سەھرا سۆيگۈسى(غەزەل)

nazaratqi

	سەھرا سۆيگۈسى سۆيۈنمەس كىم ئانا يۇرتتىن دىلىدا ئىپتىخار تۇرسا، غورۇرى-پەخرى ئۇرغۇتقان تىلىكى بىغۇبار تۇرسا. سامادەك بىپايان قوينى يېشىللىقنىڭ ماكانىدۇر، نەزەر سالساڭ كۆزۈڭ يەتمەس،چىمەنلىك-لالىزار تۇرسا. يىگىت-قىز ئىشقى گۈلخاندۇر ئانايۇرتىغا باغلانغان، تېپىپ ۋىسال مۇھەببەتتىن ئەجەبكى بەختىيار تۇرسا. ئۇرار خۇش ھىد دىماقىڭغا  ئەجەپ راھەت ھاۋاسى بار، تەپەككۇر ئەيلىسەڭ جىمجىت،سېنىڭدە ئىختىيار تۇرسا. ئانىلار پەرۋىشى بىرلە يېتىلگەي قىزلىرى ئىشچان، ھايا-نومۇستا پۈتكۈزگەن بوينىدا تىلتۇمار تۇرسا. كۆڭۈل كۆكسى ئەزىم دەريا،ۋۇجۇدى بىغۇبار-ساددا، ئاتالارغا بولۇپ ھەمدەم تۈمەنلەپ ئىزباسار تۇرسا. ھاياتلىققا بېرىپ مەنبە،يىمەك-ئىچمەكنى تەل قىلغان، دالالار قوينى ئاش كانى،مېۋە ھەم پاختىزار تۇرسا. مېھىردە كۆكلىتىپ ئەرلەر سۇغارغان دەشت چۆللەرمۇ، كىرىپ تۈسكە ئاجايىپ ئۇز،يېشىللىق-جىلۋىدار تۇرسا. ياشار بۇندا قاداق قوللۇق ئاتىلار كۈندە-مېھنەتتە، تاپالمايسىز بۇ سىمانى، تەۋەررۈك-يادىكار تۇرسا. دىيەلەيدۇ قېنى كىملەر يەنە «سەھرايى-قىيامەت»، جىمى ئادەم ئۇدۇم ئىزدەپ، ئۇنىڭغا ئىنتىزار تۇرسا. مۇھەممەت بەختىدۇر سەھرا، ۋەتەن-كۆزىگە تۇتىيا، تەرىپلىمەي تۇرار قانداق،نىگارى- دىلخۇمار تۇرسا. مەنبە: ئىجادىيىتىم.

mahatjan

	گۈزەل سەھرادا دېھقانلار ھالال ئىشلەپ، ھاياتقا دان ئاتا قىغان غەمگۇزار تۇرسا.

قورغان

	سەھرانىڭ گۈزەللىكىنى ،قايناق تۇرمۇشىنى يېقىملىق شىئېرىي تىل بىلەن سۈرەتلەپسىز،  ياختۇردۇم شىئېرىڭىزنىڭ قىسمەن جايلىرىدا ۋەزىن چىقىپتۇ،  يانا بىر ئىشلەپ بېقىڭ

Gvlbargi0999

	ياخشى يېزىپسىز ئۇستاز،ھارمىغايسىز! ئىنكاس يازماي قانداق تۇرالاي، ياخشى بىر غەزەل ئالدىمدا،تۇرسا!

TAXNAI2

	سەھرانى ياخشى تەسۋىرلەپسىز ...مەنمۇ يېزامنى ئەسلەپ قالدىم.. مەن بەك يەقتۇردۇم بۇ غەزەلنى...

KUMALTAGH

	سەھراغا بېغىشلانغان تېمىلار مەڭگۈ ئۈزۈلمەيدۇ . سەھرا - كۈللى ئىنساننىڭ بۈشۈكى .

nazaratqi

	KUMALTAGH يوللىغان ۋاقتى  2014-9-13 07:41 PM سەھراغا بېغىشلانغان تېمىلار مەڭگۈ ئۈزۈلمەيدۇ . سەھرا - ... ھەقىقەتەن توغرا گەپ.