ھەققانىي: ئۈرۈمچىگە چاقچاق

akkani

	ئۈرۈمچىگە چاقچاق    ئاپتۇرى:   ئابدۇۋەلى راخمان(ھەققانىي) (بۇ پەقەت بىر شېئىرى چاقچاق،ئۈرۈمچىدىكى دوستلارنىڭ خاتا چۈشۈنۈپ تىرىكىپ قالماسلىقىنى ئۈمۈد قىلىمەن)                                      سەندە ھايات دولقۇنلۇق،دەريا ئىكەن ئۈرۈمچى،                                     رىقابەتلىك بازارىڭ،جەڭگاھ ئىكەن ئۈرۈمچى.                                      بۈگۈن كەلدىم ئارزولاپ،بىر كۆرەي دەپ سەھرادىن،                                     ئادەملىرىڭ بىلىمگە،تەشنا ئىكەن ئۈرۈمچى.                                     تەرەققىيات گۇۋاسى بولۇپ كۆككە ئۆرلەپتۇ،                                    بېنالىرىڭ يۇلتۇزغا،ئەسرا ئىكەن ئۈرۈمچى.                                    ياشانغانلار بەك تېمەن،يىگىتلىرىڭ مەردانە،                                    قىزلىرىڭ گۈل باغدىكى،رەنا ئىكەن ئۈرۈمچى.                                    قەدەم ئالدىم ‹‹ئىتتىپاق›› ‹‹نۇرلۇق››‹‹دوستلۇق››......يولۇڭغا،                                   ھەر بىر كوچاڭ بىر مەزمۇن-مەنا ئىكەن ئۈرۈمچى.                                   ھەيران قالدىم ئايلىنىپ،رەستە-بازار،دۇكاننى،                                  ئۇستىكارلار ھۈنەرگە،ئاشنا ئىكەن ئۈرۈمچى.                                  شاد «ھەرەمباغ››‹‹ئۈزۈمزار››‹‹كۆكلەم››....ئارامگاھلىرىڭ،                                 سەھرادىكى مەن سۆيگەن،سەينا ئىكەن ئۈرۈمچى.                                  ۋاھ!كارامەت مۆلچىلىق،مەمۇرچىلىق ئالدىمدا-                                 تۇخۇ سۈتتىن باشقىسى،پەيدا ئىكەن ئۈرۈمچى.                                 چوڭ بازارنىڭ شاۋقۇنلۇق،دېڭىزىدا ئۈزگەنگە،                                 قوشلاپ ئامەت قۇت-بەخىت،ھەمرا ئىكەن ئۈرۈمچى.                                ھەر ساھەدىن شان-شەرەپ،كەپ تۇراركەن خوشخەۋەر،                               كۈندە يېڭى قىياپەت،بەرپا ئىكەن ئۈرۈمچى.                                سەلدەك ئاققان سەن تامان،مىھمان نىچۈن كۆپ دىسەم،                               ھەركىم گۈزەل ۋەسلىڭگە،شەيدا ئىكەن ئۈرۈمچى.                                ئەپسۇس!قىزىل گۈلنىڭمۇ،بولغىنىدەك تىكىنى،                               بەزى جايىڭ يامانغا،ياپسا ئىكەن ئۈرۈمچى.                               بولۇپ قاپتۇ ئايرىملار،ھارام پۇلغا مەستانە،                              خېرىدارغا مۆتىھەم،تەرسا ئىكەن ئۈرۈمچى.                              باي-نامراتنىڭ پەرقى چوڭ،سىمىزلىرى بەك سىمىز،                             ئۇرۇقلىرى ئەۋارە-ئەبگاھ ئىكەن ئۈرۈمچى.                             تەييار نەپكە چاپلىشىپ،بۇدۇشقاقتەك يۈرەركەن،                            ھۇرۇنلىرى خۇددى‹‹چوڭ ئەيسا›› ئىكەن ئۈرۈمچى.                            ماڭسام يولدا ئالدىراپ،چىمدىپ تارتار پىشىمدىن،                            ھەر دوقمۇشتا دىۋانە،تەييار ئىكەن ئۈرۈمچى.                            تىنىم تاپماس سوتكىلاپ،سەندە ۋاڭ-چۇڭ شاۋقۇنلار،                           نېرۋىمىزغا مۇشت كەبى،پەشۋا ئىكەن ئۈرۈمچى.                           ئاپتۇمۇبىل مىغىلداپ،پاتماي قاپتۇ كوچاڭغا،                          يول يۈرگەنلەر توسۇلۇپ،قاخشار ئىكەن ئۈرۈمچى.                          ئۈرۈمچىدىن كەلگەنگە،پاخلان سويساق سەھرادا،                         بىز كەلگەندە ھېچكىم يوق،مەدداھ ئىكەن ئۈرۈمچى.                          كۆرمەس بولۇپ يېقىنلار،قاچار ئىكەن ئۇچراشساق،                         ساددا ئەمەس بىزلەردەك،مەككار ئىكەن ئۈرۈمچى.                         ئازئوخشايدۇ چوڭ شەنىڭ،‹‹ئېلىپبە››دىن ساۋادى،                        ئېلىشتا تېز،بىرىشتە ئاستا ئىكەن ئۈرۈمچى.                          بېرەر تونۇش ئۈيىگە،كىرىپ قالساق قۇرۇق قول،                         بىز كەتكەندە تىللايدۇ،سەپرا ئىكەن ئۈرۈمچى.                          ئايرىپ سامان-مەڭگەننى،بىلىپ سىرتتىن كەلگەننى،                         پەملەپ تۇرۇپ قويماققا،ئۇستا ئىكەن ئۈرۈمچى.                          نەزمە پۈتتۈم چاقچاقتىن،كايىپ كەتمەڭ يارەنلەر،                         ياخشى-يامان ئەبجەش يۇرت،كاتتا ئىكەن ئۈرۈمچى.            مەنبە:      ‹‹ ھەسەتخورلار››ناملىق ساتېرىك شېئىرلار توپلىمى كىتاپتىن

