يىغلايمەن ( غەزەل )

KUMALTAGH

	يىغلايمەن ئەمەتجان زۇنۇن ئارتۇچ ۋىسال ئارمانلىرىم قىيناپ پىغان -ھەسرەتتە يىغلايمەن ، مۇھەببەت دەشتىدە سەرسان يۈرەك قان - لەختە يىغلايمەن . ئىزىم كۈلگەيمۇ شات ئەيلەپ رەقىب قەستىنى مات ئەيلەپ ، كېچە - كۈندۈز تىلەپ نۇسرەت ئۈمىت - غەيرەتتە يىغلايمەن . نادان يايرىمغا توۋا دەپ پۇشايمانلىق ھالۇ - قىسمەت ، شەرەت قىلسام ئەجەپ بىلمەس پىغان - ھەسرەتتە يىغلايمەن . ھاياتىم  شاتلىغى دەيتتىم  جېنىمنىڭ تاتلىغى دەيتتىم ، بۈگۈن شەيتان بولۇپ كۈلسە راھەت ، غەپلەتتە يىغلايمەن . ھوزۇرۇمدا قىلىپ سەيلى ئۆزىنى كۆرسىتىپ لەيلى ، چاھار باغلار كېزىپ يۈرسە ئۆزۈم بىر چەتتە يىغلايمەن . ئېلىپ سىرىمنى ھەر جايدا مېنى قويدىغۇ غەم ،داغدا ، ئۇلۇغ مەنزىللرىم كۆزلەپ سەپەر - ھىجرەتتە يىغلايمەن . ئېگەم سالغان ئاشىقلىقنى تاپالماي بەختى شاتلىقنى ، كۆيۈپ قاخشال ئوتۇن بولدۇم روھىم ۋەسۋەستە يىغلايمەن . مەنبە ؛ ئىجادىيتىم .

دېڭىز.

	بارىكاللاھ،ناھايتى ياخشى يېزىپسىز…ئ‍ۈمىدۋار ياشاڭ…قەلىمىڭىز                    ھېرىپ قالمىغاي،

umidwar.

	بۇ غەزىلىڭىز شۇنداق رىتىملىق ياخشى چىقىپتۇ، پەقەت بىر مىسراسى ۋەزىن چاققاندەك تۇرىدۇ، قايتا قاراپ باققان بولسىڭىز....نادان يايرىمغا توۋا دەپ، پۇشايمانلىق ھالۇ قىسمەتتە ...ئوقۇغاندا بىر بوغۇم ئارتۇقتەك بىلىنىدىكەن ....

umidwar.

	مەقسەت قۇسۇر تېپىش ئەمەس، تەكلىپ پىكىر بېرىپ قويدۇم ..توغرا چۈشەنگەيسىز.

umidwar.

	نادان يارغا ئېسىت ئەيلەپ، پۇشايمان ھەم نادامەتتە، شەرەت قىلسام ئەجەپ بىلمەس، پىغان - ھەسرەتتە يىغلايمەن.

umut47

	ئالامەت ھېي ئالامەت .......راسقۇ ھە باللا راسقۇ................

alenur

	قەلمىڭىز ھەققەتەن كۈچلۈككەن كەچكىچى كۆيدۈم پىشتىمنى يازماي باشقا تىملارغا ئۆتۈڭ ئەمدى

باشتۇغ

	ئىسىل غەزىلىڭىزگە مۇبارەك بولسۇن ،.

Gvlbargi0999

	ياخشى چىقىپتۇ، قەلىمىڭىز خېلى بوپ قالىدىكەن،غەيرەت!!! مۇشۇنداق ئىسىل غەزەلگە، مەدەت سۆزىنى يازغايمەن. باش بارماقلىرىمنى جۈپلەپ، ‹‹ياخشى››نى تازا تىزغايمەن!

TAXNAI2

	ئېگەم سالغان ئاشىقلىقنى تاپالماي بەختى شاتلىقنى ، كۆيۈپ قاخشال ئوتۇن بولدۇم روھىم ۋەسۋەستە يىغلايمەن . بەك ياخشى يېزىپسىز ،،،ۋەزىنلىرىمۇ جايىدا بوپتۇ....ئاپرىن سىزگە ..