ئابدۇرېھىم زۇنۇن: مۇنبەر ئەلا ماڭا تەختتىن

bulaksu2

	مۇنبەر ئەلا ماڭا تەخىتىن ئابدۇرېھىم زۇنۇن سەردارلارنىڭ سەردارى سەن، مۇئەللىم، داڭدارلارنىڭ داڭدارى سەن، مۇئەللىم. سەرخىللارنىڭ بايراقدارى ـــ سەركىسى، تاجدارلارنىڭ تاجدارى سەن، مۇئەللىم. ھەر سەپتىكى شاگىرتلىرىڭ شان قۇچتى، ھوشيارلارنىڭ ھوشيارى سەن، مۇئەللىم. يېتىشمەيدۇ سەنسىز ئالىم، داھى...لار، ۋارىسلارنىڭ دەركارى سەن، مۇئەللىم. سەنسىز قاپلار يۇرتنى زۇلمەت-قاراڭغۇ، جاھالەتنىڭ گۆركارى سەن، مۇئەللىم. كىتاب ـــ گۈلشەن، كۈن-تۈن شىرنە يىغىسەن، جاپانىڭ تەق-تەييارى سەن، مۇئەللىم. ئىلمىڭ نۇرى پاكلار دىللار دېغىنى، تاڭ قۇياشى زەر تارى سەن، مۇئەللىم. بەرجەس تۇرساڭ سۈبھى كۈلەر ئەگىشىپ، ئەۋلادلارنىڭ بىدارى سەن، مۇئەللىم. زەر-گۆھەرىڭ يوق، مەنىۋى غېنى-باي ـــ زەردارلارنىڭ زەردارى سەن، مۇئەللىم. كۈلدى ھۆرمەت كۆكىدە ئەل قۇياشى، ھەقدارلارنىڭ ھەمكارى سەن، مۇئەللىم. تىنماي تاڭدىن زاۋالغىچە چاپىسەن، جەڭگاھنىڭ سەرتۇلپارى سەن، مۇئەللىم. تەشنالارغا سۇ ئورنىدا بال سۇنغان، ئەلنىڭ ئەزىم ئەنھارى سەن، مۇئەللىم. چېكىسىگە قىسار «گۈل» دەپ بوغۇنلار، گۈزەل، مۇشتاق دىلدارى سەن، مۇئەللىم. تەڭدىشى يوق نام-ئېتىڭنىڭ جاھاندا، نامدارلارنىڭ نامدارى سەن، مۇئەللىم. ئابدۇرېھىم، مۇنبەر ئەلا تەختتىن، ئۆز كەسپىڭنىڭ خۇشتارى سەن، مۇئەللىم.

zulpukar

	مۇئەللىم بىزنىڭ ھۆرمەتلىشىمىزگە ئەرزىيدىغان كىشىلەردۇر......... ئەمما ھازىرقى بەزى بىرقىسىم مۇئەللىملەرنىزە

مېھرىما

	مۇئەللىم تىلغا ئېلىنسا مىنىڭ ئەمدىلا مەكتەپكە كىرگەن چاغلىرىم كۆز -ئالدىمغا كىلىدۇ،مىنىڭ تۇنجى مۇئەللىمىم بېشىمنى سىلاپ تۇرۇپ ،مەكتەپتە ياخشى ئۇقۇڭ قىزىم، چوڭ بولغاندا جەمىيەتكە ياراملىق ئادەم بۇلىسىز.دىگەنلىرى ھازىرمۇ ئىسىمدە....

TAXNAI2

	مۇئەللىمنىڭ تۆھپىسىنى ياخشى تەسۋىرلەپسىز ....قوللۇرىڭىز ئىجادىيەتتىن توختاپ قالمىغاي...

asrari

	مۇبارەك قەدىمىڭىزگە مەرھابا مۇئەللىم .

hokumran

	ئەسسالامۇ ئەلەيكۇم، ئابدۇرېھىم مۇئەللىم: مۇبارەك قەدىمىڭىزنىڭ مىسرانىمغا يەتكىنىدىن تولىمۇ خۇرسەن بولدۇم. مۇمكىن بولسا قىممەتلىك ۋاقتىڭىزنى ئاجرىتىپ، ئېسىل يازمىلىرىڭىز بىلەن مۇنبىرىمىزنى بېيتىپ، تورداشلارنىڭ ھايات سەپىرى ئۈچۈن بىر نۇرلۇق ماياك بولۇپ بېرىشىڭىزنى سەمىمىي ئۈمىد قىلىمەن.   بىز ياشلار، سىلەردەك مۆھتىرەم ئۇستازلارنىڭ تەلىم بېرىشىگە بەكمۇ موھتاجمىز. ئاخىرىدا، سىزنىڭ تېنىڭىزنىڭ سالامەت، خىزمەت ۋە ئىجادىيەتلىرىڭىزنىڭ ئۇتۇغلۇق بولۇشىغا چىن-دىلىمدىن تىلەكداشمەن.

tohuwaz

	مەن تىخى مىسرانىم مۇنبىرىنى ماختاپ شېر يازدىمىكىن دەپتىمەن.

feruq

	tohuwaz يوللىغان ۋاقتى  2014-9-7 07:07 PM مەن تىخى مىسرانىم مۇنبىرىنى ماختاپ شېر يازدىمىكىن دەپ ... ۋاي شۇنى دەڭا ، مەنمۇ تېخى بۇ مۇنبەرنى داڭلىغان ئوخشايدۇ دەپتىمەن

Janbar

	ئەسسالامۇ ئەلەيكۇم ئابدۇرېھىم مۇئەللىم، مىسرانىم مۇنبىرىگە كەلگەن قەدىمىڭىزگە مەرھابا! سىزنىڭ مۇنبەر ھاياتىڭىز نۇرانە ئالقىشلار ئىچىدە ئۆتكەي! ئىجادىڭىز ئۇتۇقلۇق بولسۇن!

باشتۇغ

	ئەسسالام ئۇستاز ، مىسرانىمغا كەلگەن قەدىمىڭىزگە مەرھابا .