جېنىم ئانا سىز ئۈچۈن ‹ناخشا تېكىستى›

kara-bugra

	جېنىم ئانا سىز ئۈچۈن ئابدۈشۈكۈر بارات ‹قارا بۇغرا› ئەزىزلەرنىڭ ئەزىزى سىز جان ئانا، خاندەك ياشاڭ مەن قۇل بولاي سىز ئۈچۈن. قەلبىڭىز باي خۇددى ئالتۇن ئوردىدەك، شۇ ئوردىغا مەن ئۇل بولاي سىز ئۈچۈن. ئانا سىز بار كۆڭۈل بېغىم بەك ئاۋات، سۆزلىرىڭىز  بىلىنىدۇ قەن-ناۋات، مەككىلەردە قىلسىڭىز گەر ھەج تاۋاپ، سەپەرلەردە دۇل-دۇل بولاي سىز ئۈچۈن. سىز بولغاچقا خۇددى بەگدەك ياشايمەن، ئانام بار دەپ بەختىن گەپ باشلايمەن، سىزسىز ئانا قانداق خۇشال ياشايمەن؟، زۆرۈر بولسا مەن جان بېرەي سىز ئۈچۈن. بىلىندۈرمەي يوقلىقىنى دادامنىڭ، بوپ كەلدىڭىز داۋاسى دىل يارامنىڭ، شاتلىقى سىز مېنىڭ ھەتتا بالامنىڭ، كۈيلەپ تۈمەن داستان يازاي سىز ئۈچۈن. [ بۇ يازمىنى hokumran تەھرىرلىگەن ۋاقتى 2014-8-19 12:44 PM ]

ئۇزدىل

	ئانىلار ھەقىقەتەنمۇ ئۇلۇغ ئۇلارنىڭ ئەجرىنى تىل بىلەن سۆزلەپ تۈگەتكىلى بولمايدۇ .....

oygurum

	سۆيگۈ نېمە بىلدۈرگەن ئانام ، مېھىر بېلەن كۈلدۈرگەن ئانام. مېنىڭ قاقاس كۆڭۈل بېغىمغا ، گۈل چېچەكلەر ئۈندۈرگەن ئانام. يىراقتىمەن غەمدە ئۆتەرسەن ، كىرپىكلىرىڭ نەمدە ئۆتەرسەن. دۇئا قېلىپ كۈندە نەچچە رەت، ئوي_ خىيالىڭ مەندە ئۆتەركەن. بولساڭمۇ گەر يەتمىش يېشىڭدا، پەرزەنىت ئوتى كۆيەر بېشىڭدا، يۆلەنچۈكۈڭ بولۇپ پەقەت بىر، ھاسا تاياق قالدى قېشىڭدا .

hekmat110

	ئانا....

tatlik5

	ئانىلار جاھاندىكى  ئەڭ  ئۇلۇغ  ئىنسان

mehriya

	oygurum يوللىغان ۋاقتى  2014-8-19 09:39 AM سۆيگۈ نېمە بىلدۈرگەن ئانام ، مېھىر بېلەن كۈلدۈرگەن ئان ... ئانىنىڭ ئۇلۇغلىغىغا ھېچنىمە توغرا كەلمەيدۇ ، ئەمما دادىلارمۇ شۇنىڭدەكلا ئۇلۇغ . ئاتا ۋە ئاناڭغا قىلغىن ياخشىلىق ، ياخشىلىق سەن ئۈچۈن تۈگۈمەس بايلىق . سەن بەرگەن بىر جىگدە بىر قۇشۇق ئاشمۇ ، بېرىدۇ ئۇلارغا ئالەمچە شاتلىق .

mahatjan

	ئانىلار ھەقىقىتەن ئۇلۇق. ئالەمنىڭ گۈزەللىكى ئادەملەر بىلەن، ئادەمنىڭ گۈزەللىكى بالىلار بىلەن، دادىلار ۋە بالىلارنىڭ گۈزەللىكى، مىھرى ئىللىق قوياشتەك ئانىلار بىلەن.

ESIRDIN

	ئانا «سەن ئەڭ ئۇلۇغ ئىنسان» دەپ توۋلىغىچە يېنىغا بېرىپ پۇتنى تۇتۇپ ياكى تامىقىنى بىرەر قېتىم ئېتىپ بىرىپ باقتىڭىزمۇ؟

TAXNAI2

	ئانىنىڭ ئۇلۇغلىقىنى ياخشى تەسۋىرلەپسىز .....ئىجادىيتىڭىزنىڭ گۈللەپ ياشنىشىغا تىلەكداشمەن..

kozluk

	ياخشى يىزىلىپتۇ!!!!!!