ئاپتورلۇق ھوقۇقىنى قوغداش چاقىرىقى

xahla91

	ئاپتورلۇق ھوقۇقىنى قوغداش چاقىرىقى ئاتالمىش سالونلارنىڭ كۆچۈرمىكەشلىكىگە، ئاپتورنىڭ ھوقۇقىغا بولغان دەخىل-تەرۇزىگە چىداپ تۇرغىلى بولماس،  شۇنىڭ ئۈچۈن ھەر دائىم مۇشۇنداق مەنبەسى، ئاپتورى ئەسكەرتىلمىگەن يازمىلارنى كۆرگەندە بارمىقىڭىز ئاپتۇماتىك ھالدا ئوڭ بۇرجەكتىكى خەنزۇچە (پاش قىلىش) دىگەن خەتنى بېسىۋىتىپ قالسۇن، ھەم مەن قالدۇرغا ئىۋۇ بىر نەچچە چاسا خەتنى چاپلىۋىتىشنى ئۇنۇتماڭ!!! ئەگەر ئەسەر ھوقۇقى، ئەقلىي مۈلۈك دىگەنلەرنىڭ بىز ئۈچۈن ئانچە مۇنچە پايدىلىق نەرسە دەپ قارسىڭىز، قېنى بىر مىنۇت ۋاقتىڭىزنى چىقىرىپ پاش قىلىش مەشغۇلاتى قېلىپ قويۇڭ! قىسقىچە چۈشەندۈرۈش: مىسرانىم مۇنبىرىدىكى ھۆكۈمىران ئەپەندى يوللاۋاتقان ئەھمەد ۋاھىدى ئاپتورلىقىدىكى«ئامېرىكىغا سەپەر» ماۋزولۇق تېما ھېچقانداق رۇخسەت-تەكەللۇپسىز مەلۇم بىر سالۇندا تارقىلىپ يۈرۈپتۇ، مۇنبەرداشلارنىڭ ئۇچىرىغان ھامان پاش قېلىشىپ بېرىشىنى، پاش قىلىش مەشغۇلاتى قىلىش ئارقىلىق ئاپتۇر ھوقۇقىنى قوغداشقا چاقىرىق قىلىمىز،! پاش قېلىش سەۋەبى: 著作权受侵犯 گەرچە قارىماققا بۇ ئاددى بىر ئىشتەك، بىز چىدىماسلىق قىلىۋاتقاندەك كۆرىنىمىز، نۇرغۇن ئادەم، (- نىمە بوپتۇ، ياخشى نەرسە پىنھان قالمىسۇن دىگەندۇ.) دىيىشى مۇمكىن. بىراق بۇ ئۇنچە ئاددىي ئىش ئەمەس، سىز بىر ئەسەرنى نۇرغۇن زېھنى كۈچىڭىزنى سەرىپ قېلىپ تەييارلىسىڭىز، ئىجاد قىلسىڭىز، نەتىجىدە قىلغان ئەمگىكىڭىز ئانىسىنى تۇنىمايدىغان ئەقىلسىز بالىدەك كوچا كويلاردا لاغايلاپ يۈرسە، سىز يا ئۇنى مېنىڭ دىيەلمىسىڭىز، سىناپ بېقىڭە قانداق ھېسياتتا بولىدىكەنسىزكىن!!! ئاشۇ ياخشى ئەسەرنى پىنھان قالمىسۇن دىگۈچىلەر، نىمە ئۈچۈن ياخشى نەرسىنى ئاپىرىدە قىلغان ياخشىنى نەزەردىن ساقىت قىلىدۇ؟

