ھەققانىي: ئىچە-ئىچ ( ساتىرا)

akkani

	ئادەم ئۈچۈن ۋابا قورقۇنۇچلۇق.ئەمما ئىچىملىك ئۇنىڭدىنمۇ يامان. ـ ئو.بالزاك ھاراقكەش ئادەم نە ئەقلى جەھەتتىن،نە ئەخلاقىي جەھەتتىن ھېچقاچان ئالغا قاراپ ماڭمايدۇ. ل.ن.تولىستوي ئىچە-ئىچ (ساتىرا) ئاپتۇرى: ئابدۇۋەلى راخمان ھەققانىي ** ئىچمە دىسەك تېرىكتىڭ،ئىچ قانغۇچە ئىچە-ئىچ، ئىچىڭ تەتۈر ئۆرۈلسۇن،قۇس،يانغۇچە ئىچە-ئىچ، كېچە-كېچە ئۇخلىماي،تاڭ ئاتقۇچە ئىچە-ئىچ، كەم قالمىسۇن ئاشقازان لىق تولغىچە ئىچە-ئىچ، يۈرەك باغرىڭ ھاراققا چىلاشقۇچە ئىچە-ئىچ. ** نەچچە نۆۋەت يىقىلدىڭ يول بۇيىدا ئۆرەككە، ئۇۋال بولدى سەندىكى ئۆپكە،جېگەر،بۆرەككە، ئۈستى-بېشىڭ لاي پېتى چۈشۈپ قالدىڭ سۈرەتكە، ئايلاندىڭ سەن ھاراقنىڭ ئالدىدىكى بوزەككە، كۈندۈزنىمۇ بوش قويماي كۈن پاتقۇچە ئىچە-ئىچ. ** ھاراق ئۆمۈر قاتىلى دىگەن گەپنى چۈشەنمەي، ساغلاملىققا كۈشەندە دىسەك تەكرار ئىشەنمەي، ئەل ئالدىدا ئابرۇيدىن چۈشكىنىڭنى بىلەلمەي، كۆنۈپ قاپسەن ھاراقسىز خۇشال ئۆتمەي،كۈلەلمەي، ئەجەل سىنى ۋاقىتسىز ئېپقاچقىچە ئىچە-ئىچ. ** ئەتراپىڭغا نەزەر سال زامان نەدە،سەن نەدە، سەندەك زابوي قالماپتۇ قاراپ باقساق ھېچ يەردە، ئۆمۈر تۈگەپ كېتەركەن ئاق-قارىنى بىلگەندە، بالا-ۋاقاڭ قان يىغلار سەن ھەر قېتىم ئىچكەندە، پالاكەتكە بىھۇدە پۇتلاشقىچە ئىچە-ئىچ. ** ھەر كىم پۇختا ئۈزىگە ئالدۇرمايدۇ كېپەكنى، ئىت جېنىدا مۆلچەرلەپ-چەنلەپ يەيدۇ سۆڭەكنى، ئۈستەك بەرسەك ئىچمەيدۇ زورلاپ باقساق ئېشەكنى، زامىن بولۇپ ئۆمرۈڭگە ئۆزۈڭ سالدىڭ ئېكەكنى، مۇشۇ يولدىن باش ئاغرىپ دەرت تارتقۇچە ئىچە-ئىچ. ** دىندا دەيدۇ:«دەۋزىخى» ئەلدە ئېتىڭ «پىيەنچۈك»، مەيپۇرۇشنى باي قىلىپ بولدۇڭ ئاڭا يۆلەنچۈك، بىر كۈن چاقا پىشانەڭ،بىر كۈنلەردە يۈزۈڭ كۆك، قاراپ باققىن ئەينەككە چاچ-ساقالدا ئاپپاق تۈك، كار قىلماسكەن نەسىھەت دوزاققىچە ئىچە-ئىچ. ** ساراڭلىقنى ئارزۇلاپ سېتىۋالغان ساراڭسەن، مەھەللىدە-ئېغىزدا قىزىق نوقتا پاراڭسەن، زاۋال تاپقان ھاراقتا ئەجەپ ئەخمەق خاراپسەن، ئىبرەت ئالغاي ياش باللا سەن بىر سەلبى ساۋاقسەن، نەۋرەڭ لايىق تېپىپتۇ توي بولغىچە ئىچە-ئىچ. ** نەپرەت ياغار قايسى ئىش ئېشىپ كەتسە ھەددىدىن، كىم ھاراققا بىرىلسە مەھرۇم قىلۇر كەسپىدىن، يانار ئىكەن مەست دىگەن تەكرار ۋەدە-گىپىدىن، ئىچىملىكتە ئۆلگەن كۆپ ئۆچۈپ تارىخ بىتىدىن، گۇناھىڭغا جەبرايىل قول سالغۇچە ئىچە-ئىچ. ** كەلسە ھاراق شەپىسى مۇھىم ئىشتەك يۈگۈردۈڭ، ئىچىۋىرىپ ئەل-يۇرتنىڭ نەپرىتىگە كۆمۈلدۈڭ، ھاراق ئەمەس قەۋمىڭنىڭ كۆز يېشىنى سۈمۈردۈڭ، خۇش بولاي دەپ ئازاپنىڭ كۆلچىكىگە چۆمۈلدۈڭ، پاكىز جەمەت قوينىدىن قوغلانغۇچە ئىچە-ئىچ. ** ھاراقكەشلىك ئىنساننىڭ،جەمئىيەتنىڭ دۈشمىنى، ئويلايدىكىن نە خىيال كۈندە لەيلەپ يۈرگىنى، بۇ ئەمەسمۇ ئارزۇلاپ ئوغا-زەھەر ئىچكىنى، گاراخ بولساڭ دەل مۇشۇ شەيتانلارنىڭ كۈتكىنى، بالاڭ يىتىم،ئايالىڭ تۇل قالغۇچە ئىچە-ئىچ. ***

