خامىليون (ساتىرا)

ئۇزدىل

	خامىليون    (ساتىرا) خۇدايىمغا ئاشكارىدۇر سېنىڭ ماڭغان يوللۇرۇڭ، ئەگرى-تۈزگە ئايرىمىدىڭ ماغدۇرۇڭغا ئىشەنگەچ. قەسىمىڭنى ۋاستە قىلدىڭ يېيىش ئۈچۈن ھارامنى، قۇرئانىڭمۇ توسالمىنى بۇ خۇيۇڭنى چۈشەنگەچ. خامىليوندەك رەڭدازلىقىڭ داڭ قالدۇردى جاھاننى، كەيىپ-ساپا، زىناخورلۇق ئورىۋاپتۇ جىسمىڭنى. ۋەز ئېيتىسەن فېردەۋىستىن خۇددى ۋىزا كەلگەندەك، جەھەننەمگە مۇئەككەللەر ياد ئەتسىمۇ ئىسمىڭنى. تورغا چىقساڭ ئەييۇھەنناس كامىل مۇئمىن بەندىسەن، قىلدەك خاتا سۆزلىگەنگە يول قويمايدۇ <غورۇرۇڭ>. شەرەپسىزلىك قىلساڭمۇ چىچى، ۋېيشىن، مۇنبەردە، نومۇس قىلماي سوقۇپ تۇرۇر تېنىڭدىكى تومۇرۇڭ. تېخى ئۆلۈم پىچىشلىرىڭ مۇنبەردىكى<قاتىل >غا ، خىجالەتتىن نەچچە ئۆلدۈم سەن باش سوتچى بولغاندا. رول ئېلىشىڭ داۋام ئەتمەس، ھازىر <قازى> بولساڭمۇ، يەرلىكىڭگە ئەل-جامائەت سېنى كۆمۈپ قويغاندا. مۇنبەردىلا سۆزلەيسەن ۋىجدان،غورۇر، ئەخلاقنى ، چۈنكى بۇيەر مەۋھۇم، پىنھان پۇتلاشمايدۇ ھېچ كىشى. جۈرئەت بارمۇ سەندە دوستۇم ئەمىليەتتە سۆزلەشكە، ھايۋان چېغى ئايرىلىدۇ ھاڭگا-مېدە، ئەركەك-چىشى. ھېلىھەممۇ ئۈلگۈرىسەن چۆرىۋەتسەڭ ئۇچاڭدىن، كىيىۋالغان ھەشەمەتلىك <تەقۋا>نىڭكى تونىنى. بۇنداقلاردىن ھەزەر ئەيلەڭ تورخۇمارلار ھەردائىم، مۇنبەردە ئۇرۇپ سالۇر سىز بىزدەكتىن بەش-ئونىنى. ئەسكەرتىش:ئۆزىگە ئېلىپ كېتىدىغانلار ئىنكاس يازماي ئەگىپ ئۆتۈپ كەتكەي! مەنبە: ئۇزدىل

TAXNAI2

	ئوخخۇۇۇۇۇۇۇۇۇۇۇۇۇۇۇۇۇۇۇۇۇ.......يالغاندىن  پو سۆزلەپ  يۈرۈيدىغان  قۇرۇق سۆلەتۋازلارغا  قارتىپ بەكمۇ كېلىشتۈرۈپ يېزىپسىز .....مۇنبەردىمۇ  خېلى بارغۇ دەيمەن  تونغا ئورنىۋالغانلار...

sedef

	ئا.پ.چېخوپنىڭ ‹‹خامىليون›› دەيدىغان بىر ھېكايىسى بولىدىغان.داڭلىق ئىدى.

يولتۇز

	قوي تىرىسىگە ئورىنىۋالغان ئۇ شەرەپسىز بۆرىلەر مەڭگۈ ئۆزگەرمەيدۇ جۇمۇ .

تەسەللى

	شېئىرىڭىز نەق جايىنى تېپىپتۇ، مۇنبەرەد تاماكىنى قىڭغىر چىشلەپ تۇرۇپ ئىنكاس يىزىپ ۋەز ئېيتىدىغانلار يوق ئەمەس. ئەمما، دىندىن سۆزلەپ بولغۇچە، ساختا تەقۋاغا چىقىرىدىغان تىگى پەس رەزگىلەر، ھەممىسىنى بىر تاياقتا ھەيدەپ ھاقارەت تىللرىىنى ئىشقا سېلىپ بولىدۇ.

Bilim-humar

	ئۇلۇغ رەببىم ھەممىمىزنىڭ كۆڭلىگە ئىنساپ بەرسۇن.

باشتۇغ

	بۇمۇ ياخشى قامچىكەن . قامچىلاشقا تېگىشلىكلەرنى قامچىلىماي بولمايدۇ .

xahzada100

	TAXNAI2 يوللىغان ۋاقتى  2014-8-26 06:20 PM ئوخخۇۇۇۇۇۇۇۇۇۇۇۇۇۇۇۇۇۇۇۇۇ.......يالغاندىن  پو سۆزلەپ  يۈ ... دۇرۇس

مېھرىما

	خامېلىئون ئەسلىدىنلا مۇھىتقا قاراپ رەڭگىنى ئۆزگەرتىپ ئۆزىگە پايدىلىق شەرت-شارائىت ھازىرلايدىغان ھايۋان.دېمەككى،ۋەزىيەت قايسى تەرەپكە پايدىلىق ئاقسا شۇ يۆنىلىشكە قاراپ ئاقىدىغان دۆگىلەڭ تاۋۇزلار خېلى كۆپ زادى... دەل جايىغا بېرىپ تېگىپتۇ !

mehriya

	مېھرىما يوللىغان ۋاقتى  2014-8-27 11:35 AM خامېلىئون ئەسلىدىنلا مۇھىتقا قاراپ رەڭگىنى ئۆزگەرتىپ  ... ئاشۇنداقلاردىن نىمىشقا شۇنداق قىلىسەن دەپ سواپ باقسىڭىز ‹ جان بېقىش ئۈچۈن › دەپلا جاۋاپ بېرىدۇ قىزارماستىن .