ئۇچۇر مۇلازىمەت(ۋاستىچى)لارغا يەنە ئالدىنامسىز

بالا

	ئەسسالام ئەلەيكۈم بارلىق قېرىنداشلار مەن مىسرانىم مۇنبىرىنىڭ خېلى كونا ئەزاسى ئۇزۇن ۋاقىت بولدى خىزمەت ئىشلىرىم سەۋەپلىك پەقەتلا تورغا چىقالماي قالدىم چىققان تەغدىرىمدىمۇ مىسرانىم يازمىلىرىنى كۆرۈشكە پەقەت ۋاقىت ئاجىرتالمىدىم شۇڭا دوسلاردىن تۆۋەنچىلىك بىلەن كەچۈرۈم سورايمەن . مەن بۇ تىمامدا ئۈرۈمچىدىكى بەزى بىر ئۇچۇر مۇلازىمەت ئورۇنلىرى توغۇرسىدا توختالماقچى ، ئۈرۈمچىگە كېلىپ تۇرىدىغان قېرىنداشلىرىمىزنىڭ پايدىلىنىشى ئۈچۈن يوللاپ ئولتۇرۇپتىمەن. پايدىلىنىش تەرەپلىرى باركەن دەپ ئويلىسىڭىز تىمىغا نىسبەتەن ئۆزىڭىزنىڭ كۆز قاراشلىرىڭىزنى ۋە نادىر ئېنكاسلىرىڭىزنى ئايىمىغايسىلە قېرىنداشلىرىم . ھەممىمىزگە مەلۇم ئۈرۈمچى دۆڭكۆۋرۈك ئەتىراپىدا خىزمەت ئۇچۇرىلىرى بار تەشۋىقات ۋاراقلىرىنى تارقىتىپ يۈرىۋاتقان قېرىنداشلىرىمىزنى ماڭدامدا بىر ئۇچۇرتۇپ تۇرىمىز . 470 ئۇچۇر تورىغا ئوخشاش بارلىق ئۇيغۇر ئۇچۇر توربەتلىرىدىكى% 99 ئۇچۇرلارنىڭ ھەممىسى ئاشۇ ۋاستىچى شېركەتلەرنىڭ ئۇچۇرلىرىدۇر. سىز يۇرتىڭىزدا تۇرۇپ تىلفۇن قىلسىڭىز ئۇلار سىزگە ھەرخىل ياخشى گەپلەرنى قىلىپ سىزنى ئۈرۈمچىگە چىقاتىدۇ ، سىز خىيالىڭىزدا چىقساملا ئىشقا چۈشىمەن دەپ ئويلايسىز ، ئەمىليەتتە ئىشلار سىز ئويلىغاندەك بولمايدۇ . سىز ئۈرۈمچىگە چىقىپ بولغاندا ئۇلار بىلەن كۆرۈشكەن ۋاقتىڭىزدا ئاندىن سىزگە ۋاستىچى ئىكەنلىكىنى ئۆزىنىڭ مۇددايىنىڭ پۇل ئىكەنلىكىنى ئېيتىدۇ ، ئۇلارنىڭ سىزگە ئېيىتقان گەپ سۆزلىرىگە ھەر قانچە ئوقىغان ئالىي مەلۇماتلىق كىشىلەرمۇ ئالدىنىپ كىتىدۇ سىزدىن مۇلازىمەت ھەققىنى ئېلېۋالغۇچە سىزنىڭ ھەممە شەرىتلىرىڭىزگە چۈشكىدەك ، مۇئاشىمۇ پەۋقۇلادە يۇقۇر چىقىدىغان ئورۇنلارنى سىزگە ئېغزاكى چۈشەندۈرىدۇ . سىز مۇلازىمەت ھەققىنى تاپشۇرۇپ بولغاندىن كىيىن سىزنى يۈك چۈشۈرۈش ئورىنى دىگەندەك يەرلەرگە يولغا سالىدۇ ، ئىچىملىك زاۋۇتى دەيدۇ ئەمىليەتتە ئىچىملىك بېسىپ چۈشىرىدىغان ئىشقا ئەۋەتىدۇ ، ئوغوت زاۋۇتى دەيدۇ ئۇ يەردىمۇ ئوخشاشلا ئوغوت بېسىپ چۈشۈرىسىز . كېرىمىنى زاۋۇتى دەيدۇ ئۇ يەردە بولسا پار