NASA : بىر-بىرى بىلەن سوقۇشقان تاشقىي پلانېتىلار بايقالدى

bilimxumar

	بىر-بىرى بىلەن سوقۇشقان تاشقىي پلانېتىلار بايقالدى   بىلىمخۇمار    2014-يىلى 8-ئاينىڭ 29-كۈنى ئامېرىكىدىكى كائىنات تور بېتى www.space.com نىڭ 29-ئاۋغۇست كۈنى خەۋەر قىلىشىچە، ئامېرىكا ئارىزونا ئۇنىۋېرسىتېتىنىڭ بىر قانچە تەتقىقاتچىلىرى بىر تاشقىي يۇلتۇزنىڭ ئەتىراپىدىكى ئىككى پارچە تاشقىي پلانېتىغا ئوخشاش جىسىملار بىر-بىرى بىلەن سوقۇشۇپ كەتكەنلىكىنى بايقىغان. 1-رەسىم 1-رەسىم: بىر رەسىمچى سىزغان، يېڭىدىن شەكىللىنىۋاتقان ئىككى تاشقىي پلانېتىغا ئوخشاش كائىنات جىسىملىرىنىڭ بىر-بىرى بىلەن سوقۇشۇپ كەتكەندىن كېيىنكى بىر كۆرىنىش.  بۇ ۋەقە يۈز بەرگەن جاي بىزدىن 1140 نۇر يىلى يىراقلىقتا بولغاچقا، ئۇ جاينى ھەرگىزمۇ مۇشۇ كۆرىنىشتىكىدەك ئېنىقلىق دەرىجىسى بىلەن رەسىمگە تارتقىلى بولمايدۇ. ئۇ تەتقىقاتچىلار مەزكۇر ھادىسىنى ناسا ئۈچۈن بىزنىڭ باش ئىدارىمىز كالىفورنىيە تېخنولوگىيە ئىنستىتۇتى باشقۇرۇپ بېرىدىغان «سپىتزېر» (Spitzer) ئالەم تېلېسكوپى ۋە باشقا بىر قانچە يەر يۈزىدىكى تېلېسكوپلار بىلەن بايقىغان. مەزكۇر تاشقىي يۇلتۇز ئىنگلىزچە «Vega» دەپ ئاتىلىدىغان يۇلتۇزلار توپىنىڭ ئىچىدە بولۇپ، ئۇنىڭ بىز بىلەن بولغان ئارىلىقى 1140 نۇر يىلى ئىكەن.  ئۇنىڭ ئىنگلىزچە ئىسمى «NGC-2547 ID8» ئىكەن.  ئۇ يۇلتۇزنىڭ چوڭ-كىچىكلىكى بىزنىڭ قۇياشنىڭكىگە يېقىن كېلىدىكەن.  ئەمما ئۇ ناھايىتى ياش بولۇپ، ئۇ ھازىر ئاران 35 مىليون ياشقا كىرىپتۇ.  بىزنىڭ قۇياش ھازىر 4.5 مىليارد ياشقا كىردى. «نۇر يىلى» دېگىنىمىز ئۇزۇنلۇق بىرلىكى بولۇپ، ئۇ نۇرنىڭ بىر يىل ئىچىدە باسالايدىغان مۇساپىسىنى كۆرسىتىدۇ.  نۇر بىر سېكۇنتىغا 300 مىڭ كىلومېتىر ئارىلىققا ماڭىدىغان بولۇپ، بىر نۇر يىلى تەخمىنەن 9.46 ترلىيۇن كىلومېتىرغا تەڭ. كائىنات جىسىملىرىنىڭ ئۆز-ئارا سوقۇشىشى پلانېتىلارنىڭ شەكىللىنىش جەريانىنىڭ بىر قىسمى بولۇپ، ئالىملار ئەينى ۋاقىتتا بىزنىڭ يەر شارىمىز شەكىللەنگەن ۋاقىتتىمۇ ئاشۇنداق سوقۇشۇشلار يۈز بەرگەن، دەپ پەرەز قىلىدۇ. تەتقىقاتچىلار مەزكۇر تاشقىي يۇلتۇزنى 2012-يىلى 5-ئايدىن 2013-يىلى 8-ئايغىچە بولغان ئارىلىقتا كۆزەتكەن بولۇپ، ئۇلار ھېلىقى كائىنات جىسىملىرىنىڭ سوقۇشىشى 2012-2013-يىللىرى يۈز بەرگەن، دەپ پەرەز قىلىشماقتا.   دىققەت: بۇ تاشقىي يۇلتۇز بىزدىن 1140 نۇر يىلى يىراقلىقتا بولغاچقا، بۇ سوقۇشۇش بۇ يىلدىن 1142-1143 يىللار بۇرۇن يۈز بەرگەن.   تەتقىقاتچىلارنىڭ دېيىشىچە، بۇنداق سوقۇشۇش بەزىدە پلانېتىلارنىڭ شەكىللىنىشىگە پايدىلىق بولۇپ، بەزىدە زىيانلىق ئىكەن.  يەنى، ئىككى كائىنات جىسىمى سۇقۇشقاندىن كېيىن، ئۇلار بەزىدە بىر-بىرىنى ۋەيران قىلىۋېتىدۇ.  بەزىدە بولسا ئۇلار بىرلىشىپ بىر چوڭ پلانېتىنى شەكىللەندۈرىدۇ.  بۇ قېتىم بايقالغان ئەھۋال 1-خىلدىكى بۇزغۇنچىلىققا تەۋە ئىكەن. بۇ بايقاش دۇنياغا داڭلىق «ئىلىم-پەن» (Science) ئىلمىي ژورنىلىنىڭ تور بېتىدە 2014-يىلى 8-ئاينىڭ 28-كۈنى ئېلان قىلىندى. پايدىلىنىش ماتېرىيالى: [1] Smash!Aftermath of Colossal Impact Spotted Around Sunlike Star http://news.yahoo.com/smash-aftermath-colossal-impact-spotted-around-sunlike-star-181002418.html