hokumran

	ئەھمەد ۋاھىدى ئاكىمىز يازغان ‹‹ئامېرىكىغا سەپەر›› ناملىق زىيارەت خاتىرىسىنىڭ تۇنجى بابىنى يوللىغان چېغىمدىلا قىسقىچە ئەسكەرتىش بېرىپ، بۇ ساياھەت خاتىرىسىنىڭ كىتاب بولۇپ نەشىردىن چىقىدىغانلىقى، ھەر قانداق بىر كىشىنىڭ كۆچۈرۈپ تارقىتىشىغا قەتئى رۇخسەت قىلىنمايدىغانلىقى ھەققىدە ئېيتىپ ئۆتكەن ئىدىم.   ساياھەتنامىنىڭ 5- بابىنى يوللاپ نەچچە كۈندىن كېيىنلا ئاپتوردىن ۋە ئاپتورنىڭ ئائىلىسىدىكىلەردىن ئۇچۇر تاپشۇرۇپ ئالدىم. بۇ ئەسەرنىڭ بۇرۇن يوللانغان قىسىملىرى قايسى بىر ئۈندىدار سالۇنىدا تارقىلىپ يۈرۈپتۇ. ئۇ يۈزى قېلىن سالۇنچى ئەسەرنىڭ ئاپتورى، كۆچۈرۈپ ئېلىنغان تور بېكەت ھەققىدە قىلچە ئەسكەرتىش بەرمەيلا قالماستىن يەنە تېخى (داۋامىنى داۋاملىق ھوزۇرۇڭلارغا سۇنىمىز.) دەپ يازما ئاخىرىغا سۆز قالدۇرۇپتۇ. بىز ئۇ ئۇندىدار سالۇنىنىڭ ئىسمىنى بىلەلمىگەچ ( بىرەيلەن شۇ ئەسەرنىڭ ئۇندىداردىكى ھالىتىنى رەسىم شەكلىدە كىيۇكىيۇ دا ئەۋەتىپتىكەن، لېكىن سالۇننىڭ ئىسمى بار يەرنى چىقارماپتۇ. كېيىن قايتا-قايتا ئۇچۇر ئەۋەتىپ شۇ سالۇننىڭ ئىسمىنى ئېيتىپ بېرىشنى ئۈتۈنسەممۇ جاۋاب قايتۇرمىدى) ئامال قىلالمىدۇق. شۇنىڭ بىلەن ئاپتور ۋە ئۇنىڭ ئائىلىسىدىكىلەر بىلەن مەسلىھەتلىشىپ ئەسەرنىڭ داۋامىنى بەرمەسلىك قارارىغا كەلگەن ئىدۇق.    كېيىن دۆلىتىمىز ئىچى-ۋە سىرتىدىكى تورداشلارنىڭ كۈچلۈك تەلىپىگە ئاساسەن، تورداشلارنىڭ ھوزۇرلىنىشى ئۈچۈن داۋامىنى مۇنبەردە داۋاملىق بېرىۋاتىمىز. بۇ ئەسەر ئەھمەد ۋاھىدى ئاكىمىز تەرىپىدىن يېزىلىپ، چەتئەلدىكى قېرىنداشلىرىمىز تەرىپىدىن تۈزۈتۈلگەندىن كېيىن، مېنىڭ  كومپىيوتېردا بېسىپ تەھرىرلىشىم بىلەن مۇنبەرگە يوللىنىۋاتىدۇ. بۇنىڭ ئۈچۈن نۇرغۇن زېھنىمىز، ۋاقتىمىز سەرپ بولۇۋاتىدۇ. ئۈندىدار سالۇن قۇرغۇچىلىرىغا ئەسكەرتىپ قويىدىغىنىم:    بۇ ئەسەرنى شۇنداقلا بارلىق ئاپتورلارنىڭ قىممەتلىك ئەجىر-مېھنىتى بىلەن پۈتكەن ئەسەرلىرىنى سالۇنىڭىزغا قالايمىقان كۆچۈرمەڭ! كۆچۈرسىڭىزمۇ ئاپتورنىڭ رۇخسىتىنى ئېلىشنى ئۇنتۇپ قالماڭ! باشقىلارنىڭ ئاپتورلۇق ھوقۇقىغا دەخلى-تەرۇز قىلىشنى يەنىلا توختاتمىسىڭىز سىزنى كۆتۈۋالىدىغىنى قانۇننىڭ جازاسى بولىدۇ.   شۇڭا بارلىق ئاپتورلارىن ئۆزىنىڭ ئاپتورلۇق ھوقۇقىنى قوغداشنى بىلىشىنى، ئۇندىدار سالۇن قۇرغۇچىلىرىنىڭمۇ ئاپتورنىڭ رۇخسىتىنى ئالغاندىن كېيىن ئەسەرلەرنى كۆچۈرۈپ تارقىتىشىنى، كېيىنكى كۈتۈلمىگەن ئاۋارىچىلىقلاردىن ساقلىنىشىنى سەمىمىي ئۈمىد قىلىمەن.

yamghur.

	ئەسسالامۇ ئەلەيكۇم شەھلا   راسىت، دائىملا ئاپتورنىڭ نامى ئۆچۈرۈلۈپ يوللىنىدۇ، بۇ بىر ئەخلاقسىزلىق، كىشىنىڭ بېغىنىڭ مىۋىسىنى يىگەندە ئاۋۋال سورايمىز ئاندىن يەپ بولۇپ ياكى قولىمىزغا ئېلىپ رەھمەت ئېيتىمىز، سورىماي (رەھمەتقۇ ئېيتمىسۇن بولدى)ئالغان نەرسە ئوغۇرلۇققا كىرىدۇ، بىر ئوبدان سالوننى قۇرۇپ ،«ئوغۇرلۇق»قىلىپ ،كۈن ئالماق نومۇسلۇق ئىش. ئاپتورلرىمىزنىڭ قەلىمى ھارمىسۇن، يالتايمىسۇن، بەلكىم بەزىلىرى يۇقىردىكى توردىشىمىز دىگەندەك نەشىرگە سۇنغان ياكى سۇنۇش ئالدىدا تۇرغان ئەسەرلەر بولىشىمۇ مۇمكىن، ھەممىلا كىشى كۆرۈپ بولسا ئۇنى نەشىر قىلىشنىڭ ئەھمىيتى قالامدۇ؟ ئاپتورلىرىمىزنى مۇمكىن بولسا رىغبەتلەندۈرەيلى............

