زادى كـىـم ئـۆگـەيـلـەيـدۇ

mehriya

	تۇرمۇشىمىزدا ‹‹ ئۆگەي ›› سۆزىنى كۆپىنچە كىشىلەر سەلبىي مەنىدە چۈشىنىدۇ . ئەمما ، رېئاللىق ئادەمنىڭ ئىرادىسىگە باقمىغاندا بىز بۇ سۆزدىن ۋە مۇشۇ خىل رېئاللىقتىن قېچىپ قۇتۇلالمايمىز .ئۇنداقتا ، ‹‹ ئۆگەي ›› بۇلۇش رېئاللىقىغا دۇچ كەلگەندە قانداق قىلىش كېرەك ؟ دۇنيادا رەقىپلەر دوستقا ئايلىنالىشى ، ياتلارمۇ بىر -بىرىگە مېھرىبانلىق كۆرسىتەلىشى مۇمكىن . ئۆگەيلەر شۇنداق قىلالماسمۇ ؟ بۇ جەھەتتىكى مەزمۇنغا قىزىققان بولسىڭىز تۆۋەندىكى ھېكايىلەرگە نەزەر دائىرىڭىزنى ئاغدۇرۇپ كۆرۈڭ . 1. خوشال ياشاۋاتامسىز ؟ رازىيەنىڭ يېشى ئوتتۇزغا ئۇلاشتى . مۇشۇ كۈنلەردە ئۇنىڭ ئۈچۈن ئەڭ مۇھىمى توي ئىشى بۇلۇپ قالدى . ئەمما ، ئەلچىلەر ئۇنى كىمنىڭ ئالدىغا سوراپ كىرىدۇ . تۇرىدىغان يېرى ، ئېگە بۇلىدىغان ئادىمى يوق بىر قىزنى كىممۇ كېلىن قىلىشنى خالايدۇ . مانا ئىككى ئايدىن ئاشتى چوڭ ئاپىسى تۈگەپ كېتىپ مۇقىم تۇرىدىغان ئۆيى يوق . ھېلى  بىر ھاممىسىنىڭ ئۆيىدە ، ھېلى بىر تۇققىنىنىڭ ئۆيىدە كۈن ئۆتكۈزۈپ يۈرمەكتە .ھازىر دادىسىنىڭ ئۇنىڭ بىلەن پەقەت كارى يوق . رازىيە بەزى كۈنلىرى ئولتۇرۇپ مەرھۇم ئانىسىنى ، كىچىك چاغلىرىدىكى دادىسىنىڭ ئۆزىگە كۆرسەتكەن مېھرىبانلىقلىرىنى ئەسلەپ كۆز يېشى قىلىدۇ . ئانىسى تۈگەپ كېتىپ نەچچە يىلغىچە دادىسى ئۇنى ئۆگەينىڭ ئالدىغا ئاپارمايمەن دەپ قايتا ئۆيلەنمىدى . ئەمما بىر ئۆمۈر مۇشۇنداق ئۆتۈپ كېتىش مۇمكىن ئەمەستە . رازىيە بەش ياشقا كىرگەندە دادىسى قايتا ئۆيلەندى . ئۇ چاغلاردا دادىسى ھېچكىمنى رازىيەگە تەڭ قىلمايتتى . بۇنداق كۈنلەر خېلى ئۇزۇن داۋاملاشتى . تاكى رازىيەنىڭ تۆت ئۇكىسى بولغانغا قەدەر ... ئۇ يەنىلا دادىسىنىڭ ئارزۇلۇق قىزى ئېدى . ئەگەر ئۆگەي ئانا ئۇنىڭغا سەللا ئۆگەيلىكىنى بىلدۈرسە ياكى رازىيەنىڭ سىڭىللىرىغا يان بېسىپ ئۇنىڭغا ئازار بەرسە ، دادىسى ھامان رازىيە تەرەپتە تۇراتتى . ھەتتا دادىسىنىڭ خوتۇنىنى ئۇرۇپ ‹‹ بەشىڭدىن كەچسەم كېچىمەنكى ، يالغۇز قىزىمدىن كەچمەيمەن ››دېگەن ۋاقىتلىرىمۇ بولغانىدى .     دادىسى قىزىغا قانچە يان باسقان سېرى ئۆەەي ئانا رازىيەگە شۇنچە ئۆچلۈك قىلاتتى .رازىيە ئۆگەي ئانىنىڭ ئالدىغا كىچىك كىرگەن بىلەن ، ئۆگەي ئانا رازىيەنى ياخشى كۆرمەيتتى . ئۇنىڭ ياخشى گېپىنى قىلمايتتى .