قازانغا ئوت قالايسىز ، لىكىن ئۇ يەرلەرنىڭ شارائىيتىغا سىز ھەرگىز ماشلىشالمايسىز . ئۇلارنىڭ مۇددايى پەقەت سىزنىڭ يانچۇقىڭىزدىكى پۇلنى ئېلىش خالاس ، ئادەتتىكى خىزمەتلەرگە ئورۇلاشماقچى بولسىڭىز 200 يۈەن شوپۇر بولسىڭىز كىنىشكىڭىزنىڭ دەرىجىسىگە قاراپ س كىنىشكىگە 500 يۈەن ب كىنىشكىگە 1500 يۈەن ئا كىنىشكىگە 2000 يۈەنگىچە مۇلازىمەت ھەققى تاپشۇرىسىز ، سىز شۇ پۇلنى تاپشۇرسام ئۇلار دىگەندەك 6 7 مىڭ يۈەن ئايلىق چىقىدىغان يەردە ئىشلىسەم ئەرزىيدۇ دەپ ئويلايسىز ، لىكىن ئۇنداق ئىش مۇمكىن ئەمەس ، ئۇلار سىزدىن پۇلنى ئېلىپ بولۇپ ئىشقا ئورۇنلاشتۇرالمىسا سىز پۇلىڭىزنى قايتۇرۋالماقچى بولسىڭىز ئۇ مۇمكىن بولمايدىغان ئىش سىز ھەرگىزمۇ پۇلىڭىزنى قايتۇرۋالالمايسىز . تۈنۈگۈن مەن دۆڭكۆۋرۈك قىران بۈركۈت سودا سارىيى 3- قەۋەتتىكى يىڭى دەۋىر ئۇچۇر مۇلازىمەت مەركىزىگە ئۆي ئىجارە ئېلىش ئۈچۈن 250 يۈەن تاپشۇردۇم ئۇلار ماڭا ئۆي يارىسا ئاشۇنچىلىك پۇل ئالىدىغانلىقىنى ئەگەر ماڭا ئۇلار كۆرسەتكەن ئۆي يارىماي قالسا پۇلنى قايتۇرۇپ بىرىدىغانلىقىنى ئېيىتتى . ئۇلار ماڭا كۆرسەتكەن ئۆي بەكلا ناچار ئىكەن 1600 يۈەنلىك ئۆينىڭ ئىچى ئۇنداق بولسا ھىچكىمگە يارىمايدۇ شۇنىڭ بىلەن مەن ئۆي ماڭا يارىمىدى بولدى پۇلۇمنى قايتۇرۇپ بىرىڭ دىسەم ئۇلار ھەرگىز ئۇنىمىدى مەن پۇل تۆلىگەندە بىرسى مەندىن پۇل ئالغان بولسا ئەمدىلىكتە بىر نەچچىسى ماڭا دىۋەيلەپ ھىلى ئۇرۇپ سالىدىغاندەك ئەسكىلىكلەرنى قىلىپ پۇلۇمنى پەقەتلا قايتۇرۇپ بەرگىنى ئۇنىمىدى ، پۇلغۇ كىچىك ئىش ھەممىدىن ماڭا ئېغىر كەلگىنى ئۇ يەردە كۆڭۈل ئاغرىقى تىپىۋالدىم . ئۇلار نىمە ئۈچۈن شۇنداق قىلىدۇ ؟ ئۆز قىرىنداشلىرىنىڭ پۇلىنى ئاشۇنداق ئېلىۋېلىپ قانچىلىك راھەت كۆرۈپ كىتە ؟! مەن بۇرۇنمۇ جىق ئاڭلىغان ئۇچۇر مۇلازىمەتكە ئىشەنمەسلىك كېرەكلىكىنى باشقىلار ماڭا جىق دىگەن بولسىمۇ كۆڭۈل بۆلمەپتىمەن ، بۇ قىتىم ئۆزەم بۇرنۇمغا يىدىم . ئەمدى مىنىڭ بۇ ئۇچۇرنى يوللىشىمدىكى سەۋەپ قېرىنداشلار بەلكىم سىلەرنىڭ ئاراڭلاردىمۇ نۇرغۇن كىشىلەر شۇنداق ئورۇنلارنىڭ ئالدام خالتىسىغا چۈشكەندۇ . مىنىڭ سىلەرگە بېرىدىغان تەكلىپىم