kungun

	رەھمەت سىزگە گەرچە شۇنداق ئالدىراش بولسىڭىزمۇ لېكىن ۋاقىتتىن ۋاقىت چىقىرىپ بىزنى مۇشۇنداق يېڭى خەۋەرلەر بىلەن خەۋەرلەندۈرۋاتىسىز،مىرزا ئۇلۇغ بەگ  قالدۇرۇپ كەتكەن ئوتتۇرا ئاسىيا ئاستىرنومىيە  مەشئىلىنى داۋاملىق ئېگىز كۆتۈرگەيسىز! اللە ئىشلىرىڭىزنى ئاسان قىلسۇن!

mercury

	ئەگەر  ھازىرقى زاماندا يىراق  تاشقى پلانتلاردا مۇشۇنداق ھادىسە كۆرۈلگەن تەقدىردىمۇ  ، بۇنى  نەچچە  يۈز  ، ھەتتا  مىڭ يىللاردىن كىيىن ئاندىن بايقىغىلى بولىدىكەن . ياكى ، نۇرنىڭ تىزلىكىدىنمۇ تىز سۈرئەتلىك كۆزىتىش ئۇسۇلى بارلىققا كىلەرمۇ ؟

melody

	تەتقىقاتچىلار مەزكۇر تاشقىي يۇلتۇزنى 2012-يىلى 5-ئايدىن 2013-يىلى 8-ئايغىچە بولغان ئارىلىقتا كۆزەتكەن بولۇپ، ئۇلار ھېلىقى كائىنات جىسىملىرىنىڭ سوقۇشىشى 2012-2013-يىللىرى يۈز بەرگەن، دەپ پەرەز قىلىشماقتا. دىققەت: بۇ تاشقىي يۇلتۇز بىزدىن 1140 نۇر يىلى يىراقلىقتا بولغاچقا، بۇ سوقۇشۇش بۇ يىلدىن 1142-1143 يىللار بۇرۇن يۈز بەرگەن。。。。。。。。。。。？？ئ

ئىپارە

	ھەقىقەتەن شۇنداقكەن.ئىككى ھەپتە بۇرۇنغۇ دەيمەن.كېچە تاتلىق ئۇخلاۋاتاتتىم.بىر يورۇقلۇق تەسىرىدە كۆزۈم ئىچىلىپ كەتتى،ئادەتتە مەن كۆزۈم يېرىم ئۇچۇق ھالەتتە ئۇخلايمەن.كۆزۈمنى ئاچسام سول قولۇمنڭ ئۈستىدەبىر يورۇقلۇق نۇر تۇرىدۇ. دەرسال ئوڭ  قولۇم بىلەن ئۇنى تۇتتۇم ،شۇ زامان ئوڭ قولۇم بىراقلا يورۇپ كەتتى .دەرھال دىرىزىگە قارىدىم ئاسماندا بىر نۇر تۇراتتى .ئۇنۇڭ نۇرى نۇر تېزلىگىدە قولۇمگا چۈشكەن ئىكەن.بۇ كۈنى مەن قۇرئان ئوقۇپ ھەم قۇرئاننى  باغرىمغا بىسىپ ئۇخلاپ قا

