11-نۆۋەتلىك خوتەن قاشتېشى ساياھەت بايرىمى

WWW.UYHQT.COM

	11-نۆۋەتلىك شىنجاڭ خوتەن قاشتېشى ساياھەت بايرىمى    2014-يىلى 8-ئاينىڭ 28-كۈنى باشلىنىدۇ مۇخبىرنىڭ 8-چىسلا ئېچىلغان ئاخپارات ئېلان قىلىش يىغىنىدىن ئىگەللىشىچە، بۇ قېتىملىق قاشتېشى بايرىمى <<دۇنيانىڭ قاشتېشى ئاستانىسى،يىپەك يولىدىكى داڭلىق شەھەر>>نى باش تېما قىلغان بولۇپ ،8-ئاينىڭ 28-، 29-كۈنى خوتەن شەھىرىدە ئۆتكۈزىلىدۇ. بۇ قېتىمقى بايرامنىڭ مەزمۇنى ئىنتايىن مول بولۇپ ،ئېچىلىش مۇراسىمى ۋە سەنئەت نۇمۇرلىرىنى ئورۇنداشتىن باشقا ،شىنجاڭ خوتەن قاشتېشى سودا مەركىزىنىڭ يۇپىقى ئېچىلىدۇ.<<خوتەن قاشتېشى >>ناملىق كىنونىڭ تەپسىلاتى جامائەت بىلەن يۈز كۆرۈشىدۇ. ئەسلى قاش ۋە داڭلىق ئويمىچىلارنىڭ قاش ئويمىلىرى  كۆرگەزمە قىلىپ سېتىلىدۇ.تۇنجى نۆۋەتلىك خوتەن قاشتېشى پادىشاھىنى باھالاش پائالىيىتى ئۆتكۈزىلىدۇ (ئەسلى قاشتىن ).داڭلىق ئويمىلار مۇكاپاتلىنىدۇ.خوتەن قاشتېشى كەسپىي مەدەنىيەت تەرەققىيات مۇھاكىمە يىغىنى ئېچىلىدۇ ۋە گىلەم كۆرگەزمىسى ئۆتكۈزىلىدۇ. مەركىزى تېلۋىزىيە ئىستانىسىسىنىڭ 4-قانىلى نەق مەيداندا پرگىرامما ئىشلەيدۇ.(CCTV4 城市一对一 ). بۇ مەزگىلدە يەنە <<شىنجاڭنى سۆيۈش،خوتەننى ساياھەت قىلىش >> مەزمۇنىدىكى يۈز كۈچلۈك ساياھەت كاپراتىۋى خوتەن سەپىرى  پائالىتى ئۆتكۈزىلىدۇ. ئىگەللىشىمىزچە  <<شىنجاڭنى سۆيۈش،خوتەننى ساياھەت قىلىش >> مەزمۇنىدىكى يۈز كۈچلۈك ساياھەت كاپراتىۋىنىڭ خوتەن سەپىرى  پائالىتىدە بېيجىڭ،تىيەنجىن،ئەنخۇي قاتارلىق شىنجاڭغا ياردەم بېرىۋاتقان ئۆلكە-شەھەرلەردىكى يۈز كۈچلۈك ساياھەت كاپراتىۋى خوتەنگە تەكلىپ قىلىنغان بولۇپ ،خوتەن رايۇنىنىڭ ساياھەت مەھسۇلاتلىرى،ساياھەت لىنىيەلىرىنى تۇنۇشتۇرۇش،ساياھەت ھەمكارلىقىنى كۈچەيتىش قاتارلىق پائالىيەتلەر ئۆتكۈزىلىدۇ.