سۆيۈش ۋە سۆيۈلۈش

Danggal

	سۆيۈش ۋە سۆيۈلۈش                                                             (نەسىر)   سەن مىنىڭ ھەددى-ھېساپسىز ھەسرەت-نادامەتلىرىم،بەخىتسىزلىكلىرىم،يالغۇزلۇقلۇرۇم ئىچىدىن كۆتۈرۈلدۈڭ!سەنسىز تار دۇنيارىم،سەنسىز ناخۇش ھاياتىم ۋە سەنسىز قېلىپلاشقان ھەربىر كۈنۈمنىڭ پەردىللىرى ئېچىلدى.   بىز بىپايان زىمىننىڭ ئىككى بۇرجىكىدە بىزگە چىدام،غەيرەتنىڭ ئەڭ سەمىمى،ئەڭ تاتلىق شىرىنلىرىنى ئاتا قىلغان ھېجران قولۋاقلىرىدا ئولتۇرۇپ  قەلبىمىزگە ئاللىقاچان لىق تولدۇرۇلغان  مەي جامىنى كۆتۈرگەندەك كۈتۈش ۋە بەھرىلىنىشنىڭ غەمخانىسىدە ئۈزمەكتىمىز.   قارا،بىزگە يىڭى مەۋسۇم قۇچاق ئاچتى.بىزنىڭ يىڭى بەتلىرىمىز ئىچىلدى.بىزنى رىتىمغا ئىلىۋالغان تۇرمۇش زەنجىرلىرى چېقىلىپ مۇھەببەت سەزگۈللىرى بىزنى ئازات قىلدى.   ھاياتقا بولغان قىزغىنلىقلىرىمىزغا تاللاشلىرىمىز ھۆرمەت ۋە ئىھتىراملاردا بولدى.مەغلۇبىيەت تىز پۈكتۈرەلمىگەن يىڭىلىشلىرىمىز بىزگە مەدەت ۋە كۈچ بولۇپ قەددىمىزنى رۇسلىدى.ئۆتكۈنلىرىمىزنىڭ ئاچچىق ساۋاقلىرىنى ئارقىمىزغا تاشلاش بەدىلى بىلەن بىر بىرىمىزگە قول بەردۇق.   ئەمدى ھاياتىمىزدا ئايرىش بولمايدۇ.ئەمدى ھاياتىمىزدا ۋاز كىچىش،ئالداش،پۇشايمان بولمايدۇ.ئەمدى ھاياتىمىزدا قولۇم قولۇڭدىن ئاجرىمايدۇ.ئەمدى ھاياتىمىزدا يۈزلۈرۈڭ،كۆزلۈرۈڭ ھەتتا ھەر بىر تىنىقىڭغا قەدەر مەن بىلەن بولىدۇ.   ساڭا ئېيىتسام،شۇ كەمگىچە مەيلى ئوڭۇمدا،مەيلى چۈشلۈرۈمدە ۋە مەيلى چاقچاقلىرىمدا بولسۇن سېنى سۆيۈمەن دىگەنلىرىم راس ئىدى.سېنى كۈتىمەن،بىر ئۆمۈر سەن بىلەن ياشايمەن ...دىگەنلىرىم راس ئىدى.ۋاپارىڭ،ساداقىتىڭ ،مېھىر-شەپقەتلىرىڭنىڭ ئاراملىرىدا پەقەت مەنلا چەكسىز بەخىت ئىمتىيازىغا قوبۇلمەن دىگەنلىرىم راس ئىدى.    بىر بىرمىزنى قوللاپ-قۇۋەتلەپ،بىر بىرىمىزنى قوغداپ،بىر بىرىمىزگە ئىززەت-ھۆرمەت ئىھتىراملىرىدا بولىدىغان بىزنىڭ بەخىتلىك،ئىللىق ئائىلىمىزدە ئىلگىرى يوقۇتۇپ قويغان يىللىرىمىزغا،ئىلگىرى يوقۇتۇپ قويغان ئارزۇ-ئىستەكلىرىمىزگە ،ئىلگىرى نىسىپ بولمىغان خوشاللىق ،ئىپتىخارلىقلىرىمىزغا ھاياتىمىزنىڭ كۈلگىنلىرى بىر بىرلەپ ھېساپ بىرىدۇ. پۈتۈن ۋۇجۇدۇڭ،سەمىمى،چىن ئەقىدىللىرىمىزگە ئىقرا ماڭا تالىق دىلىڭ،قەلبىڭ بىلەن ئىشەنگىنكى  ئەمدى  بىر بىرمىزسىز ھېچنىمىمىز،ئەمدى بىر بىرىمىزسىز ھوزورىمىز بولمايدۇ.   شۇنچە يىللاردىن بىرى تاقەتسىزلەنگەن بۇ پۈتۈكلەرنى ئاخىرى يازدىم،ئاخىرى سەن بىلەن پۈتتۈم.سەۋىرسىزلىك ،تاقەتسىزلىك بىلەن ئارمانلاردا بولغان ئۈمۈت،ئىلتىجالىرىمىز ئاخىرى بەرىق ئۇردى.بىزنى كىچىكىش ئەگرى-توقايلىرىدا تاۋلاپ بىزنى يەنە ئۆزىمىزگە قايتۇرۇپ بەردى. ئاھ،نەقەدەر گۈزەل،نەقەدەر سۆيۈملۈك جەمگاھ-بۇ! بىز كۆيمەكتىمىز.تىڭىرقىغان،چاڭقىغان  ؛مەيۈسلۈك،دىلۇغۇللۇق چۇلغىغان تەڭقىس ھايات ئوربىتىللىرىدىن شۇڭغۇپ چېقىپ بارلىق ئاچچىق كەشمىشلىرىمزنى ئارقىمىزغا ئېتىپ زۇلمەت تۈنلىرىمىزنى يورىتىۋەتكەن مەڭگۈلۈك ئايدىڭغا قوشۇلۇپ پەرۋازدىمىز.   2014 يىل.9-ئاي.

