مەسئۇلىيەتسىز ئاتا-ئانىلار ھالىغا

پەرۋەر

	مەسئۇلىيەتسىز ئاتا-ئانىلار ھالىغا... ‏ئاتا-ئانا بولۇپ پەرزەنىت تەربىيلەۋاتىمەن دەپ قارىغان بولسىڭىز دىققىتىڭىز تۆۋەندىكى قۇرلاردا بولسۇن. ‏(مىھرىبان ئانا) نامىدا سۈپەتلەنگىنڭىزدە پەرزەنتڭىزنى يورۇق دۇنياغا تەۋەللۇت قىلغۇچە يىگەن بىر قىتىملىق ئاچچىق تولغاقنىڭ ئازابىنى دەمسىز؟ ئۇنداقتا ھەر كاكىلىشدا نەچچىدىن تۇخۇم چىقىردىغان مىكيان دەردىنى كىمگە ئىيتسۇن. ‏(كۆيۈمچان ئاتا) دىگەن بۈيۈك نامنىڭ ۋەزنىنىڭ نەقەدەر ئىغىرلىقىنى ھىس قىلغنڭىزدا، جۈپتىنى، بالىلىرىنى، ئۆز زىمىنىنى دۈشمەنلىرىدىن قوغداپ، مەردۇ-مەردانە ياتقان ئەركەك شىرنىڭ نامىنى نىمە قويساق بولىدىكىن؟‏ ‏پەرزەنتىڭىزگە زىيادە ئامراقمۇ سىز؟ داۋاملىق باغرىڭىزغا بىسىۋالامسىز؟، بىلىۋىلىڭ بالىسىنى باغرىدىن بىردەممۇ چۈشۈرمەي چوڭ قىلىدىغان كىنگوروچىلىك ئەمەسسىز. ‏پەرزەنتىڭىزنىڭ كىرىنى يۇيۇپ پاكىز چوڭ ‏قىلدىم دەمسىز؟ ھەرقانچە بولسىمۇ ئانا ئورانگۇتانلاردەك بالىڭىزنىڭ پىتىنى تىرىپ ئاغزىڭىزغا سالالمايسىز. ‏پەرزەنتڭىزنى كىچىچە ئۇخلىماي ئىمىتىپ چوڭ قىلدىم دەمسىز؟ ساغلىق قوينىڭ، ئىنەك كالىنىڭ ھالىغا قاراڭ، بالا ئىمىتىش توغۇرلۇق سۆزلەشكە شەرتىڭىز توشامدىكىن. ‏پەرزەنتڭىزگە تامىقىنى ئۆز قولىڭىز بىلەن يىدۈرۈپ باقتىم دەمسىز؟ ئانا قۇشقاچنىڭ قولسىز، تۇمشىقى بىلەن تۆت-بەش چۆجىسىنى بىقىپ چوڭ قىلغىنىنى ئويلاپ قويۇڭ. ‏پەرزەنتڭىزنى تەربىيلەپ قاتارغا قوشقىچە تالاي قىتىم ئۆتكۈزگەن سەۋەنلىكلىرىگە تارتۇق قىلغان(توخۇ پوقى، كالا پوقى، ئىشەكنىڭ بالسى.......)  دىگەندەك ھاقارەتلىرڭىزنى ئۇنتۇپ قالغىنڭىزدا شۇنى ‏،بىلىۋىلىڭكى، توخۇ ئۆز چۆجىسىنى كالا پوقىغا، كالا ئۆز موزىيىنى ئىشەكنىڭ تىزىكىگە، ئىشەك ئۆز تەخىيىنى ياتلارنىڭ نەسلىگە ئوخشۇتۇپ ھاقارەت قىلمايدۇ. ‏مەسئۇلىيەتسىز ئاتا-ئانىلارنىڭ ھالىنى، بۇنڭدىنمۇ كۆپرەك، ئەبگاھ ھالەتلەرگە ئوخشىتىشىمىز تامامەن مۇمكىن ئىدى، ئەپسۇس، ئۇنداق قىلمىدۇق، چۈنكى بىز سىزلەرنى ئەيىپلىگۈچىلەرنڭمۇ، ئۆزىمىزگە چۇشلۇق كەتكۈزگىنىمىز بار. بىلەلمەي، ئۇقالماي قالغىنىمىز ھەم بار. ئەمسە ئۆز پەرزەنتلىرىنى ياخشى قىلىپ تەربىيلىيەلمىگەنلەرنىڭ مەھسۇلىغا زادى كىم مەسئۇل؟ ئەلۋەتتە سىز، شۇ يارامسىز، بولۇمسىز پەرزەنتنىڭ ئاتا-ئانىسى مەسئۇل. پەرزەنىتنىڭ ئۆز رىسقى بىلەن چوڭ بولىشى بىلەن ئۇنى تەربىيلەپ قاتارغا قوشۇپ چوڭ قىلشنىڭ ماھىتىنى بىلىۋىلىڭ. ئانا بۈركۈت، چۆجىسى ئۇچۇرم بولغان كۈنى، ئۇنى قەيسەرلىك بىلەن تىك قىيادىن تاشلايدۇ. بۈركۈت چۆجىسى شۇندىلا مۇستەققىللىك بىلەن كۆك قەھرىدە ئۇچىدۇ（بۇ سۆز تۈپەيلى پەرزەنتڭىزنى تاغنىڭ ئۈستىدىن پەسكە تاشلاپ يۈرمەڭ، ئاقىۋەتىگە ئۆزىڭىز ئىگە）. پەرزەنىت ئۈگەنمىسە بولمايدىغان ھالقىلارنى چوقۇم ئۈگىتىڭ. مەسىلەن: ئات مىنىش، سۇ ئۈزۈش، خەتتاتلىق، چىلىشىش... دىگەندەك. بۆرە كۈچىگى يىشىغا توشمايلا ئانىسى ئۇنى يالغۇز تاشلاپ، مۇستەققىل ياشاشنى مەجبۇر ئۈگىتىدۇ. （ئەلۋەتتە بۇنڭدىمۇ پەرزەنتڭىزنى باشقا شەھەرگە ئاپىرىپ تاشلىۋىتىشڭىزنىڭ زۆرۈرىيتى يوق）. پەرزەنتڭىزگە مۇسەتقىللىقنىڭ، ھۆرلۈكنىڭ، ئۆزلۈكنىڭ نىمە ئىكەنلىكىنى ئۈگۈتۈپ قويۇڭ، بۇلارنىڭ مۇھىملىقى شىۋىتسارىيە بانكىسىغا قويۇلغان نەچچە يۈز مىلىيارد بايلىقدىنمۇ مۇھىم. سۆزلىرىم ئۇزىراپ، مەززىسىز بولۇپ قالمىسۇن. شۇندىمۇ ئاخىرىدا ئىيتىدىغىنىم: جاپاكەش ئاتا-ئانىلار ئامان بولۇڭلار، ئاتا،ئانا دىگەن بۈيۈك نامڭلارغا ماس ھەرىكەتلەردە، تەپەككۇرلاردا بولۇڭلار. پەرزەنىت تەربىيلەشتە يۈكسەك مەسئۇلىيەتچان بولۇڭلار. پەرزەنىت ئىسىل، ياخشى بولسا ئىككىلا دۇنيا شەرەپلىك بولىسىزلەر. ئەكسىنچە بولسا تىركلكڭلىدە ئىزا-ئاھانەت،  ئۇ ئالەمدە تەنە-مالامەتكە قالۇرسىزلەر. پەرۋەر 2014-يىلى2-ھود

