ھەر بىر قەغەز پۇلدا 3000 خىل باكتېرىيە بار

xamal007

	ھەممىمىزنىڭ بىلگىنىگە ئوخشاش قەغەز پۇل ناھايىتى مەينەت بىر بويۇم ھېسابلىنىدۇ. يېقىندا ئامېرىكا نىيۇيورك ئونۋېرسىتېتىنىڭ مۇتەخەسسىسى قەغەز پۇلغا قارىتا تەكشۈرۈش ئېلىپ بارغان بولۇپ، بىر تال قەغەز پۇلدا 3000 دىن ئارتۇق ھەر خىل باكتېرىيە بارلىقىنى بايقىغان، بۇ باكتېرىيەلەر دانىخورەك، ئاشقازان يارىسى ۋە ئۆپكە ياللۇغى قاتارلىق كۆپ خىل كېسەللىكلەرنى كەلتۈرۈپ چىقىرىدىكەن. تەتقىقاتچىلار كىلىش مەنبەسى ئوخشاش بولمىغان 1دوللارلىق 80دانە پۇلنى تەكشۇرۇش ئارقىلىق بۇ پۇللاردا باكتىريە ، ۋىروس ،كۆيدۈرگە،ئۆسۈملۈك كېسەللىرى سەۋەبچىسى،قاتالىق ھەر خىل كىسەللەرنىڭ ۋىروسى بارلىقىنى ئېسپاتلىغان 。

xamal007

	مال ئىگىسىنى دورىمىسا ھارام مەن تۇنجى بالامنى قارتىغا بۇيرىغانىدىم،.ئۇ قىمارۋاز بولۇپ چىقتى.ھاراقنى بولۇشىغىچە ئىچكەنىدىم،ئىككىنچى بالام زابوي بولۇپ چىقتى.ئانىسىنى خورلاپ،خالاڭ-خۇلۇڭ ئاشنائوينىغانىدىم،قىزىم يولدىن چىقىپ كەتتى.تۆتىنچى بالامدىن زور ئۈمىد كۈتكەنىدىم،يانچۇقۇمىنى تۇيدۇرماي تەتۈر ئۆرىۋەتتى.مەن ئەجەل ئالدىدا نالە قىلدىم؛ -          ئاھ خۇدا،بۇ نېمە قىسمەت،ھېچبولمىسا بىرەرسى دۇرۇس ئادەم بولسا بولماسمىدى؟ -          مال ئىگىسىنى دورىمىسا ھارام- دېدى غايىبدىن بىرى. -          تۇخۇم پالاق بولسا چۈجە چىقمايدۇ،- دېدى زېمىن. مەنبە :«بەخىت ئىشىكى» ناملىق كىتاپدىن ئىلىندى.

