قار پومزىكى

muslina216

	قار پومزىكى بىر تامچە قار بولۇپ چۈشتۈڭ لېۋىمگە، قار ئەمەس مىڭ تونۇر تەپتى تارالدى. بولساممۇ يار ساڭا شۇنچە پەرۋاسىز، بىر تامچە قار بىلەن سۆيگۈ يارالدى. پىنھانلىق ئىچىدە چەكتىم رىيازەت، لەۋلىرىم، يۇرىكىم كۆيىدۇ قاردا. تامچە قار دومىلاپ بولدى پومىزەك، تۈگىمەس رېۋايەت باشلاندى مانا... ئۇيقۇ قاچقان بۇ كېچە شامال چېكىپ ئۆتتى دەرىزەم، ياق يۈرەكنى چەكتى بۇ كېچە. سۆزلەپ سالدىم ئۆزۈمگە رەت- رەت، مۇھەببەتنىڭ دەردى ئالەمچە. تاش شەھەرگە تۆكۈپ ھەسرەتنى، سۆزلەپ چىقتىم ئۇزۇن رېۋايەت. يىغلاپ سالدى ئەلەمگە ئاسمان، ئۆزۈڭ ئىدىڭ ئەسلى شەھرىزات. ئۇيقۇ قاچتى يەنە بۇ كېچە، سېغىنچىمنىڭ كۆكسىدە خەنجەر. سۆيۈلگۈم بار سۆيگەندەك سېنى، ئەلەملىرىڭ يۈتكەنگە قەدەر.

باشتۇغ

	مۇھەببەتلىك لېرىكىلىرىڭىزغا مۇبارەك . سىزگە ئىلھاملار يار بولسۇن .

oygurum

	سىزنىڭ   تىل ئىشلىتىش  ئۇسلۇبىڭىزغا   ھەقىقەتەن   قول قۇيىمەن   جۇمۇ ،   يەنە بىر  نادىر  نەسىرىڭىز  بارئىدى ،  سەۋىرنازنىڭ  ئاۋازى بىلەن  تېخىمۇ يارقىن  نۇر چاچقان .  بىر ئاڭلاپ باقساق بولاتتى .  مۇمكىن بولسا   ئادىرسىنى  قالدۇرسىڭىز ..

soygum

	تۇيغۇ ھېسلا خېلى ياخشى يېزلىپتۇ.مۇشۇنداق لىرىكلارنى ئادەم ۋاقتىدا ئىپادىلىيەلمەي كېتىدۇ بەزى ۋاقتىلاردا،،،يالغۇزلۇقنى بويسۇندۇرۇشنىڭ ئۆزىمۇ بىر مەسىلە.

ئۇزدىل

	تۇراق ، رىتىملار جايىدا ئەمەس تىرىشىڭ بۇندىن كېيىنكى شېئىرلىرىڭىزنىڭ تېخىمۇ ياخشى چىقىشىغا تىلەكداشمەن!

mehriya

	قار پومزىكى مېنىمۇ بىر زامانلارغا باشلاپ ماڭدىغۇ ! ئادەمنىڭ شۇنداق ياشلىقى ئۇرغۇپ تۇرىدىغان مەزگىللىرى بۇلىدىكەن . ئەنە ئاشۇنداق گۈزەل ئەسلىمىلەر كىشىگە ياخشى ياشاش ئىستىكىنى بېغىشلايدىكەن . شېئىرلىرىڭىزنى ياقتۇردۇم . ھارمىغايسىز  . ئۇيقۇ قاچقان كېچىگە قارىتا : سېغىنىشنىڭ تەمى بار دەيدۇ ، تېتىغانلار بىلىپ سۆزلەيدۇ . ھەر كۆڭۈلدە ھەر خىل تەملەردە ، گاھ يايرىتىپ گاھى قىينايدۇ . سېغىنىشنىڭ تەمى بار دەيدۇ ، بىرى ماختاپ بىرى قاھشايدۇ . دەرت ئەلەمدە يۈرسە بىرلىرى ، بىرى لەززەت سۈرۈپ ياشايدۇ . سېغىنىشنىڭ تەمى بار دەيدۇ ، تەمسىز بولسا دىلغا ياقامدۇ . شۇ سېغىنىش تەم تەڭشىمىسە ، بۇ ھاياتتا لەززەت بۇلامدۇ .

قورغان

	بىر تامچە قار بولۇپ چۈشتىڭ لېۋىمگە قار ئەمەس مىڭ تونۇر تەپتى تارالدى. بۇ مىسرالار تولىمۇ ئېسىل چىقىپتۇ ،كىشىنى تاتلىق تۇيغۇلارغا ...،

Danggal

	گۆھەرخان مۇشۇ شئىېرلىرى بىلەن قېرىمايدۇ.

axek13999649893

	بىر تامچە قار بولۇپ چۈشتۈڭ لېۋىمگە، قار ئەمەس مىڭ تونۇر تەپتى تارالدى. بولساممۇ يار ساڭا شۇنچە پەرۋاسىز، بىر تامچە قار بىلەن سۆيگۈ يارالدى سېغىنىشنىڭ تەمى بار دەيدۇ ، تەمسىز بولسا دىلغا ياقامدۇ . شۇ سېغىنىش تەم تەڭشىمىسە ، بۇ ھاياتتا لەززەت بۇلامدۇ

ap~qilam

	مۇزىكىدىن بىرسى كام قاپتۇ