ئۇچۇر تورىدىكى ئۇچۇرلارغا ئالدىراپ ئىشەنمەڭ (ۋاستىچىسىز ئۇچۇر) دەپ ئەسكەرىتكەن لىرىگە تېلفۇن قىلسىڭىز بولىدۇ باشقىلىرىغا ھەرگىز تېلفۇن قىلماڭ . تېلفۇن قىلغان تەغدىردىمۇ سىز ماستىچى شېركەتنىڭمۇ دەپ سوراپ ئاندىن تىلفۇن قىلىڭ بەلكىم سىزنىڭ يىنىڭىزدا پەقەت 200 يۈەن قالغان ۋاقىتتا شۇنداق ئورۇنلارنىڭ ئالدىمىغا چۈشسىڭىز كوچىدا قېلىشىڭىز ئېنىق گەپ بۇ يەردە بىر ئىشنى ئەسكەرتىپ قويغۇم كېلىۋاتىدۇ . ئۈرۈمچى زەپەر سودا سارىيى4- قەۋەتتە ئىللىق ماكان دەپ بىر شېركەت ئىچىلدى ئۇلارنىڭ قىلىدىغان خىزمىتى ئىگە چاقىسىز ، يىتىم يىسىر ، مۇساپىرلارغا ئىللىقلىق يەتكۈزۈش . ئەگەر سىزنىڭ يىنىڭىزدا پۇل بولسا ئۆزىڭىز رازى بولسىڭىز 25 يۈەن پۇل تۆلەپ ئىشقا ئورۇنلىشالايسىز . يىنىڭىزدا پۇل بولمىسا ئۇلار سىزنى بىكارغا ئىشقا ئورۇنلاشتۇرىدۇ ، ئۇلارنىڭ سىزدىن ئالغان 25 يۈەن پۇلىمۇ شۇ ساخاۋەت ئىشلىرىغا ئىشلىتىلىدۇ ، مىنىڭ ئۇلار بىلەن پەقەتلا ئالاقەم يوق ئۆز كۆزۈم بىلەن كۆركىنىمنى دەۋاتىمەن ئاللاھ ياخشىلىقنى شۇلارغا بەرسۇن ....! ئەمدىكى تەكىتلەيدىغىنىم ئۇچۇر ئاشۇ ئۇچۇر مۇلازىمەت شېركەتلەرنىڭ ئورىنى دۆڭكۆۋرۈك ئەلشىر سودا سارىيىنىڭ 3- 4- قەۋەتلىرىدە قىران بۈركۈت سودا سارىيىنىڭ 2- 3- 4- قەۋەتلىرىدە ئىتتىپاق كېچىلىك بازىرى يىنىدىكى بەش كېرەم دىگەن بىنانىڭ 2- 3- 4- قەۋەتلىرىدە سەندوڭبى ئۇزۇن يوللوق قاتناش بېكىتىنىڭ يىنىدىكى بىنانىڭ 2- قەۋىتىدە ... ئۆي ئېلىم ياكى سېتىم ئىشلىرىڭىز بولسا باشقا چوڭىراق ئۆي مۈلۈك شېركەتلىرىنى ئىزدىسىڭىز بولىدۇ مەسىلەن ئىقلىم ئۆي مۈلۈكچىلىكى ، خاندان ئۆي مۈلۈكچىلىكى ، ئېرپان ئۆي مۈلۈكچىلىكى قاتارلىق كۆزگە كۆرۈنگەن ئىشەشلىك ئورۇنلارنى ئىزدەڭ ...! خىزمەت ئىشىدا مىنىڭچە مەن دىگەن زەپەر يانفۇن بازىرى 4- قەۋەتتىكى ئىللىق ماكان ئىللىقلىق يەتكۈزۈش ئورىنىنى ئىزدەڭ ... ئۇچۇر مۇلازىمەتلەردىن باياتىن مەن دەپ ئۆتكەن ئورۇنلاردىكى ئۇچۇر مۇلازىمەت مەركەزلىرى بىلەن ھەرگىز ئالاقە قىلماڭ ... قىران بۈركۈت بىناسىغا يىقىن يولىماڭ چۈنكى ئۇلارغا كېرىكى سىزنىڭ پۇلىڭىز ھەرگىزمۇ سىزنى ياخشى ئورۇندا نان يەپ قالسىكەن دىمەيدۇ ... دەيدىغىنىم مۇشۇنچىلىك ئۇچۇر تورىدىكى ئۇچۇرلارنىڭ% 99 تى ساختا يالغان ئۇچۇرلار ھەممىسى ۋاستىچى شېركەتلەرنىڭ ئۇچۇرى ، دۆڭكۆۋرۈك ئەتىراپىدا تارقىتىۋاتقان تەشۋىقات ۋاراقلىرىغىمۇ ھەرگىز ئىشەنمەڭ . دۆڭكۆۋرۈك ئاق مەسچىت يىنىدىكى ئېلان تاختىلار ئارىسىدا ئىللىق ماكان ئىللىقلىق يەتكۈزۈش ئورىنىنىڭ ئېلان تاختىسى بار ئۇلاردىن باشقا ھەرقانداق تاختىغا قاراپ سالماڭ باشقا ھەممىسى قويمىچى خاندان ئۆي مۈلۈكچىلىكى بىلەن ئىقلىم ئۆي مۈلۈكچىلىكىنىڭ تاختىسى بۇنىڭ سىرىتىدا ... ئەگەر بۇ گەپلىرىمگە ئىشىنمىسىڭىز شۇلارغا پۇل تۆلەپ كۆرۈپ بىقىڭ ئۇلار سىز بىلەن بىزدەك قېرىنداشلىرىنى قويىدىغان كىشىلەر خالاس ... قېرىنداشلار ھەممىمىز مۇنازىرلىشىپ باقايلى ! ئۆز قېرىنداشلىرىمىز يەنە شۇ بىز ساددا قېرىنداشلىرىمىزنى ئالداپ يۈرسە توغۇر بولامدۇ ؟ ئەسلىدە بۇرۇنلا مۇشۇنداق تېما يوللاشنى ئويلاشقانتىم ، لىكىن ئۇلارمۇ تۈزۈلۈپ قالا ، نىمىنىڭ ياخشى نىمىنىڭ يامانلىقىنى تونۇپ يەتكەن ۋاقتىدا ئۇنداق قويمىچىلىقلاردىنمۇ قول ئۈزە دەپ ئويلىغان ئىدىم . لىكىن ئۇ پەقەت مىنىڭ خىيالىمكەن خالاس ئۇلارغا ئاشۇنداق ھارام پۇللارغا كۆنۈپ قاپتۇ . ئۆز قېرىنداشلىرىمىزنىڭ ئۈرۈمچىگە كېلىپ مۇساپىرچىلىق ئاز دىگەندەك يەنە باشقىلارغا قويۇلۇپ ، ئۇرۇلۇپ-سوقۇلۇپ يۈرگىنىنى  ئويلىغاندا ھەقىقى ۋىجدابى بار ھەر بىر كىشىنىڭ يۈرىكى سېيقىرايدۇ ئەلۋەتتە . ئۇلار شۇنداق قىلىۋارسە چۇقۇم بىر كۈنى بۇ سەپتىن چۈشۈپ قالىدۇ ئەلۋەتتە... مەن كۆپ سۆزلىمەي . باشقا دوسلىرىمىز ئۆز كۆز قارىشىنى ئوتتۇرغا قويۇپ باقسۇن قىنى .... نادىر ئىنكاسلىرىنىڭ بىلەن تېمىنى بىيىتىشىڭلارنى ئۈمۈد قىلىمەن ... ئەسكەرتىش: بۇ تىمىدا تىلغا ئېلىنغا ئىللىق ماكان ئىللىقلىق يەتكۈزۈش ئورىنى ، ئىقلىم ئۆي-مۈلۈكچىلىكى ، خاندان ئۆي-مۈلۈكچىلىكى ، ئېرپان ئۆي-مۈلۈكچىلىكلىرى بىلەن مىنىڭ پەقەتلا ئالاقەم يوق ، ئۇلارنىڭ قىلىۋاتقىنى  ياخشى ئىشلار بولغانلىقى ئۈچۈن دىيارىمىزدىكى كۆزگە كۆرۈنۋاتقان شېركەتلەر بولغانلىقى ئۈچۈر قىستۇرۇپ قويدۇم . دوسلارنىڭ باشقىچە ئويلىماسلىقىنى ئۈمۈد قىلىمەن ، مەن ئۆزەم چىش دوختۇرى ...

