غۇلجا ناھىيىسىدىكى يۈزلەر توغرىسدا قىسقىچى ئىزاھات

barnawul

	غۇلجا ناھىيەسى تەۋەسىدە يۇرت ناملىرىنى《يۈزى》لەر بويىچە ئاتاش باشقا جايلاردا تېپىلمايدىغان ئۆزگىچىلىك. چىڭ ھۆكۈمىتىنىڭ جياڭجۈن مەھكىمىسدىكىلەر موڭغۇل ئىستېلاچىلىرىدىن قالغان يوسۇن بويىچە بىر ئائىلىنى بىر تۈتۈن ھېسابلاپ، مىڭ تۈتۈن،يۈز تۈتۈن،ئون تۈتۈن بويىچە گۇرۇپپىلاپ،مىڭ تۈتۈنگە مىڭبېشى،يۈز تۈتۈنگە يۈز بېشى ،ئون تۈتۈنگە ئونبېشى قويۇپ باشقۇردى. زامانلارنىڭ ئۆتۈشى ۋە يېڭىلىنىپ تۇرۇشى بىلەن مىڭبېشىنىڭ باشقۇرۇشىدىكى يۇرتلار دائىرىسنىڭ كېلەڭسىزلىكى تۈپەيلى،ئۇلارنىڭ ئەلنى ئىدارە قىلىشقا دائىر ئەمر ىمەرۇپلىرى تەدرىجىي كۈچىدىن قېلىپ ۋە بۇ يۇرتلار بارغانچە پارچىلىنىپ يۈز بېشىلەرنىڭ باشقۇرۇشىدىكى مەھەللىلەرگە چېچىلىپ كەتتى،شۇنىڭ بىلەن ئونبېشىلەر بارا بارا يۈز بېشىلەر ئىلكىدىكى دورغا،قارانچۇققا ئايلىنىپ قالدى، شۇنىڭ بىلەن يۈز بېشىلەرنىڭ ھوقۇق ئىمتىيازى تېخىمۇ گەۋدىلىنىپ، يۈز تۈتۈن ئاساسىدىكى نىسپىي مۇستەقىل مەھەللىلەر بارلىققا كەلدى ۋە بۇ مەھەللىلەر تۇنجى يۈز بېشى بولغۇچىنىڭ  ئىسمى لەقىمى ياكى يۇرتنىڭ نامى بىلەن تۇرپانيۈزى، جېلىليۈزى، روزىمەتيۈزى، موللا توختىيۈزى، ئىسلاميۈزى،خۇدىياريۈزى، سادىقيۈزى،كېپەكيۈزى،توخۇچىيۈزى دېگەندەك ۋە ياكى شۇ مەھەللىگە كۆچۈرۈپ كېلىنگەن ئاساسلىق كۆچمەن ئاۋامنىڭ ئەسلى يۇرتىنىڭ نامى بىلەن خوتەن مەھەللە،يەكەن مەھەللە،قۇمۇل مەھەللە دېگەندەك ناملار بىلەن ئاتىلىشقا باشلىدى، شۇنىڭ بىلەن بىر ۋاقىتتا بەزى جايلاردا كۆچمەن ئاۋاملار ئەسلى ئاھالىلەر ئىچىگە سىڭىپ كىرىپ، يۈزتۈتۈن بىرلىكىدىكى مەھەللىلەرنى شەكىللەندۈردى، لېكىن ،بۇ مەھەللىلەرنىڭ نامى داۋاملىق ئەسلى جاي ناملىرى بىلەن مازار، بايتوقاي، گەمە،بوستان، مورات، بورىچى دەپ ئاتىلىۋەردى،بەزى جايلاردا ئون تۈتۈن بىرلكىدىكى مەھەللىچاقلار بارا بارا بىر بىرىگە قېتىلىپ يۈز تۈتۈن بىرىلكىدىكى مەھەللىلەرنى شەكىللەندۈردى ۋە بۇ مەھەللىلەر شۇنىڭغا يارىشا ئۈچئون،بەشئون،ئالتە ئون دېگەندەك ناملار بىلەن ئاتىلىشقا باشلىدى. بۇرۇنقى خاتىرىلەدە دېيىلىشىچە غولجا ناھىيسىدە 86يۈز بار بولۇپ ھازىر بەزىلىرىنىڭ نامى ئۆزگۈرۈپ كەتتى،مەسىلەن، پەنجىم ئەسلى پەنجىميۈزى دەپ ئاتىلاتتى، مەمەيار ئەسلى مەمەتيار يۈزى دېيىلەتتى، يەنە ئابلاش ئەسلىي ئابلاشەخيۈزى، ئالتەئۆي ئەسلىي خۇداقۇليۈزى، غۇجاش ئەسلىي غۇجاشيۈزى، دۆڭمازار ئەسلىي قادىريۈزى، بۆلۈكەي ئەسلىي رازاقيۈزى، سىپىل ئەسلى بەختىياريۈزى، قاراباغ ئەسلى ئابابەكرىيۈزى، سالار ئەسلى سۇلتانشاھ يۈزى، ئاقتام ئەسلى ئىبراھىميۈزى، يېڭىتام ئەسلى مەمتىمىنيۈزى، ئارابوز ئەسلى پولاتيۈزى،دولان ئەسلى دولانيۈزى دەپ ئاتىلاتتى.    يىللارئۆتتى، لېكىن بۇ مەھەللە-《يۈز》لەرنىڭ بەزىلىرى يوقاپ، يەنە بەزىلىرى زورىيىپ—دائىرىسى كېڭىيىپ،نەچچە يۇرت-مەھەللىلەرگە بۆلۈنۈپ كەتسىمۇ <<يۈز>>لەر نامى شۇ تەرىقىدە ياشاپ كەلدى ۋە ئىلىنىڭ ئۆزگىچە مەدەنىيەت ھادىسسى بولۇپ قالدى.

