قىز يىغىسى-رەھىمنىڭ پەزلى

پەرۋەر

	قىز يىغىسى-رەھىمنىڭ پەزلى ‏ ‏(  ئاللاھنىڭ پەزلى-كامالى، رەھمىتى بىلەن قىز پەرزەنتلىك بولغان قىرىندىشىمغا بىغىشلايمەن). ‏ ‏ئىيتىلىپدۇلەركى ئەسكى زامانلاردىن شۇنداق بىر تەسىرلىك ۋەقەلەرنى ئاڭلىغانبىز. ‏ ‏ئاللاھتائالا ئۆز قۇدرەت-كامالى بىلەن ھەزىرتى ئادەمنى لايدىن ياراتتىلەر ۋە جان بەردىلەر. ‏ھەزىرتى ئادەم تىرىلىپ ئۆز كۆڭلىنىڭ ئەمەنلىكىنى، كۆڭۈل باغىنىڭ خۇشلىقىنى تىلىدىلەر. ئۇلۇغ مىھرى-شەپقەتلىك ھەق سۇبھانەۋەتائالانىڭ ئىزنى شۇنداقلا ئۈشبۇ ئىنتىزارلىق تىلەكلەرنىڭ بەركاتىدىن ھەزىرتى ئادەمنىڭ ھۇجۇدىدىن ھەزىرتى ھەۋۋا كەلتۈرۈلدىلەر. ‏ھەزىرتى ئادەم بىلەن ھەۋۋانىڭ ھۇجۇدىدىن ئادەم بالىلىرى زىمىنغا تارالدىلەر خالايىق!!!!!! ‏ ‏يەنە ئىشتڭلەركى سۆز قىيامىمىز ئەمدىدۇر، ئاڭلىغانلار مۇلاقەتتە، ئاڭلىمىغانلار رەشىكدىدۇر. ‏ قىز بوۋاق تۇغۇلماق ئۈچۈن ئانا قارنىدىن يورۇق زىمىنغا كۆز ئاچتىلەر، كۆز ئىچىپلا ئۆزىنىڭ ئاجىزلىقىدىن، دۇنيانىڭ رەڭۋازلىقىدىن ئەنسىرەپ يىغلاشقا باشلىدىلەر. ‏زىمىنغا تۆرىلىپلا ھىچقانداق تەنە-مالامەت، گۇناھى-مەيسىيەت قىلمىغان بىر ئاجىز، سەبى، بوۋاقنىڭ بۇنداق يۈرەكنى ئەزگۈدەك يىغىسىغا مىھرىبان ياراتقۇچى ئىگىمىز چىداپ تۇرالىسۇنمۇ خالايىق!!!!!!!!!! ‏شۇندا رەببىم ئەفۇ ئەتتىلەر، مەغفىرەت ئەتتىلەر، رەھىم قىلدىلەر. ‏تۇغۇلغان قىز نارەسىدىنىڭ يۈرىكىنىڭ يىرىمىنى ئوت قىلىپ ئاتىغا سالدىلەر. ئاتا قىزىنى ئاۋايلاپ قولىغا ئالدىلەركى شۇنداق بىر مۇھاببەت، شۇنداق بىر مىھىر بوۋاققا چۈشتىلەر، ئۇ شۇنداق ئىشىق ئىكەنكى، ئۇنڭدىن بۇرۇن ئاتا بولغۇچىدا بولغان ئەمەس. ‏بۇ مۇھاببەتنىڭ مۇقەددەسلىكىدىن باھاسىنى زەردارلار ئۆلچىيەلمەس، لەھزىنىڭ بەھەيۋەتلىكىدىن ئەدىبلەر تەسۋىرلىيىلمەس، ھەتتاكى ئاتا بولمىغىچە ھىچكىم بىلمەس ئىدى. ‏شۇڭا قەدىمدىن قالدىكى ئاتا قىزىغا كۆيۈمچان، قىز ئاتىغا سايىدۇر. ھەم بۇ ئاللاھتائالانىڭ سوۋغىسىدۇر. ‏بۇ سوۋغا  قەدىرلىمەك لازىمدۇر. ‏بۇ ئامانەت ياخشى تەربىيلىمەك زۆرۈردۇر. ‏ ‏شۇ توغۇرلۇق بىراۋلاردىن  شۇنداق بىر قوشاقلارنى ئاڭلىغانبىز. ‏ ‏ھەرنە قىلساق يىقىلساق-تۇرساق، ‏تۇرمىغىمىز بولماستى قىيىن. ‏ئانىلىرى بۇزۇلغان ئەلنىڭ، ‏ئەركەكلىرى مەڭگۈ بىر تىيىن. ‏ قىز-مىللەتنىڭ ئانىسى، ئۇ بۇزۇلسا مىللەت بۇزىلىدۇ.بۇزۇلغان مىللەتنى ئاللاھ تاشلىۋىتىدۇ. ‏«ئۇ كۈنلەردىن خۇداھ ساقلىسۇن» ‏ئاللاھ تاشلىغان مىللەتنى ھىچكىم قۇتقۇزالمايدۇ. ‏ شۇڭا قىزىڭىزنى ئەقىللىق، بىلىملىك، ئەدەپ-قائىدىلىك قىلىپ چوڭ قىلىڭ. شۇ تۆھپىڭىزنىڭ بەركاتىدىن، قىزىڭىزنىڭ ھۇجۇدىدىن شۇنداق بىر ئەۋلادلار كەلسۇنكى ھەيۋىسىدىن يولۋاس ئەيمەنگۈدەك، دۈشمەنلىرى ئالدىدا غالىلداپ تىتىرگۈدەك، مىھرىدىن پۈتۈن ئالەم نۇرغا چۈمۈلگىدەك. ‏ ‏2014-يىلى4-كۆنەك‏ ‏ ‏پەرۋەر

