تۇز: ئار-نومۇسۇڭ ئايالىڭدىن قىممەتتۇر،ئوغلۇم!

.tuz.

	ئەسسىلامۇ ئەلەيكۇم   سۇئال : بەزى بىر سەۋەبلىك بىر يىل بۇرۇن ئايالىم بىلەن ئاجرىشىپ كەتكەن ئىدۇق . ھازىر ئۇنۇ ، مەنۇ قايتا تۇرمۇش قۇرمىدۇق . ئارىدا قانداقلا گەپ-سۆزلەرنىڭ كۆپلىگىدىن پەرۋايىم پەلەك . ئۇنىڭ بىلەن ياراشسام دەيمەن . ئاتا- ئانام بولسا نارازى ، قانداق قىلسام بولار ؟ جاۋاب: ئوغلۇم ھېچكىمنى كۆز ئېچىپ كۆرگىنىدىن قويمىسۇن ، بۇ پەلسەپىنى ئاتا- ئانىڭىز سىزدىن ئوبدان بىلىدۇ . تۇرمۇشتا بولىدىغان ئونلاپ ، يۈزلەپ خاتالارنى ، نۇقسانلارنى كەچۈرسە بولىدۇ . لېكىن بىر ئىككى گۇناھ باركى....... بۇ ھالەتتە تەھلىلمۇ ، خۇلاسىمۇ ئىنچىكە ۋە غايەت خالىس بولىشى كېرەك . « ئۆزى رۇخسەت بەرگەن ئىشلار ئىچىدە ياراتقۇچىنىڭ ئەڭ يامان كۆرىدىغىنى  تالاقتۇر » دېيلىدۇ مۇقەددەس كىتابىمىزدا . ئائىلە ھەق تۈزگەن ئۇيۇشمىدۇر ، ھەر بىر نىكاھتا ئۇنىڭ ئۆزى گۇۋاھلىقتىن ئۆتىدۇ ! ھەر قېتىم تالاق ياڭرىغاندا بولسا ئەرشئالا زىلزىلىگە كېلەر ئىكەن . ياراتقاننىڭ نارازلىقىدىن قۇرۇقماق دەركار. تالاق ھەممە يوللار بېكىلىپ ، نائىلاجلىقتىن باشقا يول قالمىغاندىلا ئوتتۇرغا چۈشۈشى مۇمكىن . ئەگەر بىر ئەجرىم بىلەن ئەر - خوتۇنلار ئايرىلىپ كېتىۋاتقان بولسا ، يولىنى تىپىپ ، يېرىم تەقدىرلەرنى بىر پۈتۈن قىلماق ساۋابتۇر . مۇنداق پەيىتتە ئائىلىدە نەچچە كاللا بولسا ، ھەممىسى تەڭ باراۋەر ئىشلىشى ۋە ياراتقۇچۇنىڭ رازىلىقى ئۈچۈن ، بىر ئەقىللىق دۇرۇس توختامغا كېلىشى لازىمدۇر. ئوغلانىم ، سىزنىڭ سۇئالىڭىز سەۋەبلىك سىزنىڭ ھالىتىڭىزدە تۇرۋاتقان ياشلارغا ئايرىم مۇلاھىزىلىرىمنى بىلدۈرۈپ ئۆتەي : ئەگەر ئايالىڭىزدا شۈبھە بىلدۈرۈلۋاتقان بولسا ، مىش - مىش پاراڭلار كۆپۈيۋاتقان بولسا ، قىلمىشلىرىنى كۆرگەن تۆت گۇۋاھ ھۆججەتلىككە ئۆتمىگىچە ، ئۇنى يامان ئاتلىق قىلىش مۈمكىن ئەمەس ، گۇمان بىلەن يول تۇتۇش دۇرۇس ئەمەىس . بەتگۇمانلىق ____ئەڭ ئېغىر گۇناھ ! ناۋادا خۇنۇك ھالەتتە ياشلىق قىلىپ ياخشى - ياماننىڭ ،پىتنە - پاساتلىرىغا ئىشىنىپ خۇلاسىگە ئالدىرماڭ : ئايالىڭىزغا بۇ قەسىتتىن ، ھەسەتتىن ھۇجۇم بولمىسۇن يەنە ! بۇنىڭدىن ھەمرانى قۇتقۇزۇشقا بولىدۇ ، ئەمما يۈزىگە قەتتى تۈكۈرۈلمەيدۇ .... ئەگەر ئايالىڭىزنىڭ سىزگە كۆڭلى يوقلىقى ، قېيىنئانا ، قېيىنسىڭىل ،قېيىنئاچا قاتارلىقلارنىڭ سەۋەبىدىن بولسا ، سەۋرى قىلىڭ ، ۋاقىت ھەممە ئىشقا داۋا ! ئەگەر قەلبىدە باشقا بىراۋغا ئىشتىياقى بارلىقىدىن ئاشۇ خاھىش