بېسىم ئېغىرلاشسا،ھەريىلى 5 كىلوگىرام ئېغىرلىق ئارتىدىكەن

azgun805

	بېسىم ئېغىرلاشسا، ھەريىلى 5 كىلوگىرام ئېغىرلىق ئارتىدىكەن «ھاياتلىق ۋاقىت گېزىتى» 2014- يىلى 8- ئاينىڭ 15- كۈنىدىكى سانىدىن تەرجىمە قىلىندى.       بېسىممۇ سېمىزلىكنى كەلتۈرۈپ چىقىرىدىغان سەۋەبلەرنىڭ بىرى. ئامرىكىنىڭ «تور دوختۇرى»تورىنىڭ يېقىندىكى خەۋرىگە ئاساسلانغاندا، ئامرىكا ئوخايو شىتاتى ئونۋېرسېتىدىكى روھى كېسەللىك ئىلمى ۋە پىسخولوگىيە ئىلمى ئالىمى جېنىس كىكورت گىلاسىر ئېلىپ بارغان بىر تۈرلۈك يېڭى تەتقىقاتتا كۆرسىتىلىشىچە،بېسىم ئاياللاردىكى ماددائالمىشىش(مىتابولىزىم) سۈرئىتىنى ئاستىلىتىپ، بەدەن ئېغىرلىقىنىڭ ئارتىپ كىتىشىنى كەلتۈرۈپ چىقىرىدىكەن.         تەتقىقاتچى خادىم  ئوتتۇرىچە يېشى 53ياش بولغان58نەپەر ئاياللارنى تاللاپ،ئۇلارنىڭ ئالدىنقى بىر كۈندىكى بېسىم دەرىجىسىنى سۈرۈشتۈرگەن،ئاندىن ئۇلارغا بىر ۋاق تەركىبىدە ئوتتۇرا ھىساب بىلەن 930كىلوكالورىيە ئىسسىقلىق ۋە 60گىرام ماي مىقدارى بولغان يىمەكلىكنى يىگۈزگەن. ئوتتۇراھىساب بىلەن،بېسىمغا ئۇچرىمىغان ئاياللارغا سېلىشتۇرغاندا،ئۆتكەن 24سائەت ئىچىدە بىر ياكى نەچچە ئىشنىڭ بېسىمىغا ئۇچرىغان ئايال تاماقتىن كىيىنكى 7سائەت ئىچىدە 104كىلو كالورىيە ئىسسىقلىقنى ئاز سەرپ قىلغان.ئەگەر مۇشۇنداق تەسىر ھەر كۈنى يىغىلىپ ماڭسا،بۇ پەرق بىر يىل ئىچىدەئادەمنىڭ بەدەن ئېغىرلىقىنىڭ 5 كىلوگىرام ئارتىپ كىتىشىنى كەلتۈرۈپ چىقىرىدىكەن.      «جانلىقلار روھى كېسەللىك ئىلمى قەرەللىك ژورنىلى»غا بېسىلغان بۇ تۈرلۈك تەتقىقات نەتىجىسىدە يەنەبېسىمغا بەرداشلىق بىرىش دەرىجىسى بىر قەدەر يۇقىرى بولغان ئايالنىڭ بەدىنىدىكى ئىنسۇلىن مىقدارىنىڭ بىر قەدەر كۆپ بۇلۇپ،ماي ساقلاشقا تۈرتكە بۇلىدىغانلىقىنى بايقىغان.       بۇ تەتقىقات نەتىجىسىنىڭ كۆرسىتىشىچە،ۋاقىتنىڭ ئۆتۈشىگە ئەگىشىپ،بېسىم بەدەن ئېغىرلىقنىڭ ئارتىپ كىتىشىنى كەلتۈرۈپ چىقىرىدىكەن. تەتقىقاتچى خادىم تەھلىل قىلىپ مۇنداق دىگەن:كىشلەر بېسىم مۇھىتىدا تۇرغاندا،ئىسسىقلىق ۋە ماي مىقدارى بىر قەدەر يۇقىرى بولغان يىمەكلىكنى ئىستىمال قىلىش ئىھتىماللىقى تېخىمۇ يۇقىرى بۇلىدۇ، شۇنىڭ بىلەن بىر ۋاقىتتا سەرپ قىلىدىغان ئىسسىقلىق مىقدارى ئازلاپ كىتىپ،بەدەن ئېغىرلىقىنىڭ ئارتىپ كىتىشىنى كەلتۈرۈپ چىقىرىدۇ. بۇ تەتقىقاتنىڭ يەنە بىرئاپتۇرى،ئۇزۇقلۇقشۇناس ماسا بېلىل پروفېسسور، تۇرمۇشتىكى ساقلانغىلى بولمايدىغان بېسىملارغا تاقابىل تۇرۇش ئۈچۈن، كىشلەرگە توڭلاتقۇ ۋە ئىشكابلاردا ساغلام بولغان يىمەكلىكلەرنى تەييارلاپ قۇيۇپ، ئىسسىقلىق ۋە ماي مىقدارى يۇقىرى بولغان يىمەكلىكنى ئىستىمال قىلىۋېلىشنىڭ ئالدىنى ئېلىشقا تەكلىپ بەرگەن.

