ھەققانىي: دۈشمىنىم (ساتىرا)

akkani

	دۈشمىنىم ئاپتۇرى:ئابدۇۋەلى راخمان ھەققانىي زۇكام بولسام ئۈچ-تۆت كۈن ‹‹ ئۆلدى›› دەپتۇ دۈشمىنىم، ‹‹ گاللىرىنى ئەزرائىل بوغدى ›› دەپتۇ دۈشمىنىم. * قايسى كۈنى شۇنچىكى مىت-كوت كەتسە سول پۇتۇم، گەپ تارقىتىپ: ‹‹ بىلى چورت سۇندى ›› دەپتۇ دۈشمىنىم. * دوستلار ئارا چاقچاقتىن ھۇزۇرلىنىپ شوخ كۈلسەم، ‹‹ جان چىققاندا غەزەپتىن كۈلدى›› دەپتۇ دۈشمىنىم. * بىر ھەپتىلىك ساياھەت مەنزىلىدە ئايلانسام، ‹‹ ئۈيى ماجرا،ئۆتەڭدە قوندى››دەپتۇ دۈشمىنىم. * ئوڭ چېكەمدە چىكىتتەك مەڭ كۆرۈنسە،شاتلىنىپ- ‹‹ دوختۇر راك دەپ دېئاگنوز قويدى›› دەپتۇ دۈشمىنىم. * شېئىر يازسام ئىللەتكە دەرھال خەقنى ئېچىتىپ- ‹‹ ھەجۋى قىلىپ دەل سىنى  يازدى›› دەپتۇ دۈشمىنىم. * دۇتتار-تەمبۇر قولۇمدا ناخشا ئېيتسام-كۈي چالسام، ‹‹ سازنى تەتۈر پەدىگە چالدى››دەپتۇ دۈشمىنىم. * بىلمەپتىمەن سايەمدەك كۈندە ماڭا ئەگىشىپ، باش قاتتۇرۇپ‹‹غىمىمنى›› بەكمۇ يەپتۇ دۈشمىنىم. * دۈشمەننىڭمۇ تۆھپىسى باركەن دوستلار ئاز-تولا، بىخوتلۇقنىڭ مەزگىلى ئۆتتى دەپتۇ دۈشمىنىم. * بىلسەم غەمسىز-غۇبارسىز مۇشۇ ئاپپاق كۆڭلۈمنى، قارا يىپتا-يىڭنىدە كەشتىلەپتۇ،دۈشمىنىم. * ياندا دۈشمەن بولمىسا دوست دىگەننىڭ نە قەدرى؟ بۇ ھېكمەتنى بىلمەكنىڭ پەيتى كەپتۇ ،دۈشمىنىم. * مەخپى نەشتەر سانچىغان دوستتىن دۈشمەن ياخشىراق، ھۇشيار بولغىن ھەققانىي ئەمدى دەپتۇ ،دۈشمىنىم

mahatjan

	مەخپى نەشتەر سانچىغان دوستتىن دۈشمەن ياخشىراق، ھۇشيار بولغىن ھەققانىي ئەمدى دەپتۇ ،دۈشمىنىم بەكمۇ توغرا دەپتۇ سىزنىڭ دۇشمىنىڭز.ھايات يولىدا سىزگە قارمۇ قارشى كەلگەن دۈشمەندىن ئارقىڭىزدىن ئەگىشىپ كەلگەن دۈشمەن خەتەرلىك.

تاڭنۇر

	ئەسسالامۇ ئەلەيكۈم ھەققانى ئەپەندىم . ‹‹ دوختۇر راك دەپ دېئاگنوز قويدى›› دەپتۇ دۈشمىنىم. بۇ مىسرادا بىر بۇغۇم ئارتۇق . ئاخىردىكى ئۈچ كوبلىتنىڭ ئاخىرقى مىسراللىرى رىتىمدىن چىقىپ تېمىنىڭ ئاھاڭدارلىقىغا تەسىر يەتكۈزۈپتۇ ، توغرا كۆرسىڭىز  قايتا قاراپ چىقارسىز .

katran

	ئېغىزى كۈلكە، دىلى جۇت كىشىلەردىن ھەممىمىزنى يىراق قىلغاي، كۆرۈنۈپ تۇرغان دۈشمەن كۆرۈنمەي كەلگەن بالا- قازادىن يامان دىگەندەك، ئەتراپىڭدا يۈرگەنلەردىن چىققان دۈشمەن ھەقىقىي چىن دۈشمەندۇر.

yollar

	تاڭنۇر يوللىغان ۋاقتى  2014-9-8 01:49 PM ئەسسالامۇ ئەلەيكۈم ھەققانى ئەپەندىم . ‹‹ دوختۇر راك دە ... باشتىن ئاخىرى رېتىم، قاپىيە ۋە ئاھاڭدارلىقى شۇنداق ياخشى چىقىپتۇغۇ؟

hekmat110

	مەخپى نەشتەر سانچىغان دوستتىن دۈشمەن ياخشىراق، ھۇشيار بولغىن ھەققانىي ئەمدى دەپتۇ ،دۈشمىنىم

asrari

	yollar يوللىغان ۋاقتى  2014-9-8 02:04 PM باشتىن ئاخىرى رېتىم، قاپىيە ۋە ئاھاڭدارلىقى شۇنداق ي ... مەنمۇ شۇ قاراشتا.....

Danggal

	«دۈشمىنىم » دىگەن ماۋزۇنىڭ ئورنىغا «دوسلۇرۇم» ياكى «يىقىنلار» دەپ ئىلىنغان بولسا ھەقىقى ساتىرا بولغان بولاتتى دەپ ئويلۇدۇم. بۇ مىنىڭ شەخسى قارىشىم ئاپتۇرغا ۋە باشقىلارغا تاڭمايمەن.

yollar

	Danggal يوللىغان ۋاقتى  2014-9-8 03:42 PM «دۈشمىنىم » دىگەن ماۋزۇنىڭ ئورنىغا «دوسلۇرۇم» ياكى «ي ... ئۇنداق دېسە ساتىرا بولماي قەسىدە بولۇپ قالىدۇ!