xamal007

	مۇۋەپپەقىيەت قازىنىشتىكى 12 پرىنسىپ       1.ئۆز ئارزۇيىڭىزدىكى تۇرمۇشىڭىزنى تەسەۋۋر قىلىپ بېقىڭ ،ئۇنى ئەمەلگە ئاشۇرۇش ئۈچۈن تىرشىڭ ھەمدە ئۇنى ئۆز نىشانىڭىز قىلىپ تۇرغۇزۋېلىڭ . 2.ئۆزىڭىز ئەڭ ياخشى كۆرىدىغان نەرسىنى بايقىۋېلىڭ ھەمدە ئۇنىڭغا ئېرىشىشنى ئۆزىڭىزنىڭ مۇقەددەس ۋە زىپىسى دەپ بىلىڭ . 3.ئۆزىڭىز ياخشى كۆرگەن نەرسىگە ئىرىشش ئۈچۈن زېھنىڭىزنى ،ئىسسىق قېنڭىزنى ھەتتا ، بارلىقىڭىزنى بېغىشلاڭ .ئۇنىڭدىن ئېرىشكەن خوشاللىقىڭىز ۋە مەمنۇنىيتىڭىز سىزگە تېىخىمۇ چەكسىز كۈچ-قۇۋۋەت بېغىشلىغۇسى. 4.ئۆزىڭىزنىڭ نىمىگە ئېرىشمەكچى بولغانلىقىڭىزنى بىلۋېلىڭ ھەمدە ئۇنىڭغا ئېىرىشش ئۈچۈن ئېنىق بىر نىشان تۇرغۇزۇپ،مۇشۇ نىشانىڭىز ئۈچۈن بىر ۋاقىت جەدۋىلى تۈزۋېلىڭ .ئۆز قىزغىنلىقىڭىزنى مەقسەتكا ئايلاند-ۇرۇپ،تۇنجى تەدبىرىڭىزدىن باشلاپ قول سېلىپ ،ئۆز نىشانىڭىزغا قاراپ ئاتلىنىڭ . 5.قانداق قىلغاندا ئېنىق بىر نىشان يەنىيەككە،مەركەزلىك نىشان بىلەن مۇستەقىل ،ئۆزگىچە پوزىتسىينى بىرلەشتۈرگىلى  بۇلىدىغانلىقىنى بىلۋېلىڭ .مۇۋەپپەقىيەت قازىنىش يۇلىڭىز كۆز ئالدىڭىزدا نامايان بۇلۇپ ،ئۆز قانۇنىيتى بويىچە ۋايىغا يەتسۇن .ئېنىق نىشان تۇرغۇزۇلغاندىن كىيىن نۇقۇل ھالدا نەتىجىسىگلا تىكىلۋېلىپ ،ئاشۇ نەتىجىنى ئۆزىڭىزگە يۈك قىلۋالماڭ .ئاشۇ ئېنىق بولغان نىشانىڭىز ئارقىلىق كەلگۈسىگە يۈزلىنىڭ ،شۇ-نىڭ بىلەن بىر ۋاقىتتا ھازىرقى تۇرمۇشىڭىزدىكى خوشاللىقىڭىز ۋە نەتىجىللىرىڭىزدىن بەھىرلىنىشنى ئۇنۇتماڭ . 