دۆڭمازار خاتىرىسى

mawlanof

	خىزمەت مۇناسىۋىتى بىلەن غۇلجا ناھىيىسىنىڭ ئاۋرال تېغى ئېتىكىدىكى ئۇيغۇر ئۈچئون يىزىسىغا يۆتكۈلۈپ كەلدىم . مەن تۇرۇۋاتقان يېزا دوڭمازار بازىرىغا 7كىلۇمېتىرچە كىلىدۇ . ھەر ھەپتىنىڭ يەكشەنبە كۈنى دۆڭمازاردا بازار بولىدۇ . پۇرسەت بوپ قالسىلا مەن بىر ئاماللارنى قىلىپ دۆڭمازارغا بازار ئايلىنىش ئۈچۈن ئاتلىنىمەن . شەرق تەرەپتىكى 218-تاشيولدىن دۆڭمازارغا كىرگىنىڭىزدە ، سەلدەك ئىقىۋاتقان ئادەم دېڭىزىنى كۆرىسىز . كاتتىسى باۋما ، ئاددىسى ئىشەك ھارۋا بولغان قاتناش قوراللىرىدىن يول تالىشىپ ، سىگنالنى بولىشىغا ئۇرۇپ مىڭ تەسلىكتە ئارقا كوچىلارغا كىرىپ ، ماشىنىڭىزنى توختاتقۇچە بىرەر سائەت ھايال بولىسىز . مۇشۇ بىر سائەتتە بازارنىڭ قايناق ئەۋجى سىزنى ئوبدانلا شاتلىققا چۆمدۈرىدۇ . ئادەتتە يەكشەنبە كۈنى دۆڭمازار بازىرىغا بىرىشنى پىلانلىسام ، ئەتتىگەندە چالا-پۇلا ناشتا قىلىپلا بازاردىن تاماقلىنىشقا ئالدىرايمەن . ماشىنىدىن چۈشۈپلا ئۇدۇللا كىچىك سىچاڭغا كىرىپ ، ئاپتاپ چىراي ، پاكىزە بىر ئۇيغۇر ئايالنىڭ ئۆپكە-ھىسىپ ھارۋىسىنى ئىزدەيمەن . بۇ يەرگە بارسىڭىز قاتارسىغا ئۆرە تۇرۇپ ، ئولتۇرۇپ مەززە بىلەن ئۆپكە-ھىسىپ يەۋاتقان بىر توپ دېھقان توپى سىزنى قىزغىن كۈتىۋالىدۇ . سىزمۇ شۇلارنىڭ قاتارىدا ھارۋىغا ئىڭىشكەن پىتى بىر چىنە ئۆپكە-ھىسىپنى ئىشتىھا بىلەن يەپ ، نەپسىڭىزنى بىر ئاز بىسىپ ، ئارقىغا يانىسىز ، سىچاڭدىن شۇنداقلا چىقسىڭىز ، قاتار كەتكەن تۇڭگان كاۋاپچىلارنىڭ ئارىسىدىكى قارىماتاق ئۇيغۇر كاۋاپچىنىڭ قولدا پىششىقلاپ ئىشلىگەن كالا ئۈچەي كاۋىپىنىڭ مىزىلىك پۇرىغى سىزنى توختاشقا مەجبۇر قىلىدۇ . قىستىلىشىپ تالىشىپ تۇرۇپ 5 زىقىنى كۆزىڭىزنى يۇمۇپ تۇرۇپلا سىرىۋىتىسىز . كاۋاپتاننىڭ ئالدىدىكى تاغدىن باغدىن قىلىنغان دېھقانچە پاراڭلارغا قۇلاق سىلىپ ئولتۇرماقچى بولسىڭىز ، يەنە 10 زىقنى يەۋەتىشىڭىزدە گەپ يوق . كىيىنكى نازۇ - نىمەتلەرگە ئالدىراپ ، كۆزىڭىز قىيمىغان ھالدا توپتىن سۇغۇرۇلۇپ چىقىسىزدە دوقمۇشقا قاراپ ماڭىسىز . ئەنە سىزنى دوقمۇشتا گۈپۈلدەپ پۇراپ تۇرغان تاۋۇز-قوغۇن ساقلاپ تۇرىدۇ . ئۈستەل ئەمەس ، پاكار جوزىغىلا تىلىپ قويۇلغان تاۋۇز-قوغۇننىڭ يوغاللىغىدىن ئاغزىڭىزغا