مۇناسىۋەتلىك ھەمكارلىق توختاملىرى تۈزىلىدۇ. خوتەن ۋىلايەتلىك پارتىكۇم تاشقى تەشۋىقات ئىشخانىسىنىڭ مۇدىرى ۋاڭ يەنخۇي مۇنداق دېدى: <<بۇ قېتىملىق خوتەن قاشتېشى مەدەنىيەت ،ساياھەت بايرىمىنىڭ ئۆتكۈزىلىشى خوتەننىڭ ساياھەت ئوبرازىنى يۇقىرى كۆتۈرۈشتە ئاكتىپ رول ئويناپ ،كەلگۈسىدىكى دۇنيانىڭ قاشتېشى ئاستانىسى ،يىپەك يولىدىكى داڭلىق شەھەر ماركىسى خوتەن شەھىرىنىڭ ساياھەت ،مەدەنىيەت ،ئىجتىمائىي تەرەققىياتىنىڭ تېزلىشىشىدە تۈرتكىلىك رول ئوينايدۇ.>> بۇ قېتىملىق <<خوتەن قاشتېشى ساياھەت بايرىمى>> نى ج ك پ  خوتەن ۋىلايەتلىك كوممىتىتى،خوتەن ۋىلايەتلىك مەمۇرى مەھكىمە ئۇيۇشتۇرغان بولۇپ ،ج ك پ خوتەن شەھەرلىك كوممىتىتى ،خوتەن شەھەرلىك خەلق ھۆكىمىتى ئۆتكۈزۈشنى ئۈستىگە ئالغان. ئاپتۇنۇم رايۇنلۇق سۈپەت نازارەتچىلىكى ئىدارىسى ،شىنجاڭ تېلىۋىزىيە ئىستانىسى،شىنجاڭ خوتەن قاشتېشى بازار ئۇچۇرى بىرلەشمىسى،شىنجاڭ جاۋاھىرات كەسپىي جەمىئىتى ،شىنجاڭ خوتەن قاشتېشى كەسپىي جەمىئىتى مەزكۇر پائالىيەتكە يېقىندىن ياردەمدە بولىدىكەن. بۇ قېتىمقى پائالىيەت <<بىخەتەر،تىجەشلىك ،خۇشال-خۇرام ،خەيرىلىك>> بولۇش پىرىنسىپى بويىچە ئۆتكۈزىلىدۇ. ھازىر تۈرلۈك تەييارلىق خىزمىتى جىددىي ئىشلىنىۋاتىدۇ. تەرجىمان:ئەقىدە قاشگەرلىكى-ئۇيغۇر قاشتېشى تورى 2014-يىلى 8-ئاينىڭ 11-كۈنى جىياڭسۇ ئۆلكىسى ۋۇشى شەھىرى مەنبە:جۇڭگۇ خوتەن قاشتېشى ئۇچۇر تورى (خەنچە ) 中国和田玉新闻网

