ھەققانىي: غەيۋەت بۈگۈن كۆچتىمۇ؟( ساتىرا)

akkani

	ساتىرا ئابدۇۋېلى راخمان (ھەققانىي) ئەرلەر تەلىم قىلاتتۇق بىر چاغ خۇتۇن خەقلەرگە، يولىماڭلار دەپ ھەرگىز ئۇششاق-چۈشەك گەپلەرگە. ھىچ بىلمىدۇق يارەنلەر ئەمدى ئايال زاتىدىن، غەيۋەت بۈگۈن كۆچتىمۇ، يۆتكەلدىمۇ ئەرلەرگە. ** ئۆيىمىزدىن بىر-بىرلەپ چىقاركەنمىز دوقمۇشقا، ئاستىرىتتىن زەن قويۇپ ياخشى-يامان قىلىمشقا. بىرسى ئۆتسە توڭ دەيمىز بىرنى تەتۇر-ئوڭ دەيمىز، ھازازۇلنىڭ ئەلپازى يۈزلەندىمۇ ئەرلەرگە. ** كۆزىمىزنىڭ قۇرتىنى قىزغا قاراپ ئۆلتۈرۈپ، خۇددى ئېگىز تاغ دەيمىز مەيدىسىنى كۆپتۈرۈپ. چىقىرىمىز گاھىدا پاكنى ئەسكى-بۇزۇققا، غەيۋەت ئەرزان باھادا توپ كەلدىمۇ ئەرلەرگە. ** گاھ سورۇنغا توپلۇشۇپ پەملەپ ئىچمەي ھاراقنى، «غەيۋەت ئەمەس» دەپ تۇرۇپ خەققە سانجىپ يانتاقنى. مەيداندا يوق بىرىسىگە تىل سالىمىز قىزىشىپ، شەيتان ئۆز خۇي پەيلىنى ئەپكەلدىمۇ ئەرلەرگە. ** قىسمەنلەرنىڭ كۈنلىرى ئۆتەر غاجاپ ياخشىنى، ھەتتا قىلۇر غەيۋەتتە ئەتتىگەنلىك ناشتىنى. كەچقۇرۇندا ئۇخلاشماي يەنە تىللاپ قاينىشىپ، زادى نىمە تاپقاندۇر نەپ كەلدىمۇ ئەرلەرگە. ** يىگىتلەردە مەرتلىكنىڭ ئالامىتى سۇسلۇشۇپ، كەتتى غەيۋەت دەستىدىن قول شلتىشىپ-مۇشلۇشۇپ. تەقدىر ئېلىپ كۆسەينى خۇتۇنلارنىڭ قولىدىن، قىلىپ بۈگۈن ھەدىيە تۇتقازدىمۇ ئەرلەرگە. *** 2010-يىل 13-ئىيول (دىيارى كەلپىن)

akkani

	ئەسسالام باشقۇرغۇچىلار.قۇر ئارىلىقى كەڭرىپ سىڭايان تۇرىۋالدى.تۈزۈتۈپ تەھرىرلەپ قويغان بولساڭلا.

XAHZAD

	تۇرمۇشتىكى ئەۋج ئېلىۋاتقان بىر قىسىم ناچار ئىللەتلەرنى ناھايىتى ياخشى بايان ئىتىپسىز .

sumayya3

	ھەقىنى يېزىپسىز ئۇنداق ئەرلەر كۇنسايىن كۇپىيىۋاتىدۇ  قەلىمىڭىزگە تەشەككۇر

qog

	دىمىسىمۇ كۆپىيىپ قالدى ھازىر ئۇنداقلار،بولۇپمۇ تور دۇنياسىدا.رەخمەت بەركەتلەر بولسۇن ئىجادەيەتلىرڭىزگە.

bagbax009

	مەھمۇت سۇلايماننىڭ «ئەر بولسىلا ئەركەك بولمايدۇ» دىگەن ناخشىسى ئىسىمگە كەلدى .مەن ئۇ ناخشىنىڭ مەزمۇنىغا بەك ئامراق.

mahatjan

	بىزدىكى ئىللەتەر ئىگىزگە چىققانىڭ پۇتىنى تارتىپ، پەستە تۇرغانغا ئۆزىمىزنى ئارتىپ. بىز شۇنداق يۈرۈيمىز ئوت ھەم سۇ بولۇپ، بىردەم كۆيدۇۈرۈپ ھەم، بىردەم ياشارتىپ.          ئايرىماي رەقىپ-دوست،قىلنى پىل ساناپ   قاغىدەك غاقىلداپ،كۇچۇكتەك قاۋاپ، بىرىلدۇق بىز شۇنداق پىتنى-پاساتقا، گۆش بىلەن سۆڭەكنى ئوخشاشلا غاجاپ. ھىلىگەرمەخلۇقتەك قۇتراپ ھەر يانە، مىھنەتسىز مەنپەتكە بولوپ پەر ۋانە. ئىلىم-پەن يولىغا قىلمايمىز ھەۋەس، بىكار نان بىرىشكە ئىزدەپ غەم-خانە.   بىلەلمىسەك ياخشى بىلەن ياماننى، ئايرىماي خاماندىن دان ۋە ساماننى، چۆمۈچكە شۇ چىقار،بۇ بىر ھەقىقەت، ئوت ياقماي ئوچاققا ئاسساق قازاننى. بۆرىنى قاپقانغا تۈلكە باشلىغان، قاغمۇ ماختىسا گۆشنى تاشلىغان. ۋاختىدا بىلىمدىن ئەقىل-كۇچ تاپماي، ئازاپتۇر ئاھ ئۇرۇپ كۆزنى ياشلىغان. بىزدە بار شۇنداق ئىلەت ۋە ئادەت،    بۇ ئىللەتلەر بىزگە كەلتۈرەر ئاپەت. ھايات يولىدا بىز، ئادىل بولمساق، مەڭگۈ يار بولماس بەخت ۋە ئامەت.   مەنبە: ئۆزەمنىڭ ئجادىيتى

tamqi1

	بارىكاللا ياخشى چىقىپتۇ

bojanqak

	دىمىسىمۇ ھەقىقەتەن شېئىردا دىيىلگەندەك ئەھۋال مەۋجۇت..

نۇرنىسە

	ھەجەپ ياخشى يېزىپسىز،قەلىمىڭىز بەرىكەتلىك بولغاي!!!!!!!!!!