uzum-tal

	ئىشقا تونۇشتۇرۇش شىركەتلىرىنىڭ ھەممىسىمۇ ناچار ئەمەس بىراق ناۋارلىرى ياۋا توڭگۇزدىنمۇ ئۆتەر پەسكەشلەردۇر .   گەپلىرى ئىنتايىن چىرايلىق  . قۇيۇلغۇچىنى ئەسسالامۇ ئەلەيكۇم دىگەن مۇبارەك سالام بىلەن قاپقاننىڭ ئىچىگە باشلايدۇ . قاپقاق ئىچىدە ئەزىز قىرىندىىشم ئاتلىق قىرى دۇلدۇلغا مىندۇرۇپ ،  ھەر ۋەزنى يىنىڭ ، ئىشلەش ۋاقىتى 7 سائەت 59 مىنۇت 60 سېكىنۇتتىن بىر مىنۇت ئالدىغا ئاشمايدىغان ، ھەر ئايلىقى  4000~5000 يۈۋەنلىك  خىزمەت بار . ئادەم قوبۇل قىلىش سانى چەكلىك  دىگەن  يەمچۈكنىڭ قىشغا باشلاپ بارىدۇ  ساددا -گول خىرىدار بۇ يەمچۈكنى ئاز بولغاندا 150 يۈۋەن يۇقۇرسى 2000-1000 يۈۋەن بەدەل تۆلەپ چىشلەيدۇ . بولدى ئىش تامام ۋەسسالام . مەلۇم بىر تاللا بازىرنىڭ شەھەر ئىچىدىكى  ھەر قايسى  تارماق دۇكانلىرىغا مال توشۇيدىغان يىرىم پىرىسلىق ماشىنىغا ھەر ئايلىقى 3000-3500 يۈۋەن مائاش بىلەن شوپۇر قوبۇل قىلنىدۇ . ياتاق ،تاماق ھەقسىز .   بۇ ئۇچۇرنى ھەر قايسى يەردىكى ئىش تاپالماي تۇرغان شوپۇر ئۇستاملار رادىيو-ئېلانلاردىن ئاڭلاپ ئايغىنىڭ چۈشۈپ قىلىشىغا قارىماي بىرىپ بىر مۇچنە پۇل تولەپ تىزىمغا ئالدۇردۇ . قوبۇل قىلىنغانلار شۇنداق خۇش مەيدىسنى كىرىپ پوچى ھالدا ئۈرۈمچىنىڭ كوچىسىدا ماشىنا دىگەننى ھەيدەپ كەتسە . ياتاق ،تاماقنى بىكارلىق بولغاندىن كىيىن ھەر ئايدا 500 يۈۋەن تۇرمۇش لازىمەتلىگى قىسلا قالدى 3000 يۈۋەننى بانكىغا تاشلاپ قويسا 12 ئايدا 39000 يۈۋەن پۇل بولدى . بۇ پۇل بىلەن ........خىيالى لاۋ-سېگاسقا كىتىدۇ . رولنى قولغا ئىلىپ گەپ يوق 15 كۈن ھەيدىسە ئىشقا قوبۇل قىلغان تەرپ خادىمىنىڭ نەزىرىدە 15~10 يىللىق كەسپى شوپۇرمۇ ماشىنى ھەيدىيەلمىگەن بولىدۇ . بىچارە شوپۇر لىۋىنى چىشلەپ ئەسكى كەپىسىگە يىنىپ كىلىپ ۋات-ۋات خوتنىنىڭ كوتۇلداشلىرىنى ئاڭلاپ بىزارلىقتا ۋېنشىدىكى قىز بالا بىلەن سردىشىپ كۆڭلدىكى پەرىشانلىقىنى تۈگۈتىشنىڭ كويىغا چۈشىدۇ .   