tewekkulqi

	جاپاكەش ئاتا-ئانىلار ئامان بولۇڭلار، ئاتا،ئانا دىگەن بۈيۈك نامڭلارغا ماس ھەرىكەتلەردە، تەپەككۇرلاردا بولۇڭلار. پەرزەنىت تەربىيلەشتە يۈكسەك مەسئۇلىيەتچان بولۇڭلار. پەرزەنىت ئىسىل، ياخشى بولسا ئىككىلا دۇنيا شەرەپلىك بولىسىزلەر. ئەكسىنچە بولسا تىركلكڭلىدە ئىزا-ئاھانەت،  ئۇ ئالەمدە تەنە-مالامەتكە قالۇرسىزلەر.

hujayin1

	تۈنۈگۈن چۈشتىن كىيىن ئەمەلىي بولغان ۋەقە. كورلا شەھرى يىڭى شەھەر يولى،روھلان سودا سارىيىنىڭ 500مىتىر غەرىپ تەرەپىدە،يول ياقىسىدا بىر توپ ئادەملەر بىر قىزنى ئارىغا ئېلىۋېلىپ غۇل-غۇلا قىلۋېتىپتۇ،ئۇ قىز تازا بولسا 18-19ياشلاردا ئىكەن،يېنىدا 30ياشلار ئەتراپىدا بىر يىگىت ئۇنىڭ بىلىكىدىن تۇتىۋاپتۇ،ئەتراپتىكىلەردىن سورىسام--ئۇ قىز ئەسلى مۇشۇ يەرلىك بۇلۇپ ئۆيى يېقىنلا ئەتراپتىكەنتۇق،لىكىن ئانىسى ئۆگەيكەن،ھەم بۇ ئۆگەي قىزىنى بەك خورلايدىكەن،دادىسى بولسا كۈنبۇيى ھاراق ئىچىپ قىزىنىڭ ھالىدىن بىخەۋەر يۈرىۋىرىدىكەن،شۇڭلاشقا بۇ قىز ئۆگەي ئانىسىنىڭ خورلىقىغا،بېسىمىغا چىدىيالماي ئۆيىدىن قېچىپ چىققانمىش،ئۇنىڭ بىلىكىدىن تۇتىۋالغان يىگىت بولسا ئۇ قىزنىڭ قوشنىسىمىش،شۇڭلاشقا ئۇ قىزنى ئاتا-ئانىسىغا تاپشۇرۇپ بىرىمەن دەپ،ئاتا-ئانىسىنىڭ كىلىشىنى ساقلىغاچ يول بويىدا ئۇنىڭ قېچىپ كىتىشىدىن ئەنسىرەپ بىلىكىدىن تۇتىۋالغان ئىكەن..قارىسام يېنىدا بىر نايناق دوستىمۇ باركەن ئۇ قىزنىڭ ئۆيىدىن چىقىپ كىتىپ مۇشۇنداق جەمىيەت ئوينايدىغان دوستلىرى بىلەن كىچىسىمۇ ئۆيىگە كىرمەي مۇشۇنداق سەرگەردان بۇلۇپ يۈرىۋەرسە،ئۇ ئۆزىنى نابۇت قىلمايدۇ،جەمىيەتتىكى ئالدامچىلارنىڭ قاپقىنىغا دەسسەت قىزلىق-ئىپپەت نۇمۇسىدىن ئايۇرىلىپ قالمايدۇ دىگىلى بولمايدۇ.. ئۇ قىز ھەدەپ يىغلاۋاتاتتى،ئۈلىۋالىمەن،ئۆيدىكىلەرگە ئىش تېپ بىرىمەن،،،دەپ ئەتراپتىكىلەرنىڭ يۈرىگىنى ئىزەتتى،كىيىن ساقچىلار كىلىپ ئەتراپتىكىلەرنى تارقاقلاشتۇرۋەتتى.. شۇ ئىشتىن كىيىن ئويلاپ قالدىم.