تەرەپكە قەدەم قويسا ، بۇ يامان ! سىز بۇنى بىلۋالغان بولسىڭىز ۋە بىلگىنىڭىزنى بىلىپمۇ ئۇ خىجالەت چەكمىسە ، تەپ - تارتماي ئاشۇ تەرەپكە ئىنتىلىپ تۇرسا ، بۇ ئىش ياماننىڭ ئەڭ يامىنى ! بۇ ھالدا سۈلھىنى دەرھال ئۈزۈش كېرەك ! بۇنداق نۇمۇسسىز ئايال بىلەن بىر تەكىگە باش قويغان ئەركەكتىن نەسىل كۆپەيمىگىنى جەمىئىيەت ئۈچۈنمۇ ياخشى ! ئايالىنىڭ ئەخلاقسىزلىقىنى بىلىپ تۇرۇپ ،« كۆڭۈل ئەمەسمۇ ، گۇناھ قىلۋاتقىننى ، بىھايا ئىكەنلىكىنى بىلىپ تۇرساممۇ كېچىپ كېتەلمەيۋاتىمەن » دېيىش مۇھەببەت ئەمەس ، مەردلىكمۇ ئەمەس ، ئار- نۇمۇس بۇلغانغا جايدا مۇھەببەت يوق ! زىنھار يوق ! نەپس بار ، ھېرىس بار ، ئازغۇنلۇق بار ! سىنى خار قىلغاننىڭ ئايىغىغا باش قويۇشنىڭ ئىتى نېمە ؟ بۇ ئەخمەقلىق ، بۇ ئەرلىك ، ئەركەكلىك ھۆجەيرىسىنىڭ ئۆلگەنلىكىدۇر ! بۇنداق ئەرلەر ئەركەكلەر كاتوگۇرىيەسىدە يوق ! شۇنى بىلىڭكى ، ئىنسانلار بىر - بىرلىرىنى پەزىلەتلىرى ئۈچۈن سۆيىدۇ .... بىر كۈنى بىر يىگىتنىڭ پارىڭىنى ئاڭلاپ قالدىم : « ئۇ مېنى ياخشى كۆرىدۇ ، باشقىسىنى ئۇنىڭغا ئوخشىتالمىدىم ، ئارىمىزدىكى ئۇ ئىشلارنى بولدى قىلۋەتتىم . ئويلاپ كۆرسەم ئۇنى بەك سۆيەركەنمەن . ئۇنىڭسىز ياشىيالمىغۇدەكمەن . شۇنىڭ ئۈچۈن مەن ئۇنىڭغا قايتتىم . ئۇ مېنى ھىلىمۇ ياخشى كۆرۈپتىمۇ ، دېمەك بۇ مېنىڭ ئۇتۇقۇم ، شۇنىڭ ئۈچۈن نېمە بولشىدىن قەتتى نەزەر بىرگە ياشايمەن ! » توۋا ! ئەسلىدە بۇ يىگىتنىڭ ئىمانى سۇس ، ۋىجدان ، غۇرۇرى ، ئار - نۇمۇسى پىتىغلىنىپ كەتكەن ! زىناخۇر ئايال ئۇنىڭغا جازا ئورنىدا ئەۋەتىلگەن ! ئىككى ئېغىز شېرىن گەپ ئېيتىپ ، ئەركىلەپ نايناقشىپ قويسا ، ئۆزىگە قىلىنغان دەھشەتلەك خىيانەتنى ئۇنۇتقان ئەر ، يىگىت سانىلامدۇ ، ئەركەك ئاتىلامدۇ ؟! بۇ شەرەپسىز ئايال پۇتبۇل توپىمۇ بىر - بىرىگە پاسلىشىپ تەپسە بولىۋېردىغان ؟! ياكى كۈچۈكمىسىز ، خوش ياقسا بېشىڭىزنى سىلاپ ، خوشى قالمىغاندا چامما ئىتىپ قوغلىۋېتىدىغان ! ئوغلۇم ، جېنىم ئوغلانىم ! ئەركەك يىگىتنىڭ ئەڭ قىممەت دۇنياسى ، بىباھاسى ______ئار- نۇمۇستۇر ، ئارىيەتتۇر ! ئۇ ئەركەك ئۈچۈن خوتۇندىنمۇ ، بالا- چاقىدىنمۇ ھەتتا جاندىنمۇ يۇقۇرى تۇرىدۇ ! شۇ ئېسىڭىزدە بولسۇن ! دۇنيا ئار- نۇمۇسلۇق ، ۋىجدان ، غۇرۇرلۇق ئەركەكلەرگە تايىنىپ ياشايدۇ ، ياشنايدۇ ! سىز ئاشۇلارنىڭ قاتارىدا بولۇڭ ! مەنبە : ھاياتلىق ___ ئىجتىمايى ئەخلاق مەجمۇئەسى مۇنبەرگە يوللىغۇچى : تۇز 2014- يىلى 9- ئاينىڭ 12- كۈنى ئەزىزانە شەھرى قەشقەر