azgun805

	ئامرىكا ئالىملىرى 50 مىڭ ئادەمگە قارىتاتەكشۈرۈش ئېلىپ بارغاندىن كىيىنكى بايقاش كۈندە بەش مىنۇت ئاستا يۈگۈرۈپ بەرگەندە ئۆمرىنى ئۈچ يىل ئۇزارتقىلى بۇلىدىكەن ھاياتلىق ۋاقىت گېزىتى  2014-يىلى 8-ئاينىڭ 12-كۈنىدىكى سانىدىن تەرجىمە قىلىندى        ئاستا يۈگۈرۈشنىڭ ئۆمۈرنى ئۇزارتىشقا پايدىسى بار.ئامرىكىنىڭ «ساغلاملىق كۈنى»تورى7-ئاينىڭ 28-كۈنىدىكى خەۋرىگە ئاساسلانغاندا، ئەيۋا ئونۋىرسىتى،جەنۇبى كارولىنا ئونۋىرسىتى ۋە لويىزاننا شىتاتى پېننىتۇن جانلىقلار مېدىتسىنا مەركىزى قاتارلىق ئۇرۇنلارنىڭ بىرلىكتە ئېلىپ بارغان ئەڭ يېڭى بىر تۈرلۈك ھەرىكەت ۋە ئۆلۈمگە ئالاقىدار چوڭ كۆلەملىك تەتقىقاتىنىڭ كۆرسىتىشىچە، ھەر كۈنى پەقەت بەش مىنۇتلا يۈگۈرۈپ بەرسە،كىشلەرنىڭ بالدۇر ئۆلۈپ كىتىش خەۋىپىنى زور دەرىجىدە تۆۋەنلەتكىلى بۇلىدىكەن.        بۇ تۈرلۈك يېڭى تەتقىقاتنىڭ سانلىق مەلۇماتلىرى دالاسكۇپ ئامبۇلاتۇرىيىسى ۋە ئۇنىڭ تەتقىقات ئورنىدىكى كۆلىمى ناھايىتى زور بولغان ئۇچۇر ئامبىرىدىن كەلگەن.تەتقىقاتچى خادىملار بۇ ئۇچۇر ئامبىرىدىن 55مىڭدىن ئارتۇق 18ياشتىن 100ياشقىچە بولغان ساغلاملىق پىدائىيلىرىنى تاللىۋالغان بۇلۇپ،ئۇلارنىڭ بۇ ئامبۇلاتۇرىيەدە ھازىرغىچە تەكشۈرتىۋاتقان ۋاقتى 15يىلدىن ئاشىدىكەن.بۇ كىشلەر توپى ئىچىدە،%24 كىشى ئۆزىنى يۈگۈرۈش ئادىتى بار دەپ مەلۇم قىلغان، بىراق ئۇلارنىڭ ئادەتلەنگەن يۈگۈرۈش مۇساپە ۋە سۈرئەت پەرقى ئوخشىمايدىكەن.تەتقىقاتچى خادىملار بۇ كىشلەرنىڭ ئۈلۈم خاتىرىسىنى تەكشۈرگەن. 15يىل ئەتراپىدىكى ئىز قوغلاپ تەكشۈرۈش مەزگىلى ئىچىدە،3500گە يېقىن ئادەم ئۆلگەن،يەنە ئاز بولمىغان كىشلەر يۈرەك كېسىلى بىلەن ئۆلگەن. «ئامرىكا يۈرەك كېسىلى ئىلمى جەمئىيىتى ژورنىلى»گە ئېلان قىلىنغان تەتقىقات نەتىجىسىنىڭ كۆرسىتىشىچە، يۈگۈرۈش ئادىتى بارلارنىڭ كېسەلگە گىرىپتار بۇلۇش ئېھتىماللىقى يۈگۈرمەيدىغان كىشلەرنىڭكىدىن كۆپ تۆۋەن بۇلىدىكەن.تەتقىقاتچى خادىملار ئېغىرلىقى ئېشىپ كىتىش ياكى تاماكا چىكىش قاتارلىق ئامىللارنى ئويلاشقاندىمۇ،يۈگرەيدىغانلارنىڭ ئۇمۇمى ئۆلۈش خەۋىپى يۈگۈرمەيدىغانلارغا قارىغاندا %30تۆۋەن بۇلىدىكەن، يۈرەك كېسىلىدە ئۆلۈپ كىتىش خەۋىپىمۇ يۈگۈرمەيدىغانلارغا قارىغاندا %45تۆۋەن بۇلىدىكەن. ھەم ئېغىرلىقى ئېشىپ كەتكەن،ھەم تاماكا چىكىدىغان يۈگۈرگۈچىلەرنىڭ بالدۇر ئۆلۈپ كىتىش خەۋپىمۇ يۈگۈرمەيدىغانلاردىن تۆۋەن بۇلىدىكەن، بۇنىڭ يۈگۈرمەيدىغانلارنىڭ ئېغىرلىقى ئېشىپ كىتىشى ياكى تاماكا چىكىش ئادىتى بار يوقلىقى بىلەن مۇناسىۋىتى چوڭ بولمايدىكەن.ئۇمۇمى جەھەتتىن ئېلىپ ئېيتقاندا، يۈگرەيدىغانلارنىڭ ئۆمرى يۈگۈرمەيدىغانلارغا قارىغاندا ئۈچ يىل ئەتراپىدا ئۇزۇن بۇلىدىكەن.دېققەت قىلىشقا ئەرزىيدىغىنى شۇكى،كىشلەرنىڭ يۈگرەش ۋاقتىنىڭ ئۇزۇن ياكى قىسقا بۇلۇشى ئوخشاش بولمىغان دەرىجىدە پايدىلىق ئىكەن.

