خىزمەت ئورنىڭىزدا قەدىر قىممىتىڭىزنى تاپالمىغىنىڭىزدا

eparhan413

	خىزمەت ئورنىڭىزدا قەدىر قىممىتىڭىزنى تاپالمىغىنىڭىزدا ھايات ئىنسانغا بىرلا قېتىم كېلىدۇ.نۇرغۇن كىشلەرنىڭ ھاياتنى قەدىرلەپ ،ھايات مۇساپىلىرىدە مول-ھۇسۇل ئالغۇسى كېلىدۇ.خىزمەتكە چىقىش ئۈچۈن ،بىر كىشى ئاز دىگەندىمۇ 14يىلدىن 16يىلغىچە ئوقۇيدۇ.بىلىم تەھسىل قىلىدۇ.خىزمەتكە چىققان كىشلەرنىڭ زور بىر قىسمى خىزمەتتىن خوشاللىق ھېس قىلىسىمۇ ،بەزىلىرى خوشاللىق  ھېس قىلالماسلىقى مۇمكىن . خىزمەت دىمەك ھايات دىمەكتۇر. جەڭ دىمەكتۇر .كىشى ئۆزىنىڭ كەسپى ۋە خىزمىتى ئارقىلىق قەدىر-قىممەت تاپىدۇ ۋە ئىززەتلىنىدۇ.         خىزمەتتە ئۆز قەدىر-قىممىتىنى تاپالمىغاندا ،ئىنسان يۈرەك –يۈرەكلىرىدىن ،تۇمۇر-تۇمۇرلىرىدىن خوشال بولالمايدۇ.ئالتۇن –كۈمۇشلەرنى ئېسىپ ،ئېسىل تونلارنى كېيىپ ،كۆزنى قاماشتۇرغاندەك ياسانسىمۇ ،مەن بەخىتلىك دەپ ئېيتالمايدۇ.بەخت تۇيغۇسىغا چۈمىلەيمەيدۇ. قەدىر –قىممىتىنى يارىتىش دېگەنلىك ،جەمىئەتتە ئۆز ئورنىنى تېپىپ بىر كىشلىك ھەسسە قوشۇش ، ئۆزى قىلىۋاتقان كەسىپتە نەتىجە يارىتىش ،خىزمەتتە        كۆپچىلىكنىڭ ئېتراپ قىلىشىغا ھۆرمىتىگە  ئېرىشىش دىگەنلەردە ئىپادىلىنىدۇ.ئۇنىڭدىنمۇ مۇھىمى ھەممە كىشى قەدىر –قىممىتىنى ئۆزى يارىتىدۇ .ئۆزىنىڭ باھاسى تۇرمۇشتىكى كەيپىياتىغا كۆپ تەسىر قىلىدۇ. بىر تال مامكاپ  گۈل چىملىق ئارىسىدا يىگانە ئېچىلسىمۇ ،ئۇ تەبىئەتكە گۈزەللىك ئاتا قىلىپلاقالماستىن ،ئەڭ مۇھىمى ئۆزىدە گۈزەللىك ئشەنچىسى پەيدە بولۇپ ،ئۆزىنىڭ بۇ دۇنياغا ئاپىرىدە بولغانلىقىدىن شادلىنىدۇ. بۇ جاھانغا كەلگىنىگە ئۆكۈنمەيدۇ.ئۆزىنى يىگانە بولسىمۇ ،بەختلىك ھېس قىلىدۇ.لېكىن مۇشۇ مامكاپ گۈلى بىر توپ ئەتتىرگۈلنىڭ ئارىسىدا بولۇپ قالسا ،ئەتتىرگۈلنىڭ گۈزەل رۇخسارى ئۇنىڭ سىماسىنى توسۇۋالىدۇ-دە، ئۆزىنى يالغۇز ھېس قىلىش ،تۆۋەن كۆرۈش ھېسىياتىدا بولىدۇ.