ئىش كەلمىسە قۇلىڭدىن

mehriya

	ئىش كەلمىسە قۇلۇڭدىن ئىش كەلمىسە قۇلۇڭدىن ، زەپەر قۇچسام چاۋاك چال . شوتا بولغىن ئۆرلىسەم ، ئاق يول تېلە كۈلۈپ قال . قاپاق تۈرمە گۈل قىسسام ، ئورەك قازما يولىمغا . ھېچ بولمىسا پۈۋلەپ قوي ، قان تامچىغان قۇلۇمغا . قان يۇتمىغىن ھەسەتتە ، ئوڭغا تارتسا ئىشلىرىم . سەنمۇ مەندەك تەر تۆككىن ، كىرىشمەستە چىشلىرىم . يۈرمە رەنجىپ تەڭرىدىن ، يارالمىشىڭ ئۆزەڭدىن . قۇسۇر ئىزدەپ يۈرىسەن ، قىلغان ئىشىم سۆزۈمدىن . ئىش كەلمىسە قۇلۇڭدىن ، بال تامچىسۇن دېلىڭدىن . بارچە ساڭا مەدەتكار ، تانساڭ ئەسكى خۇيۇڭدىن . ھايات ۋە بۈگۈن ئۆتۈپ كەتسە ھاياتتىن بۈگۈن ، ئەمدى قايتىپ كەلمەيدۇ بۇ كۈن . كالىنداردا كەلمەيدۇ بىر سان ، يېقىنلايمىز ئەجەلگە بىر كۈن . توختۇمايدۇ ئاي كۈن ئۆتىدۇ . پەسىللەردىن يىللار پۈتىدۇ . يېقىنلايمىز كۈنسېرى گۆرگە ، بىزنى ئاخىر ئۆلۈم كۈتىدۇ . ھەر تېنىقنىڭ ئۆزى بىر پۇرسەت ، دەقىقىلەر شۇ قەدەر قىممەت . بىلىشلەرگە يەتمەيدۇ ۋاقىت ، تاماشىغا نەدىكى نۆۋەت . دېمەك دوستۇم ھايات بەك قىسقا ، ئىشلىتەيلى مەنىلىك ئىشقا . قادىرلەيلى بۈگۈن ھازىرنى ، تىگىشمەيلى ئالتۇننى مىسقا . قېرىلار قۇت تېلەر بىزگە دۇئادا ‹ قېرىسى بار ئۆينىڭ كىتابى بار › دەپ ، ئەل ئارا ئېغىزدىن چۈشمەس بىر نەقىل  . ‹ قېرىلار لەۋزىدىن ھېكمەت تامار › دەپ ، ھەمسۆھبەت بولماقتىن ئۇلغۇيار ئەقىل. سۆز ئاڭلاپ ئۇلارنى تەۋەرۈك بىلىپ ، تارىخنىڭ ئەڭ قەدىم زامانلىرىدىن . ئۆتۈشكەن مىڭ ئۆلۈپ مىڭ بىر تېرىلىپ ، ھاياتنىڭ ساناقسىز داۋانلىرىدىن . ھىممەتتە  ھاتەمدىن قېلىشماس سېخى ، ئەجرىگە ئەۋلاتتىن تېلىمەس بەدەل . باشتىكى ئاپپاق چاچ كۆڭۈلنىڭ ئېغى ، خىسلەتتە خىزىرغا ئوخشار دەلمۇ -دەل . ئۇلارنىڭ كۆڭلىنى چەكمەيلى زىنھار ، پەرزەنتلىك بۇرچۇم بار دېسەڭ مۇبادا . دوستلۇرۇم ئاق كۆڭۈل ئاشۇ قېرىلار ، ياخشىلىق قۇت تېلەر بىزگە دۇئادا . مەنمۇ سەنسىز ياشاشنى بىلدىم ئەنسىرەيتتىم بۇرۇن شۇنداق ئۆزەمدىن ئەنسىز ، دەيتتىم دائىم ياشالمايمەن ئايرىلسام سەنسىز . بىراق ھازىر قوشۇلۇپتۇ بىر ئەقىل شەرتسىز ، شۇنداق ئەمدى مەنمۇ سەنسىز ياشاشنى بىلدىم . ئىشىنەتتىم سېنىڭ بارلىق سۆزىڭگە ھەتتا ، پو ئېتىپ سەن ئۆز -ئۆزەڭگە قويساڭ تەماننا . كىملەرنىدۇر ئالداپ -سالداپ يۈرەمسەن يانا ، ئالداۋەرگىن مەنمۇ سەنسىز ياشاشنى بىلدىم . كېچىلىرى ئۇخلىيالماي ئۇيلايتتىم سېنى ، قانداق چىداي تاشلىسا دەپ بىر كۈنى مېنى. ماڭا باشتا بەرگەن شېرىن ۋەدىلەر قېنى ، بوپتۇ مانا مەنمۇ سەنسىز ياشاشنى بىلدىم . بولدى ئەمدى ئاھ ئۇرمايمەن بىر ئۆزەم تەنھا ، جۈپ بولمايمەن تەنھالىققا بۇلىمەن ئاشنا . ساپ ياشايمەن بۇ دۇنيادا پاكلىققا تەشنا ، چۈنكى ھازىر مەنمۇ سەنسىز ياشاشنى بىلدىم . مېھرىيە يوللانمىسى

ap~qilam

	قالتىس، ئۇزاق بوپتىكە مۇنبەرگە كىرمىگىلى ئىجادىيەتلەر ئۈزۈلۈپ قالمىسۇن

قورغان

	مەزمۇنى چوڭقۇر ئېسىل شىئېرلاركەن،بەھىرلەندىم

TAXNAI2

	بەك ياخشى شىئىرلاركەن ...بولۇپمۇ  1.سىنى بەك ياقتۇردۇم....ئۆزىڭىزنىڭ ئىجادىيتىمۇ؟

qaraxani

	ئاددى يېقىشلىق تىللار بىلەن يېزىلغان ھاياتلىق ھېسلىرى ئىكەن...

Gvlmisal

	يېزىپ تۇرۇڭ .سىزگە ئىزچىللىق ياربولغاي

XAHZAD

	يېقىشلىق تىما بوپتۇ .ئىجادىيىتىڭىزگە ئۇتۇق تىلەيمەن.

putbilqi

	رەھمەت!!!

Bilim-humar

	ياخشى تىمىلىرىڭىز ئۈزۈلمىگەي،سىخى قەلەملىرىڭىز ھارمىغاي.

jelwa

	بىر-بىرىدىن  ياخشى  يىزىلغان  شىئىرلاكەن.......