akkani

	باشقۇرغۇچىلار ئەسەرنى ئوتتۇرىغا تەڭشەپ قويغان بولساڭلا.

nazigul8

	بوپمۇ يازدا كۈپ-كۈندۈزدىلا ئىچىپ، داق يەردىلا ئۇخلاپ قالىدىغانلار ئان-ساندا ئۇچراپ قالىدۇ، تېخى بېشىدا بادام دوپپا كىيىكلىك ھالەتتە ئۇخلاپ ياتىدىغانلىرى بار تېخى. دوپپىنى كەيمىسە بولمامدۇ دەپ كېتىمەن. كاللامدىن زادى ئۆتمەيدۇ، نىمىشقا ئۇنچىۋالا ئىچىدىغاندۇ ئۇلار... ساتىرانى بەك ياخشى يېزىپسىز

xahzada100

	ھەققانىغا  ھەۋەس  قىلمەن  جۇما  مەن

xahzada100

	پىيەنچۈك   نىمە دىگەن گەپ  چۇشنەلمىدىم

uyol

	ھەقىقەتەن ياخشى يېزىپسىز، كىممۇ ئىشلەپ چىقارغان بولغۇيتى بۇ نىجىسنى..... نۇرۇغۇن چەبدەس ئۇيغۇر يىگىتلىرى، پالۋانلىرى مۇشۇنىڭغا يېقىلىپ ............. ھەقىقەتەن ئادەمنى ئېچىندۇرىدۇ

mercury

	ئىنكاسىم تەكرار يوللىنىپ قاپتۇ ، شۇڭا تەھرىرلەندى .

mercury

	شۈكرى ، ھازىر ئون نەچچە يىلدىن ئاۋۋالقى دەۋرلەردىكى ئىچۋازلىقنىڭ يىرىمىمۇ قالمىدى ، （ياكى مەن بىلمەي قالدىممىكىن ) . ساتىرانىڭ ئالدىنقى ئالتە كۇبلىتى شۇنداق پەچەت چىقىپتۇ ، كىيىنكى تۆت كۇبلىتىدا ئىپادىلەش ئۈنۈمى جەھەتتە ئاز تولا پىكىر چىچىلاڭغۇلۇقى ساقلىنىپ قاپتۇ ، شەخسىي قاراش . ھارمىغايسىز .

sargarda

	( دىندا دەيدۇ دەۋزىخى ) ھاراق  ئ‍ىچىكەن  ئ‍ادەم   دۇزاخقا  كىرەمدىغاندۇ ...؟ دىننىڭ   قايسى  ئ‍ايەت ، ھەدىسلىرىدە   : ھاراق  ئ‍ىچكەن كىشى دۇزاخقا كىرىدۇ دەپ  بار ؟   ئ‍ېنىقراق   يوللانغان بولسا  بەلكىم   ئ‍ارىمىزدىكى  ھاراق ئ‍ىچىدىغانلارنىڭ تاشلىشىغا  ئ‍از  تۇلا بولسىمۇ   ياردىمى بولار  ؟

sargarda

	شەيتان   ئ‍ىنسانلارنى   يوقلاشقا ۋاقتى يەتمىگەندە شاراپنى ئ‍ۆزىگە ۋەكىل قىلىپ   ئ‍ەۋەتىدۇ . يەھۇدى   ھىكمەتلىرىدىن .