ھەممە كىشلەر ئەتتىرگۈلنى ماختىغاندا ،مامكاپ گۈلى ئۆزىنىڭ قەدىر-قىممىتى يوقتەك بىلىنىدۇ،بۇ جاھانغا كەلگىنىگىمۇ ئۆكىنىدۇ.بەختلىك ھېس قىلالمايدۇ.ئەكسىچە بىز بىر تال ئەتتىرگۈلنى بىر توپ مامكاپ گۈلىنىڭ يېنىغا ئەكىلىپ قويساق ،چىرايلىق ئەتتىرگۈلىمىزمۇ  ئۆز –ئورنىنى تاپالمىغاندەك قىلىدۇ-دە ،يالغۇزچىلىق ،غېرىبلىق ھېس قىلىدۇ.ئۇنىڭ ئۈستىگە بىر توپ مامكاپ گۈلىنىڭ گېپىنى بىر قىلىۋىلىپ ،ئۇنىڭ بىلەن ھۆسىن تالاشىدىن ئەندىشە قىلىشىمۇ مۇمكىن.ئۆزنىڭ توپىغا قايتىشقا ئىنتىلىدۇ.لېكىن قايتالمايدۇ.ئۆز قەدىر –قىممىتىنى تاپالمايدۇ.ئۇنداقتا سىز ئۆز خىزمەت ئورنىڭىزدا مامكاپ گۈلىمۇ ياكى ئەتتىرگۈلمۇ؟خىزمەت ئورنىڭىزدا ئۆز ئورنىڭىزنى تاپالىدىڭىزمۇ ؟رىئال تۇرمۇشتا كىشلىك قەدىر –قىممەتنى يارىتىش تېخىمۇ مۇرەككەپ بولىدۇ.سىز بەلكىم بىر توپ مامكاپ گۈلىنىڭ ئىچىگە كىرىپ قالغان بىر تال ئەتتىرگۈل بولىشىڭىز مۇمكىن .ئۇ چاغدا سىز ئەتتىرگۈلدەك ئۆز –خاراكتىرىڭىزنى ،ئېسىل سورتىڭىزنى ساقلاپ ،مەغرۇرلانماي ،مامكاپ گۈلىنىڭ ئارتۇقچىلىقىنى ئۆگىنىپ ،تېخىمۇ مۇكەممەللىشىپ ،جەزبىدارلىغىڭىزنى نامايەن قىلسىڭىز ،مامكاپ گۈلى سىزگە قايىل بولۇپ ،سىزنى ئۇستاز تۇتۇشى مۇمكىن . بۇ ۋاقىتتا سىزنىڭ كۈنلىرىڭىز مامكاپ گۈلىدەك      خۇشچىراي ،ئەتتىرگۈلدەك خۇشپۇراق  ئۆتىدۇ.ئەكسىچە سىز مەن ئەتتىرگۈل دەپ ،ئۆزىڭىزنىڭ ئوقۇش تارىخىڭىزنى پەش قىلىپ ،مامكاپ گۈلىنىڭ گىپىنى ئاڭلىغاندەك قىياپەتكە كىرىپ ،ئۇلارنىڭ ئارتۇقچىلىقنى ئۆگەنمىسىڭىز ،سىز ئاسانلا مامكاپ گۈلىنىڭ قوللىشىدىن مەھرۇم  قالىسىز –دە ،نۇرغۇن ئۇچۇرلاردىن قورۇق قېلىپ ،خىزمەتتە نېمىنى قىلىشنى بىلەلمەي ،توپنىڭ ئارقىدا قالىدىغان ئىش بولىدۇ.ۋاقىتنىڭ ئۇزىرىشى بىلەن سىز مامكاپ گۈلىدىن ئۆتەر غاچاي گۈلنىڭ ئورنىغا چۈشۈپ قالىسىز .ئۇ ۋاقىتتا ئاھ ئۇرغان بىلەنمۇ بىكار . رىئال تۇرمۇشتابىر تال مامكاپ گۈلىنىڭ بىر توپ  ئەتتىرگۈل ئارىسىدىكى تۇرمۇشىنىڭ يامان ئەمەسلىكىنى كۆرگىلى بولىدۇ.