ھەققانىي: ھەي دوست!........

akkani

	ھەي...دوست! ئاپتۇرى: ئابدۇۋەلى راخمان ھەققانىي ** بۇ ئالەم ئۇزۇن ھەم سېھىرلىك ئالەم، ئەمەستۇر لېكىن ئۇ ھېچكىمگە باقى. ئەسلى قۇل شاھلارغا،گادايلار بايغا، باشلىقلار پۇقراغا ئۆزگۈرەر ياكى. ** دىمەك بۇ بەزىگە جەننىتى-رېزۋان، بەزىگە رەھمىسىز «ئاپەت»ئالەمدۇر. باي بولسۇن ۋە نامرات،پۇقرا يا باشلىق، ھەممىسى ئەسلىدە ئوخشاش ئادەمدۇر. ** بۇ ھەقنى بىر دوستۇم بىلمەمدىكىن تاڭ، ھېمىشە دوست بولۇر نامۇ-ئەمەلگە. كىم بولسا ھوقۇقدار سايلانسا باش بوپ، ئەتىسى دوستلۇقتىن بېرىدۇ بەلگە. ** ھوقۇقتىن يۆتكۈلۈش-چۈشۈش شەپىسى، بىلىنگەن كېچىدە يۆتكۈلەر پەدە. كونىدىن دوستلۇقنى ئۈزىدۇ دەرھال، يېڭىغا يېقىنلاپ بىلدۈرۈپ ۋەدە. ** ئۇنىڭغا نەپ بەرگەچ بۇ«ئامەت»يۇلى، ئەجەپمۇ بۇلغىدى ۋىژدان-نەپسىنى. ياخشىلار بۇرۇنلا نەپرەتكە كۆمگەن، مەزكورنىڭ تۇتقان بۇ رەزىل كەسپىنى. ** ئۈزىگە ئەمەستۇر ئەمىلىگە دوست- ئىكەننى چۈشكەندە بىلدى كونىسى. يېقىندا تونۇشقان مۇشۇ«سادىق»نى، بىلسىدى باشلىقنىڭ ئەمدى يېڭىسى. ***

Danggal

	شېئىر دىگەننى گۈل كەلتۈرۋىتىسىزكەن-جۇمۇ!

TAXNAI2

	ھوقۇقتىن يۆتكۈلۈش-چۈشۈش شەپىسى، بىلىنگەن كېچىدە يۆتكۈلەر پەدە. كونىدىن دوستلۇقنى ئۈزىدۇ دەرھال، يېڭىغا يېقىنلاپ بىلدۈرۈپ ۋەدە. چوڭقۇر مەزمۇنلۇق قىلىپ يېزىپسىز....تەشەككۇر،،،،،،،،،،،،،،،

hekmat110

	ئەمەستۇر لېكىن ئۇ ھېچكىمگە باقى.

يولتۇز

	ئۇنداق دوستىن دۈشمەن ياخشى ،  بەك ياخشى تەسۋىرلەپسىز بەزىبىر شەرەپسىزلەرنى .

ap~qilam

	ئۆتكۈر قامچا،ئەمەل بېغىدا مېۋە ئۈزگەنلەرگە تەۋسىيە

mehriya

	ئاپىرىن ! مەيلى باي ياكى گاداي ، مەيلى پۇقرا ياكى باشلىق بولايلى بارىدىغان يېرىمىز ئەڭ ئاخىردا شۇ ئىككى مېتىر يەر .