-مېھرى

	كەل، تۇرارىم سەن ئۈچۈن بەرھەق!سۈكۈتتىكى چۈشكۈنلىكىم  سەنلىك ۋەتەننىڭ پەرۋازىدا شوخلىنىشقا نەقتۇر!يىل ئۇزىنىدا بىلىنگەن تۈنلەردىكى  تومۇزغىلارنىڭ ئارامسىز تۈنەكلىرى جىمىسۇن! كېچىنىڭ ئۇيقۇسىز يۇلتۇزلىرىغىمۇ تەسەللىي بېرەيلى.يوپۇرماقلارمۇ زېرىكىشلىك شىۋىرلاشلرىمىزدىن قۇتۇلسۇن، تولۇن ئاينىڭ چىرايلىق يۆزلىرىمۇ يىراقتىن بىزگە جىلۋىلىك نۇرلىرىنى چاچسۇن، كەچمىشنىڭ ھېجرانلىق تۇمانلىرىمۇ  ئوڭ-چەپلىرىمىزدىن كۆتۈرۈلسۇن، خەيرىخاھلىق نەزىرىدىكى تاڭمۇ  تەبەسسۇمى بىلەن سۆيگۈ قەسرىمىزنىڭ روجەكلىرىنى ھارارەتلىك يورۇتسۇن. ئىستەكلىك يوللىرىمىزنىڭ مۈدرۈك قەدەملىرى  مۇھاببەت   قۇدرىتىدە راۋان  ئىزلانسۇن.  تۇيغىلىمىرىمىزدا غۇچچىدە چېچەكلىگەن باھار ھېسلىرى ئەبەدىي كۆتۈرۈلمىسۇن...ئارمانلىق قىسمەتلىرىمىزدىكى ئۈمۈت بىخلانمىللىرىنىڭ ئاينشى ئۈچۈن  دىل گۈلىستانلىرىمىزدىن ئورۇن  ئاجرىتايلى، قانلىرىمىز تەپتىدە ھارارەت بېرىپ ،مېھنەتلىك ئەقىدە تەرىمىز بىلەن سۇغۇرۇپ كۆكلىگەن بوستانلىقلىرىمىزنىڭ ئۆزى بىر جەننەت!

muslina216

	ۋاي- ۋاي نىمانداق تاتلىق مىسرالار ھە بۇ ؟ داۋامىغا تەشنامەن. داۋاملىق ياندىشىشىڭلارنى ئۈمۈد قىلىمەن.

mahatjan

	سۆيۈش ۋە سۆيۈلۈش ؛-ھوزورلۇنۇش ۋە ھوزورلاندۇرۇشقا باغلىق.

مەھمەت94

	سۇيۇش ۋە سۇيۇلۇشنىڭ فىزىكىلىق ھەركەت قانۇنىيىتى ئۇخشاش

rahiyma

	سۆيۈش ۋە سۆيۈلۈش ئوخشاشلا  بەخت.

mehriya

	mahatjan يوللىغان ۋاقتى  2014-9-5 07:07 PM سۆيۈش ۋە سۆيۈلۈش ؛-ھوزورلۇنۇش ۋە ھوزورلاندۇرۇشقا باغل ... ئەگەشتىم

Gvlbargi0999

	سۆيۈشنى بىلمەي تۇرۇپ،سۆيۈلۈشتىن ئۈمۈت كۈتمە..............دەپ يازغانمەن ھېكمەت خاتىرەمگە! ياخشى چىقىپتۇ.

guxad

	ياخىشى  يېزېپسز