تەڭرى تاغنىڭ تاجىسى

mahatjan

	تەڭرى تاغنىڭ تاجىسى                                  مەخەت ئابدۇرېھىم.                                            تەڭرى تاغنىڭ تاجىسىدەك تاغىمىز،                   تۇركىي تىللار توپلىمىنى توپلىغان.                   تاۋۇشلارنىڭ تەركىبىنى تەكشۈرۈپ،                   تىل-تەلىمات تونورىدا تاۋلىغان.                  تۈركىي تىللار تەبىئەتنى، تۇرمۇشنى،                  تونوشتۇردى تەڭرى تاغنى،تارىمنى.                  تارىمدىكى توخو،توشقان توغايلار،                  توختاتمىدى تىلىمىزغا تازىمنى.                  تۈركىي تىلنىڭ تاتلىق تاڭسىق تەمىدىن،                  تۇراقلاشتى تەبىئەتكە توغراقلار.                  تىل توختاتقان تاۋۇش تۆمۈر تامغىدىن،                  تۈركۈملەشتى تايچاق،تىمساق،توپاقلار.                  تىل تەمىنى تېتىمىغان تەنتەكلەر،                  تىلىمىزنىڭ تارىسىنى تولغىدى،                  تونۇيالماي تەركىپلەرنى تىلدىكى،                  توك توختىغان توڭلاتقۇغا توپلىدى.                 تىلىمىزنى تەسۋىرلىگەن تاۋۇشلار،                 تىلىمىزنىڭ تىل تۇمارى تاجىسى.                 تەبىئەتنى تەرىپلەشتە تەل-تۆكۆس،                تۇراقلاشقان تەپەككۇرنىڭ تارىسى.                  تىلشۇناسلار تاللاپ،تاۋلاپ تارقاتقان،                  تىلغا تەۋە تەلىماتنى تىڭشايلى.                 تونوپ تۇرۇپ تاش-توقماقنى،توغراقنى،                  تاشنى زورلاپ تاياقلارغا تاڭمايلى.                   تىلىمىزنى تىلداشلارغا تونۇتقان،                   تەتقىقاتچى تاغىمىزغا تەشەككۇر.                   تەسىرلەنگەچ تاغىمىزنىڭ تەرىدىن،                  توختىمايدۇ تىلداشلاردا تەپەككۇر.                         ئاپتۇرى؛مەخەت ئابدۇرېھىم.

TAXNAI2

	تېىمىلىرىڭىزنى تېتىملىق تۈزۈپسىز ....تولىمۇ تەسىرلەندىم....... تاۋۇشلارنى تولىمۇ تەڭشەپسىز ،،،،،   توختاتماڭ................... ئۇيغۇر شىئىريىتىدە  بىر خىل ھەرىپ بىلەن باشلانغان  شىئىرنى  بۇگۈن كۆرۇشۇم...بۇ بىر يېڭىلىق بوپتۇ،،،ئاپرىن سىزگە

Janbar

	تەڭرى تاغ ئەمەس تەڭرىتاغ.

babur99

	بارىكاللا ئاكا ! كۆپ ئەجىر قىپىسز ،تالانتىڭىزغا تىل تەگمىسىۇن .

Bilim-humar

	تىمىلىرىڭىزنى تەبرىكلەشكە تىلىم تالىدۇ،تاتلىق تىمىلىرىڭىز توختىمىسۇن تاغا!

Bilim-humar

	تىمىلىرىڭىزنى تەبرىكلەشكە تىلىم تالىدۇ،تاتلىق تىمىلىرىڭىز توختىمىسۇن تاغا!

tohuwaz

	توخۇ توخىمىدەك تەملىك تىتىدى..تىمىڭىز..

mahatjan

	Janbar يوللىغان ۋاقتى  2014-8-24 05:15 PM تەڭرى تاغ ئەمەس تەڭرىتاغ. تەڭرى تاغ ئەمەس تەڭرىتاغ. سەمىمىي تەلىم بەرگەنلىرىگە كۆپ رەھمەت.

mahatjan

	TAXNAI2 يوللىغان ۋاقتى  2014-8-24 04:58 PM تېىمىلىرىڭىزنى تېتىملىق تۈزۈپسىز ....تولىمۇ تەسىرلەندى ... ماڭا ئىلھام بەرگەنلىرىگە رەھمەت.ئۇيغۇر تىلىنىڭ ئىپادىلەش ئىقتىدارىنى نامايەن قىلىش ئۈچۈن مۇشۇنداق سۆز ئويونلىرىدىن خېل كۆپ يازدىم.يەنە داۋاملىق تىشىمەن.

musilina

	بۇنداق شەكىلدىكى شېئىرنى يازماق ئاسان ئەمەس..... قەلەم قۇۋۋىتىڭىز تېخىمۇ ئاشسۇن مەخەت مۇئەللىم......