ئاچچىق - چۈچۈكلەر2

ablikim.karkax

	قالمايلى بىز كۈلكىگە ياشتا چوڭغا ئېيتىمەن ، ئۈلگە بۇلۇڭ ھاياتتا، يىڭى چۈجە مۇھتاجدۇر مۇستەھكەم بىر قاناتقا. ياش گۈدەكنى بۇلغىماڭ ، ئالدىنىپ ئاق تۈلكىگە، خەلقى ئالەم ئالدىدا ، قالمايلى بىز كۈلكىگە. كۆرمىگەنگە كۆرسىتىڭ ، ياخشى بىلەن ياماننى، ئۇلارمۇ بىر ئايرىسۇن ، بۇغداي بىلەن ساماننى. ياخشىلىقنى-ياماندىن ، كۈتۈپ يۈرگەن ساراڭدۇر، قوشنامنىڭ دىمە ھەرگىز ، ئۇمۇ سىنىڭ بالاڭدۇر. بارچىنى ئۆز كۆرەيلى، كۆيىنەيلى - سۆيەيلى، كەتمەك بولساق دۇنيادىن ، ۋەتەن ئۈچۈن ئۆلەيلى.                  كۆرەرسەن بالام دىدىم بالىدەك يۈرەلىسەڭ كۈلەرسەن، بەخىت تاپماق بولساڭمۇ سۆزلىرىمگە كۆنەرسەن. ئەگەر مىنى قاقشىتىپ ، ئالدىمدا تىك تۇرمىساڭ، سەنمۇ بىركۈن بالاڭدىن ، شۇ قىلىقنى كۆرەرسەن. ئۆتنە ئالەم چۈشەنسەڭ ، ئىنسان باقى ئەمەستۇر، ئاتاڭ  دۇئا قىلمىسا ، بالىنىڭ  كۈنى  تەستۇر، قارغىش ئالغان بەندىنىڭ ، يوللىرى ئىگىز-پەستۇر، گەر سۆزۈمگە ئىشەنسەڭ، خەتلىرىمگە سۆيەرسەن. بىلىم ئالغىن مەڭگۈلۈك ، سىنىڭ بۇلار ھاياتلىق، بىلىمسىزلەر ھەرگىزمۇ، بۇلالماس گاڭ قاناتلىق، كەتسەڭمۇ بۇ دۇنيادىن ،بولمىغىن يامان ئاتلىق، قىلمىشىڭ يامان بولسا، كۈل بۇلارسەن كۆيەرسەن. بىر  كىلىمىز  دۇنياغا ، پاتما  ئېغىر  گۇناغا، سۆيگۈ بەر ھەر گىياغا ، قونغىن ئېگىز قىياغا، ۋىجدان ئۈچۈن ياشىغىن ، ساتما ئۇنى تىللاغا، ئۇرۇق ئالساڭ لەيلىدىن ، گۈل پۇرايدۇ كۆرەرسەن.                  ئارزۇ2 ئېچىلغان گۈل-غۇنچىنى، ۋاختىدا پۇرىۋالسام، ھېچ بولمىسا يېنىدا، قانغۇچە تۇرىۋالسام. گۈلنى ئۈزۈپ تاشلىغان، نادانلارنى كۆرگەندە، كەينىدىن بېرىپ ئىتتىك، يۈزىگە ئۇرىۋالسام. بۈركۈتلەرگە ئايلىنىپ، ئېگىز تاققا چىقىۋالسام، ئاينى ئۈزۈپ ئاسماندىن ، قوينۇمغا تىقىۋالسام. ئالدىمنى توسار بولسا ، تۈندىكى  قارا  سايە، يۈرۈگۈمدىكى ئوتنى ، ئېلىپ قاتتىق يېقىۋالسام. ھايات چەكلىك دەيدىكەن،تۇلپارغا مىنىۋالسام، بېرىپ تىنىچ ئوكيانغا ، ئۇزۇن-ئۇزۇن تىنىۋالسام. كۆزۈمنىڭ نۇرى ئۆچسە ، قىيامەت  يېقىنلايدۇ، سۆيگۈنۈم قالار يالغۇز ، ۋەسلىگە قېنىۋالسام. مەنبە-قاراقاش

mahatjan

	ساچقانلار ئالسىمۇ خامانلىقتىن جاي، قاچىدۇ نىمىشقا ھەردەم كاماغا. قۇشلاردا بولغاچقا قۇدرەتلىك قانات، ئۇچۇدۇ ھەر ۋاقىت كۆككە-ساماغا.   دىگەن مەنانى ئىپادىلەپسىز.

mahatjan

	ساچقانلار ئالسىمۇ خامانلىقتىن جاي، قاچىدۇ نىمىشقا ھەردەم كاماغا. قۇشلاردا بولغاچقا قۇدرەتلىك قانات، ئۇچۇدۇ ھەر ۋاقىت كۆككە-ساماغا.   دىگەن مەنانى ئىپادىلەپسىز.

faeza.akef

	ئۆزىڭىز  يازدىڭىزما؟؟؟   ئەجەب  قالتىسقۇ،،،،

Bilim-humar

	تەپەككۇرغا تاشلايدىغان مۇشۇنداق تىمىلىرىڭىز توختىمىغاي.رەھمەت.

ئۇتغۇر