بۇ دۇنيادا نىمە  تولا ئادەم تولا ، ئادەم تولا بولغانكەن ئەخمەقمۇ چىقىپ تىرىدۇ ، ھىلىقى شوپۇر قوبۇل قىلىش ئورنىغا  ئەخمەق شوپۇردىن يەنە بىرى قوبۇل قىلىنىدۇ . بۇ شوپۇرمۇ 20~15 كۈن ھەيدەپ ھەيدىيەلمەس بولىدۇ . بەك چىداشلىق سەۋىرچان ، ئايالى بالىسى بار شوپۇرلار لىۋىنى چىشلەپ ئۈچ-تۆت ئاي ھەيدەپ كۆت-كۆت گەپ ، سىسىق تەنە گەپ . ئىش ۋاقتىنىڭ ئۇزاقلىغى . ۋاقتىدا يەتكۈزەلمىدىڭىز دىگەندەك باھانىلەربىلەن ھىلىق ۋەدە قىلغان 3000 يۈۋننىڭ بەدىنىدىن 400~300 يۈۋەن يۇلىۋىلىندۇ ، بۇ بىچارىمۇ بىر تەجىربە سېتىلۋىلىپ يىنىپ كىلىدۇ . مۇشۇنداق ئۇسۇلدا ھىلىقى ماشىنا شوپۇرسىز قالمايدۇ . دىمەك مال يەتكۈزۈش جايىغا كىتىۋىرىدۇ . باشقا مىۋە-چېۋە زاۋۇتىغا مانچە ئادەم . پوركىسەك زاۋۇتىغا ئانچە ئادەم قوبۇل قىلىشلارمۇ مۇشۇ ئۇسۇلدا ماڭىدۇ .       بىراۋ ساڭا ئەجىر قىلىپ قۇياشنىڭ تەپتىدە ئاققان تەرى ئىناۋەتسىز بولسسۇن ماقۇل . بىراق ساڭا ئەجىر قىلىش جەيراندا سىڭدۇرگەن ئەجىرنىڭ ھەققنى بەرمىگەنكەنسەن مەيلى سەن مۇسۇلمان بول ، مەيلى ئەھلى ئالىم بول سىنى ئادەم دىگىىل بولمايدۇ . سەن توڭگۈزسەن . بىراۋنىڭ ھەققىنى يەۋىلىش خۇددى نىجاسەت يىگەندەق بىر ئىش . نىمشىقا شوپۇر مەسىلىسنى بۇ يەردە مىسال ئالدىم . ھەر قىتىم تورغا چىقىپ كۆردىغانغا ، ئاڭلايدىغانغا ھىچنىمە قالمىغنادا  ئۇچۇر تورىغا كىرىپ ئۇچۇر كۆرۈپ قويىمەن . مىسالدا تىلغا ئىلىنغان تاللاھ بازىرنىڭ مال تارقىتىش ماشىنىسىغا شوپۇر قىلدىغان ئېلاننى كۆرۋاتقىلى تالاي زامان بوپ كەتتى . ھەر قاچان قارسام ئادەم ئالىمىز دەيدىكەن . سىناپ بىقىش ئۈچۈن ھەر قاچان  تېلېفۇن قىلسام  ئەزىز قېرىندىشىم