ئۆزىڭىز ھەققىدە ئەستايىدىل ئويلىنىپ كۆرۈڭ

Misranim

	بىر پارچە رەختنى ئەتىۋارلىق نەرسىگە ئايلاندۇرۇشنىڭ ئۇسۇلى قايسى؟ ئەلۋەتتە كىيىم تىكىش ياكى سومكىلارنى تىكىش، كىيىم بولسا ئادەم ئەۋرەتلىرىنى يۆگەيدۇ. ئەمسە شۇ بىر پارچە رەختنى تېخىمۇ ئەتىۋارلىق نەسىگە قانداق ئايلاندۇرىمىز؟ ياكى شۇ رەخىت قانداق ۋاقىتتا ئەڭ ئەتىۋارلىق نەرسە بولىدۇ؟ ئەلۋەتتە پاكىز يۇيۇپ تازلاپ جەيناماز ئۈچۈن نىيەت قىلغاندا بۇ رەخنىڭ قىممىتى بىباھا. دىننى چۈشەنگۈچىگە نىسبەتەن ھۆرمەتلىك رەخت بولىدۇ. تالاي سەجىدىلەر ، تالاي گۈزەل ئارزۇلار، ناھەقچىلىكلەرنىڭ پىچىرلاشلىرىغا ھەم نۇرغۇن ئايەتلەرنىڭ ئوقۇلىشىغا سەۋەب بولىدۇ. ھەممە ئۇنى قەدىرلەپ ئاسراپ ئەڭ پاكىز ھالىتىدە ئۇنىڭغا يېقىنلىشىدۇ..   بۇ يەردىكى مەسىلە رەخىتنىڭ قانداق رەخىت بولشىدا ئەمەس، شۇ رەخت قولىغا چۈشكەن كىشىنىڭ قانداق ئەتىۋارلىق قىلىشىدا.. جاھاندا نۇرغۇن رەخىتلەر بولسىمۇ داۋاملىق ئىشلىتىش ئۇسۇلىنىڭ ئوخشىماسلىقى بىلەن ئەزىزلىنىدۇ ياكى خارلىنىدۇ.شۇنىڭدەك ئادەملەرنىڭمۇ ھەرقاچان توغرا ئىشلارغا نىيەت قىلغۇچىلىرى بولسا كاتتا نېئمەتلەرگە داخىل بولىدۇ.. جاھاندا نۇرغۇن كىشىلەر بار. ئەمما ھەقىقىي يارىتىلىش ھېكمىتى بويىچە ياشاۋاتقىنى قانچىلىك؟ ياز كەلدى، ئىسسىقتا شۇنچىلىك چىدىماي سايە ئىزدەيمىز. ياز كېتىپ قىش كەلدى. ئەمما ھېلىقى سايە تاشلىغان دەرەخلەرنى ئۇنتۇيمىز. قارلار ئاستىغا كۆمۈلۈپ كەتكىنىدە ئۇنىڭغا قاراشمۇ يوق ، سوغۇقتىن تىترەپ قۇياشنى ئەسلەيمىز.. بىزمۇ ئوخشاشلا كۈنلىرىمىز ياخشى ۋە ئىشلىرىمىز ئوڭ كېتىۋاتقىنىدا ياراتقۇچىنى ئۇنتۇپلا قالىمىز. بىرە پىشكەلچىلىكلەرگە يولۇققىنىمىزدىلا ئالقانلىرىمىز كەڭ ئېچىلىپ ، نالە- پەريادنى باشلايمىز.    بىر پىيالە قىززىق چاي ئىچىش ئۈچۈن نۇرغۇن سەۋىر تاقەتلەر كەتكىنىگە ئوخشاش ، مۆئمىنلىك داۋاسى ئۈچۈنمۇ سەبىرلەر كېتىدۇ. ھەرگىزمۇ بىرپىيالە قىززىق چاي ئىچىش ئۈچۈن قاچانلا بولسا نەق ۋاقتىدا چايغا ئېغىز تىگەلمەيسىز. ئىلمان بولۇپ قالسا تەمسىز بولىدۇ. بالدۇر ئىچىۋالسىڭىز ئېغىزىڭىزنى كۆيدۈرۋالىسىز.   ھاياتلىق نېئمەتلىرىمۇ بەئەينى شۇنىڭدەك تەرتىپلىك بولىدۇ. ئادەمنى پەرقلەندۈرۈش كېتەمدۇ دەپ سورايسىز. ئەمما جەينامازنى سىز باشقىلاردىن بۇ نېمە دەپ سورىسىڭىز ھېچكىم سىزگە رەخت دىمەيدۇ. چۈنكى ئۇنىڭ رولىنى ئاللىقاچان ئۆزگەرتىپ بولغان. ئادەمنى ھەقىقىي ئادەم دىيىش ئۈچۈن ئۇنىڭدا ئەقىدىلىك ۋە ساپ بولغان بىر يۈرەك بولىشى كېرەك.   ئۆمۈر دىگەن سىرلىق كارۋان ، بىردا قارىساڭ ، دەششەتلىك بوراندا قېلىپ ھەممىدىن ئايرىلىپ ،ساداسىز ھالدا بېشىنى تۆۋەن قىلىپ ، ساڭگىلاپ كىتىپ بارغان. بىردە قارىساڭ كولدۇمىلىرىنى جاراڭلىتىپ ، جۇشقۇن ، ھەيۋەتلىك يۈرۈش بىلەن ئالغا ئىلگىرلەۋاتقان..ئەي ئۆمۈر سەن نېمە دىگەن خىسلەتلىكسەن ھە.بەزىدە ئۆزۈڭنى قەدىرلەشنى بىلمەيسەن،خورلىنىپ تۈگەيسەن.بەزىدە قەدىرلەشنى بىلسەن غورۇرلىنىپ كۈندەك چاقنايسەن.كاۋانلارنىڭ بەزىلرى ئالقىش ئىپتىخارغا،بەزىلىرى لەنات - نەپرەتكە قالىدۇ -خوش ئەمسە ياخشى ئىشلارغا تۇتۇش قىلايلى. ئىشنى سۆزگە ئايلاندۇرغىچە ، سۆزنى ئىشقا ئايلاندۇرايلى..... ئابابەكرى مۇختەر مىسرانىم چېچىلاڭغۇ ھېسلىرى---!

