مەن ھايات

قايناق

	مەن ھايات بوران-چاپقۇن شاۋقۇن-سۈرەنلەر، توپا ياغدى كۆمۈلدى ئىزىم. بەلكىم خەقلەر نەزىرى ساقىت، لېكىن مەندە شۇ غېرىپ سېزىم. يات بىلىندىم دۇنياغا ئەلگە، ياكى غۇۋا بەزىگە بەلكىم. تونالمىدىم ھەتتا ئۆزۈمنى، سوراپ كەلدىم ئۆزۈمدىن،مەن كىم. ئۇرۇلماقتا قەلىبلەر يەرگە، نادامەتتە ئۆتمەكتە بۇ كۈن. تۇراقسىزدۇر ھاۋا-رايىمۇ، بىرىدە ئىللىق بىرىدە سۆرۈن. قۇياشمۇ ھەم نۇرى سۇنغاندەك، زېرىكتىمۇ مېھرى چېچىشتىن. مەن ئىزدىنەي غەملەر باسسىمۇ، ساقلا ئىگەم  نامسىز كېتىشتىن. تىرىشتىم كۆپ،ئېرىشمىسەممۇ، ھامان بىر كۈن ئېرىشەرمەن دەپ. مېنىڭمۇ بار رىزقىم بىر يەردە، ئارزۇ باشقا تەقدىر باشقا گەپ. دەمدە غېرىب ئۇرسىمۇ مېنى، ئارمانلىرىم مەندىن كەچمىدى. مەن ھايات مەن،پارلايمەن تېخى، چۈنكى مېنىڭ نۇرۇم ئۆچمىدى. كەۋسەر ئابدۈشكۈر قايناق

m@jnun

	ياخشى    يېزىپسىز.

mahatjan

	تۇغۇلدۇم ۋە لىكىن ئۆلۈپ كىتىمەن، ئۆلۈمنى ئويلىسام ئۆڭۈپ كىتىمەن.   لەشكىرىڭ لەكمىڭ بولسىمۇ ئۆلۈم،   تەپەككۇر ئوقىدا ھامان يېڭىپ كىتىمەن.

sidam

	دەمدە غېرىب ئۇرسىمۇ مىنى، ئارزۇلاردىن ۋازكەچمەس ۋىجدان. دىلدا دۈشمەن لەكمىڭ بولسىمۇ، زەررە ۋىجدان يېڭىدۇ ھامان

قايناق

	sidam يوللىغان ۋاقتى  2014-9-18 11:19 AM دەمدە غېرىب ئۇرسىمۇ مىنى، ئارزۇلاردىن ۋازكەچمەس ۋىجدا ... بەك ياخشى ئۆزگەرتىپسىز

قايناق

	mahatjan يوللىغان ۋاقتى  2014-9-18 10:28 AM تۇغۇلدۇم ۋە لىكىن ئۆلۈپ كىتىمەن، ئۆلۈمنى ئويلىسام ئۆڭ ... ماڭا بەك ياختى

kungun

	ئۈمۈد تۇلپارىغا مىنىپ سەھەردە، نۇرلۇق ھاياتقا يۈرۈپ كېتىمەن. جۇت-بوران چىقسىمۇ كۈندە ئەگەردە، ياخشى نام قالدۇرۇپ ئۆلۈپ كېتىمەن.

sidam

	قايناق يوللىغان ۋاقتى  2014-9-18 11:36 AM بەك ياخشى ئۆزگەرتىپسىز مەن ئۆزگەرتىشنى نىيەت قىلمىغان   پەقەت مەخەتجان مۇئەللىمگە  ئەگىشىپ  يېزىپ قالدىم   ئىلھامىمنى تۇتۇپ

قايناق

	sidam يوللىغان ۋاقتى  2014-9-18 12:15 PM مەن ئۆزگەرتىشنى نىيەت قىلمىغان   پەقەت مەخەتجان مۇئەل ... ئەمىسە شېئىرىم ئىلھامىڭلارنى ئويغۇتۇپتۇدە ھى ھى

ayguzal1

	ياخشى يېزىپسىز، شېئىرىي تىلغا يەنىمۇ كۈچەپ بېرىڭ......