ھەتتا سىڭىللىرى بىلەن ئوينىسا بوزەك قىلىۋالارمىكىن دەپ گۇمان بىلەن ئامال بار يىقىن كەلتۈرمەيتتى .كۈنلەر ، ئايلار ، يىللار دادىنى ئۆزگەرتتى . دادىسى رازىيەگە ئانچە كۆڭۈل بۆلۈپ كەتمەيدىغان ، باشقا تۆتبالىغا بەكرەك كۈيۈنىدىغان بولۇپ قالدى . رازىيە ئوتتۇرا مەكتەپكە چىققان يىلى مەكتەپكە يىقىن دېگەننى باھانە قىلىپ ، ئۇنى چوڭ ئانىسىنىڭ ئۆيىگە ئاپىرىپ قويدى . موماي يەتمىشتىن ھالقىغان ئېدى . شۇنداقتىمۇ ئۇنى ئۆز قوينىغا ئالدى . شۇنىڭ بىلەن رازىيە مەكتەپ پۈتتۈرگىچە شۇ يەردە تۇردى ، خىزمەتكە چىققان يىلى چوڭ ئانىسى تۈگەپ كەتتى ، رازىيە ئۇزۇن يىل دادىسىدىن ئايرىلىپ تۇرغاچقا ئۇنىڭ يېنىغا قايتقۇسى كەلمىدى . ........ 2. ياغ بىلەن گۆش بىر تۇققان ، پىيازنىڭ كۆيگىنى كۆيگەن！ ھاشىم  سەلىمە بىلەن قىزى رىزۋان تېخى يېشىغا توشمىغان چېغىدىلا توي قىلغان ئېدى . شۇنىڭدىن تارتىپ ، ئۇنىڭ ئالدىنقى ئېرىدىن بولغان قىزى رىزۋانغا ئۆگەيلىكىنى بىلىندۈرمەي چوڭ قىلىپ قاتارغا قوشتى . تاپقان -تەرگىنى بىلەن ئالى مەكتەپكىچە ئوقۇتۇپ ، خىزمەتكە ئورۇنلاشتۇردى ، ياتلىق قىلدى .شۇنداق بولغاچقا رىزۋان 27ياشقا كىرگىچە ھاشىمنىڭ ئۆز ئاتىسى ئەمەسلىكىنى بىلمىدى .        بىر كۈنى رىزۋاننى بىر ياشانغان كىشى ئىزدەپ كېلىپ <<مەن سىزنىڭ دادىڭىز ، سىزنى 27 يىل ئىزدەپ ئەمدى تاپتىم ، ئانىڭىز سىزنى بوۋاق ۋاقتىڭىزدا ھازىرقى ئېرى بىلەن تىل بېرىكتۈرۈپ ئېلىپ قېچىپ كەتكەن >> دېدى . شۇنىڭ بىلەن رىزۋان ئولتۇرسا قوپسا چىرايى سۇلغۇن شۇ كىشىنى ئويلايدىغان ، ئويلىغانسېرى ئانىسىدىن ، دادىسىدىن نەپرەتلىنىدىغان بۇلۇپ قالدى . شۇنىڭ بىلەن ئەسلىدە ناھايىتى ئىناق بۇ ئائىلىنىڭ ئىناقلىغىغا دەز كەتتى . رىزۋان ئانىسىدىن <<مەندىن يۇشۇرۇپسەن ، دادامنى نىمىشقا تاشلاپ ، بۇ كىشى بىلەن قېچىپ كەتكەنىدىڭ >> دەپ ئاغرىندى . بېقىپ چوڭ قىلغان دادىسىغا بولسا قارىمايلا قويدى .         ئانىسى قانچە چۈشەندۈرسىمۇ قۇلاق سالمىدى . ئەسلىدە ئەھۋال رىزۋاننىڭ ئۆز دادىسى ئېيتقاندەك بولماستىن ، رىزۋان قۇرساقتىكى چاغدا دادىسى ئانا -بالا ئىككىسىنى تاشلاپ باشقا ئايال بىلەن ئىچكىرىگە كىرىپ كەتكەن ، كېيىن قانۇنسىز ئىشلار بىلەن شۇغۇللىنىپ ، تۈرمىدە 15 يىلدىن ئارتۇق يېتىپ ئەمدى چىققان ئېدى .        