ئاق ساتقانلارغا

باشتۇغ

	ئاق ساتقانلارغا نۇرجان ئابدىراخمان باشتۇغ ئۆز جېنىڭغا ئوق ئاتقىنىڭ ئاق ساتقىنىڭ ، مىللىتىڭنى يوقاتقىنىڭ ئاق ساتقىنىڭ . بالا يىتىم ، ئاياللار تۇل سەۋەبىڭدىن ، گۇناھلارغا ھەم پاتقىنىڭ ئاق ساتقىنىڭ . چۈشۈپ نامەرت دۈشمەنلەرنىڭ قىلتىغىغا ، يۇندا يالاپ جان باققىنىڭ ئاق ساتقىنىڭ . كۈنلەر ئۈتۈپ ھەممە ئىشنىڭ ھىساۋى بار ، ئۆز بېشىڭدا تاش چاققىنىڭ ئاق ساتقىنىڭ . نەچچە ياشلار ئۆلۈپ كەتتى شۇنى چېكىپ ، يۇرتقا ئاپەت تاراتقىنىڭ ئاق ساتقىنىڭ . ئاتا-ئانا كەپىلەردە قالدى غېرىپ ، شۇلارغىمۇ دەرت تاپقىنىڭ ئاق ساتقىنىڭ . شۇ نىجىستىن تارقىلىدۇ يامان كېسەل ، ئەيدىزنىمۇ ھەم چاچقىنىڭ ئاق ساتقىنىڭ . بىر كۈنلىرى قىلمىشىڭغا تۆلەپ بەدەل ، تۈرمە تامان ئات چاپقىنىڭ ئاق ساتقىنىڭ . 2014-08-10 ئاۋات

قاسئم

	ئىجادىيەت بابىدا مول ھۇسۇللۇق شائىر باشتۇغ ئەپەندىم،يەنە بىر  نادىر شىئىرىڭىزنى كۇرۇپ بەك خوشال بولدۇم ھارمىغايسىز.مۇمكىن بولسا ئەسەرلىرىڭىزنى توپلام قىلىپ چىقارسىڭىز بۇلاتتى.

ئالمىچى

	نە ئۈچۈن چىكىسەن ئۇشبۇ ھارامنى چىكىپلا بىلمەيسەن ھوش كاللاڭنى ساراڭمەن دىمىگىن ئۆزۈڭنى ئاقلاپ ساراڭ سەندىن ياخشىراق چەكمەيدۇ ئاقنى

Kerammusic

	ناھايىتى ئېسىل يېزىپسىز!

باشتۇغ

	قاسئم يوللىغان ۋاقتى  2014-8-14 10:48 AM ئىجادىيەت بابىدا مول ھۇسۇللۇق شائىر باشتۇغ ئەپەندىم، ... ياقتۇرغىنىڭىزغا رەھمەت . ئالدىراپ بىرىپ قۇيۇپسىز ‹‹ شائىر ›› دىگەن باھانى . يېقىندا ئاق ساتقانلارغا ئېچىلغان بىر سوتقا قاتنىشىپ قېلىپ يېزىلىپ قالدى بۇ شېئىر . سودا ئىشلىرى بىلەن ئالدىراش بۇلۇپ قالدىم ، ئۇمۇ بۇلۇپ قالار پات ئارىدا .

umut47

	شۇنداق جانغا ئىكەك سالىدىغان ئەقلى گەجگىسىدە بوپ قالغان كىشىلەر ..................

ablimitt

	ھازىر ئاق ساتىدىغانلار ئاشكارا مەخپىيەتلىك بۇپ قالدى...

ئايچىن

	شۇنچە يېزىۋاتىمىز..يازغانلىرىمىزغا شۇلار تۈزەلسە . ئازراق بولسىمۇ تەسىر قىلسا  ياخشى بولار ئىدى،  ھەي بۇ ئەقلى گەجگىسىگە ئۆتۇپ قالغانلارنى نىمە دىسە بولا.....

KOKNURA

	ناھايىتى ئىسىل  يىزىپسىز ،  جەمئىيەتتىكى   بىر  ئۇچۇم  مۇشۇنداق  ئۆزىنى  ۋە  باشقىلارنى  قارا  پاتقاققا   پاتۇردىغان  مۇشۇنداق  يامان  كىشىلەرنى   قاتتىق بىر  تەرەپ قىلىش  كىرەك.

篮球美女

	ئاق ساتقان ، بالا ئوغۇرلاپ ساتقان ، قىزلارنى پاھىشە كوچىسىغا زورلاپ ئەككىرىۋاتقانلارنىڭ ۋېجدانىغا نىمە كېرىپ كەتكەندۇ دەيمەن .... ھازىر بۇ ئاق ساتقانلاردىن بەكرەك روھلاندۇرۇش تېپىدىكى دورا سېتىۋاتقان دورا دۇككانلىرىنىڭ خوجايىنلىرى بۇلاردىن ئېشىپ چۈشتى . لەنەت ئاق ساتقانلار ، لەنەت ئاق چېكىش ئۈچۈن ئۆينى قىرغىن قىلغانلارغا....