پاتمايلا قالىدۇ . گەپ قىلمايلا زوڭزىيىپ ئولتۇرۇپ ، مىڭ تەسلىكتە 2 تىلىمنى يەپ 2سوم پۇلنى بىرىپلا قوپۇپ كېتىسىز . بۇ مەزمۇنلار پۈتۈنلەي مىسرنىم مۇنبىرىدىن كۆچۈرۈلگەن @4 d+ J: q( L, O  K) Tشۇنىڭ بىلەن قوساقمۇ خېلى ئەستەرلىنىپ قالىدۇ . ئەمدىلىكتە ئادەم دىڭىزى ئىچىدە نىشانىڭىزنى توغۇرلاپ ، مال بازىرى ، گەزمال بازىرى ، كىيىم كىچەك بازىرى ، دېھقانچىلىق سايمانلىرى بازىرىنى ئايلىنىشقا باشلايسىز . بۇ مەزمۇنلار پۈتۈنلەي مىسرنىم مۇنبىرىدىن كۆچۈرۈلگەن @& T' R* ?# K8 G مال بازىرىدىكى دەللاللارنىڭ ۋاقىراشلىرى ، چارۋىلارنىڭ ئالا-تاغىل ئاۋازلىرى ، ئادەملەرنىڭ مەخسەتسىزلا ئۇيان - بۇيان پىقىراشلىرى ، سىزنى ھەقىقى سەھرا تۇيغۇسىغا باشلايدۇ . بىرەر كالا ياكى قوينىڭ سودىسىغا ياندىن قاتنىشىپ سودىنىڭ باش-ئاخىرىنى تۈگەتكۈچە ، سىز كىتاپتىن ئۈگەنگەن نەزەرىيىۋى سودا بىلىملىرىڭىزنىڭ ، سەھرا بازىرىدىكى ئەمىلىي سودا جەريانىنىڭ قولىغا سۇ قۇيۇپ بىرەلمەيدىغىنىغا قايىل بولىسىز . بۇ مەزمۇنلار پۈتۈنلەي مىسرنىم مۇنبىرىدىن كۆچۈرۈلگەن @* g) T& w0 u* N* g0 ?+ \' @2 z/ oكىيىم-كىچەك ، ئۇششاق-چۈششەك بويۇملار بازىرىغا كىرگەندە ئانچە-مۇنچە سودىلىقمۇ قىلىپ قويىسىز . دىھقان يايمىچىلار سىزدىن ئانچىمۇ بەك باھا تالىشىپمۇ كەتمەيدۇ ، بىر نەچچە يۇەنلىك سودىنى قىلغۇچە سىزگە بىر پاتمان گەپلەرنى قىلىپ بىرىدۇ . بۇ بازاردا چوكان سودىگەرلەر بەكلا كۆپ . مۇئامىلىسىنىڭ قىزغىنلىغى ، گەپلىرىنىڭ قىززىقلىغىدىن ماللىرىنى ئالماي قۇتۇلالمايسىز . چاقچاقلىرىغا پاس چىقارغاچ ، ئاھۇ-زارى ۋە خوشاللىقلىرىنىمۇ ئاڭلاشقا ئۈلگۈرىسىز . نىمە دەيدۇ دىسىڭىز شۇ  ، ئەتتىگەندە بازارغا چىقىشقا ئالدىراپ ، كالىنى ساغمايلا موزاينى قويۇپ بىرىپ ، ئۆينىڭ ئارقىسىغىلا ئارقانداپ قويغانلىغىنى ، كىچىك ئوغلىنىڭ ھارۋىنى ئىتتىرىپ بىرىشكە ئۇنىماي ، دادىسىنىڭ موتۇسىغا مىنگىشىپ ئىتىزغا كەتكەنلىگىنى ، چۇشكىچە سودا قىلغان پۇلىغا چوڭ قىزىنىڭ تويلىقىغا يوتقان تاش ئالىدىغانلىغىنى .... ئىش قىلىپ ھاغۇچە گەپلەرنى قولىدا بىر ئىشلارنى قىلغاچ بىشىنى كۆتۈرمەي سۆزلەپلا كېتىدۇ ، ئاستا سۇغۇرۇلۇپ يىنىدىن تۇيدۇرماي كەتكەن چىغىڭىزدا ئۇ گەپلەرنىڭ ئاخىرى قايناق بازارنىڭ دولقۇنلىرىغا سىڭىپ كەتكەن بولىدۇ .   