ئازاپمۇ ئۇ مۇھەببەتسىمان

赛乃木江

	گۈلدەك چىرايلىق ،خىيالدەك تاتلىق،قەھۋەدەك چۈچۈمەل ياشلىق باھارىم بىر قىز چىھرىدە رەڭمۇ رەڭ گۈل چېچەكلەرگە تويۇنغان زەبەردەس تاغلاردىكى ياۋا گۈل كەبى ياۋا تۇيغۇلارنى، سەزگۈلىرىم سەزگۈسىنى يوقاتقان قاراپ   سنىڭ رەڭ بوياقسىز ياۋا ئەپتىڭگە ئوماق كۈلكەڭ مۈكۈنىۋالغان زىناقلىڭغا.،قارا دىڭىزدەك قارچۇقلىرڭغا سۇمبۇل چاچلىرىڭغا. كەيىپ يەنە شۇ كەيىپ ... ئازاپ چاچىراپ چىققان تومۇرلىرىمدىن سۆيەلمىگەن قىزراغان لالە كەبى لەۋ ،تۇتالمىغان بىلىقتەك ئاپئاق  بىلەك ، قانمىغان قاغجىرىغان ئىچىرقىغان قانرەڭ سۆيگۈ. ئازىراق ئېچىلغان سەلكىن شامالدا ئۇنىڭ مۇھەببەتلىك دىرىزىسى ئەمما بۇلۇتتەك ئاپئاق پەرىدىلەر يەنە ئورىدى ئايدەك چىھرىنى بۇلاقتەك كۆزىنى تالماس كۆزلىرىم بىلەن مۈگىدىمەس خىيالىم ئاستا -ئاستا ئەرىش ئۇيقۇسىدا تېنىمدىن خەيىرلىشىش دەقىقىسىدا  سەزدىممەن ئۇ بىناۋا بىداۋالارنىڭ شەپقەتسىز ھوجىرىسدا،،،،،،، 2014-8-16 قەشقەر

ئېزھار

	نەسىرىڭىزنى ئوقۇم بەك خوش بولدۇم،يەنە ئوقۇم بار.