azgun805

	مەڭ كۆپ بولسا سۈت بېزى راكىغا گىرىپتار بۇلۇش خەۋىپى يۇقىرى بۇلىدۇ(يېڭى بايقاش) (ھاياتلىق ۋاقىت گېزىتى  2014-يىلى 6-ئاينىڭ 17-كۈنىدىكى سانىدىن تەرجىمە قىلىندى.)        مەڭنىڭ كۆپ بۇلۇشى ئىھتىمال سالامەتلىككەتەسىر كۆرسىتىشى مۇمكىن.ئامرىكىنىڭ “تۇرمۇش ئىلمى”تورىنىڭ 6-ئاينىڭ 10-كۈنىدىكى خەۋىرىگە ئاساسلانغاندا،ئامرىكا ھىندىئاننا ئونۋىرسىتىتىنىڭ ئېپىدېمىئولوگىيە ئالىمى ۋە راك تەتقىقات مۇتەخەسىسى ئېلىپ بارغان ئىككى تۈرلۈك كەڭ دائىرىلىك ئۇزاق مۇددەتلىك تەتقىقاتىدا ئاياللارنىڭ تېرىسىدىكى مەڭنىڭ سانى ۋە سۈت بېزى راكىغا گىرىپتار بۇلۇش خەۋىپىنىڭ مۇناسىۋىتى بارلىقىنى بايقىغان.        بىرىنچى تۈرلۈك تەتقىقاتتا،تەتقىقاتچى خادىم ئامرىكىدىكى  يېشى 40تىن 65كىچە بولغان 75مىڭ ئاياللارغاقارىتا قەرەلى 24يىللىق داۋالىنىشتىن كىيىنكى زىيارەت ئېلىپ بېرىپ،ھەر بىر ئايال سول بىلىكىدە پەيدا بولغان دىئامىتىرى 3مىللىمىتىردىن يۇقىرى مەڭنىڭ سانىنى خاتىرىلىگەن.سۈت بېزى راكىنى كەلتۈرۈپ چىقىرىدىغان باشقا خەتەرلىك ئامىللار (تۇنجى قېتىم ھەيىز كۆرگەن ۋاقىت ۋە تۇنجى قېتىم ھامىلدار بولغان يېشى،كىلىماكتىرىيە يېشى)نى كونتىرول قىلغاندىن كىيىن، تەتقىقاتچى مېڭى بولمىغان ئاياللارغاسېلىشتۇرغاندا مەڭ سانى ئەڭ كۆپ (15تال ياكى ئۇنىڭدىنمۇ كۆپ) بولغان ئاياللارنىڭ سۈت بېزى راكىغا گىرىپتار بۇلۇش ئېھتىماللىقى %35 تىن ئېشىپ كىتىدىغانلىقىنى بايقىغان.        ئىككىنچى تۈرلۈك تەتقىقاتتا،يېشى 39دىن 66كىچە بولغان 90مىڭغا يېقىن فىرانسىيە ئاياللىرىغا قارىتا قەرەلى 18يىللىق داۋالىنىشتىن كىيىنكى ئىز قوغلاپ زىيارەت قىلىش ئېلىپ بارغان،ھەمدە ئۇلاردىن“يوق،ناھايىتى ئاز،كۆپ ۋە ئىنتايىن كۆپ”قاتارلىق سۆزلەر ئارقىلىق ئۆزىنىڭ تېرىسىدە پەيدا بولغان مەڭنىڭ سانىنى ئىپادىلەشنى تەلەپ قىلغان.تەھلىل قىلىش نەتىجىسىنىڭ كۆرسىتىشىچە،ئۇ دوكلاتتا ئىنتايىن كۆپ مېڭى بولغان ئاياللارنىڭ مېڭى يوق ئاياللارغا قارىغاندا سۈت بېزى راكىغا گىرىپتار بۇلۇش ئىھتىماللىقى %13تىن ئېشىپ كەتكەن؛تەتقىقاتچى خادىملار يەنە مەخسۇس ھەيىز ئاياقلاشقان ئاياللارنى كۈزەتكەن بۇلۇپ،نەتىجىدە ئىنتايىن كۆپ مېڭى بولغان ئاياللارنىڭ مېڭى يوق ئاياللارغا قارىغاندا سۈت بېزى راكىغا گىرىپتار بۇلۇش ئىھتىماللىقى %34تىن ئېشىپ كەتكەنلىكى كۆرسىتىلگەن.        «ئاممىۋى ئىلىم-پەن كۈتۈپخانىسى قەرەللىك ژورنىلى—تىببى پەن قىسمى»دە ئېلان قىلىنغان بۇ تۈرلۈك تەتقىقات نەتىجىسىدە،مەڭ ئىھتىمال سۈت بېزى راكى خەۋىپىنىڭ بىر بەلگىسى بۇلۇشى مۇمكىنلىقى،بۇنىڭ مەڭنىڭ سانى بەدەننىڭ ئىچكى قىسمىدىكى جىنسى ھورمۇن تەركىبىنىڭ يۇقىرى تۆۋەنلىكىنى ئەكىس ئەتتۈرۈپ بىرىدىغانلىق سەۋەبىدىن ئىكەنلىكى،مەڭنىڭ سانى قانچە كۆپ بولسا بەدەننىڭ ئىچكى قىسمىدىكى ئانىلىق ھورمۇن ۋە ئاتىلىق ھورمۇن مىقدارى بىر قەدەر كۆپ بۇلۇپ،ئاسانلا ھورمۇن ئاجىرىتىپ چىقىرىش تەڭپۇڭسىزلىقىنى كەلتۈرۈپ چىقىرىپ راك پەيدا قىلىدىغانلىقى كۆرسىتىلگەن.