بۇ مەزمۇنلار پۈتۈنلەي مىسرنىم مۇنبىرىدىن كۆچۈرۈلگەن @: U+ S: k+ |; r4 d$ lبۇ بازاردا توخۇ سۇتىدىن باشقا ھەممە نەرسىنىڭ سودىسى بولىدۇ ، ھەر 10 نەچچە مېتىر ئارلىقتا بىر خىل بازار ، قازاق يولداشلار توپلاشقان تىرە-يۇڭ بازىرى ، ئىگە توقۇم بازىرى . ھەر كىم ئۆز تىلىدا سۆزلەيدۇ ، شۇنداق راۋان چۈشۈنىشلىك سودا قىلىشىدۇ . تۇڭگانلارنى مەركەز قىلغان بىر خىل ئەندىشە تۈسىنى ئالغان قىممەت باھالىق دورىلىق بويۇملار قاراڭغۇ بازىرى ، خەنزۇ يولداشلار قايناپ كەتكەن توخۇ ، غاز چۇجە ، سەي-كۆكتات چاشقان ، چىۋىن دورا بازىرى . ئىشقىلىپ چاققانراق بولمىسىڭىز ئايلىنىپ بولالمايسىز بۇ خىزىرنىڭ كۆزى چۈشكەن بازارنى . قولىڭىزدىكى سودىلىقلارنى ماشىنىغا تاشلاپ قويماقچى بولسىڭىز ، ماشىنىنىڭ يىنىغا بىرىش ئىمكانىيىتى ئاساسەن يوق . ئەتراپىغا باغلىۋەتكەن ئات-ئىشەك ، قالايمىقان توختۇتۇپ قويۇلغان موتۇسىكلىت ، بىر ئاماللارنى قىلىپ قولىڭىزدىكى نەرسىلەرنى ماشىنىغا تاشلاپ ، ماشىنىڭىزنىڭ جىجىلىپ كىتىشىدىن ئەنسىرەپ ئارقىڭىزغا قاراپ-قاراپ كىتىپ قالىسىز. شۇ تەرىقىدە ئالاھىزەل 2-3 سائەتچە ۋاقىتمۇ ئۆتۈپ كىتىدۇ . ئۇف... دەپ ھىرىپ تۇرغىنىڭىزدا كۆزىڭىز ئۇدۇلدىكى  داڭلىق لەغمەنخانىغا چۈشىدۇ . چۈشكە يىقىنلاپ قالغاندا داڭلىق ئاشپۇزۇللار ئەتراپتىكى كەنت-قىشلاقلاردىن كەلگەن دېھقانلار بىلەن توشۇپ كىتىدۇ . سىزمۇ ئاشۇ بۆرىدەك يۇپۇرۇلۇپ تۇرغان توپ ئىچىدە قىستىلىشىپ تۇرۇپ لەغمەنگە ئۆچىرەت ساقلايسىز . قولىقىڭىز باش-ئايىغى يوق ۋاراڭ چۇرۇڭدا ، كۆزىڭىز بىكار بولۇش ئالدىدا تۇرغا بىرەر ئورۇندا . ئادەتتە بازار كۈنلىرىدىكى كىيىنىشلىرىم دىھقانلاردىن قىلىشمايدۇ ، چاچ-ساقالغىمۇ ئانچىمۇ بەك قاراپ كەتمەيمەن . مەخسىدىم ئەشۇ سەھرا بازىرىغا پۈتۈن زىرە-زەۋەنلىرىگىچە سىڭىپ كىتىش . مۇشۇ تۇرقۇمدا ھىچكىم ماڭا شەلىكلەرگە ھومايغاندەك ھومايمايدۇ ، چاققانلىق قىلىپ بىر ئورۇنغا چۆكىمەن .