غەزەللەر .مۇكاپاتلىق ئەسەر پائالىي

سىدىقى

	مۇكاپاتلىق ئەسەرلەر پائالىيتىگە : غەزەللەر ئەلشىر ئىمام مۇھەممەد (سىدىقى ) 1. كۆپەيمەكتە ئارامىزدا بۇلار – بولماس قاتار چايلار ، ھەشەمەتنىڭ قۇچاقىغا ئۆزىن ھەر ئان ئاتار چايلار  . زورايماقتا قوشۇن خىللاپ  بىرىنى –بىرلىرى چىللاپ ، «قۇشۇلمايمەن »دىسە تىللاپ گۇناھلارغا پاتار چايلار . سىنىڭدىنمەن قالامتىم دەپ بۇزۇپ چوڭ يەپ-ئىچىپ خەجلەپ ھارامخور نەسلى شەيتاننىڭ كۈيىگە ئۈن قاتار چايلار  . بارار ئۆز يۇرتىنى تاشلاپ ئۈرۈمچى ، غۇلجىغا باشلاپ    ، تېخى چەتئەلگە كۆز تاشلاپ ھەشەمنى ئاشۇرار چايلار     . « كۆتۈمدە ئىشتىنىم يوقتۇر ئېتىم مارجان بۈۋى »بولمىش  ، بۇلۇپ ئىتتىن سۆڭەككە قەرىز ئەلەم ھەسرەت يۇتار  چايلار  . ئاجايىپ نازۇ – نىئمەتلەر يېيىلمەستىن تېخى بىر رەت   ، كېرەكسىز يۇندا ئەخلەتنىڭ قاتارىدا ياتار چايلار        . شاراپخورلۇق ، نۇمۇسسىزلىق ،پاساد ، غەيۋەت ئۇنىڭدا جەم ، تۆكۈپ ئابرۇي ئىناۋەتنى ئەجەپ ئەرزان ساتار چايلار   . يەنە بار نەپسىدىن ئەلا بىلىپ ھەردەم ساخاۋەتنى    ، كۆڭۈللەر رىشتىنى مەھكەم ئۈزۈلمەس قىپ چاتار چايلار . ناچار ياخشىغا ئۆزگەرسە خەلق ياخشىغا گۈل بەرسە  ، سىنى ناخشا قىلىپ كۈيلەپ قىلار تەڭكەش دۇتار چايلار . سىدىقى بىلكى ھەر نەرسە چېكىدىن ئاشسا گۇم بولغاي   ، ھۇشۇڭنى تاپمىساڭ جانغا بۇلۇپ تىغدەك پاتار چايلار     . ※※※※※※※※※※※※※※※※※※※ 2. بۇ جاھاندا ئۆز ئىلىنى سۆيمىگەنلەر خارۇ-زار  ، ئانا يۇرتقا چىن يۈرەكتىن كۆيمىگەنلەر خارۇ-زار . ئەل – ۋەتەننىڭ سۆيگۈسىنى ھەممىدىن ئەلا بىلىپ ، ئەل بىلەن تەڭ قايغۇرۇپ تەڭ كۈلمىگەنلەر خارۇر-زار . ئانا ۋەتەن تۇپراقىنى باغۇ- بوستان قىلغىلى  ، بەلنى باغلاپ ئەر كەبى يەڭ تۈرمىگەنلەر خارۇ-زار . سۆزلىسە ئاغزىدا چەتئەل ئۇخلىسا چۈشلەرىدە  ، ئويغۇنۇشقا قۇربى يەتمەي جۆيلىگەنلەر خارۇ-زار   . ئۆزگە يۇرتنى زەر گۆھەردەك ئەتىۋا كاتتا بىلىپ  ، ئانا يۇرتنىڭ قەدىرىنى ھەم بىلمىگەنلەر خارۇ-زار  . ئۆز دىيارنىڭ تۇزىنى يەپ تۇزلىقىغا تۈكۈرۈپ    ، ئار – نۇمۇسنىڭ سىرىتمىقىدا ئۆلمىگەنلەر خارۇ-زار  . ئۆز ئانا مىھرى بىلەن باغرىغا باسسا ئەركىلەپ  ، پەيزىنى مىھرى – ۋاپانىڭ سۈرمىگەنلەر خارۇ-زار  . ئى سىدىقى سىنى ئۆستۈرگەن ئاناڭدۇر بۇ ۋەتەن  ، ئانىنى يۈكسەك بىلىپ چوڭ كۆرمىگەنلەر خارۇ-زار  . ※※※※※※※※※※※※※※※※※※※※※ 3. نىگارىم ماڭا چىن – سۆيگۈڭ كېرەك ئەلۋەتتە –ئەلۋەتتە  ، ۋاپاسىز سۆيگۈدىن بىزار يۈرەك ئەلۋەتتە – ئەلۋەتتە     . چالار بولسام مۇھەببەتنىڭ كۈيىنى ياڭرىتىپ ھەر ئان  ، يۈرەك تارىمغا دىل رىشتىڭ خەرەك ئەلۋەتتە – ئەلۋەتتە  . ئەگەر خارلانسا پاك  سۆيگۈم سىنىڭ ئارسىزلىقىڭ بىرلە  ، مۇھەببەتنىڭ خازانىدىن دېرەك ئەلۋەتتە – ئەلۋەتتە     . كېرەكتۇر ئىھتىيات قىلماق ئىشىق يۇلىدا ئاشىققا     ، دۇچاردۇر كۆپ رەقىب قازغان ئورەك ئەلۋەتتە – ئەلۋەتتە  . تىكەندىن قورقسا چىن ئاشىق ھىساپلانماس قىزىل –گۈلگە ، رەقىبنىڭ مىكرىگە مەنھەم زېرەك ئەلۋەتتە – ئەلۋەتتە     . سىدىقى قەدىرىگە يەتسەڭ ۋاپادارلىق ساداقەتنىڭ     ، ئېچىلغاي سۆيگۈدىن غۇنچە پورەك ئەلۋەتتە – ئەلۋەتتە   .