6.توسالغۇلار ۋەئىلگىرىكى مەغلۇبىيەتلىرىڭىزنى مۇۋەپپەقىيەت قازىنىشڭىزنىڭ ھەرىكەتلەندۇرگۈچ كۈچى قىلىڭ مەغلۇبىيەتلىرىڭىز سىزنى ،ئۆزىڭىز ئېھتىياجلىق بولغان تەجىربە ساۋاقلارغا ئىىگە قىلغان ،بۇنىڭدىن كىينمۇ سىزنى ھايات مۇساپىڭىزدە ئاجايىپ مۇۋەپپەقىيەتلەرگە ئېرشتۈرەلەيدۇ . 7.ئۆز كەسپىڭىزدىكى مۇتەخەسسىلەرگە ئايلىنىڭ .ئۆز ئىقتىدار ۋە بىلىمىڭىزنى ئۈزلۈكسىز تۈردە يۇقىرى كۆتۈرۈڭ .چۈنكى تەربىيلىنىشنىڭ چىكى بولمايدۇ  . 8.باشقىلار مومكىن بولمايدۇ دىگەن ئىشلاردىن مومكىنىيەتنى بايقاشنى بىلىڭ .ئۆزىڭىزنىڭ تەسەۋۋۇر كۈچنى   ئاشۇرۇڭ .چۈنكى دۇنيا چەكسىز مومكىنىيەتلەرگە تولغان ! 9.ئۆزىڭىز ئەڭ ياقتۇردىغان خىزمەت رېتىمنى بايقاپ ،ئۆزىڭىزنى ئىدارە قىلىشنى بىلىڭ . 10.قەتئىي بوشاشماڭ .چۈنكى بىردىنبىر  مەغلۇبىيەت دەل ۋاز كىچىشتۇر . 11.جاۋاپ قايتۇرۇشنى ۋە مىننەتتار بۇلۇشنى بىلىڭ .ھىچبولمىغاندا كىرىمىڭزنىڭ ئوندىن بىرنى بولسىمۇ جەمىيەتكە قايتۇرۇڭ .كىيىنچە مۇۋەپپەقىيەت قازانغانسىرى مىقدارنى ئاشۇرۇڭ .قايتۇرغىنڭىز قانچە كۆپ بولسا ،ئېرىشىدىغىنڭىزمۇ شۇنچە كۆپ بۇلىدۇ .بۇ بىر يىمرىلمەس ھەقىقەت .ئېسىڭىزدە بولسۇنكى ،سىزدە جەمىيەتتىكى نۇرغۇن كىشلەرگە مەنپەئەت يەتكۈزگىدەك كۈچ قۇۋۋەت بار . 12.ئۆزىڭىز ئارزۇ قىلغان تۇرمۇشىڭىزنى ھازىردىن باشلاڭ .ئۈزلۈكسىز ھالدا ئۈزىڭىزگە :‹‹ھەركۈنى ماڭغان ھەر بىر يۇلۇمدا ياخشىلنىش بۇلىۋاتىدۇ››دەپ تۇرۇڭ ! مەنبە :«تەرمىلەر» ژۇرنىلىدىن  ئېلىندى .

