ئەڭ كۈچلۈك قورال(تەرجىمە)

ئەلقۇت511

	ئەڭ كۈچلۈك قورال ۋىېيدا 2-دۇنيا ئۇرۇشى مەزگىلىدە كات ئەنگىلىيە-ئامرىكا ئىتتىپاقداش ئارمىيەسىدە ئوفىتسىر بولۇپ،ئەسىرگە چۈشكەن دۈشمەن ئەسكەرلىرىنى سوراق قىلىشقا مەسئۇل ئىدى.بىر كۈنى ئەسكەرلەر ئۇنىڭ قىشىغا ياداپ كەتكەن بىر بوۋاينى ئىلىپ كەپتۇ،سۈرۈشتۈرۈپ ئۇنىڭ گىرمانىيلىك مەشھۇر سۇ ئاستى كېمىسى مۇتەخەسسىسى رىيىن ئىكەنلىكىنى بىلىپتۇ. ئۇزۇن ئۆتمەي كات يۇقىرىنىڭ بۇيرۇقىنى تاپشۇرۇۋاپتۇ.<< رېيىن ئىلگىرى گىرمانىيە ئارمىيسىدە ئەڭ يېڭى سۇ ئاستى كېمىسىنى لايىھلەش،ياساشقا قاتنىشىپ،مۇتلەق مەخپى تۇتۇلىدىغان سۇ ئاستى كېمىسى تېخنىكىسنى ئىگەللىگەن. بار ئامالنى قوللىنىپ ئۇنىڭ ئاغزىدىن ئاخباراتقا ئىرىشىشىڭلار كېرەك.>> كات شۇ ھامانلا رېيىننى سوراق قىپتۇ.ئۇ ئالدى بىلەن ئەسىرلەرگە كەڭچىلىك قىلىش سىياسىتىنى تەشۋىق قىلىپ،ئاندىن گىرمانىيە ناتىسىتلىرىنىڭ قىلغان بارلىق جىنايى قىلمىشلىرىدىن شىكايەت قىپتۇ...بىراق كات نىمىلا قىلمىسۇن رېيىن پەقەت ئىغىز ئاچماپتۇ.كات يەنە ئۇنىڭغا دەھشەتلىك قىيناپ ئىقرار قىلدۇرۇش جازاسىنى قوللانغان بولسىمۇ رېيىن قەتئىي تېز پۈكمەپتۇ.رېيىننى قانداق ئېغىز ئاچتۇرۇش كېرەك؟ كات رېيىننىڭ ئارخىپىنى كۆرگەچ خىيالغا چۆكۈپتۇ.تۇيۇقسىز ئۇ ناھايتى موھىم بولغان بىر ھالقىنى بايقاپ قاپتۇ. بۇ ماتىرىياللاردىن كۆرۈنۈپ تۇرۇپتۇكى،رىيىن ھەممە ئىشتا ناھايتى پۇختىلىقنى ،مۇكەممەللىكنى قوغلىشىدىغان، ناھايتى ئەستايىدىل ئادەم ئىدى.شۇنىڭ بىلەن كات ئاجايىپ ياخشى بىر ئامال ئويلاپ چىقىپتۇ. بىر نەچچە كۈندىن كىيىن كات ھەركۈنى ياردەمچىسى ئارقىلىق رېيىننى شامالداشقا ئاچىققان ۋاقىتتا ،ئۇنى مەقسەتلىك ھالدا بىر دەرسخانىنىڭ سىرتىدا ئولتۇرغۇزۇپ قويۇپتۇ. دەرسخانا ئىچىدە بولسا ،بىر << پىشقەدەم پېرافىسۇر>> نى ئوقۇغۇچىلارغا سۇ ئاستى كىمىسى بىلىملىرىنى سۆزلەشكە ئورۇنلاشتۇرۇپتۇ.ئۇنىڭ سۆزلىگەن مەزمۇنلىرىدا خاتالىق بەك كۆپ ئىدى.دەسلەپكى بىر نەچچە كۈندە رېيىن دەرسخانا سىرتىدا جىمجىت ئولتورۇپتۇ.پەقەت بەزى-بەزىدە بىشىنى چايقاپ قويغاندىن باشقا ھىچقانداق ئىنكاس بىلدۈرمەپتۇ. بىراق يىرىم ئايدىن كىيىن ئۇ پەقەت چىداپ تۇرالماي دەرسخانىغا كىرىپ << پىشقەدەم پىرافىسۇر >> بىلەن مۇنازىرلىشىپتۇ. ئارقىدىنلا بىراقلا قولىغا بور ئىلىپ يىزىپ كىتىپتۇ.كات بۇ كۆرۈنۈشلەرنى كۆرۈپ بىلندۈرمەي كۈلۈپ قويۇپتۇ. بۇ ئۇسۇلغا تايىنىپ بىرلەشمە ئارمىيە گىرمانىيە ئارمىيسىنىڭ سۇ ئاستى كېمىسى توغرىسىدىكى ئاخباراتىغا ئىرىشىپتۇ.كات يەنە بىر قىتىم رېيىننى كۆرگىلى بارغاندا،ئۇ ئاللىقاچان ئۆزىنى ئۆلتۈرىۋالغان بولۇپ،يىنىدا مۇنداق بىر سۆز يېزىلغان ۋاراقچىنى قالدۇرۇپ قويغان ئىدى.<< قورقۇتۇش ۋە ئالداشتىن كۆرە ئۆزىنى قالتىس چاغلاشتىن بەكرەك ئىھتىيات قىلىش كىرەككەن،>>.كات ھەسرەتلەنگىنىچە << ئۇ ئەمەلىيەتتە ئۆزىنىڭ ئابرۇيپەرەسلىكى تەرىپىدىن بويسۇندۇرۇلدى>> دەپتۇ. كاتنىڭ بۇ مۇۋاپپىقىيى ئۇنىڭغا دۇنيادىكى ئەڭ كۈچلۈك قورالنىڭ مىلتىق،زەمبىرەك،ئوق،دورا بولماستىن،بەلكى ئىچكى ئىھتىياجنى قاندۇرۇش ئىكەنلىكىنى ھىس قىلدۇردى.مەخپىيەتلىككە شۇنداق ئىرىشكىلى بولغاندەك،بايلىققا ئىرىشىشمۇ شۇنداق. بۇئەسەر‹‹ تاللانغان فېليەتۇنلار›› (杂文选刊)  ژۇرنىلىنڭ 2013-يىللىق 12-سانىنىڭ ئالدىنقى يىرىم ئايلىق (上半月) سانىدىن تەرجىمە قىلىندى. تەرجىمە قىلغۇچى:ئابباس ئۆمەر ئەلقۇت