orhunogli

	ئالدىڭدا يېقىقلىق شام چىراققا باق، كىچىنى قىلىدۇ كۈندۈزدەك ئاپئاق. تەپەككۇر كۆزلەردە ئۇنى بىر كۆزەت، ئۆزىچۈن يانامدۇ ئۇشبۇ شام-چىراق.

.tuz.

	ئەسسىلامۇ ئەلەيكۇم ياخشلىق كەۋسىرى بىلەن سۇغۇرۇلغان دىللاردىكى نىيەت ، مەقسەد ھەم ئارمان كىشىلىرمىزنى ، ئىنسانىلىققا ، ئادىمىلىككە يېتەكلەيدۇ . دىيانىتى ۋە ساداقىتى بىلەن توغرا يولدا ماڭىدۇ . ھەققانىي ھەم ئادىل بولىدۇ . ئەخلاق ھەم پەزىلىتى بىلەن ياشايدۇ ..... مۇشۇنداق ئىسىل تمىلارنى داۋاملىق تەقدىم ئىتىپ تۇرغايسىز ~~~

katran

	كۆڭۈللەردە قىلىنغان نىيىتىنى ئەمەلگە ئاشۇرۇش ئىنسان ئۈچۈن ئەڭ مۇھىمدۇر. نىيەت ئەلا دەيمىزمۇ ئەمەلىيەتتە شۇ نىيەتنى ئۆز ئەمەلىيىتىمىز ئارقىلىق ئىپادىلەش بەسى مۈشكۈل بىر ئىش. ئەلۋەتتە، باھانە ئارقىلىق ئۆزىگە تەسەللىي ئىزدەيدىغانلار ئۈچۈن تېخىمۇ شۇنداق، باھانە كۆرسىتىش غالىبىيەتچىنىڭ ئەمەس، مەغلۇبىيەتچىنىڭ ئىشىدۇر.

zarra

	ھايات   راسلا  شۇنداق. ئەزىزلەر  خار  بولغان،  خار بولغانلار  ئەزىز  بولغان،  بۈگۈنكى  قاقسەنەم  نامراتلار ئەتىسى  تىللا دەرەخلىق  بايلاغا  ئايلانغان،  شاھلا  گاداي بولغان، گادايلار  شاھ بولغان. ئىلىمسىزلەر  ئىلىم  ئەھلىنى باشقۇرغان،  ئىلىم ئەھلى  نادانلار قۇلىدا  قالغان، قارغۇلار  يۇرۇقلۇقتا، كۆزى ئۇچۇقلار  قاراڭغۇلۇقتا،  ئىشەكلەر  يول باشچى  بولغان، تۈگىلەر  ئىشەككە  ئەگەشكەن،  بۆرىلەر  تاغدىن  مەھرۇم،  تۈلكىلەر  تاققا خۇجايىن بولغان، ھەتتاكى..................خۇرازلار  مېكيانغا  ئايلانغان،  مېكيانلار  خوراز  بولۇپ كەتكەن.............. ........ مانا  بۇ  ھايات،  ھايات  ئەجايىپ  سىر  ھېكمەت  بىلان  تولغان.............. ئاللاھقا  شۈكۈركى.................................................مۇسۇلمان  بۇلۇپ  يارالغىنىمىزغا.

axek13999649893

	شۇ رەخىت قانداق ۋاقىتتا ئەڭ ئەتىۋارلىق نەرسە بولىدۇ؟ ئەلۋەتتە پاكىز يۇيۇپ تازلاپ جەيناماز ئۈچۈن نىيەت قىلغاندا بۇ رەخنىڭ قىممىتى بىباھا

mehriban

	ئۆزىمىزدە بار بولغان شۇ غايىلارنى ئاغزىمىزدا دەپلا قالماي يەنە ئەمىلىي ھەركەت قىلغاندىلا ئاندىن كۈچكە  بولىدۇ !!

قورغان

	ئېسل تېمىڭىز بىلەن بەھىرلەندۈرگىنىڭىزگە رەھمەت. ئىنسان بولۇپ تۆرەلگەن ئىكەنمىز ئىنساندەك ياشىشىمىز  كىرەك، بۇنىڭ ئۈچۈن قۇرۇق گەپنى ئاز قىلىپ،ئەمىلى ھەركىتىمىز بىلەن ئۆزىمىزگە  ۋە باشقىلارغا مەنپەئەتلىك  ئىشلارنى كۆپ قىلىشىمىز زۆرۈر...

Danggal

	مانا بۇ ‹مىسرانىم› -ئابابەكرىنىڭ ھېچكىم چىنپۈتەلمەيدىغان ھېكمەتلىرى. قەلەمدە يىتىلىپ قاپسىلەر.داۋاملىق مۇشۇنداق ئېسىل ھېسلارغا چۆمۈلۈپ تۇرۇشۇڭلارنى تىلەيمەن.

uqkun5

	نادىر تىما بوپتۇ ھارمىغايسىز.