تەلىيڭىز باركەن . ئۇ ماشىننىڭ شوپۇرى ئالدنقى كۈنى يۇرتىدا جىددى ئىشى چىقىپ قىلىپ ئىشتىن توختىغان ئىدى . بارلىق ئىش ھەققىنى تولۇق قولغا بىرىپ چىرايلىق يولغا سىلىپ قويغان . مانا ئېلاننى چىقىرىپ تۇرشىمىزغا سىز ئېلان بىرپسىز . كىلىڭ قېرىندىشم ھالال تەر ئاققۇزۇپ جان باققان ئادەم نىمىدىگەن سۆيۈملۈك دەپ تەكلىپ قىلىشىدۇ . ماقۇل ئويلىشىپ باقاي دەپ ئۇخلاپ قالىمەن . بەزى نوچىلار ئېستمالچىلار جەمئىيتىگە بىرىپ ئالىمىز پۇلىمىزنى قاراپ تۇرش . ئىككى پۇتۇڭ بىر ئۆتۈككە تىقىلمىغىننى كۆرەي دەپ ئۈرۈمچىنىڭ كوچىسىدا بىر مۇنچە پۇلىسىنى كىراغا ئاباراكوم قىلۋىتىپ  ئىشىنى ھەل قىلالماي .ھەي بوپتۇلا ! پۇل كۆرمىگەن ئادەممىدۇ بىز ؟!  بەرمىسەڭ -بەرمە !  بەرمىسەڭ قىيامەتتە قان قۇسۇپ قالسىەنغۇ !  دىگەنچە ئۆزىنى-ئۆزىنى بەزلەپ بىر تال تاماكا بىلەن ئاچىغى يىنىپ قالىدۇ .   ئستمالچىلار جەمئىيتىگە بردىمۇ دەيلى . تولا كىشىلەر يىڭلىپ قالىدۇ . چۈنكى ئىش بىشى ۋە ئىشقا تونۇشتۇرغۇچىلار بىر-بىرى بىلەن جىنسى ئەزا بىلەن كالتە ئىشتاننىڭ مۇناسىۋىتىگە ئوخشاش ھەمكارلىق رولىنى ئورناتقان .   كالتە ئىشتان جىنسى ئەزادىن ئىبارەت نۇمۇسلۇق ئورۇننىڭ ئاشكارلىنىپ كىتىشىنىڭ ئالدىنى ئالسا . جىنسى ئەزا ھىلىقى مىيەنچۈردىن ئىشلەنگەن نەچچە يۈۋنلىك ئالقاندەك رەخىتتىن پۈتكەن كالتا ئىشتاننىڭ خاس گۈزەللىكىنى ، جەزبىدارلىقى ئاشۇرۇپ بازار ئېستمالىنى يۇقۇرى كۆتۈرۈپ بىرىدۇ .   ئىشلىيەلمىدىڭ . سەن ئەسلى بۇ ئىشنىڭ ئەھلى ئەمەسكەنسەن !  كۈندە 8 سائەت دىگىنىمىز راسىت بىراق ....  دىگەندەك شاپتۇل قىقىدەك سۆزلەر ئىككى تەرپنىڭ كاللىسىدا لىق قاچىلانغان . لىكىن سىزنىڭ كاللىڭىزدا ساددىلىق  قاچىلانغان .  شۇڭلاشقا ھەر بىر ئىشتا قاتتىق دىققەت قىلىپ يەتتە ئۆلچەپ بىر كىسىش كىرەك .