ئەلقۇت511

	توي مۇراسىمىغا نەچچە ئادەم قاتناشتى؟ لېف تولىستوي بىر ئائىلە توي مۇراسىمى ئۆتكۈزۈپتۇ.نۇرغۇن ئورۇق –تۇغقان، دوست بۇرادەرلىرى كىلىپ تەبرىكلىشىپتۇ.قوشنا ئۆي خوجايىنى خىزمەتكارىنى چاقىرىپ<< سەن چىقىپ قوشنا ئائىلىدىكى تويغا قانچىلىك ئادەم كەلگەنلىكىنى ئۇقۇپ باق >> دەپتۇ. خىزمەتكار بىر پارچە قېرى ئىلىۋىتىلمىگەن كۆتەكنى تېپىپ كىلىپ قوشنا ئائىلىنىڭ ئىشىك ئالدىغا قويۇپ قويۇپ،ئۆزى پەشتاقتا ئولتورۇپ سەۋرچانلىق بىلەن توي زىياپىتىدىن چىقىۋاتقانلارغا قاراپ ئولتورۇپتۇ.تەبرىكلەشكە كەلگەنلەر كەينى-كەينىدىن قايتىشىپتۇ.ئۆيدىن چىققانلىكى كىشىنىڭ ھەممىسى ھىلىقى كۆتەككە پۇتلىشىپ كىتىپتۇ.پۇتلاشقان ئادەملەر ھەممىسى سەت گەپلەر بىلەن تىللاپ قويۇپ ئۆز يولىغا كېتىۋىرىپتۇ.پەقەت ياشانغان بىر ئاياللا چىقىپ كېتىۋىتىپ كۆتەككە پۇتلاشقاندىن كىيىن ئورنىدىن تۇرۇپلا ئۇ كۆتەكنى ئىلىپ بىر چەتكە تاشلىۋىتىپتۇ. خىزمەتكار ئۆيگە قايتىپ خوجايىن بىلەن كۆرۈشۈپتۇ. خوجايىن ئۇنىڭدىن << قوشنا ئۆيگە تويغا كەلگەن ئادەم خىلى كۆپمۇ>> دەپ سوراپتۇ. << پەقەت بىر ياشانغان مومايلا كەپتۇ>> دىدى خىزمەتكار. << بۇ نېمە دېگىنىڭ؟>> << بۇ مۇنداق ئىش ،مەن بىر دانە كۆتەكنى قوشنا ئۆينىڭ دەرۋازىسى ئالدىدا قويوپ قويغان،باشقىلارنىڭ ھەممىسى كۆتەككە پۇتلىشىپ كەتسىمۇ ،ئۇنىڭغا دارىتمىلاپ تىللاپ قويۇپلا،كۆتەك بىلەن كارى بولماي كېتىۋەردى،پەقەت ھىلىقى ياشانغان ئاياللا ئۇ كۆتەككە يەنە باشقىلارنىڭمۇ پۇتلىشىپ كەتمەسلىكى ئۈچۈن ئۇنى باشقا ياققا ئىلىۋەتتى.پەقەت ئادەملا شۇنداق قىلىدۇ،شۇڭا مەن شۇ بىر ئادەمنىلا < ئادەم > دەپ ئاتىلىشقا لايىق كىلىدىكەن دەپ قارىدىم >> دەپتۇ. بۇئەسەر‹‹ خىللانغان فىليەتۇنلار ›› (经典杂文)  ژۇرنىلىنڭ 2013-يىللىق 9- سانىدىن تەرجىمە قىلىندى. تەرجىمە قىلغۇچى:ئابباس ئۆمەر ئەلقۇت

faruh193

	2 جىسى ھەقىقەتەن مەنىلىككەن .

jelwa

	تەربىيۋى  ئەھمىيتى  بار  ياخشى   تىما  بوپتۇ  ،   تىما  ئىگىسى  ئەجىرىڭىزگە  رەھمەت  ...

umut47

	يەنە بولسا مۇنبەردىن ئايىماي يوللاپ تۇرۇڭ ...............

باشتۇغ

	ئەڭ كۈچلۈك قورال -ئېتىقاد .

musapir01

	ئۇقىۋالدىم رەخمەت ھە :يانا مۇشۇنداق ئەسەرلەنى يوللاپ تۇرۇڭ.

aslima123

	تەربىيۋى ئەھمىيتى باكەن.

rahiyma

	ياخشى تەرجىمە قىلىنغان قېليەتونلاركەن، مەنىسى چوڭقۇر.