ئەرلەرگە خىتاپ

دېڭىز.

	جاھاننىڭ زىننىتى كۆركىدۇر ئايال، ئەركەكنىڭ غۇرۇرى ئىززىتى ئايال. پەرزەنتنىڭ مۇرادى ئانا دۇئاسى، خارلىماڭ..كەمسىتمەڭ..يىغلاتماڭ زىنھار. بىر قولدا تەۋرەتسە بۈشۈكنى تۈندە، «يەنە بىر قولىدا تەۋتىەر دۇنيا ». گەر ئاجىز بولسىمۇ ئەرلەردىن كۈچتە، جەسۇرلۇق بابىدا ياراتتى مىسال. پاك–ئىففەت غۇرۇرىچۈن سەكرىدى يارغا، باش ئەگمەي ئىپارخان نۇمۇسسىز خانغا. شەھىدلىك بابىدا قەيسەر يۇلتۇز قىز، جەڭگاھتا تىغ بولۇپ سانجىلغان ياۋغا. قوغداشچۈن ئىپپەتنى باتۇر نۇزۇگۇم، مەرتلەرچە جان بەرگەن پۈكمەستىن ھەم تىز. ياۋلارغا ئوقيا بوپ ئېتىلغان ئەنە، يۇرتىنى قوغداشچۈن پالۋان يەتتە قىز. مەرىپەت يولىدا نۇرغۇن سەەبىيگە، نۇرانە يول ئاچقان ئانىمىز ئايخان. ۋە يەنە تارىختا كۆپتۇر نى ئايال، پەزىلەت بابىدا ئىزلار قالدۇرغان. يارالدۇق ئاياللار سىزلەردىن ئاجىز، ھۆرمەتلەڭ ئايالنى كەمسىتمەڭ ھەرگىز. ئاياللار بولمىسا گۈللىمەس جاھان، ئايال بىلەن نۇرلانسۇن ئۆمۈر يولىڭىز.. «بۇ يازمامنى ئىللىق ئائىلىسى..مېھرىبان ئايالى تۇرسىمۇ سىرتتا ناشايان يوللاردا مېڭىپ ئائىلىسىگە زىيان يەتكۈزۋاتقان،ئاياللارنى كەمسىتىدىغان...بەزى ئەرلەرگە خىتاپ قىلىپ يازدىم...ئايالىڭىزنى قەدىرلەڭ...ئايالىڭىزنىڭ كۈزىدىن ئاققان ياشلار نىڭ ھىسابى بار»

ئالمىچى

	ناھايتى ياخشى يىزىپسىز شىئىرنى، بولسا مۇشۇ يولۋاستەك ئىشلەۋاتقان جاپاكەش بىز ئەرلەرنىمۇ مەدىھيەلەپ بىر قەلەم تەۋرىتىپ قويسىڭىز،

zulpukar

	ئەرلەر بىر قېتىم ئوقۇپ قويۇشقا ئەرزىيدىغان تېما...........

jim-jit

	قەلەم   تۇلپارىڭىز    ھارمىغاي   ،   تولىمۇ    ۋەزىنلىك    چىقىپتۇ   ،    ئاييالارسىز    دۇنيانى    تەسەۋۇر    قىلماق   تەس   .

saliha24

	رەسۇلىمىز مۇھەممەت مۇستافا سەللەللاھۇ ئەلەيھى ۋەسسەللەم مۇنداق دىگەن ئىكەن « ئۈممەتىلرىم ئىچىدىكى ئەڭ ياخش كىشىلەر ، ئۆز ئاياللىرىغا ياخشىلىق قىلغانلاردۇر» شىئېرىڭىزنىڭ مەزمۇنى  شۇنداق ياخشى چىقىپتۇ ، رەھمەت سزگە، ھارمىغايسز.

asrari

	بۇ ئەرلەرگە خىتاب بولماپتۇ، ئاياللارغا مەدھىيە بوپتۇ. بىز ئاياللارنى مەدھىيلەيمىز( مەيلى سىز خىتاب قىلىڭ ياكى قىلماڭ) .پەقەت مەدھىيلەشكە تىگىشلىك نۇزۇگۇمدەك ،رېزۋانگۇلدەك ،ئىپارخاندەك قەيسەر ،ئىپپەتلىك ئاياللارنى مەدھىيلەيمىز. ئەمما ھازىرچۇ؟ قېنى شۇ ئىپپەت؟ قېنى شۇ ئار نۇمۇس؟ قېنى شۇ غۇرۇر؟ ھازىر بەزىبىر قىسمەن ئاياللىرىمىز دۇختۇرخانىلاردا، ھۆسىن تۈزەش ئۇرۇنلىرىدا ئىپپىتنى قوغداپ ،باشقىدىن ئىپپەت ياسىسا بۇنى يەنە كىم قوغدايدۇ؟

umidwar.

	بەك ياخشى يېزىپسىز، قەيەرلەرگە يوشۇرۇپ ساقلىغان بولغىيتىڭىز بۇ ئىلھاملارنى ...مۇشۇنداق ئېسىل شىئېرلار ئارقىلىق ئىپادىلەپ تۇرماي ...قەلەم تۇتقان قوللىرىڭىزدىن گۈل ئۈنسۈن!

sardor0908

	مەنىسى چوڭقۇر شىئىر ئىكەن .

Gvlbargi0999

	asrari يوللىغان ۋاقتى  2014-9-20 01:05 PM بۇ ئەرلەرگە خىتاب بولماپتۇ، ئاياللارغا مەدھىيە بوپتۇ. ... ھاياجانلانماڭ قېرىندىشىم،يەنىلا ئىپپەتلىك،ھايالىق قىز-ئاياللىرىمىز بار،ئائىلىسى ئۈچۈن،پەرزەنتلىرى ئۈچۈن ئۈنسىز تىرشىۋاتقان،دەردىنى ئىچىدە بىلىۋاتقان خاتۇنلىرىمىزمۇ ئاز ئەمەس.................... سىز دىگەندەكلەرمۇ يوق ئەمەس..............

Gvlbargi0999

	ئالمىچى يوللىغان ۋاقتى  2014-9-20 11:30 AM ناھايتى ياخشى يىزىپسىز شىئىرنى، بولسا مۇشۇ يولۋاستەك  ... ئالمىچى قېرىندىشىم، تېشلىقمۇ؟ مەنلام مەدھېيلەپ قويايچۇ.....................راس سىلەرنىڭ ئائىلە ئۈچۈن كۆرسىتىۋاتقان تىرىشچانلىقىڭلارمۇ ئاز ئەمەس. بۇنى بىلمەيدىغان يەردە ئەمەسمىز. لىكىن،شۇ تاپقاننى شۇ ئۆيدىكى ئايال سەرىپ بىلەن تۇتمىسا،سىلەر مىڭ ئۆمىلەپ،مۈدۈرۈپ-چوقۇرۇپ تاپقان ئىقتىساد جايىدا بولماي،يىل ئاخىرىدا ھېچقانداق دارامەتكە ئېرىشەلمەيسىلەر ئەمەسمۇ.