ehrami

	مەن بېسىمنىڭ ئېغىرلىقىدا ئورۇقلاپ كېتىۋاتىمەن

م.زۇنۇن

	مەن تېخى بېسىم ئېغىرلىسا ئورۇقلامدىكى دەپتىمەن    ھەجەپ ئەكسىچىكىنا.....

Bilim-humar

	ھەي تاڭ جۇمۇ!

bagdowlat

	بىرنچىسى توپ-توغرا. مۇشۇ كۈنلەردە كەيپىياتىم ياخشى ئەمەس، ئىچىم تىتىلداپ بىرنەرسە يىگۈم كىلىپلا تۇرىدۇ. 7-ئايدا بىر ئاي قوناق يىگەنتىم. قوناقمۇ سەمىرتىدىكەن ئادەمنى.

umut47

	ئەمسە مەندە بېسىم دىگەندەك ئۇقۇم يوق ئوخشايدۇ ...........نىكەم بىر خىل تۇر ۋاتقىلى ...............

hushwah

	ھە  ئۈچ يىلدىن بىرى  يىلىغا  بەش  كىلودىن  سەمىرىپ  مىڭىشىمنىڭ  سىرى  مۇشۇكەندە      قارىغاندا  توي قىلسىا بىسىم تىخىمۇ ئىشىپ ئىغىرلىق يەنى بىر ھەسسە ئاشىدىكەن   توي قىلغان يىلى  10كىلو ئاشقان   ئىدى   بۇ ئىغىرلىق

uyoglani

	توي قىلماستا 65 كىلوگىرامدىن ئاشمايتىم ،    ھازىر تاس قالىمەن 80   كىلوگىرام كەلگىلى ،   شۇنىڭغا قارىغاندا يېگەن تامىقىم پايدا قىلماي، تۇرمۇش بېسىمىم پايدا قىلغان ئوخشايدۇ جۇمۇ،