جايىڭىزنى تىپىپ ئولتۇرۇپ چاي چۆگۈننى ئالىمەن دەپ ئورنىڭىزدىن كۆتۈرۈلگەندە ، سەللا دىققەت قىلمىسىڭىز ، ئاستىڭىزدىكى  ئورۇندۇق ئاللا بىر ياقلارغا كىتىپ قالىدۇ . گۈپۈلدەپ پۇراپ تۇرغان ، سەھرانىڭ يەرلىك كۆكتاتلىرىدا قىلىنغان لەغمەننى بەزىدە پارتىزانلارچە يۆتكۈلۈپ تۇرۇپ يىيىشكىمۇ مەجبۇر بولىسىز تېخى . شۇنىڭ بىلەن قورسىقىڭىزمۇ چىڭڭىدە تويۇپ سىزدىن ئۇ دۇنيا-بۇ دۇنيا رازى بوپ كېتىدۇ . ئاران 12سومنى تۆلەپ ئاشپۇزۇلدىن كىرىلىپ چىقىپ كىتىسىز . بازارنىمۇ ئايلىنىپ بولدۇم ، قورسىغىممۇ تويدى ، ئەمدى قانداق قىلىش كىرەك ؟ بىر ئولتۇرۇدىغان ئىشنى قىلاي ئەمدى .... تېلفۇنۇمنى قولۇمغا ئىلىپ بازارنىڭ ئاۋات يول بويىدىكى ساتىراچخانا ، ماشىنىچىخانا ، پەردىخانا ، تېلفۇن پۇلى تۆلەيدىغان دۇككانلارنىڭ ئالدىدىن ئاستا قەدەم بىلەن ئۆتىمەن ، قايسى دۇككاننىڭ ئالدىدا WIFI سېگنالى بايقالسا ، شۇ يەردىكى پەلەمپەيدە ئولتۇرۇپلاۋالىمەن . دۇككاندار قىزغا ئۇنى-بۇنى دەپ چاقچاق قىلىپ WIFI مەخپى نۇمۇرىنى سوراپ ، بازاردىكى ئۆتكەن-كەچكەننى كۆرگەچ تېلفۇنۇمدىكى دىتاللارنى يىڭىلايمەن ، ساقلاپ قويغان ناخشىلارنى چۈشۈرىمەن . بەزىدە دۇككاندار قىزلار ئورۇندۇقمۇ ئەچىقىپ بىرىدۇدە يىنىمدا ئولتۇرۇپ تېلفۇنۇمدىكى ياخشى ناخشا ، ئىسىل مەزمۇنلارنى كۆچۈرۈشكە باشلايدۇ ، كۆزۈم سەھرا بازىرىنىڭ قايناق مەنزىرىسىدە ، قۇلىغىم قىزچاقنىڭ چاڭىلداپ تۇرۇپ قىلىۋاتقان بىغۇبار سۆزلىرىدە ، قولۇم ئىلغار پەن-تېخنىكىنىڭ مەھسۇلىدا بولۇپ ، ئەنئەنىلىك بىلەن زامانىۋىلىقنى ۋۇجۇدۇمدا بىرلەشتۈرۈپ ۋاقىتنىڭ قانداق ئۆتكىنىنى بىلمەيلا قالىمەن .ئولتۇرۇۋىرىپ گەجگەم قاتلاندىلا ئورنۇمدىن تۇرۇپ ، قىزچاققا چىن رەھمىتىمنى بىلدۈرۈپ ، قايتىشقا تەييارلىنىمەن . ئۇيغۇرنىڭ پۈتكۈل كارتىنىسى مۇجەسسەملەنگەن ئانا سەھرا بازىرىدىن كۆزۈم قىيمىغان ھالەتتە ئايرىلىمەن . بۇ مەزمۇنلار پۈتۈنلەي مىسرنىم مۇنبىرىدىن كۆچۈرۈلگەن @1 \3 |+ o8 V" cمۇشۇنداق شارائىتتا ياشاۋاتقىنىمغا ئالاھىزەل 15 يىل بولدى . دىمەك مىنىڭ ۋۇجۇدۇمغا سىڭگەن سەھرا بازىرى مىنىڭ ھايات مۇساپەمگە ئىزچىل ھەمرا بولۇپ كىلىۋاتىدۇ . مەن سەھرانى سۆيىمەن ، بازىرىنى ئايلىنىپ تويمايمەن ، مەڭگۈ سىنى ئۆزەمگە جۈر قىلىش ئۈچۈن سەندىن سودا پۇرسىتى ئىزدەيمەن . بۇ مەزمۇنلار پۈتۈنلەي مىسرنىم مۇنبىرىدىن كۆچۈرۈلگەن @2 K- v" I( |2 l0 @% uخەير ئانا سەھرا ..... خەير دۆڭمازار بازىرى .... بۇ مەزمۇنلار پۈتۈنلەي مىسرنىم مۇنبىرىدىن كۆچۈرۈلگەن @- |0 @$ M; ?" c5 A0 F2 \