xamal007

	بۇ  دۇنيا مۇھەممەدجان  راشىدىن تالاشساڭمۇ ، تالايدىن  قالار ئىكەن  بۇ  دۇنيا ، بىلىپ بولماس  نەگىدۇر  بارار ئىكەن  بۇ  دۇنيا . مەيلى گاداي  ، مەيلى  شاھ ، بىر قىيامەت  بىر  جانغا ، بىر  ئىنساندىن بىر  جەسەت  ئالار ئىكەن  بۇ  دۇنيا . يىغىلغانلار پەسلەيدۇ ، رىزقى  ئۇنىڭ  شۇنداق دەپ ، مۇسىبەتكە ھەر  كىمنى  سالار ئىكەن  بۇ  دۇنيا . بىر  ھۇجرىغا جەم  بولۇپ ئۈلگۈرمىگەن   جۈپلەرنى ،   ياش  دېمەستىن ئەلەمدە  قويار   ئىكەن بۇ  دۇنيا . ئۆلمەي  تۇرۇپ  ئايرىلغان  تىرىكلەرمۇ  ئاز ئەمەس ،   كۆز  ياش بىلەن  يۈزۈڭنى  يۇيار ئىكەن  بۇ  دۇنيا . ۋاپاسىز  دەپ  كايىيدۇ شۇڭا  ئۇنى  ئادەملەر ، ئاغرىنغاننى  قامچا  بوپ  ئۇرار  ئىكەن  بۇ دۇنيا . يۇلتۇز  كۆزلۈك  ئاسمانغا  تۈندە  باقسام  ئۈنچىقماس ، پايانى  يوق  تىلسىمدەك تۇرار  ئىكەن  بۇ دۇنيا  . توخۇلارغا   تاڭ  قالدىم تىرىكلىكنى  ئويغاتقان ، تەئەججۈپكە   ھەر  كىمنى قويار  ئىكەن  بۇ دۇنيا . ئەجدادلاردىن  قەبرىلەر   قاپتۇ سانسىز چوقچىيىپ  ، خىيال  قىلساڭ  ، بەئەينى مازار  ئىكەن  بۇ دۇنيا . تىرىكلەرگە  كۆز  سالساڭ مىدىرلايدۇ  ھايات  دەپ ،   بىر  قىسمەتتە ئاجايىپ  بازار  ئىكەن بۇ  دۇنيا  . ئۆچۈرگەندەك  ئۆيۈڭنىڭ  چىرىغىنى بىر  شامال ، ئۆزى  يەنە  گۆرۈڭنى قازار  ئىكەن  بۇ دۇنيا . مۈكچىيەركەن  بەللىرىڭ  سەن كۈتمىگەن  كەچمىشتە ،   ھەر  ماڭلايغا  بىر  قىسمەت  يازار ئىكەن بۇ  دۇنيا . كۆزنى  يۇمۇپ  ئاچقۇچە ئاق  سانجىيدۇ  چېكەڭگە ، يۈزلەپ  قورۇق  يۈزۈڭدىن سانار  ئىكەن  بۇ دۇنيا . بوۋاي  قىلىپ  يىگىتنى ھەيدەپ  ئاشۇ  ئۆلۈمگە ، ئۆزى  ھۆكۈم  ، ئۆزى سىم – قارار  ئىكەن  بۇ  دۇنيا .   قىز –كېلىنلەر  . ھەددىڭ  يوق تاڭلا  موماي  بولماسقا ، ئۇنمىساڭ  قويماستىن  تاڭار ئىكەن  بۇ  دۇنيا . قايرىلىسەن  كەينىڭگە  ياشلىقىڭغا تويماستىن ، ئۆشنىسىدە  سەن  ئۇنىڭ ، ماڭار  ئىكەن  بۇ دۇنيا . بۇ بەش  كۈنلۈك  ئالەمدىن ھەر كىم  ھەر  نە كۆزلەيدۇ ، بېخىللارنىڭ  كۆزىدە  تاۋار ئىكەن  بۇ دۇنيا  . كېلىپ – كېتەر  مېھمانسەن ، ياخشى  قونۇپ ، ياخشى  كەت ، سېخىي  ئۈچۈن  بىر قالام  چاۋار  ئىكەن بۇ  دۇنيا . رەقىبلىشۇر ئىككى  جان  ئۆز نەپسىگە   چوغ  تارتىپ ،   توۋا  دەڭلار  ، ئۇلارغا  تۇمار  ئىكەن  بۇ دۇنيا . گويا ئاتقان  ئوشۇقتەك  سىيا چۈشۈپ  ، چۇ  چۈشۈپ ، ئويلاپ كۆرسەڭ  ، بىر  تاۋكا قىمار  ئىكەن  بۇ دۇنيا . چېچەك  تۆكسە  ئۆرۈكلەر ، مېۋە  قىلىپ  ئورنىدا ،   ئەجدادلارغا  ئەۋلادنى  ئۇلار  ئىكەن بۇ  دۇنيا . رىزقى ئەمما  تەڭ  ئەمەس بۇ  پانىيغا  كەلگەننىڭ ، بىردە يوقسۇل ، بىردە  تەل  قىلار ئىكەن بۇ  دۇنيا . رىزقى ئەمما   تەڭ  ئەمەس بۇ پانىيغا  كەلگەننىڭ  ، بىردە يوقسۇل ، بىردە  تەل  قىلار ئىكەن  بۇ  دۇنيا . ئاپەتلىرى  ئاز ئەمەس  ، يولۇققانلار يىغلايدۇ ، كەلكۈن  كەبى  شارقىراپ ئاقار  ئىكەن  بۇ دۇنيا .   غەم  قىلمىغىن ، ئۆلگەنلەر ، يېتىم  قالغان بالاڭدىن ، ئۆزى  بېقىپ قاتارغا قاتار  ئىكەن  بۇ  دۇنيا. ئەجەبلەنمە بېشىڭغا  ئىسسىق  كەلسە ، سوغ كەلسە ، تارازىسى  ئېگىز – پەس  بولار ئىكەن  بۇ  دۇنيا . ئەيىب  كۆرمەڭ ، كۆتۈردۈم  شۇ سەۋەبتىن بىر  قەدەھ ،   شۇ  قەدەھكە – شۇ  مەيگە خۇمار  ئىكەن  بۇ دۇنيا .