ئېزھار

	قىزارغان يوپۇرماق ‹‹ئىزھار›› پەرىشان بولدۇم. يەنىلا مىنىڭدە سېخىلىق بار. سەن باھارنى ئەسلىتىپ،سەلىكىن  شاماللىرىڭنى باشلاپ دەرگاھىمغا كەلگىنىڭدە ،سېخىلىق بىلەن يوپۇرماقلىرىمىنى شاماللىرىڭغا سوۋغا قىلغان ئىدىم،ئەسلا يوقىتىش ھېس قىلمىغان ئىدىم.ئەپسۇس!بىلمەپتىمەن...سەلكىن شاماللىرىڭنىڭ كېلىشى ،بوران چاپقۇندىن دېرەك بېرىدىغانلىقىنى ئويلاپمۇ باقماپتىمەن.ئاشۇ خۇشپۇراق سەلكىن شاماللىرىڭىنى باھارىم دەپ بىلىپ لەرزان سۆيىنىپ مەسىت بولۇپ ھەممىنى ئۇنتۇپتىمەن. قېنى سەلىكىن! قېنى مەيىن! قىنى خۇش پۇراق! قېنى سەن! ھەممىسى تۈگىدى. كەتتىڭ. مەزگىللىك ئىكەنلىكىنى بىلمەپتىمەن. ئەمما دەرگاھىمدا سوۋغا قىلغان جۇدۇن،بورانلىرىڭنى قالدۇرۇپ كەتتىڭ.دەرگاھىمغا سىنى باشلاپ،قەلىب دېرىزەمنى ئاچقىنىمغا ئۆكۈنىۋاتىمەن.مەن ئۆزەمنى ئۇنۇتقان ھالدا ھەممە -ھەممىنى ساڭا بېغىشلاشنى،ئۈزۈل-كېسىل تەغدىم قىلىشنى ئەلا بىلىپ خانەمگە كىرىشىڭگە ئىجازەت بەردىم،كىرىپ كەلدىڭ ،ئەمما سەن قوبۇل ئەيلىمىدىڭ،ھاجەتسىز دىدىڭ.ئەمدىلا ياشارغان بىر-ئىككى تال يوپۇرماقلىرىمنىمۇ بوش قويماي چەيلىۋىتىپ يوقالدىڭ.ئۆز-ئۆزەڭدىن پەخىرلىنىۋاتامدىغانسەن! ساڭا،سەلكىن شاماللىرىڭغا ئاشىق بولۇپ قالغىنىمنى كۆز يېشىم ئىچىدىن قايتا تېپىۋالدىم. ناۋادا سەنلا بويرۇق قىلساڭ ھەممە-ھەممىدىن ئايرىلىپ ھوزۇرۇڭدا بولار ئىدىم. ناۋادا سەنلا بويرىساڭ دەريا بويىغا بېرىپ مەڭگۈلۈك ئۇزاپ كېتەي. كۆزلىرىم يىراقتىن سىنىڭ مەيىنلىكىڭگە ئىلتىجا بىلەن قاراپ تۇرماقتا. بىلىمەن سەن ئەمدى كەلمەيسەن ،مەخسىدىڭ بولغان ئاشۇ ئىككى تال يوپۇرماقنى رەزىللەچە بورانلىرىڭ بىلەن ئۇچۇرۇپ سارغايىتتىڭ. ئېسىڭدە بامۇ،مەن ئاشۇ بورانلىرىڭ ئىچىدە تۇرۇپ <يېشىل يوپۇرماقمۇ ھامان قىزىرىدۇ>دىيەلىدىم خالاس. سەن ئاشىقىڭنىڭ بۇ سۆزىگە پەرۋا قىلمىدىڭ. سىنىڭ تەبەسسۇمىڭنىڭ تەسىرىنى بىلدىم،بىلدۈردىڭ.زۇرمرەت يۇلتۇزۇمنى ئىزلەشكە قالدۇرۇپ قويغان،ئاجىز يورۇپ تۇرغان كىچىكىنە قەلىب شامىمنىمۇ بورانلىرىڭ بىلەن ئۆچۈرمەك بولدۇڭ.زۇمرەت يۇلتۇزۇمنى ئىزلەش يولۇمنى توسۇماقچى بولدۇڭ.مىنى قاراڭقۇ تۈن قوينىغا تاشلاپ قويماقنى ئەلا بىلدىڭ.بۇلارنىڭ سىنىڭ مەخسىتىڭ بولۇپ قالغانلىقىغا پەقەتلا ئەقلىم يەتمىدى. گۈزەللىكىڭنى،خوشاللىقىڭنى،ھەسرىتىڭنى،ھارارەتلىك نۇرىڭنى مىنىڭ كىچىكىنە شەخسىي دۇنيارىمغا ئېلىپ كىرىپ، ئۆچەي دەپ قالغان ھاياتىمنى قايتا جۇلالىتىشنى ئۆزۈڭ ئېيىتقان ئىدىڭ.سەن ئارقاڭغا ياندىڭ. ئېلاھى قەسىرىڭنىڭ پىنھان ئېشىكىنى ئېچىپ،مىنى تەكلىپ قىلغان ئىدىڭ.تەنھا،يالغۇز خانەڭگە شاملارنى يېقىپ شەخسىي دۇنيارىمىزنى قوشۇۋىتىپ پۈتۈنلۈكنى،بىرلىشىشنى،قوشۇلىشىشنى ئىيىتقان ئىدىڭ. ئەپسۇس! پەقەت تەڭرى ئالدىدىلا دىدارلىشىش ئىمكانىيىتىنى قالدۇرۇپ يوقالدىڭ. سىنىڭدىن ھېچنىمە كۈتمەيمەن.پەقەت ئاخىرقى ئۆتىنىشىم زۇمرەت يۇلتۇزۇمنى ئىزلەش يولۇمنى ئەمدى توسۇمىغىن.زۇمرەت يۇلتۇزۇمنىڭ يۈرىكىمدە قايتا چاقنىشنى،يوپۇرماقلىرىمنىڭ قايتىدىن ياشىرىپ گۈل چېچەكنىڭ قەلبىمدە ئېچىلىشىنى،ۋۇجۇدۇمدا يالقۇننىڭ قايتا يېنىشىنى توساپ قويمىغىن. يۇلتۇزۇمنىڭ كېچىلەردىن مىنى ئىزلەپ نازلىق ئويغىتىشىنى كۈزەتمىگىن! مىنىڭ قانائەت ھاسىل قىلىشىمغا پەرۋا قىلمىغىن! ــــــــــــــــــــــــــــــــــــــــــــــــــــــ ئاپتۇرى:ئىزھار ئۈندىدار سالون ئىزدەش نامى:ezharim