،،ئىسىت تېپىشنى بىلىپ،ئەتراپلىق تەربىيەلەشنى،مىھىر-مۇھاببەت يەتكۈزۈشنى بىلمەيدىغان مەسئۇلەتيسىز ئاتا-ئانىلار.. سىلەر ئۆزۈڭلارنىڭ نادانلىقى سەۋەپلىك پەرزەنتىڭلارنىڭ كەلگۈسىنى ۋەيران قىلدىڭلار،بەختىنى نابۇت قىلدىڭلار،بالىنى يىتىم قىلغانلار سىلەر شۇ پەرزەنتىڭلارنىڭ بىر ئۆمۈر قاغىشىغا قالىسىلەر..

ئوقۇغىن

	دۇنيادا ئۇيغۇردەك  بالىسىغا كۆيۈمچان،ئاسرايدىغان ،دەردىنى تارتىدىغان ئاتا ئانا يوق！ھىچقاندا قەۋم ئۇيغۇرغا بۇ جەھەتتە يىتەلمەيدۇ،ھىلىمۇ ياخشى ھەتتا  قۇرئاندىمۇ 《باللىرىڭلار ،ماللىرىڭلار پىتىندۇر،بالىلار بىلەن پەخىرلىنىش سىلەرنى ئاللاھنى زىكىر قىلىشتىن توسمىسۇن 》دەپتىكەن ،بولمىسا مەبۇد قىلىۋالىدۇ بەزىلەر، ھازىرقى پەرزەنت تەربىيىسىدە كۆرۈلگەن مەسىلە ئۇيغۇر  ئاتا ئانىلارنىڭ مەسئۇليەتسىزلىكى ياكى كۆڭۈل بۆلمىگەنلىكى ئەمەس بەلكى قاندا تەربىيلەشنى ئۇقماي،قاندا كۆڭۈل بۆلۈشنى بىلمەي گاڭگىراپ قالغانلىقى ،چۈنكى يىڭىچە تەربىيلەي دىسە ئىمان ،ۋىجدانىنى يوقىتىپ قويىۋاتقان،كونىچە ئۇسۇلدا تەربىيلىسە كۆڭۈل بۆلۈش ئۇسۇلى ماس كەلمەۋاتىدۇ،

Gvlbargi0999

	ھەي.مۇشۇ ئوتنىڭ تېشىدا كۆيگەندىن،ئىچىدە كۆيۈپ،بالىلارنى يىتىم قىلمىغىنىمىز ياخشى، دائىم ھېيت بولمىغىنىدەك،كۈنلەر ئۇنداق بىر خىل ئۆتمەيدۇ..... ھاياتنىڭ شۇ بوران-چاپقۇنى بار،شۇنىڭغا بەرداشلىق بەرمىسەك ،بالا يىتملىك كوچىسىدا سەرسان بولىدىغان گەپ شۇ... ئۇلۇغ ئاللاھ بەرگەن كۈنۈڭگە چەكسىز شۈكرى!

uqkun500

	جەمىيەتتە تېپىشنى بىلىپ بېقىشنى بىلمەيدىغالارنى يوق دىگىلى بولمايدۇ ، بەزەنلەرنىڭ شۇ قىلىقىغا  پىلانلىق تۇغۇتمۇ ياخشى

TAXNAI2

	تىما ئىگىسىگە كۆپ تەشەككۇر .....مول دەلىل ئىسپاتلار ،كىنايە تىلىڭىز بىلەن تىمىنى ياخشى يۇرۇتۇپسىز ...ھەربىر ئاتا-ئانا بولغۇچى ئوقۇپ قويۇشقا تېگىشلىك ئىكەن....

Samira120

	ئەجرىڭىزگە رەھمەت قېرىندىشىم!