بىر توپ ئەتتىرگۈل مامكاپ گۈلىگە تەبىئلا بېسىم ۋە خىرىس ئېلىپ كېلىدۇ،مامكاپ گۈلىمۇ ئەتتىرگۈلنىڭ ئارتۇقچىلىقىنى ئۆگىنىپ ،ئەتتىرگۈلدەك ياشىغاندا ئۆزىنىڭ خۇدۇكسىنىپ قالمايدىغانلىقىنى ھېس قىلىدۇـ دە،خىزمەتتە تىرىشچانلىق كۆرسىتىدۇ.ئۇ ئاخىر بىر توپ ئەتتىرگۈلنى تەسىرلەندۈرۈپ ،ئۇلارنىڭ ئېتراپ قىلىشىغا ئىرىشىدۇ.ھەتتا ئەتتىرگۈلنىڭ ھەسىتىنى قوزغايدۇ. خىزمەتكە بىر كۈن دىگۈدەك چىققان ئىككى ياش بولغان ئىكەن .ئالىي مەلۇمەتقا ئىگە ياش بۇ ئىدارىگە كەلگىنىگە ئانچە رازى ئەمەس ئىكەن .گەپنىمۇ چوڭ قىلىدىكەن .خىزمەتنىمۇ يامان ئەمەس ئىشلەيدىكەن .شۇغىنىسى دىمىقى ئۈستۈن بولۇپ ،باشقىلار بىلەن ئىچقۇيۇن –تاشقۇيۇن بولۇپ ئىشلىيەلمەيدىكەن .يەنە بىر ياش ئوتتۇرا تېخنىكوم مەلۇماتىغا ئىگە بولۇپ ،ئالىي مەلۇماتلىق خىزمەتداشلىرىغا بەكمۇ ھەۋەس قىلىدىكەن ھەم ئۇلاردەك ياخشى ئىشلىيەلمەسلىكىدىن تولىمۇ ئەندىشە قىلىدىكەن .ئۇ خىزمەتتە چوڭلارنى ئاكا-ئاچا دەپ ئۇستاز تۇتۇپ ،ئۇلاردىن كەمتەرلىك بىلەن ئۆگىنىپتۇ.خىزمەتداشلىرىنى كۆرگەندە،مەيلى ئۇلار قايسى مىللەتتىن بولسۇن ،كۈلۈمسىرەپ ئۇلاردىن ھال-ئەھۋال سوراشنى ئۇنتۇتماپتۇ.ئۇلارنىڭ ئىشخانىلىرىنى تازلاپ چاي قويۇپ خىزمەتداشلىرىنىڭ ھۆرمىتىنى قىلىپتۇ.باشلىقلىرىنىڭ ئالدىدا تەشەببۇسكارلىق بىلەن ئىش سوراپ قىلىپ ،خىزمەتتە ئاكتىپ دىگەن نامنىمۇ ئاپتۇ.كۈنلەرنىڭ بىرىدە يىللىق خۇلاسىدە ئالىي مەلۇماتلىق دەپ كېرىلگىنى ئارقىدا قېلىپ ئوتتۇرا تېخنىكۇمنى پۈتتۈرگەن بۇ ياش ئىلغار بولۇپ سايلىنىپ كۆپچىلىكنىڭ ھۆرمىتىنى قوزغاپتۇ ۋە كېيىنچە ئىدارىدىكى غوللۇق خىزمەتچى بولۇپ قاپتۇ. شۇغىنىسى رىئال تۇرمۇشتا ،سىز بىر ئەتتۈرگۈل تۇرۇقلۇق بىر توپ ئەتتۈرگۈلنىڭ يېنىغا بېرىپ قالسىڭىز ،ئىشلار يەنە بېلەكچە بولۇشى مۇمكىن .