jelwa

	ياخشى  يىزىپسىز ......  ياقتۇردۇم  ....

赛乃木江

	ئېزھار يوللىغان ۋاقتى  2014-8-17 09:55 AM قىزارغان يوپۇرماق ‹‹ئىزھار››پەرىشان بولدۇم. يەنىلا مى ... شۇنداق يىنىك يىقىشلىق چىقىپتۇ.بەك ياقتۇردۇم .

ئېزھار

	تەنھالىق........           شەيدالىق...................                      ئاشىقلىق................................                                  دېرىزەمدە    بىر    تال     پەرۋانە                                  ئۆزىنى ئۇرىدۇ   يورۇقلۇق    تامان                                  ئۆزىنى     ئۇرىدۇ   چەكسىز ئارزۇغا                                  قاپلىسىمۇ      ئالدىنى      مانان...                                  ئەتە  نىمە   بولۇشىنى   بىلمەيمەن                                 بۈگۈن   كەچتە  خاتىرجەم  بولسام                                 مېنىڭچە ھاياتتا شۇ كۇپايە دەيمەن                               .............................................                                        ئاپتۇرى :ئىزھار

nazigul8

	بۇ تېمىنى مىسرانىم مۇنبىرىدىكى بىردىن-بىر ئۆزگىچە ئۇسلۇبتىكى ئەسەر  يەنى گۇڭگا نەسىر شەكلى دىسەك توغرا بولارمۇ... بەك ياخشى يېزىپسىز، قەلەملەر ئۈزۈلمىسۇن! ئۇزۇن بوپتۇ ئەسەرلىرىڭىزنى كۆرمىگىلى، يوقاپ كەتمەي، ۋاقتىڭىز چىقسا يەنە يېزىپ تۇرارسىز!

ئېزھار

	تېما ئېگىسى سەنەمجانغا رەھمەت،مىسرانىمغا تېما يوللىسام شۇنچىلىك ئۇزۇندا تەستىقلىنىپ ،ھەم نەسىرى ئەسەر تەستىقلانمايدۇ دىگەچكە خاتىرەمگىلا يېزىپ يۈرۋاتىمەن. سەنەمجاننىڭ مىسرالىرىنى كۆرۈپ يوللىغۇم كېلىپ قالدى،توغرا چۈشىنىڭ

saltanat

	پاھ....... دەرتمەنلەر يىغىلىپ قالدىمۇ نىمە.......................ئەسەرلىرىڭلارنى بەمكمۇ ياقتۇردۇم........

Gvlmisal

	ئېزھار يوللىغان ۋاقتى  2014-8-18 09:17 PM تېما ئېگىسى سەنەمجانغا رەھمەت،مىسرانىمغا تېما يوللىس ... ئۇنداق ئەمەسقۇ؟ ئۇزۇندا تەستىقلىنىدىغىنى راست،لىكىن تەستىقلىنىۋاتىدۇ.مىنىڭ يوللىغان نەسىرلىرىم تۇلۇق تەستىقلىنىۋاتىدۇ.