈڭگە ئوخشىماي قالدىڭ ئەمدى سەن. مۇھاببەت كوچىسى داغدا قويدىغۇ، كۈتكىنىم تامام دەرت ئازاپ بولدىغۇ، پەرۋىشلەپ ئۈستۈرگەن گۈلۈم سۇلدىغۇ، ئۆزۈڭگە ئوخشىماي قالدىڭ ئەمدى سەن. كۆرەڭلەپ كەتمىگىن ئۆتنە بۇ ئالەم، تۇتىدۇ بىر كۈنى سېنى ئاھ نالەم، قەدرىمگە يىتىسەن يۈتكەندە ئەلەم، ئۆزۈڭگە ئوخشىماي قالدىڭ ئەمدى سەن. رۇستەم قاراسۇ :ئاتۇش قاراسۇدا يېزىلدى 2014.يىلى 9.ئاينىڭ 22.كۈنى

يولتۇز

	مۇھاببەت كوچىسى داغدا قويدىغۇ، كۈتكىنىم تامام دەرت ئازاپ بولدىغۇ،كۈتكىنىم تاممەن ئازاپ بولدىغۇ دەپ ئالسىڭىز قانداق بۇلا ؟

يولتۇز

	مۇھاببەت كوچىسى داغدا قويدىغۇ، كۈتكىنىم تامام دەرت ئازاپ بولدىغۇ، كۈتكىنىم تامامەن  ئازاپ بولدىغۇ دەپ ئالسىڭىز قانداق بۇلا ؟

يولتۇز

	قايتا - قايتا ئۇقۇپ باقسام يەنىلا سىزنىڭ يازغىنىڭىز ئۇقۇشلۇق بۇلىدىكەن ، كەچۈرۈڭ ئالدىڭىزدا بىلەرمەنلىك قىپتىمەن

mehriya

	ياخشى يېزىپسىز ، ناخشىسىنىمۇ  بىر كۈنلىرى ئاڭلاشقا نېسىپ قىلسۇن خۇدايىم .

Janbar

	سەل چېكىنىپ قاپسىلە ئاداش. ئاتۇشتا يېزىلدى دېگەن خەتنى كۆرۈپ قالدىم، ساياھەت خاتىرىلىرىنىمۇ كۆرسەك بولاتتى. ئېسىل يازمىلىرىڭلارغا تەشنامىز. ئازادبىكنىڭ بىر ناخشىسى بار ئۆزۈڭگە ئوخشىماي قالدىڭ دەپ، بۇ ناخشىنىڭمۇ بىرەر مۇزىكانىت بالىلارنىڭ ئاھاڭغا سېلىپ بىز بىلەن ئۇچراشتۇرۇشىغا تىلەكداشمەن.

kipinak13

	بەك ياخشى شىئىرلانى يازىدىكەنسىز

umitwar22