«يېپەك يولى ساداس»غا قاتناشماقچى بولغانلار چوقۇم ئوقۇڭ

alimcan

	شىنجاڭ تېلېۋىزىيە ئستانسسى بىلەن شىنجاڭ بۇغرا مەدەنىيەت تارقىتش چەكلىك شىركتى بىرلشىپ ئۆتكۈزگەن «يىپەك يولى ساداسى»ناملىق چوڭ تىپتىكى تېلېۋىزىيە سەنئەت پروگراممسىنىڭ تىزىملاش ۋە ئەل ئىچى ماھىر تاللاش باسقۇچىنىڭ ئاخىرلىشىدىغانلىقىغا يەنە ئىككى كۈن قالدى.(08-ئاينىڭ 15-كۈنى كەچ ئاخىرلىشىدۇ) 08- ئاينىڭ 12- كۈنىدىن باشلاپ ئەل ئىچى ماھىر تاللاش ئىشى رەسمى باشلانغان بولۇپ بۇ ئىشقا ئەل سۆيگەن سەنئەتكارىمىز، شىنجاڭ مۇقام ئانسامبىلىنىڭ دۆلەتلىك 2- دەرىجىلىك ئارتىسى، مۇقامشۇناس سەنئەتكار شىرئەلى ئەلتېكىن تەكلىپ بىلەن مەسئۇل بولغان ئىدى. مەن بۇ مەسئۇلىيەتچان، ئوچۇق پىكىرلىك ئارتىسىمىزنىڭ بۇ ئىشقا مەسئۇل بولغانلىقىدىن ناھايىتى مەمنۇن بولدۇم. چۈنكى بۇنداق ئىشلاردا قازان بېشىدا قانداق ئادەمنىڭ ئولتىرىشى ناھايىتى مۇھىم بىر ئامىل بولۇپ سەللا بىخەستىلىك قىلىنسا كۆپلىگەن ناچار تەسىرلەرنىڭ پەيدا بولىشى ناھايىتى ئېنىق ئىدى. شۇ خىل مەمنۇنلۇق ئىلكىدە يۈرۈپ كۈتۈلمىگەن پۇرسەتتە شىرئەلى ئاكا بىلەن قىسقىغىنە پىكىرلىشىش پۇرسىتىگە ئېرىشتىم. گەپ تەبىيلا مۇشۇ مۇسابىقە ئۈستىدە كېتىپ باراتتى. شىرئەلى ئاكا ئەل ئىچى تاللاش باسقۇچىدىكى ماھىرلارنىڭ ئەھۋالى ۋە ئۇلارنىڭ ناخشا تاللاش ئىشى توغرۇلۇق ماڭا ئۆزىنىڭ ئورۇنلۇق پىكىرلىرىنى سۆزلەپ بەردى. شىرئەلى ئاكىدىن ئاڭلىشىمچە ئەل ئىچى تاللاش مۇسابىقىسىگە قاتناشقان ماھىرلارنىڭ ناخشا ئورۇنلاش ماھارىتىدىكى پەرىق نىسبەتەن چوك ئىكەن. ئەلۋەتتە، بۇ ئەل ئىچى تاللاش باسقۇچى بولغاچقا بۇنداق بولىشى تەبىي سانالسىمۇ شىرئەلى ئاكىمىزنىڭ كۆڭلىنى غەش قىلغىنى بەزى ماھىرلارنىڭ ئۆزىنى ھەققى تۈردە تارازىغا قويۇپ باقماي، پىروگىرامما تەشۋىقاتىدا دېيىلگەن نەتىجىنىلا ئويلاپ،200 يۈەن تىزىملاش پۇلىنىڭ «كۆزىگىمۇ قارىماستىن» ئۆزىنىڭ «تالانتى»نى نامايەن قىلىشقا ئالدىراپ كېتىشى ئىكەن. -   ‏مۇسابىقىنىڭ ناھايىتى