ئاۋۋال سىز بىر توپ مەلۇماتلىق كىشلەربىلەن ئىشلىگەنلىكىڭىز ئۈچۈن خوشال بولىسىز ،لېكىن بۇخوشاللىقىڭىز ئۇزۇنغا بارماسلىققا مۇمكىن .چۈنكى ئەتتىرگۈل توپى ئىچىدىمۇ رىقابەت بولىدۇ-دە.قارىماققا توپ-توپ ئەتتۈرگۈللەر مەيىن  شاماللاردا تەۋرىنىپ تۇرسىمۇ ،ھەر بىر ئەتتۈرگۈلنىڭ بىر-بىرى بىلەن چوڭ-كىچىكلىك ،رەڭ-تۈس جەھەتتە پەرق بار .ھەر بىر تۈپ ئەتتىرگۈلنىڭ ئۈزىگە خاس ئارتۇقچىلىق بولىدۇ.تامامەن بىر-بىرىگە ئوخشىشىدىغان ئەتتۈرگۈل مەۋجۈت ئەمەس .بۇلارنىڭ ئوتتۇرىسىدا پەرق ئاز بولىدۇ.لېكىن بۇ ئازغىنە پەرق ئەتتۈرگۈلنىڭ تەقدىرىنىڭ ئوخشىماسلىقىنى كەلتۈرۈپ چىقىرىدۇ.رىئال تۇرمۇشتا ئوقۇش مەلۇماتى يوقىرى بىر توپ زىياللارغا مىسال قىلىساق بولىدۇ.ئۇلار ئوتتۇرىسىدىكى پەرق كىشلىك مۇناسىۋەت ،تەشەببۇسكارلىق ،پۇرسەتنى سەۋرىچانلىق بىلەن ساقلاش ئەمەس ،بەلكى پۇرسەتنى ئۆزى يارىتىش، ئۆزەم ھەممە ئىشنى قىلالايمەن دېيىش ئەمەس ، ھەمكارلىشىپ ئىشلەش ، باشقىلارنى ياردەمگە چاقىرىش ،باشقىلارنىڭ تۇرمۇشىغا ،ئائىلىسگە كۆپرەك كۆڭۈل بۆلىدىغان سۆز –ئىبارىلەرنى ئىشلىتىش قاتارلىقلاردا ئىپادىلىندۇ. سىز مەمۇرلۇققا ئىمتىھان بەرسىڭىز ، سىز ئېرىشكەن خىزمەت  ئادەتتە  تەقدىر پىشانىڭىز ،تەلەيىڭىز بىلەن مۇناسىۋەتلىك بولىدۇ.چۈنكى مەمۇرلۇققا ئىمتىھان بەرگەندە ، سىز ئوقۇغان كەسپىڭىزنى قىلىشىڭىزمۇ ياكى قىلالماسلىقىڭىزمۇ مۇمكىن .چۈنكى بۇ خىل خاراكتىردىكى خىزمەت ھۆكۈمەت ئورگانلارنىڭ قارارى ئاستىدا ۋۇجۇدقا چىقىدۇ. ئۆزىڭىز تاللىغان خىزمەت بولسا، ئادەتتە سىز ئۈگەنگەن كەسپىڭىز ، قىزىقىشىڭىز ، ئوقۇش تارىخىڭىز بىلەن مۇناسىۋەتلىك بولىدۇ.شۇڭا ئادەتتە ئۆزى تاللىغان كەسىپ بىلەن شۇغۇللانغۇچىلارنىڭ خىزمەتتە خېيىم –خەتىرى بىر قەدەر كۈچلۈك بولسىمۇ ،ئۇلار خىزمەتتە يۇشۇرۇن كۈچىنى جارى قىلىدۇرالايدۇ.مۇۋەپپىقىيەت قازىنىش نىسبىتىمۇ يۇقىرى بولىدۇ.خىزمەتتە ئۆز –قەدىر قىممىتىنى تاپقاندەك بولىدۇ.