رىزۋاننىڭ ھەقىقى ئەھۋالنى بىلگۈسى يوقتەك ئاتا -ئانىسىدىن قېچىپ يۈردى . بۇنىڭغا ئاتا ئانا بولغۇچى چىدىمىدى . شۇنىڭ بىلەن ، كۆرمىگىلى ئىككى ئايچە بۇلۇپ قالغان قىزىنى كۆرۈپ كىلىش ئۈچۈن بىر كۈنى ھاشىم ئەر -خوتۇن ئۇنىڭ ئۆيىگە باردى . كەچتە ياشىنىپ قالغان بۇ بىر جۈپلەر قىزىنىڭكىدە قۇنۇپ قېلىشنى كۆڭلىگە پۈككەن ئېدى . ئەمما رىزۋان ئۇلارنىڭ قۇنۇپ قېلىشىغا قوشۇلماي ، كەچ بۇلۇپ قالغىنىغا قارىماي ئۇلارنى يولغا سېلىۋەتتى ... ئۆچكە مەڭگۈ قوي بۇلالماس ! خەدىچە بۇ ئۆيگە كىرگەندە ئەسقەر 10ياشتا ئېدى . تۆت يىلدىن بۇيان خەدىچە ئەسقەرگە ئۆز  ئوغىدىنمۇ چارە كۆيىنىپ باقتى . ئۇنىڭ بىردىنبىر مەقسىتى ئەسقەرگە ئۆگەيلىك ھېس قىلدۇرماسلىق ۋە ئۇنىڭ بىلەن ئۆيىنى ئۆي قىلىش ئېدى .      ئەمما ئەسقەر ئۆگەي ئانىسىنى قۇبۇل قىلىشنى ئەمەس ، قانداق قىلىپ ئەدىبىنى بېرىشنىلا ئويلايتتى . ئۇ ئانىسىنىڭ ياخشى مۇئامىلىسى ۋە كۈيۈنىشلىرىدىن گۇمانلىناتتى ، ئۇنىڭدىن قۇسۇر ئىزدەيتتى . دەسلەپ ئۇ دادىسىنىڭ ئالدىدا ئانىسىنى يەرگە قارىتىشنىڭ كويىدا بولدى . ئەمما دادىسى ئوغلىنىڭ ئۆگەي ئانىسى بىلەن قەستەن قېرىشۋاتقانلىقىنى بىلىپ ، ئۇنىڭغا يان باسمىدى . ئەكسىچە ئۇنىڭغا نەسىھەت قىلدى . بۇ ئامالىنىڭ كېرەككە كەلمىگەنلىكىنى ھېس قىلغان ئەسقەر ئۇسولىنى ئۆزگەرتتى . ئۇ دادىسىنڭ ئالدىدا ئۆگەي ئانىسىغا ياخشى مۇئامىلە قىلىشنى ، دادىسى يوق چاغلاردا بولسا كۆڭلىگە ئازار بېرىشنى ئۆگۈنۋالدى . بۇ ئامال خېلى كېرەككە كەلدى .نەتىنجىدە ئەر -خوتۇن ئىككەيلەن بالا ئارىسىغا كىرىپ قىزىرىشىپ قالدى . بىر كۈنى ئەسقەر مەكتەپتىن بالدۇرلا قايتىپ كېلىپ ئانىسى بىلەن يوقىلاڭ ئىشلارنى باھانە قىلىپ تەگەشكىلى تۇردى . ئانا بۇنىڭغا چىدىماي قاتتىقراق ۋاقىراپ سالغان ئېدى ، ئەسقەر ‹‹ ساڭا بۇ ئۆيدە نېمە بار ›› دەپلا ئانىسىنى بىر كاچات سالدى . ــــ ھەر قانچە بولسىمۇ بالىنى ئۇرماي ، چىرايلىق گەپ قىلسىڭىز ، يا بولمىسا ماڭا دېسىڭىز بولمامتى ... ئەسلىدە ئەسقەر ئانىسىنى ئۇرغاندىن كېيىن ، سىرتقا چىقىپ دادىسىنىڭ  ئىشتىن قايتىشىنى ساقلاپ تۇرغان ، ھەمدە ‹‹ ئانام مېنى بىكارغىلا ئۇرۇپ كەتتى ›› دەپ يىغلاپ ، ‹‹ ئەمدى بۇ ئۆيدە تۇرمايمەن ›› دېگەنىدى . 4. ئۆگەي بولسا نېمە بوپتۇ ؟ بۇ مەزمۇن ئەتە يوللىنىدۇ .  . چۈنكى ھازىر يوللىغانلىرىم ھەممىسى ھېكايىلەرنىڭ يېرىمى خالاس ، تۇلۇق ئوقۇپ بىر نەرسە چۈشۈنىشنى خالىغان تورداشلار ئىنكاس يېزىپ قوللاڭلار . جىددى ئىشىم چىقىپ قالدى . كەچۈرگەيسىلەر .

