يوقالغان خاسلىق
ئۆتۈپ كەتتى تالاي يىللار كىمنى قوغلۇشۇپ ،
ھوقۇق-ئابروي، دۇنيانى دەپ مېھىر سوغلۇشۇپ .
ئېسىل ساراي، ھۇزۇر يوقتۇر ئاش-سۆزۈڭدە تەم ،
تۇتتۇڭ بېلىق، ئىچەر سۈيۈڭ كەتتى دوغلۇشۇپ .
يالاڭ ئاياق ئىدىڭ بىر چاغ تۇپراق جان ھۇزۇر ،
بولدۇڭ خاقان، تاجى-گۈلۈڭ كۈندە مىڭ توزۇر .
ئېلىپ كەتتى « باھارىڭنى » نەپسىڭنىڭ غېمى ،
قالدى تەنلەر روھسىز يەنە يۈتكەندە غورۇر .
مىڭ تەڭگىگە كەلمەس ئەجەپ ئېشەك ساق پېتى ،
ئون تەڭگىگە يۈزدۇر لېكىن قىزلار ئىپپىتى .
يۇندا ئىچىپ يۈرسە« ئەركەك » ۋىژدانى ئۇخلاپ ،
شۇلار سەۋەپ يوقالمامدۇ؟! يۇرتنىڭ بەركىتى .
ــــــــــ مەتروزى مەتتۇرسۇن ( كەپسىز )
2014-يىلى 17-سىنتەبىر غولجا
ئۆگۈنۈش بېسىمىمنىڭ يۇقۇرلىقى سەۋەپلىك تورغا كۆپ چىقالماي تورداش دوستلىرىمنىڭ تىمىلىرىنى ۋاقتىدا كۆرۈپ كېتەلمىدىم، شۇ سەۋەپ قاراسۇ ، مەخەتجان قاتارلىق كونا ھەمداستىخان قەلەمكەش دوسلىرىمدىن بۇ يېڭى ئىجادىيىتىم ئارقىلىق چوڭقۇر ھال سورىماقچىمەن . تىنىچلىق بەخىت-سائادەت ھەممىمىزگە يار بولسۇن.
بۇ يازمىنى ئاخىرىدا نەۋائىي تەھرىرلىگەن. ۋاقتى 2014-9-18 10:56 PM
يوللىغان ۋاقتى 2014-9-18 10:52:51 PM