ھۆكۈمەت ئورگانلىرىدا ئىشلەۋاتقانلارنىڭ تۇرمۇشى خۇددى كۆل سۈيىدەك تېنىچ،خاتىرجەم ،خەۋىپ –خەتىرى ئاز بولسىمۇ ،نۇرغۇنلىغان كىشلەر ۋاقىتنىڭ ئۆتىشىگە ئەگىشىپ ،بىر ئىزدا چۆگېلەۋاتقاندەك ،ئۆزىنىڭ يۇشۇرۇن كۈچىنى قازالمىغاندەك ،مۇھىت ئۇنىڭ ئارزۇ –ئارمانلىرىنى يوققا چىقىرىۋاتقاندەك ،جۈملىدىن ئۆز-قەدىر قىممىتىنى تاپالمىغاندەك ھېس قىلىدۇ.بۇمۇ شىتاتلىق خىزمەتچىلەرنىڭ ئېغىزغا ئېلىشى تەس بولغان قىيىنچىلىقى. ئىشقىلىپ ،مەيلى سىز شىركەتلەردە ئىشلەڭ ياكى شىتاتلىق خىزمەت مۇھىتىدا  ئىشلەڭ ،ئەڭ ئاۋۋال تەشەببۇسكار پوزىتسىيدە بولۇڭ.ئىشلارنى ۋايىغا يەتكۈزۈپ ئۇرۇنداڭ ،ئەتراپىڭىزدىكى كىشلەر قارىماققا سىز بىلەن كارى بولمىغاندەك قىلسىمۇ ،ئۇلارنىڭ بىر كۆزى بىلەن بىر  قولىقى سىزدە ئىكەنلىكىنى ئۇنتۇپ قالماڭ.ئىشخانىغا بېكىنىپ ئۆز-ئىشى بىلەن ھەلەكچىلىك بولىدىغان ،باشقىلارنى ھەمكارلىشقا چاقىرمايدىغان ،خىزمەتداشلىرىنىڭ ياردىمىسىزمۇ چوڭ ئىشلارنى ۋۇجۇددقا چىقىرىمەن دەيدىغان كۆز قاراشلارنى  چۆرۈپ تاشلاڭ.ئىشخانىلار ئارىسىدا مېڭىپ يۈرۈڭ ،خىزمەتداشلىرىڭىزدىن كۆپرەك مەسلىھەت سوراڭ.ئۇلارنى كۆرگەندە ،ئۇلارغا  خۇدانىڭ مۇبارەك سالىمىنى ئايىماڭ.ئەگەر سىز خىزمەتداشلىرىڭىز ئارىسىدا ھەقىقەتەن ئاجىز كەلگەن بولسىڭىز ،جىددىلەشمەڭ ،ياخشى پىلاندىن بىرنى تۈزەپ ئۇلارغا كەسىپتە يېتىشۋىلىشقا ئالدىراڭ.ئۆزىڭىزگە قاتتىق تەلەپ قويۇپ ،ئىدارىدە ئۆگىنىشكە تېگىشلىك بىلىملەرنى پۇختا ئۆگىنىڭ .سىز بولمىسىڭىز ،ئىدارىدە بىر ئىشنىڭ ئاقسايدىغانلىقىنى بىلدۈرۈڭ .ئىشداشلار ئارىسىدا گەپ توشۇماڭ . ئىشقىلىپ ،ئۆزىڭىزنىڭ قەدىر-قىممىتى ئۆزىڭىزنىڭ قولىدا.ھېچىكىم سىزنىڭ ھايات يولىڭىزنى مېڭىپ بېرەلمەيدۇ.داۋاملىق تىرىشىڭ. خىزمەتنىڭ چوڭ كىچىكى بولمايدۇ. ئىشىنىمەنكى ،ھەر بىر كىشى  خىزمەت ئورنىدا ،تەشەببۇسكار بولغاندا،خىزمەتنى سۆيۈپ  ئىشلىگەندە ،ئۆز –قەدىر قىممىتىڭىزنى يارىتالايسىز . 2014-يىلى 8-ئاي26-كۈنى