كەسكىن ئېلىپ بېرىلىدىغانلىقى ئېنىق، بۇنىڭ ئۈچۈن ماھىر ئاۋازىنىڭ يۇقىرى-تۆۋەنلىكى چوقۇم مۇئەييەن ئۆلچىمگە يەتكەن بولىشى كېرەكتە. ئەل ئىچى تاللاش باسقۇچىدىكى بەزى ماھىرلارنىڭ ئىپادىسى مېنى كۆز قارىشى كەمتۈك، نەزەر-دائىرىسى تار سەنئەتكە ئىشتىياق باغلىغان بەزى ياشلار ئۈستىدە چوڭقۇر ئويلاندۇردى. قۇرامىغا يەتكەن بىر ياش چوقۇم ئۆزىگە ئەڭ ماس كېلىدىغان ئىشنىڭ نېمىلىكىنى، ئۆزىنىڭ نېمە ئىش قىلىش كېرەكلىكىنى ئايدىڭلاشتۇرىشى كېرەكقۇ! مەن بۇنداق دېيىش ئارقىلىق ماھىرلارنىڭ قىزغىنلىقىغا سوغۇق سۇ سەپمەكچى ئەمەسمەن،- شىرئەلى ئاكا ناھايىتى سالماق ۋەزىندە سۆزلىمەكتە ئىدى،- قىزغىنلىق بولشى شۇ قىزغىنلىققا ماس ئۆز ۋۇجۇدىدا ماغدۇر ۋە ئۆز ماغدۇرىنى ئۆلىچىيەلەيدىغان ئەقىل - ئىدىراك بولىشى كېرەك. ئۆزىگە ئىشەنچى يوق، مۇنداقلا قاتنىشىپ بېقىش مەقسىدى بار ماھىرلارنىڭ يەنىلا بولدى قىلىشىنى، ئۆز ۋاقتى، زېھنى ۋە ئىقدىسادىنى بىھۇدە ئىسىراپ قىلماسلىقىنى تەۋسىيە قىلىمەن. ئۆزىنىڭ كۆزى يەتمىگەن ئىشنى تاشلاپ باشقا ئىشلارنى قىلىش شۇ ئادەمنىڭ ئۆزى ئۈچۈن ئېلىپ ئېيىتقاندا تېخىمۇ ئەھمىيەتلىك بولىشى مومكىن. ‏  شىرئەلى ئاكا يەنە ماھىرلارنىڭ تاللىغان ناخشىسى ئۈستىدىمۇ قىسقىچە توختالدى: ‏  - بەزى ماھىرلارنىڭ تاللىغان ناخشىسى ياخشى ئەمەس. ئۆز ئاۋازىغا ماس كېلىشنىلا كۆزدە تۇتۇپ ناخشا تاللاش ھادىسىسى مەۋجۇت. ناخشىنىڭ قىيىنلىق دەرىجىسى، ناخشا مەزمۇنى، ناخشىدا ئەكىس ئېتىۋاتقان روھ قاتارلىقلارنىڭ ھەممىسىنىڭ ئوخشاشلا ناھايىتى مۇھىم ئىكەنىكىگە سەل قارالغان. ‏  گەرچە ناھايىتى قىسقىلا پىكىرلەشكەن بولساممۇ لېكىن شىرئەلى ئاكىنىڭ سۆزلىرى مېنىمۇ ئوخشاشلا چوڭقۇر ئويلاندۇردى. ئاخىرىدا بۇ مۇسابىقىگە قاتنىشىشنى پىلانلاۋاتقان ۋە تىزىملىتىپ بولغان ماھىرلارغا پايدىسى بولىشى ئۈچۈن شىرئەلى ئاكىمىزنىڭ ئوي - پىكىرلىرىنى كەڭ تورداشلارنىڭ ھوزۇرىغا سۇندۇم. ‏                                                    - ئالىمجان توختى