qaraxani

	‹‹پەرۋەر››لىكنى داۋاملاشتۇرۇڭ يازمىلىرىڭىز دىللارغا مەلھەم بولغۇسى...

rabbey

	بۇنىڭ ژانىرىنى نىم دەپ چۈشەنسەك بولار؟ بەك ياخشى چىقىپتىكەن...

asrari

	ياخشى سالامنامە بوپتۇ  . ھەممە ئىش ئاللاھىنىڭ ئىرادىسى بىلەندۇر.

baharim1

	ئۇ بىر كىچىك قىز ۋاقتىدا ئاتا ئۈچۈن جەننەتنىڭ ئىشىكىنى ئاچىدۇ،توي قىلىپ ئايال بولغاندا ئېرىنىڭ دىنىنى پۈتۈنلەيدۇ،تۇغۇپ ئانا بولۋېدى جەننەت شۇ ئانىلارنىڭ ئايىقى ئاستىدا بولىدۇ........ كىمىكى ئايال كىشىنىڭ ئىسلامدىكى ئورنىنى ھەقىقى ھېس قىلالىسا ھەتتاكى ئەرلەرنىڭمۇ ئايال بولغۇسى كەپ قالىدۇ. تېما ئىگىسىگە تەشەككۈر.

پەرۋەر

	rabbey يوللىغان ۋاقتى  2014-9-3 07:03 PM بۇنىڭ ژانىرىنى نىم دەپ چۈشەنسەك بولار؟ بەك ياخشى چى ... ئاددىلا بىر ‹‹تەبرىكنامە›› خالاس....

پەرۋەر

	asrari يوللىغان ۋاقتى  2014-9-3 07:15 PM ياخشى سالامنامە بوپتۇ  . ھەممە ئىش ئاللاھىنىڭ ئىرادىسى ... قەلەم! قەلەمگە خاس ئىمانىمنى بەر، ئەل ئۈچۈن قاينىغان ۋىجدانىمنى بەر. قارىنى ئاق قىلىپ يازسام مۇبادا، نۇمۇس بەكمۇ يامان زاۋالىمنى بەر. بۇ شىئىرنىڭ ئاپتورى ئابدۇقادىر جالادىنمۇ؟

xahzada100

asrari

	قەلەم ۋە شائىر ناملىق شېئىرىغۇ دەيمەن.

dilbar

	قىزىڭىزنى ئەقىللىق، بىلىملىك، ئەدەپ-قائىدىلىك قىلىپ چوڭ قىلىڭ. شۇ تۆھپىڭىزنىڭ بەركاتىدىن، قىزىڭىزنىڭ ھۇجۇدىدىن شۇنداق بىر ئەۋلادلار كەلسۇنكى ھەيۋىسىدىن يولۋاس ئەيمەنگۈدەك، دۈشمەنلىرى ئالدىدا غالىلداپ تىتىرگۈدەك، مىھرىدىن پۈتۈن ئالەم نۇرغا چۈمۈلگىدەك....... راستلا ئويلانغۇدەك قۇرلار ئىكەن، ئىسىل يازمىڭىزغا رەھمەت