xamal007

	– چوڭ بولغىنىڭدا نىمە ئىش قىلىسەن؟ – سوراپتۇ پەيلاسوپ ئوغلىدىن.      – قوي باقىمەن، – دەپ جاۋاپ بىرىپتۇ ئوغلى. پەيلاسوپ قاتتىق رەنجىپتۇ، شۇنداقتىمۇ ئۆزىنى بېسىۋېلىپ ئوغلىدىن سوراپتۇ:      – نىمىشقا؟      – چۈنكى، قوي باقىدىغانلار ئەڭ كۆپ، نۇرغىن ئادەمنىڭ قوي باققانلىقى قوي بېقىشنىڭ ئوبدان ئىش ئىكەنلىكىنى ئىسپاتلاپ بىرىدۇ، شۇڭا چوڭ بولغاندا قوي باقماقچىمەن، – دەپ جاۋاپ بىرىپتۇ ئوغلى.      – ھەقىقەت مەڭگۇ ئاز سانلىق كىشىلەرنىڭلا قولىدا بۇلىدۇ، – دەپتۇ پەيلاسوپ بېشىنى چايقاپ، – سەن كىشىلەر نىمە قىلسا مەنمۇ شۇنى قىلسام بولغۇدەك دەپ قالما! ئۇنداق قىلساڭ چوڭ بولغۇنىڭدا قولىدىن ھېچ ئىش كەلمەيدىغان ئادەم بۇلۇپ قالىسەن.      – سىزنىڭچە چوڭ بولغاندا مەن نىمە ئىش قىلاي؟ – دەپ سوراپتۇ ئوغلى ئاتىنىڭ سۆزىنى چۈشۈنەلمەي.      – سەن چوقۇم ئالىم بولغىن، ئېلىم ئەھلى بۇلۇش ھەممە ئادەمنىڭ قولىدىن كىلىۋېرىدىغان ئىش ئەمەس!      بىر كۈنى يېرىم كېچىدە كەنتكە توساتتىن كەلكۈن كىلىپ قاپتۇ. كەنتتىكىلەرنىڭ ھەممىسى ئىگىزلىككە قاراپ يۈگۈرشۈپتۇ. پەيلاسوپمۇ كىشىلەرنىڭ كەينىدىن يۈگۈرۈپتۇ. ئۇ يۈگۈرۈپ كىتىۋېتىپ ئوغلىنىڭ يوقاپ كەتكەنلىكىنى ھېس قىلىپتۇ. كەينىگە ئۆرۈلۈپ قارىسا ئوغلى ئويمانلىققا قاراپ يۈگۈرۈپ كىتىۋاتقىدەك. پەيلاسوپ ئوغلىنى ئويمانلىقتىن قايتۇرۇپ كەپتۇ. ئاتا – بالا ئىككەيلەن ئىگىزلىككە چىقىۋالغاندىن كېيىن، پەيلاسوپ ئوغلىدىن خاتىرجەمسىزلىنىپ سوراپتۇ:      – ھەممە ئادەم ئېگىزلىككە قاراپ قاچسا، قېرىشقاندەك سەن نىمىشقا پەسكە قاراپ قاچىسەن؟      – ئۆزىڭىز ماڭا ھەقىقەت مەڭگۇ ئاز سانلىق كىشىلەرنىڭلا قولىدا بۇلىدۇ دېگەنتىڭىزغۇ؟ قارىسام ھەممەيلەن ئېگىزلىككە قاراپ قېچىۋېتىپتۇ، ئۇلار چۇقۇم خاتالاشتى دەپ ئويلۇدۇم، شۇنىڭ بىلەن ئۈزۈم يالغۇز پەسكە قاراپ قاچتىم.      – ھەقىقەت ھەقىقەتەن ئاز سانلىق كىشىلەرنىڭلا قولىدا بۇلىدۇ، – دەپتۇ پەيلاسوپ ئوغلىغا سەۋرچانلىق بىلەن تەربىيە بىرىپ، – بالايى – ئاپەتكە دۇچ كەلگەندە جېنىنى ئېلىپ قېچىش ئىنسانلارنىڭ تەبىئىتى، شۇڭا بۇنداق پەيتتە كۆپچىلىكنىڭ ھەممىسى ھاياتىنى ساقلاپ قالالايدىغان جايغا يۈگۈرەيدۇ، سەن بۇ نوقتىنى چوقۇم ئېسىڭدە ساقلىشىڭ كېرەك!      – مەن يەنىلا چۈشۈنەلمىدىم، – دەپتۇ ئوغلى بېشىنى چايقاپ، – ھەقىقەت مەڭگۇ ئاز سانلىق كىشىلەرنىڭلا قولىدا ئىكەن، ئەمما ھاياتلىق كۆپ سانلىك كىشىلەرنىڭ قولىدا ئىكەن، ئۇنداقتا ھايات بىلەن ھەقىقەتنى سېلىشتۇرغاندا زادى قايسىسى مۇھىم؟      ئەزەلدىن زۇكۇنچى پەيلاسوپ دەپ قارالغان بۇ ئاتا ئوغلىنىڭ بۇ سۇئالىغا دەرھال جاۋاپ بىرەلمەي قاپتۇ.