WWW.UYHQT.COM

	بايرىمىڭ بۈگۈن-خوتەن قاشتېشىم (10-نۆۋەتلىك قاشتېشى بايرىمىغا بېغىشلايمىز) رەيھانگۈل نىزام مۇبارەڭ ئون يىللىق تويۇڭغا بۈگۈن، يۈرۈڭقاش ياسىنىپ سېلىپتۇ ساما. خوتەندە ياڭرىغان شادىيەنە كۈي، ياڭرىسۇن تارىلىپ ئالەملەر ئارا. شۆھرىتىڭ مەشھۇردۇر جاھانغا سېنىڭ، بارچە ئەل كۆزلىرى ساڭا تىكىلگەن. چۈنكى سەن ۋەتەندە ئەجدادلىرىمنىڭ، روھىدىن ئۆرنەڭ ئېپ پىشىپ يېتىلگەن. ئەجدادلار روھىنىڭ جۇلاسى سەندە بولغاچقا مېھرىڭدىن يانىدۇ ئاتەش. بەردىڭ سەن دىللارغا تۈمەنمىڭ سۆيگۈ، مېھىرلىك تۇپراقتىن ئالغاچ ھارارەت. مۇبارەك ئون يىللىق تويۇڭغا بۈگۈن، سۆيۈندى دىللىرىم مېھمانلىرىڭدىن. ئون مىڭ يىل مۇقەددەم باسقان ئىزىمىز، كۆرۈندى سەن ياققان گۈلخانلىرىڭدىن. يۇرتۇمنىڭ غۇرۇرى،ئۈمۈدى سەن تاش، خەلقىمنىڭ شۆھرىتى،شاتلىقى سەن تاش. چۆل ئەمەس بوستانغا ئايلانسۇن ئەبەت، سەن بىلەن قاراڭغۇ،چەرچەن،قاراقاش....... مۇبارەڭ ئون يىللىق بايرام كۈنىڭگە، يىغىپسەن ئەللەردىن مېھمان تۈمەنمىڭ. ئۈمۈدۈم-تەڭرىتاغ،تارىممۇ تۈگەل، ئويغانسۇن سەن سالغان شاۋقۇن سۈرەندىن. مۇبارەڭ ئون يىللىق بايرام كۈنىڭگە، شۆھرەتلىك قەدىمىڭ باسسۇن جاھاننى. سۆزلەپ بار بارغانلار يېرىڭدە ھارماي، تارىمغا كۆمۈلگەن گۈزەل ئارماننى. يول ئۇچۇق سەن ئۈچۈن زېمىن باغرىدا، جىسمىڭغا مۇجەسسەم چۈنكى يول خېتىڭ. شۆھرەت تاپ جاھاندا يەنە ئون مىڭ يىل، ئەي گۈزەل ،نۇرانە خوتەن قاشتېشىم. ئاپتۇر:ئەقىدە قاشگەرلىكى-ئۇيغۇر قاشتېشى تورىدىن 2013-يىلى 8-ئاينىڭ 28-كۈنى

WWW.UYHQT.COM

	ئۇيغۇر قاشتېشى تورى ئۈندىدار سالونى

mahatjan

	شۆھرىتىڭ مەشھۇردۇر جاھانغا سېنىڭ،يۇرتۇمنىڭ غۇرۇرى،ئۈمۈدى سەن تاش،

sedef

	قاشتېشىنى جىق-جىق سېتىپ،مىليونلاپ پۇل تاپقان ئوغلانلاردىن بىرەسى ئانا تىل مەكتەپ،قېرىلارنى بېقىش ئۆيى ...دېگەنلەرنى قۇرۇۋاتامدۇ ياكى... خانىملارنىڭ بېشىنى سىلاش ساۋاب...نى ئورۇنداپ بولالمايۋاتامدۇ؟ ياخشى ئىش قىلىۋاتقان قاشتېشى سودىگەرلىرىمىزنىڭ پائالىيەتلىرىدىن خەۋەردار قىلمامسىلەر؟

sumayya3

	ياخشى ئىش بولغۇدەك

xatuti

	بۇرۇنقىدەك قىزىمايدىغان بولۇپ قالدى.....چۈنكى مۇقىملىق بىرىنچى!!!!!!!!!!

Bilim-humar

	ھەي........ قانداق بوپ كەتتى بۇئىشلار!

م.زۇنۇن

	حوتەننىڭ قاشتىشى بايرىمى بىلەن تۇرپان ئۉزۉم بايرىمى شىنجاڭ كۅرگەزمە ساياھئىتى ساھەسدىكى ئەڭ نوپوزلۇق ، ئەڭ ياحشى كىتىۋاتقان ساياھەتچىلىك تۈرى

م.زۇنۇن

	حوتەننىڭ قاشتىشى بايرىمى بىلەن تۇرپان ئۉزۉم بايرىمى شىنجاڭ كۅرگەزمە ساياھئىتى ساھەسدىكى ئەڭ نوپوزلۇق ، ئەڭ ياحشى كىتىۋاتقان ساياھەتچىلىك تۈرى