بالا

	uzum-tal يوللىغان ۋاقتى  2014-8-11 12:45 AM ئىشقا تونۇشتۇرۇش شىركەتلىرىنىڭ ھەممىسىمۇ ناچار ئە ... ئىنكاسىڭىزنى كۆرۈپ ئىنتايىن رازى بولدۇم دىگىنىڭىزمۇ خاتا ئەمەستۇ بەلكىم ھەممىسىلام ئۇنداق ناچارمۇ ئەمەستۇ لىكىن ئاشۇ قىران بۈركۈت بىناسىدىكىلەرنىڭ ھەممىسى بىر جاڭگالنىڭ بۆرىلىرىكەن ... ئىنكاسىڭىزنى ئوقۇپ تازا كۈلگۈم كەلدى لىكىن ئاشۇلارغا قويۇلۇپ كىتىۋاتقان قىرىنداشلارنى ئويلىساملا ....ھەي

zulpukar

	ئاشۇنداق كىشىلىرمىز بەزى ئۇچۇر توربەت ئاچقۇچىلارنىمۇ مات قىلدى..........  ئۇچۇر تور بېتى ئاچقۇچىلاردىمۇ ئاز- تولا مەسئۇليەت بار ئەلۋەتتە....  چۈنكى شۇنداق كىشىلەرنىڭ يوللىغان ئۇچۇرلىرنى تەستىقلاپ قويىدۇ ئەمەسمۇ..   ئەگەر ئاقسۇ ئېلان تورىدىن شۇنداق ئۇچۇرلارغا ئالدىنىپ قالغان كىشىلىرمىز بولسا تۆۋەنچىلىك بىلەن ئەپۇ سورايمەن... ئەمما مەن ئۇچۇر كۆرۈش بېتىدە ئەسكەرتىش قىلىپ قويغان.......... ئۇزۇن بولدى شۇنداق ۋاستىچىلارنىڭ ئۇچۇرلىرنى تەستىقلىمىغىلى......  نەچچىسى تېلفۇن قىلدى، نىمىشقا تەستىقلىمايسىز دەپ... كەچۈرۈڭ ۋاستىچىلارنىڭ ئۇچۇرلىرنى تەستىقلىمايمىز دەپ تېلفۇننى قۇيۋەتتىم... ئەمما كۈندە 20- 30 قېتىم يوللايدۇ.. ئىسمىنى ئۆزگەرتىپ دىگەندەك... شۇنداق دىققەت قىلساقمۇ بەزىدە بىرەتال ئۇچۇرى تەستىقلىنىپ كېتىۋاتىدۇ... شۇڭا ئۇچۇر توربېتىنى زىيارەت قىلدىغان تورداشلارنىڭ قاتتىق دىققەت قىلىشىنى ئۈمۈد قىلىمەن...

dawagar0998

	بۇلۇپمۇ ئۇچۇر تورىدا بونداق ئالدامچىلار بەك كۆپ ئىكەن....

nijatkurban

	uzum-tal يوللىغان ۋاقتى  2014-8-11 12:45 AM ئىشقا تونۇشتۇرۇش شىركەتلىرىنىڭ ھەممىسىمۇ ناچار ئە ... ئستمالچىلار جەمئىيتىگە بردىمۇ دەيلى . تولا كىشىلەر يىڭلىپ قالىدۇ . چۈنكى ئىش بىشى ۋە ئىشقا تونۇشتۇرغۇچىلار بىر-بىرى بىلەن جىنسى ئەزا بىلەن كالتە ئىشتاننىڭ مۇناسىۋىتىگە ئوخشاش ھەمكارلىق رولىنى ئورناتقان .    ماۋۇ ئوخشىتىش بەك جايىغا تېگىپتۇ. نومۇسسىز ۋاستىچىلارنىڭ ئاغزىدىن چىققان گەپنىڭ چىرايلىقلىقىدىن ئادەم ئېرىپ كېتىدۇ، قىلغان ئىشلىرى ج.....پ تىنمۇ نومۇسسىز.

hekmat110

	بۇمۇ بىر سودا....

uqkun500

	يەنىلا بۇلارنىڭ قىلتىقىغا چۇشىدىغىنى  بىزنىڭ ساددا ئاقكۈڭۇل دوست قېرىنداشلىرىمىز

bojanqak

	قىران بۈركۈتنىڭ ئالدى تەرىپىدە ھەقىقەتەن جىق ھېلىقى  كىچىك تەشۋىقات كارتىلىرىنى  تارقىتىدىغانلار....ئالمايمەن دىسە مەجبۇرى دىگىدەك تۇتقۇزۇپ قويىدۇ تېخى...