sutbulak

	بىر قىتىم مۇھەممەدئىمىن ھەسەن بالاڭ ئازسا بوپتۇ دەپ پۇرسەت بەرمە بىر قىتىم كۆنىۋالسا ئۇ ئەگەر ئويناۋىرەر مىڭ قىتىم كۈتۈپ تۇرساڭ ۋاقتىنى ئۆمۈر ئۆتەر بەكمۇ تىز يول تاپىدۇ بىر كۈنى دەيدىغانغا يوق بىتىم ئازغان بولسا بالاڭنى يول تاپىدۇ دىمىگىن ئويناۋەرسە بىر كۈنى پۇل تاپىدۇ دىمىگىن ئازغانلاردىن قانچىسى ئۆزلىگىدىن تۈزەلگەن ئوڭشىلار دەپ بىر كۈنى خام-خىياللار يىمىگىن ئاق سۈت ئەمگەن ئاغزىغا ئاقنى شوراپ يۈرمىسۇن ياكى يۇمران قولىدا نەشە ئوراپ يۈرمىسۇن ياشلىقىنى ئۆمرىنى قىمار بىلەن ئۆتكۈزۈپ پۇل تاپالماي بىر كۈنى يانجۇق كولاپ يۈرمىسۇن ئازغانلارنى ۋاقتىدا تۇتىۋالغىن قولىدىن ئۆمۈر گويا ئۇچقۇر ئات توختىمايدۇ سولىدىن پۇل ھەم ساقلاپ تۇرمايدۇ تىپىۋالسۇن مىنى دەپ ئازغانلارغا يول بەرمەي توسىۋالغىن يولىدىن ئىنسان دىگەن ئازغۇچى دىمە بالاڭ ئازغاندا يۈز قىلمايدۇ تەڭرىمۇ نامە-ئەمەل يازغاندا ئادەم دىگەن ھەرقاچان نەسىھەتكە مۇھتاجدۇر چىڭ تۇتساڭگەر خوش بولۇر غەلبە-ئۇتۇق قازغاندا

لالەگۈل

	بەك ياخشى ھېكمەتلەركەن.

hiyali99

	sutbulak يوللىغان ۋاقتى  2014-8-24 08:01 PM بىر قىتىم مۇھەممەدئىمىن ھەسەن ياخشى رەددىيە

zulpukar

	شۇ باكتىريەلەرنى تەكشۈرۈپ چىققان يەنىلا شۇ پۇلغۇ..........    دېمىسىمۇ راس جۇمۇ...........  پۇلنى ھاجەتخانىغا بېرىپ كېلىپمۇ تۇتىمىز.......  ئاشخانىلارغا بارغاندىمۇ شۇ..........    شۇڭىلاشقا باكتىريەلەرنىڭ بولىشى ئېنىق.........