چاق!.............

qaraxani

	چاق! ...     -ئەي ئادەملەر ،ئادەملەر گۇناھ ئارتساڭمۇ ئارتقىن،        ۋە لېكىن شۇ گۇناھنى تارازاڭدا بىر تارتقىن.............                                                 -ئاتىلار سۆزى قاراخان چاق پېقىرنى خۇمارىڭ، ئۆرلىگەن -تۇتقاندا چاق. چاق چايان ،مەندىن قۇسۇر،سەھۋەن ،خاتا تاپقاندا چاق. ئالدىدا ھى-ھى قىلىپ ،كەينىدە خى-خى قىلىپ، كېچە-كۈندۈز ئۇخلىماي ئۈستەلدە ياق پىنھاندا چاق. مەن پەقەت ئاپپاق كۆڭۈلنىڭ غەمگۇزار چىن دوستىمەن، ئورا كولاپ ھەر يولۇمغا تۇزۇمنى يەپ، تۇزداننى چاق. ‹‹كۆڭلى بۇزۇق ئۆزگىلەردىن ئەيىپ تاپار›› ئەزەلدىن، يوق يېرىمدىن تۈك ئۈندۈرۈپ چەندان سۇخەن زۇۋاننى چاق. ئوۋچىنىڭ بار مىلتىقى، كىيىكنىڭمۇ خۇداسى، قان يۇتۇپ ياتتىم تالاي نائەھلى يان، پايخاننى چاق. سانى نا دەپ، يىڭنە خا دەپ ،قىلنى پىلغا ئۆرىدىڭ، سۆزلىگەك ھەم جۆيلىگەك دەپ دەرگۇمان ھەرجاننى چاق. تۇرسا تۇۋرۈك،ماڭسا كۆۋرۈك بولسا ئەلگە بىر كىشى، ئاڭا سادىق مۇخلىس ،مۇرىت دەپ پەرىشان نىمجاننى چاق. سۆيگەن يەرنىڭ گىياسىنى كۈيلەپ ئۆتسە  بىر چىچەن، بۇ يىتىمنىڭ تىل تېگىدە تىلى بار دەپ يالغاننى چاق. دوپپامغا پاتقان بۇ بېشىم جاھانغا پاتماس سەن بىلەن، ‹‹تاز›› بېشىدا مىڭ خىيال دەپ باشقا چىق چوقامنى چاق. ئاق-قارا دەپ قاقشىماي، تەكشۈر ئىزىمنى زەن قويۇپ، بولسا سۆرۈن يۈز ۋەتەنگە، ئوڭ سولۇم، ئەتياننى چاق. ساڭا سالغان زادى كىمنىڭ ،قانداق خوتۇننىڭ ئەمچىكى ، ‹‹ياغلىق قاپاق ››قىلدىڭ مېنى چىق بۈيان! مەيداندا چاق. چارەك ئەسىر سۈكۈت قىلسام قالپاق ياساپ ھارمىدىڭ، ئەل قولىدا قالپىقىم بار چەيلەپ ئۇنى‹‹ رەھمان››نى چاق. نىمە قىلدىم مەن ساڭا، قىلدىڭ كېسەلگە مۇپتىلا، مېنى چاقماي يۈرەلمىسەڭ پەيشەنبە كەل سايماننى چاق. ۋادەرىخا !ئەلگە خىزمەت قىلاي دىگەن ئوغۇلدىم، بىردە ئېسىپ،بىردە بېسىپ قىلدىڭ يۈرەكنى چاكۇ-چاك. ئىت- بۆرىدىن قورقماس، يولۋاستىنمۇ ھولۇقماس، ئەزىمەتتىم !بولدۇم بۈگۈن توخۇ يۈرەك قورقۇنچاق. سىرتلاندەك خۇي بىلەن تارتىۋالدىڭ رىزقىمنى، ساڭا ئاتاڭ قانداق شۈمەك سالغاندۇ ئەي ئوغۇلچاق! كۆرسىتىمەن ئاناڭنى ھامان بىر كۈن ‹‹كۈرە››دە، بولالمايسەن ئەلگە مەلئۇن مەڭگۈلۈككە ياخشىچاق. ماڭا ۋەتەن ئاش تۇز بەرگەن سەندەك تۇزكور ئەمەسمەن، قىيامەتتە دەۋايىم بار ئاڭلاپ  قويغىن پىت پاچاق!............... 2014-يىلى 16-سىنتەبىر

aa0998

	-ئەي ئادەملەر ،ئادەملەر گۇناھ ئارتساڭمۇ ئارتقىن،        ۋە لېكىن شۇ گۇناھنى تارازاڭدا بىر تارتقىن............. مۇنۇ ماقالىنىڭ بىشىدىكى سۆزنىڭ ۋەزنى بەك چوڭقۇر ئېكەن. ماڭا چوڭقۇر تەسىر قىلدى......

kepanogrisi

	نىمىمۇ دەي ئەمدى، مۇشۇ كۈندە تىمىدە دىيىلگەندەك پىت پاچاق رەزگىلەر تولا چېلىقىدىغان بۇلۇپ قالدى. چاتاق يېرى ئۇلار بىلىملىك مەككارلاردۇر. ھەر ئىش بولسا بولسۇن شۇلارنىڭ پېقىر بىلەن ئۈلپەتداش-يولداش بولۇپ قېلىشىدىن ئاللاھ ساقلىسۇن.

ئاشقىن1

	چېقىمچىلارغا پەرۋا قىلمايمەن،ئۇلارنى ياراتمايمەن،ئۇلارغا زېھنىمنى چاچمايمەن.بېشىمنى كۆتۈرۈپ ئۆز يولۇمدا ماڭغىنىم ماڭغان!

kepanogrisi

	ئاشقىن1 يوللىغان ۋاقتى  2014-9-16 08:20 PM چېقىمچىلارغا پەرۋا قىلمايمەن،ئۇلارنى ياراتمايمەن،ئ ... ئاقىل كىشى چوقۇم ئۆز يولىدا ماڭغاچ ئۇلارنىڭ قىلمىشلىرىغىمۇ دىققەت قېلىدۇ. ئەگەر چېقىمچى پىتنىخور بىلەن كارىڭىز بولمىغاندا بەزىدە خاتا جامائەت پىكرى پەيدا بولۇپ ھەتتا سىزنى شۇ يولىڭىزدا ماڭالماس...ئارقا ئالدىڭىزغىمۇ بۇلجىيالماس قىلىپ قويىشى مۇمكىن.

m@jnun

	ۋاھ ۋاھ   ئۈزىڭىز يازدىڭىزما.....؟ بەك ئىسىل شىئېركەن.

umut47

	ھەي شۇنداق چېقىمچىلارنى كۆرسەم گازىر ئېلىپ بەرگۇم كىلىدۇ مۇشۇنى چېقىڭلار دەپ .............

tizimlitiman

	قابىلىيتىڭىز باركەن

korlaayxamsadir

	بارىكاللا !يەنە يىزىڭە!

ayqeqak0

	ناھايىتى پاساھەتلىك چىقىپتۇ. ھازىر چېقىمچى مۇناپىقلار ئەتراپىمىزدىلا،ئۇلار يېنىڭدا ھىجىيىپ يۈرگەن،يا پىشانىسىدە تامغىسى يوق.بۇلار ئادەم سۈرەتلىك چايانلاردۇر.