nijatkurban

	ناخشا ئوقۇيالىغانلىكى ئادەم تىزىملاتسا بولىۋېرىدىكەنغۇ؟ ۋاقتى كەلگەندە ئەلالىرى تاللىنىپ ناچارلىرى شاللانسىلا بولىدۇ، شىرئەلىجان ئارتۇقچە ئويلاپ كەتكەندەك تۇرىدۇ.

nurjula

	مىنىڭچە توغرا دەپتۇ، تاللايدىغان ئادەم ئىشى يوق بولۇپ ئولتۇرمايدۇ، ناخشا ئىيتالايدىغانلىكى ئادەم قاتنىشىۋەرسە ئادەم پاخاللىقى يۈز بېرىدۇ، ۋاقىت ئىسراپ بولىدۇ، شۇڭا شىر ئەلى ئەلتىكىن دىگەندەك، ئادەم ئۆزىگە راۋرۇس ئىشەنسە، ئەتىراپىدىكىلەر مۇئەييەنلەشتۈرسە، ئاۋازى ھەقىقەتەنمۇ ياخشى بولسا، يەنە ئاۋازى ياخشى بولمىغان تەقدىردىمۇ مۇزىكا سېزىمى ئالاھىدە ياخشى بولسا، قاتنىشىپ باقسا بولىدۇ.   ئەپسۇسلانغىنىم، شىر ئەلى ئەلتىكىننىڭ ئەپەندى ئورۇندۇقىدا ئولتۇرۇپ شاگىرت قوبۇل قىلمىغىنى........

uygurjan09

	پەقەت ۋە پەقەت  ئاۋازىڭىز ياخشى بولسىلا بولدى       دىگەن بىر جۈملىنى كۆرگەندەك قىلىغانتىم مەن ؟   تەشۋىقات تىمىسىدا؟

TAXNAI2

	ناخشا ھەۋەسكارلىرىغا كەلگەن پۇرسەتكەنغۇ......قېنى  ھەۋەسكارلارمۇ  ئۆزىنى سىناپ باقسۇن،،،شۇنداق قىلىپ ئۈگەنمەمدۇ.؟.... سورۇن كۆرمىسە ،چوڭ سەھنە كۆرمىسە كۆزى ئېچىلمايدۇ،،،،،

jelwa

	مىنىڭچە  ھەر  بىر  ئىشنى  بىر  قىتىم  قىلىپ  بىقىش  كىرەك  ...... قولىڭىزنى  ئىگىز  كۆتۈرگەندە  ئاندىن  كۆرۈنىسىز  دەپ   ئاڭلىغاندەك  قىلغانتىم  بىر  چاغلاردا..... ئىشقىلىپ  بىر  سىناپ  بىقىش  كىرەك  ،نەتىجىسىنىڭ قانداق  بولىشىدىن  قەتئىي  نەزەر....

gulsumay

	مېنىڭچىمۇ ... ناخشىغا ياخشى بولغان ئاۋاز ئەڭ مۇھىم دەپ قارايمەن. ئاۋاز ئالاھىدىلىكى ياخشى بولسىلا ھەرقانداق ناخشىنى ئېيتىپ كېتەلەيدۇ ، دەپ قارايمەنغۇ...

Abdul

	nurjula يوللىغان ۋاقتى  2014-8-14 05:46 PM مىنىڭچە توغرا دەپتۇ، تاللايدىغان ئادەم ئىشى يوق بولۇپ  ... سان پەقەت 4 تۇرسا ؟ شىرئەلى كىمنىڭ ئورنىدا ئولتۇرسا بولاتتى ؟ نۇرنىسا ئابباس گەرچە بەك داڭلىق بوپ كەتمىسىمۇ ئەمما ئايال ناخشىچىدىن چوقۇم بىرەسى بولۇشى كېرەك .

kudiratjan

	ھېلقى يېڭى ناۋادىكدەك ئۆدەك كانايلار ناخشىچى باھالىغۇچىغا يارمىسا  كېينكى نۇمۇردا ياۋبەيگە چۈشۈپ ئۇسۇلچى باھالىغۇچىنىڭ كۆڭلىنى ئۇتۇپ سەھنىنى پاخال قىلدىغان تاراق تۇرۇقلارغا ماۋۇ يىپەك يۇلى ساداسىسدا ئۇرۇن يوق دەڭلا    ما بۇلدىكەن    مەن قاتنىشىپ باقايمىكىن   ئابدۇللاغا چوڭ شاگىرت بۇلۇپ ئەمما    ئابدۇللانىڭ بۇرۇنقى كونا ناخشىللىرنى غەزەپ تولىۋىتمەن