ehrami

	قوللايمەن

axek13999649893

	مەن مۇ  قوللايمەن

hokumran

	تورداشلاردىن ‹‹ئامېرىكىغا سەپەر›› ناملىق ئەسەرنى تارقىتىۋاتقان ئۈندىدار سالۇنىنى كۆرگۈچىلەر بولسا، شۇ سالۇننىڭ ئىسمىنى قىسقا ئۇچۇر ياكى ئىنكاس ئارقىلىق ماڭا يەتكۈزۈپ بېرىشىنى سەمىمىي ئۈمىد قىلىمەن. شۇنداقلا سەمىمىي رەخمىتىمنى بىلدۈرىمەن.

anatil0011

	hokumran يوللىغان ۋاقتى  2014-9-16 11:01 PM تورداشلاردىن ‹‹ئامېرىكىغا سەپەر›› ناملىق ئەسەرنى تار ... نېمە دىگەن نۇمۇسسىزلىق بۇ؟

rohlanbiz

	hokumran يوللىغان ۋاقتى  2014-9-16 10:21 PM ئەھمەد ۋاھىدى ئاكىمىز يازغان ‹‹ئامېرىكىغا سەپەر›› ن ... بەك ياخشى گەپ بولۇنۇپتۇ، بۇنى تولۇق قوللايمەن، ھازىر بىزدە شۇنچىلىك يۈزى قېلىن سالونچىلىرىمىز باركى: ئۇچۇر قىلىپ ئەسكەرتسە كۆچۈرسەم قانداق قىلىسەن؟ ئەمىسە يوللىمىساڭ بولمامدۇ؟ دېيىشتىنمۇ يانمايدۇ، قايسى مۇنبەر، قايسى سالوندىكى تېما كۆپ كۆرۈلگەن بولسا شۇ ھامانلا ئۇنى ئەينەن كۆچۈرۈپ، مەنبە ھەتتا ئاپتۇرنىمۇ ئەسكەرتمەي خەقنىڭ بالىسىغا ئاتا بولۇپ يوللايدىغانلارنى بەك كۆپ ئۇچراتتىم. مەنمۇ بىر تور بېكەت قۇرغۇچىسى ۋە سالون ئېگىسى بولۇش سۈپىتىم بىىلەن مۇشۇنداق سالونچى ۋە مۇنبەرچىلەرگە ئۇيغۇر تورچىلىقىدا باشقىنى قىلالمىساقمۇ باشقىلارنىڭ ئەمگىكىنى قەدىرلەيدىغان، ئەڭ ئەقەللى بولغان ئەخلاقى قاراشنى شەكىللەندۈرۈشىنى ئېيتىپ قويغۇم بار. پات ئارىدا ئاشۇنداق نۇمۇسسىز، يۈزى قېلىن سالونلارنى روھلان، مىسرانىم قاتارلىقلاردا ئاشكارىلىۋېتىشنى ئويلىغان ئىدىم، بولسا بۇنى مىسرانىم باش بولۇپ تەنقىدلەش ئېلىپ بارسا ياخشى بولاتتى.

باھادىر

	ياخشى نەرسە مەخپى قالمىغۇلۇق. ياخشى يېزىلغان بىر پارچە ئەسەر، تارقىلىش دائىرىسىنىڭ كەڭرىلىكى، ئوقۇرمەنلىرىنىڭ كۆپلىكى بىلەنلا تېخىمۇ جۇلالىنىپ نۇر چاچىدۇ، لىكىن ھەر ئىش قىلىشنىڭ ئۆزىگە چۈشلۇق يولى بولىدۇ، ئەسەرلەرنى سالونغا كۆچۈرۈپ تارقىتىشنى ئويلىغانكەنمىز، ئالدى بىلەن ئاپتورنىڭ رۇخسىتىنى ئېلىشىمىز، ئاندىن سالونغا ئاپتۇر، تور بىكەن ھەققىدە ئىزاھ بېرىشىمىز لازىم.

alenur

	باھادىر يوللىغان ۋاقتى  2014-9-16 11:21 PM ياخشى نەرسە مەخپى قالمىغۇلۇق. ياخشى يېزىلغان بىر پارچە ... ۋاي بامۇ سلى ھاياتكانلا ھە