yigikilinqak

	ھەم ماختاپ  ھەم سوتلاپ  يىزىپسىز  بۇ شىرنى

yigikilinqak

	ياخشى يىزىپسىز

(308)saba

	دەل جايىغا چۇشۇپتۇ دىسە...

akilsiz

	ئۇستازنىڭ قەلىمىدىن تۆكۈلگەن دۇرلار ،تىلى ئويناق  جانلىق  چىقىپتۇ

Gvlbargi0999

	ياخشى چىقىپتۇ،ياخشى-يامانغۇ ھەممە يەردە بار، ئەمدى بۇ چاقچاقنى دەستەك قىلىپ،بىرمۇنچە گەپ-سۆز بولارمۇ مۇنبەردە.

تەرسا101

	ھەققانى  ئەپەندىم ھەقىقەتەن  ياخشى يىزىپتۇ  ،   ھەرقانداق  نەرسىنىڭ نوقسانى بار ئەلۋەتتە  !    شۇڭا  دوسلۇرۇمنىڭ  ياخشى ئىنكاسلارنى يىزىشن ئۈمۈت قىلمەن  ،      قەلەم تۇلپارڭىز  ھارمىغاي       …،

dillani

	شەھەر ئەمەسمۇ ،شەھەرھەم شەھەرلىكلەر شۇنداق كىلىدۇ .    بىر ئادۇۋكات مۇنداق دىگەنىدى:  سەھرانىڭ ئادەملىرىنىڭ كۆزىمۇ سادا كىلىدۇ ،ئۇلاردىن پۇل ئالمايلا ئىشىنى قىلىپ بەرسەممۇ ئۇلار بەك خوشال بولمايدىكەن .

uyol

	ھەقىقەتەن ئېسىل چىقىپتۇ

sawdayi0903

	Gvlbargi0999 يوللىغان ۋاقتى  2014-8-18 08:26 PM ياخشى چىقىپتۇ،ياخشى-يامانغۇ ھەممە يەردە بار، ئەمدى ... togra  daysiz