gullpar

	مەنمۇ  دۆڭمازارلىق .خوشنىكەنمىز

gullpar

	ياخشى  ئىپادىلەپسىىز

mahatjan

	مىنىڭ ھىس قىلىشىمچە سەھرانىڭ ئادەمنى ئۆزىگە جەلىپ قىلىدىغان ئالاھدىلىكى سەھرادىكى كىشىلەرنىڭ سەمىمىلىكىدۇر.

zulnuri

	يەنە بىر بارغاندەك تەسىراتقا كېلىپ قالدىم جۇمۇ ، بۇ مەزمۇنلار پۈتۈنلەي مىسرنىم مۇنبىرىدىن كۆچۈرۈلگەن @; ^/ o; }3 I8 \0 {5 t3 `ھەقىقەتەن ئۆزگىچە بىر بازار -ھە! شۇ بازارغا تۇتاشقان ،ئۈچ كۆۋرۇك يەنى «ئاچال» نىڭ  دەريا مەنزىرىسىنىمۇ قوشۇپ يېزىۋەتسىڭىزچۇ . ئىككى يىل بوپتۇ بارمىغىلى ،ئەجەپ گۈزەل مەنزىرىلىك جاي ئىكەندۇق .

abdulmannan

	yahxe taswirlapsez ....tirixing

yamghur.

	بەك ئېسىل زىمىن جۇمۇ بۇ، رەھمەت سىزگە بۇ ئانا سەھرانى ئۈيدە ئولتۇرۇپلا بىر ئايلىنىپ چىقىپتىمەن. دىلىممۇ يايراپلا كەتتى، مەمتىمىن ھوشۇر ئاكىنىڭ سالچىلار رومانىدا دۆڭمازارنىڭ مازارلىقى توغرىسىدا تونۇشتۇرۇشمۇ بار، ھەقىقەتەن كىشىلىرى تۇرمۇشقا قىزغىن كىشلەر،تۇڭگانلارنىڭ قىلغان ئارلاشما ئۇيغۇرچە گەپلىرىنى ئاڭلاپ قويسىڭىزمۇ كۈلكە قىستايدۇ،بىر ئۆزگىچە تەم بار زىمىن بۇ

xahanime

	يىزىلارنىڭ ھاۋاسى بەكمۇ ساپ

xatuti

	تەسۋىرلىرىڭىزدىن شۇ بازارنىڭ ئۆزىنى ئۆزۈم ئايلانغاندەكلا ھىسسىياتتا بولدۇم...ئۆپكە ھېسىپ،ئۈچەي كاۋىپى،لەغمەننى تازا ئىشتىھا بىلەن يەپتىمەن......خىيالدىن ئويغانسام يەنە شۇ كومپىيوتېر ئالدىدا ئولتۇرىمەن،قوساقلىرىممۇ ئېچىپتۇ بۇ مەزمۇنلار پۈتۈنلەي مىسرنىم مۇنبىرىدىن كۆچۈرۈلگەن @( t; J% M, [6 J0 O' A3 d% ^- Kبۈگۈن خوتەننىڭ چوڭ جامەنىڭ ئالدى قىزىيدۇ،بېرىپ كەلمسەم خەپ بۇ مەزمۇنلار پۈتۈنلەي مىسرنىم مۇنبىرىدىن كۆچۈرۈلگەن @' ~, Y. _0 Q* l" Q4 J1 z7 X; P

sidam

	ئاپىرىن  ياخشى تەسۋىرلەپسىز