قورغان

	ئەتتىگەندە ئېسىل غەزەللىرىڭىزدىن ھوزۇرلاندىم . مۇكاپات سىزگە يار بولغاي

gulsumay

	« كۆتۈمدە ئىشتىنىم يوقتۇر ئېتىم مارجان بۈۋى »بولمىش  ، بۇلۇپ ئىتتىن سۆڭەككە قەرىز ئەلەم ھەسرەت يۇتار  چايلار  . قاتتىق قامچا بوپتۇ. نۇرغۇن ھەقىقەتلەرنى يورۇتۇپ بېرىپسىز. مۇكاپاتكا ئېرىشىشىڭىزگە تىلەكداشمەن .

ئۇتغۇر

	مەن بۇ غەزەللەرنى قايسىبىر ئەدەبىي ژورنالدا ئوقۇغاندەك، مۇئەللىپى ئاشۇ ‹‹سىدىقى››دەك...

ئۆچمەس

	ئېسىل غەزەللەركەن ،

kamiljantohti

	مۇكاپاتقا ئېرىشىشىڭىزگە تىلەكداشمەن!

mehriya

	ئىسىل ! مۇكاپاتقا ئېرىشىشىڭىزگە تىلەكداشمەن .

(ئۈمىد)

	مۇكاپاتقا ئىرىشىشىڭىزگە تىلەكداشمەن . ئىسىل غەزەللىرىڭىزدىن تۇلىمۇ ھۇزۇرلاندىم .

dillani

	يۈرۈپ بۇندا نامى سەرخىل قاتارچايدا، سېىپ بۇرۇچ ،ئۆزى ئىزسىز ،ھەرنە جايدا، خارۇ -زارىڭ ،ئەتە كۈنىڭ يەرھەسرەتتە ، ۋەتەن ،ئوغۇل ،كۈتەرۋىجدان بۇئەلۋەتتە ، ئىلىم ،ئەخلاق مىزاندۇركىم ھەرھەرسەپتە، ئۆگەن،ئۆگەت،شۇندا سەتلىك قالۇر قايدا ،.

rahiyma

	ناھايىتى ياخشى يېزىلغان غەزەللەركەن، بىراق ئىملا خاتالىقلىرىمۇ باركەن. مۇكاپاتقا ئېرىشىشىڭىزگە تىلەكداشمەن.