ئىپارە

	شۇ كۈنى مەن قۇرئاننى باغرىمغا بىسىپ ئۇخلاپ قاپتىكەنمەن.تېلدا يازغاشقا  ھەرىپلەر خاتا بىسىلىپ قالدى.توغرا ئوقۇغايسىلەر!ھەم تەپسىلى يىزىپ بېرەلمىدىم.ئۇ كۈنكى ئۇ نۇر چاقناپ تۇراتتى.

ablimitt

	تەتقىقاتچىلار مەزكۇر تاشقىي يۇلتۇزنى 2012-يىلى 5-ئايدىن 2013-يىلى 8-ئايغىچە بولغان ئارىلىقتا كۆزەتكەن بولۇپ، ئۇلار ھېلىقى كائىنات جىسىملىرىنىڭ سوقۇشىشى 2012-2013-يىللىرى يۈز بەرگەن، دەپ پەرەز قىلىشماقتا. دىققەت: بۇ تاشقىي يۇلتۇز بىزدىن 1140 نۇر يىلى يىراقلىقتا بولغاچقا، بۇ سوقۇشۇش بۇ يىلدىن 1142-1143 يىللار بۇرۇن يۈز بەرگەن.   تمىلېرىغا رەھمەت ئاكا، ئۈستىنكى ئابزاستا ئازراق مەسلە باردەكلا قىلىدۇ . ئاسان ئۇقۇشماسلىق پەيدا بولغۇدەك...

sidam

	ئۇنداقتا   يەرشارىدىن  بەشيۈز نۇريىلى يىراقلىقتىكى    بىر  پىلانىتقا   ئىككى ھەپتە ئىچىدە بارغىلى بولسا  يەرشارىدا  بەشيۈزيىل بۇرۇن  يۈزبەرگەن  ئىشلارنى كۆرگىلى بۇلامدۇ؟؟؟؟

mercury

	sidam يوللىغان ۋاقتى  2014-8-30 03:52 PM ئۇنداقتا   يەرشارىدىن  بەشيۈز نۇريىلى يىراقلىقتىكى    ب ... ئىككى ھەپتە ئىچىدە يەرشارىدىن بەش يۈز نۇر يىلى يىراقلىقتىكى پىلانتقا بارغىلى بولسا ： 1. سىز يىتىپ بارغۇچە ئىشلەتكەن ئىككى ھەپتە ۋاقتتا يەرشارىدا بەش يۈز يىل ۋاقت ئۆتۈپ بولۇشى مومكىن . 2. سىز 500 نۇر يىلى يىراقلىقتىكى پلانتقا ئىككى ھەپتىدە يىتىپ بىرىشقا قادىر بولالىغۇدەك ئۈسكۈنىگە ئىگە بولغانىكەنسىز ، ئۇنداقتا سىزدە چوقۇم يورۇقلۇق سىگنالىنى نۇر تىزلىگىدىن 20000 ھەسسە تىز ئۇزىتالايدىغان تىلىسكوپ ياسىيالايدىغان تىخنىكا بولىدۇ  . شۇڭا كۆرىدىغىنىڭىز ، يەر شارىنىڭ سىز ئايرىلغان ۋاقىتتىن كىيىنكى كۆرۈنۈشلەر بولىدۇ . …… يۇقارقىلار مۇنداقلا تەسەۋۋۇرۇمغا كىلىپ قالغىنى . ئاساس قىلىۋالماڭ .

aman768

	mercury يوللىغان ۋاقتى  2014-8-30 07:26 PM ئىككى ھەپتە ئىچىدە يەرشارىدىن بەش يۈز نۇر يىلى يىراقل .. يېزىلۋاتىدۇ.... تولۇقلىما مەزمۇن (2014-8-31 09:57 AM): سۇقۇشۇپ بىر -ئىككى يىل بولغاندا رەسىمگە چۈشۈپتۇ ، دەپ چۈشەندىم