يولتۇز

	باشقىلارنىڭ نىكاھىدا تۇرۇپ باشقىلارغا كۈڭۈل بىرىش تۇلىمۇ پەسكەشلىكتۇر ، بۇنداق گۇناھنى كەچۈرگىلى بولمايدۇ ، بىراق ھازىرقى جەمىيەت نىمە بوپ كەتتى ، ھەييييييييييييييييييي.

qaxmazulal

	ئۆزبېكىستان يازغۇجىسى تۇرسۇنئاي سادىقوۋانىڭ نازۇك سۇئاللار سەرۋەھىلىك يازمىلرىدىن ئۈزۈندىكەن....ھەقىقەتەن بىرخىل تۇرمۇشلۇق ھەم قايىل قىلارلىق.تولىمۇ ياقتۇرىمەن.

azmat998

	خۇدا ساقىلىسۇن ،خىيانەتكارلىقتىن

kufrat

anatil0011

	تۇز قېرىندىشىمىزنىڭ مۇنبەرگە يوللاۋاتقان پەندى-نەسىھەت،ئائىلە ئەخلاقى،قىزلار ئەخلاقى قاتارلىق كۆپلىگەن يازمىللىرىدىن بۇ قېرىندىشىمىزنىڭ تۇرمۇشنى ياخشى چۈشىنىدىغان،بىلىملىك،كىتاپنى كۆپ ئوقۇيدىغان كۆرگەن-بىلگەنلىرى كۆپ بىلىملىك ئادەم ئىكەنلىكىنى بىلگىلى بولىدىكەن. رەخمەت سىزگە.

ئالمىچى

	ئىسىل تىما بوپتۇ، رەھمەت

pariay

	بەكمۇ ئىسىل يوللانما ئىكەن .

mehriya

	تەربىيىۋى ئەھمىيىتى  زور بولغان تېما ئىكەن . ياخشى مەزمۇنلارنى يوللاپ تۇرىۋاتىسىز ، تەشەككۈر سىزگە . ئەر ئۈچۈن ئالدىنقى ئۆمرىدە ئانىسىنىڭ دۇئاسى يۈلەك بولسا ، كېيىنكى ئۆمرىدە خوتۇنىنىڭ دۇئاسى يۈلەكتۇر .