ئايچىن

	مەنمۇ ئاڭلىغان غۇلجا ناھىيەسىدە نۇرغۇن يۈزلەر بارلىقىنى  لېكىن بۇنداق تەپسىلى بىلمەپتىكەنمەن... رەھمەت ، ئەجرىڭىزگە تەشەككۈر!

tohuwaz

	مۇلللا توختۇيۇز نامى ھەققىدە بىر يۇمۇر بار  ئىدى، دەپبىرەي دىسەم سەل قىلىنراق شۇڭا دىمىدىم سەت تۇرىدۇ دەپ.

يولتۇز

	بۇلارنى ئىلگىرى ئاڭلاپ تازا چۈشىنەلمىگەن ئەمدى چۈشىنىۋالدىم ، رەھمەت سىزگە .

jelwa

	غولجىلىق  بولساممۇ  بۇلارنى  بىلمەيدىكەنمەن

jelwa

	رەھمەت  سىزگە  ....

barnawul

	tohuwaz يوللىغان ۋاقتى  2014-8-22 05:58 PM مۇلللا توختۇيۇز نامى ھەققىدە بىر يۇمۇر بار  ئىدى، دەپب ... مەن شۇ موللىتۇختىيۈزىدىن،،،دېگىنە بىر ئاڭلاپ باقاي،،،،،،،نۇمۇس قىممايدىغان نېمىكەنسەن،،،

axek13999649893

	مەنمۇ  ئەمدە  ئاڭلاۋاتىمەن

iltebir

	يەر جاي ناملىرى بولسا ئەجدادلىرىمىز بىزگە قالدۇرۇپ كەتكەن. بىزمۇ ئەۋلاتلىرىمىزغا ساق سالامەت يەتكۈزۈش مەسئۇليتىمىز بەر. يەر جاي ناملىرىمىزغا كۆز تەگمىسۇن.