قورغان

	كىشىنىڭ قەدىر- قىممىتى ئۆزىنىڭ قولىدا

Mamkapguli

	ھەربىر كىشىنىڭ قىممەت قارىشى ئوخشاش بولمايدۇ، بەزىلەر جەمىيەتتە مەلۇم خىزمەت قىلىش ئارقىلىق بىر كىشلىك تۆھپە قوشۇشنى قىممەت دەپ قارىسا ، يەنە بەزىلەر خۇددى مىنىڭ ئاپامدەك خىزمىتىدىن ئىستىپا بېرىپ بالىلىرى ۋە يولدىشىنىڭ خىزمىتىنى قىلىپ ئۇلارنىڭ ھالىدىن خەۋەر ئېلىشنى قىممەت دەپ قارايدۇ، مىنىڭ نەزىرىمدە ئاپام خىزمەت قىلغان ئاياللاردىنمۇ نەچچە ھەسسە ئۇلۇغ.

hekmat110

	لىكىن بەزىدە ھەرقانچە سۆيسىڭىزمۇ خىزمەت سىزنى سۆيمەيدىكەن ،،،،،بەزى ئىشلار  ھەي.....

bagdowlat

	شۇنى دەيمەن. پوداقچلار ئۆسۈدۇ دائىم.

uyghari

	خىزمەت دىگەن بىر جەڭگاھ، سىز جەڭ قىلىش ماھارىتىڭىزنى ئوبدان   يىتىلدۈرمەيدىغان بولسىڭىز، جەڭدە ھامان يېڭىلىپ قالسىز. جەڭدە يېڭىلمەس ئورۇندا تۇرۇش-تۇرالماسلىق ئۆزىڭىزگە باغلىق.

Malika5

	ھاياتنىڭ ئەھمىيىتى قانچىلىك ياخشى ئىش قىلىشتا، ئۇ مەيلى خىزمەت ئورنى بولسۇن ياكى باشقا ئورۇن بولسۇن قانچىلىك تۆھپە قوشۇشتا ئۆلچىنىدۇ.

bagbax009

	bagdowlat يوللىغان ۋاقتى  2014-8-31 10:22 PM شۇنى دەيمەن. پوداقچلار ئۆسۈدۇ دائىم. ھەي سەت گەپ قىلماڭ .سەل سىلىقلاشتۇرۇپ «تەخسىكەشلەر»دىسىڭىزمۇ بۇلىدۇ.

يولتۇز

	bagdowlat يوللىغان ۋاقتى  2014-8-31 10:22 PM شۇنى دەيمەن. پوداقچلار ئۆسۈدۇ دائىم. سىزنىڭ بىرنەچچە ئىنكاسىڭىزنى كۆردۈم ، بەلكىم بەزى ئىشلارغا ئىچىڭىز قاينايدىغاندۇ بىراق ئاچچىقنى يېڭىپ يەنىلا ئىلميى تەپەككۇر قىلغانغا يەتمەيدۇ دەپ قارايمەن ، ئايدەك چىرايلىق قىزلار سەت گەپ قىلسا پەقەت ياراشمايدۇ . مۇنبەردە ئەرلەرمۇ ئاياللارمۇ ، چوڭلارمۇ كىچىكلەرمۇ بار ئەمەسمۇ ...

ئايچىن

	سىز قىلىۋاتقان شۇ خىزمەت مەيلى قانداقلا خىزمەت بولسون سىزدىن يۇكسەك مەسئوليەتچانلىقنى تەلەپ قىلىدۇ... ھەر ئىشنىڭ ئۆز يولى ئۆز رىتى بىلەن بولوپ كېتىشى ناتايىن ... شۇڭا ھەركىم ئۆزىگە يۇكلەنگەن شۇ خىزمەت شۇ ۋەزىپىنىڭ ھۆددىسىدىن تولوق چىقالىسا شۇ كۇپايە دەپ قارايمەن...