sedef

	ئۆگەي بولسا نېمە بولاتتى؟ ‹‹ئۆگەينىڭ ئېتى قۇرسۇن،ئاپتاپتا يېتىپ كۆتى قۇرسۇن›› دېگەن تەمسىل بۇنىڭغا جاۋاپ بېرىدۇ. ئۆگەي ئاتا-ئانىلارنىڭ راست مېھرىبانلىق قىلىدىغانلىرىمۇ بار.ئاز ۋە  بۇرۇنلاردا. كىشىلەرنىڭ شەخسىيەتچىلىك ئىدىيىسى كۈچەيگەن بۈگۈندە يۇقۇرىدىكى تەمسىل تېخىمۇ ئىسپاتلىنىۋاتىدۇ.

qaxmazulal

	مۇشۇنداق تېمىلارغا شۇ داۋامىچۇ؟ئاىىرى دىگەندەك ئىنكاسلار چۈشىدۇ شۇ ھازىرچە.

nurjahan0997

	نەگە بارسا شۇ ئۆگەينىڭ گېپى؟؟......قېيىن ئاپام 3 بالىغا ئۆگەي....بىراق ئۇنىڭ قىلغىنىنى ھېچكىم قىلالمايدۇ دېسەممۇ ئارتۇق كەتمەيدۇ......100ياشلىق موما قېيىن ئانامنى كىچىك بالىنى باققاندەك بېقىپ ئۇزىتىپ قويدى...ئۆيدىكى 3 بالىنىڭ توينى قىلدى....يەڭگەمنىڭ 3 بالىسى تۇرمىدى كېسىلىنى باقتى.....بىراق يەنىلا قېيىن ئاتامنىڭ تۇغقانلىرىنىڭ ئالدىدا يامان ئاتلىق.....مانا ئاپاممۇ 2 ئۆگەي، دادامنىڭ ئىككى سىڭلىسى تۆت بالىنى باقتى تويىنى قىلدى ئىككى ئاچامنىڭ 5 تۇغۇتىنى باقتى.......بىراق يەنە شۇنداق بىر ئادەملەرنىڭ كۆزىنىڭ بىريەرلىرىدە........ ئۆگەي...تۇغماس ئاياللارنىڭ ھەممىسى ئۇنداق بولۇپ كەتمەيدۇ تۇغقانلار..........

uqkun500

	ئاخىرىنى ئۇقۇشقا تەشنامىز ، ھەممە ئۇگەي ئاتا -ئانىلار ھىكايىدەك ئۇنداق ئەمەستۇ ، پەرزەنىتلەرمۇ ھەم

hujayin1

	نىمىلا دىمىگەن بىلەن ئۆگەي دىگەن ئۆگەي جۇمۇ،ھەرقانچە كۆيۈندۈم دىگەن تەقدىردىمۇ يەنىلا چاندۇرۇپ قۇيىدۇ.... ئىشقىلىپ مەنغۇ ئەتراپىمدا ئۆگەي ئانىنىڭ ياكى ئۆگەي دادىنىڭ قۇلىغا قېلىلپ خۇشال ياشاۋاتقان بالىلارنى كۆرمىدىم،،چىرايىدا كۈلكە باردەم قىلسىمۇ لىكىن ئىچ-ئىچىدىن يىغا،پىغن،ئازاپ دىلىنى ئۆرتەپ تۇرىدۇ شۇ بالىلارنىڭ... بالىنى يىتىم قىلغان ئادەم ئەمەس ھايۋان..

bagdowlat

	مەيلى ئۆگەي بولسۇن ئۆزبولسۇن بىر ئائىلىدە ياشاشنى تاللىغان ئىكەن شۇ ئائىلىنىڭ خوشاللىقىنى تىپىشنىڭ كويىدا بولۇش كېرەك. ھەركىم قىلسا ئۆزىگە قىىدۇ. رەھىمسىز ئادەملەر يامان كۈنگەقالىدۇ بولۇپمۇ 5گىرام كۆيۈمى يوق ئايال ئىككىلا دۇنيادا خار بولدۇ.

uyghari

	ياخشى تىما ئىكەن، ئۆگەي ئاتا-ئانا ۋە ئۆگەي بالىلارنىڭ ھەممىسىدە مېھىر-مۇھەببەت بۇلۇشى كېرەك، شۇندىلا ئۆگەيلىكى بىلىنمەيدۇ. مېھرى-مۇھەببەت بولمىغاندا، ئۆگەيلىك ئوڭايلا بىلىنىپ قالىدۇ. داۋامىنى تېزراق يوللارسىز.

rabbey

	ئۆگەي دىگەن مىڭنى قىلسا يەنىلا ئۆگەي...ئىشقىلىپ بىر يەلىرىدىن چاندۇرۇپ قويىدۇ...ئۆز ئانىغا نىمىمۇ يىتەر

sargarda

	كىمنىڭ    ئ‍ۆگەينىڭ   قولىغا   قالغۇسى   بار  دەيسىز ؟  تۇرمۇش بىز ئ‍ويلىغاندەك   گۈزەل ، مۇكەممەل   بولمايدۇ ... بەزىدە  بالا   ، بەزىدە   ئ‍اتا  ئ‍انا ئۆگەيلەيدۇ