ئۇنتۇلماس سوۋغا

aisadap

	ئۇنتۇلماس سوۋغا ھىكايە    گۈلشەن تولىمۇ   ئېغىر قەدەملەر بىلەن ياتاقتىن چىقىپ ، مەكتەپ ئوقۇتۇش بىناسى تەرەپكە قاراپ كېتىۋاتاتتى، ئۇنىڭ كۆڭلى ئىنتايىن  يېرىم، چۈنكى ھېلىلا ئۆزىنى مەكتەپكە ئورۇنلاشتۇرۇپ قويۇش ئۈچۈن كەلگەن ئاپىسىنىڭ ،يەنە نەچچە كۈن تۇراي دېگىنىگە ئۇنىماي يولغا سېلىپ قويۇپ قايتىپ كىرگەنىدى. ياتاقتىكى باشقا يېڭىدىن تونۇشقان دوستلىرى ھەممىسى چىقىپ كىتىپ بولغانىدى. ئەتراپ تولىمۇ ناتۇنۇش، تۆنۈگۈندىن بېرى ئۆزىگە ئوخشاش مەكتەپكە يېڭىدىن كەلگەن ئاز بىر قىسىم ساۋاقداشلىرى بىلەن تونۇشقان، بەزىلىرى بىلەن بىر ياتاققىمۇ  كىرگەن بولسىمۇ， بۈگۈنگىچە ئاپىسى ھەمراھ بولغاچقا يالغۇزلۇق ھىس قىلمىغانىدى، مانا ئاپىسىنى ئۇزۇتۇپ قويۇپ كىرىپ ئۇ بەكمۇ يالغۇزلۇق ھىس قىلماقتا ئىدى.. ئۇ غېرىبانە خىياللار بىلەن ئوقۇتۇش بىناسى ئالدىغا كەلدى، چۈنكى بۈگۈن سىنىپ بۆلمەكچى ھەم سىنىپ مەسئۇلىنىڭ كىم ئىكەنلىكىنى ئۇقتۇرماقچى ئىدى، ھەم كۆپلىگەن ساۋاقداشلىرى بىلەن تونۇشۋالالايتتى، يەنە تېخى ھاياتىنىڭ يېڭى سەھىپىسى باشلىنىش ئالدىدا تۇراتتى، ئۇ گاڭڭىراش ھەم ياتسىراش ئىلكىدە ئوقۇتۇش بىناسى ئالدىغا كەلدى...   -ئەسسالامۇ ئەلەيكۇم، ياخشىمۇسىز؟ سىزمۇ يېڭىدىن كەپسىزدە؟ ئۇدۇلىدا چىرايى ئاق سېرىق كەلگەن، ئىگىز بوي، قارىماققا ياش جەھەتتە ئۆزىدىن كۆپ پەرقلىنىپ كەتمەيدىغان بىر يىگىت  ئۇنىڭغا قاراپ تۇراتتى. -ياخشىمۇسىز؟ شۇنداق ، مەن يېڭىدىن كەلدىم ，گۈلشەن تارتىنچاقلىق بىلەن جاۋاپ بەردى. -ئىسمىڭىز نىمە؟ قايسى كەسىپكە قوبۇل قىلىندىڭىز...؟ -ئىسمىم گۈلشەن، ئىقتىساد باشقۇرۇش كەسپىگە قوبۇل قىلىندىم. -ھە، شۇنداقمۇ؟ ئەمىسە بىز بىر كەسىپتىكەنمىز، يۇرتىڭىز؟ -گۈلشەن بىر ئاز ئوڭايسىزلىق ھىس قىلىپ X شەھەردىن دەپ جاۋاپ بەردى. -شۇنداقمۇ؟ مەن X شەھەردىن ، ئىسمىم قەيسەر..... شۇنداق قىلىپ ھېلقى ئوغۇل بالا ناھايىتى تىزلا ئۆزىنى تەپسىلىي تونۇشتۇرۇپ ئۈلگۈردى، گۈلشەن گەرچە ئازراق خىجىل بولسىمۇ ئۇنىڭ ئوچۇق مىجەزىدىن خۇددى يېقىن تۇنۇشىدەك ھىس قىلدى.. - بىر سىنىپقا بۆلۈپ قالسا نىمىدىگەن ياخشى بولاتتى ،ھە! -دېدى قەيسەر گۈلشەنگە قاراپ. -شۇنداق. ئۇلار شۇنداق دىيىشكىنىچە باشقا ساۋاقداشلىرى قاتارىغا قېتىلدى， ئۇزاق ئۆتمەي 30ياشلار چامىسىدىكى， ئىگىز بويلۇق， قوي كۆزلۈك， چىرايىدىن كەسكىنلىكى چىقىپ تۇرىدىغان بىر ئوقۇتقۇچى ئۇلارنىڭ ئالدىغا كەلدى， ۋە ： ”بۇ ياققا كىلىڭلار “ دەپ ئوقۇغۇچىلارنى ئوقۇتۇش بىناسى يېنىدىكى چوڭ زالغا باشلاپ كىردى， زال ئىچى لىق ئادەم بىلەن تولغان， سەھنىدە نۇرغۇن ئوقۇتقۇچى -ئۇستازلار ئولتۇرۇشقانىدى ， قەيسەر گۈلشەنگە يېقىنرەك بىر ئورۇنغا كىلىپ ئولتۇردى， ھەم پات-پات قاراپ كۈلۈمسىرەپ قوياتتى. بىر ئازدىن كىيىن سىنىپ مەسئۇللىرى ئۆز سىنىپىدىكى ئوقۇغۇچىلار تىزىملىكىنى ئوقۇشقا باشلىدى， بايىقى گۈلشەنلەرنى باشلاپ كىرگەن مۇئەللىممۇ ئوقۇشقا باشلىدى， ئىسمىم ئالىم، Xيىللىق ئىقتىساد باشقۇرۇش كەسپى（2）- سىنىپنىڭ سىنىپ مەسئۇلى، ئەمىسە سىنىپىمىزغا بۆلۈنگەن ئوقۇغۇچىلار تىزىملىكىنى ئوقۇپ ئۆتەي... مىھراي， ئاينۇر， ئەلى， گۈلشەن， قەيسەر..... -نىمىدىگەن ياخشى， قەيسەر يۇقىرى ئاۋازدا ۋاقىرۋەتتى. شۇنداق قىلىپ سىنىپ بۆلۈش ئاخىرلىشىپ ， سىنىپ مەسئۇلى چۈشتىن كىيىن يىغىلىشنى تاپىلاپ دەم ئېلىشقا قويۇپ بەردى. قەيسەردەرھال گۈلشەننىڭ يېنىغا كېلىپ ： ” نىمىدىگەن ياخشى ， بىر سىنىپتا ئىكەنمىز， بۇندىن كىيىن ئۆز-ئارا ياردەمدە بولۇپ تىرىشىپ ئۆگۈنەيلى， بۇندىن كىيىن ھەرقانداق قىيىنچىلىق ھەم  قىلالمايدىغان ئىش بولسا ماڭا ئېيتىڭ， ياتاققا ئورۇنلىشىپ بولغانسىز？ نەرسىلىرىڭىزنى رەتلەپ بولدىڭىزمۇ？.....ئۇ يەنە نۇرغۇن سوئاللارنى ياغدۇرۋەتتى？ -گۈلشەن ھەئە رەتلەپ بولدۇم دېدى تارتىنچاقلىق بىلەن. گۈلشەن ئاستاغىنە بىر ياتاقتىكى دوستلىرى يېنىغا بېرىپ ياتاققا قايتماقچى بولىۋىدى， قەيسەردەرھال ئۇلارنىڭ يېنىغا كىلىپ： ” قىزلار， ئەتىدىن باشلاپ سىرتتىن تاماق يىيەلمەيمىز， بۈگۈن يەۋالامدۇق ， مەن مېھمان قىلاي“ دېدى. قىزلارھەممىسى ：« بولىدۇ，ماڭايلى ئەمىسە »دېدى ۋە  گۈلشەننىمۇ تارتىپ ئېلىپ ماڭدى.           داۋامى بار. مەنبە： ئۆزۈم.

Gvlmisal

	يەنە بىر داۋامى بار ھېكايە ياخشى باشلىنىپتۇ.ئاخرىنىڭمۇ ياخشى چىقىشىغا تىلەكداشمەن

rayhan05

	ياخشى باشلىنىپتۇ، ئاخىرىنىمۇ تىزرەك يېزىشىڭىزنى ئۈمۈد قىلىمىز.

rahiyma

	يېڭى بىر ستودېنتنىڭ يېڭىچە تۇرمۇشى.... ھېكايىڭىزنىڭ مۇۋەپپىقىيەتلىك چىقىشىغا تىلەكداشمەن.

TAXNAI2

	ياخشى يېزىپسىز ،،،،جەلىپ قىلشى يۇقىرىكەن .....داۋامىنى  كۈتىمىز...

nurzat88

	ياخشى باشلىنپتۇ، ئەمما ئاخىرى قاچان تۇگە،

خۇشخۇي٭

	داۋامىنى قاچان  چىقار ئەمدى تۇركىيە كىنولىرىدەك ھەپتە ساقلاتماس ھە .....ــــــ

iptihar2014

	شۇ چاغلاردىكى گۈزەل ئەسلىمىلەر..........

aisadap

	شۇ كۈنكى تاماقتىن كېيىن گۈلشەن ئۆزىنى مەكتەپتە خۇددى بىر يۆلەنچۈكى باردەك ھىس قىلدى، چۈنكى قەيسەر قىزلارغا ئادەتتىن تاشقىرى كۆڭۈل بۆلەتتى ، قىزلارنى ھەردائىم ئالدىنقى قاتارغا قوياتتى، ئۇنىڭ مىجەز-خارەكتىرىدە ھەقىقى ئوغۇل بالىغا خاس خارەكتېر بار ئىدى، ئۇنىڭ ئۈستىگە گۈلشەننىڭ قەيسەر بىلەن بىر سىنىپقا كىرىشى قەيسەرنىلا ئەمەس ، ئۇنىمۇ خاتىرجەم ۋە خۇشال قىلغانىدى. مانا ئەمدى ئوقۇش باشلىنىپ كەتتى، گۈلشەن گەرچە يۇقىرى نومۇر بىلەن بۇ مەكتەپكە قوبۇل قىلىنغان بولسىمۇ ،لىكىن قەيسەر ئۇنىڭغا قارىغاندا تىرىشچان، ئونۋېرسال بىلىم قۇرۇلمىسى يۇقىرى ئىدى، ئۆزگىچە غايىگە،ياشاش قارىشىغا ئىگە بىر يىگىت ئىدى، دەرسلەردە ئۇ تىرىشچان بولۇپلا قالماستىن ، ئادەتتىكى مەسىلىلەرگە بولغان قارىشىمۇ باشقا ئوغۇللاردىن ئالاھىدە پەرقلىنىپ تۇراتتى، ئۇ دائىم باشقىلارغا ياردەم قىلاتتى، جۈملىدىن ئۇ ھەممە ئوقۇغۇچىلارنىڭ ئۆگۈنۈش ئۈلگىسى بولۇپلا قالماي ، يەنە ھەممەيلەننىڭ مەسلىھەتچىسى، يول كۆرسەتكۈچىسى، تايانغۇچىسى بولۇپ قېلىۋاتاتتى، سىنىپتا ئۇنىڭ ئىپادىسى ئالاھىدە ياخشى بولغاچقا سىنىپ ھەيئەتلىكىگە سايلاندى.   گۈلشەنمۇ تىرىشچان ئىدى، ئەمما ھازىرغىچە ئاتا-ئانىسى ۋە باشقىلارغا تايىنىپ كۆنۈپ قالغاچقا مۇستەققىل ياشاش ئېڭى ئاجىز ئىدى.   - گۈلشەن.... گۈلشەن ئارقىسىغا بورۇلۇپ قەيسەرنىڭ كىلىۋاتقانلىقىنى كۆرۈپ توختىدى.ئۇلار بىرلىكتە دەرسخانىغا كېلىۋاتاتتى. ئۇ :‹ قانداق؟ دەرسلەردىكى ئىپادىڭىز ياخشى بولۇۋاتىدۇ، كەسپىمىز ئۈستىدە ئازراق بولسىمۇ چۈشەنچىگە ئىگە بولغانسىز؟› دەپ سورىدى- گۈلشەنگە قاراپ. - نەدىكىنى تېخى ئىنىقراق بىر چۈشەنچىگە ئىگە بولمىدىم، مۇھىمى ھازىر مەن ئىنگىلىزتىلى ئۆتكىلىنى چىڭ تۇتۇۋاتىمەن، ئۆرلەپ ئوقۇش ئۈچۈن شۇ ئۆتكەلدىن ئۆتمىسەك بولمايدۇ ئەمەسمۇ؟   - شۇنداق،ئىنگىلىزتىلىنى ياخشى ئۆگۈنىشىمىز كېرەك، لىكىن كەسىپنىمۇ دەسلەپكى ئاساسنى پۇختا سېلىۋالمىساق ،كىيىن ھەرقانچە  تىرىشساقمۇ بىكار، ئۆينىڭ ھۇلى چىڭ بولسا ،ئۈستىگە نەچچە قەۋەت سالسىمۇ كۆتۈرىدۇ ئەمەسمۇ...   - توغرا دەيسىز، بىرلىكتە تىرىشايلى...   -خالىسىڭىز، دەم ئېلىش كۈنلىرىدە بىرلىكتە تەربىيلەش سىنىپىغا قاتنىشايلى، ئۇ يەردە ئىنگىلىزتىلى ۋە باشقا چەتئەل تىلى ئۆگۈنىمىز، قىسقىسى ئوقۇش ھاياتىمىز بىر پۇرسەت، بىز بۇ پۇرسەتنى چىڭ تۇتۇپ ئازراق بولسىمۇ نەتىجىگە ئېرىشەيلى....   - بولىدۇ، خۇشاللىق بىلەن... ئۇلار شۇنداق دېيىشكىنىچە سىنىپقا قانداق  كېلىپ قالغىنىنىمۇ تۇيماي قالدى.

rayhan05

	ئاخىرى تېخىمۇ ياخشى چىقىۋاتىدۇ، داۋامىنى كۈتىمەن.