ئانىسىزلىق:ناخشا تىكىستى

rustorahbar

	ئانىسىزلىق:ناخشا تېكىستى رۇستەم قاراسۇ يېرىم كېچە كىلىپ قاقسام ئىشكىنى، رەنجىمەستىن ئاچار ئىدى جان ئانام. سۆيمىگەنتى يەنە مەندەك ھىچكىمنى، دەرتلىرىمنى تارتار ئىدى جان ئانام. خاتا قىلسام ئەپۇ قىلار ئىدىغۇ، ھېدى بولسا جەننەتنىڭكى ھېدىغۇ، ئانام كىتىپ قەلبىم ئازار يېدىغۇ، يېشىم بولۇپ ئاقار ئىدى جان ئانام. قەۋرىسىگە بارمىغان بىر كۈنۈم يوق، سېغىنىشتا يېغلىمىغان تۈنۈم يوق، تولا يېغلاپ پۈتۈپ كەتتى ئۈنۈم يوق، ھىچ خەۋەرسىز ياتار ئىدى جان ئانام. رۇستەم قاراسۇ 2014.يىل8.ئاي10.كۈنى ئىشلەتسىڭىز 449743158 ئۈندىدار قاراسۇ ئاتىلار رۇستەم قاراسۇ ۋەتەن ئۈچۈن جەڭگە كىرسە شەمشەر ئاتىلار، ھەر سەپەردە قۇچۇپ كەلگەن زەپەر ئاتىلار. تالاي مۈشكۈل جاپالارنى كەينىدە قۇيۇپ، ئىز قالدۇرۇپ ياشاپ كەلگەن قەيسەر ئاتىلار. بەلنى باغلاپ بەلۋىغىغا بوردا نان تېڭىپ، داۋان كۆرسە داجىماستىن ئالدىغا مېڭىپ، ئائىلەم دەپ تۇرمۇشنىڭكى جەبرىنى يېڭىپ، پاك تۇپراققا تىم-تىم تامغان قان تەر ئاتىلار. رىزىق ئىزدەپ كارۋانلارغا ئەگىشىپ ماڭغان، بىلى يادەك ئىگىلسە گەر ئىڭىشىپ ماڭغان، يولۋاس كەبى باسقان ئىزدىن ئەمەستۇر يانغان، يېڭى تارىخ يېڭى بەتتىن خەۋەر ئاتىلار. رۇستەم قاراسۇ  بېيجىڭدا يېزىلدى 8.ئاي

arki

	ئاتا ئانىلار ھەققىدە قانچىلىك يازساق، قانچىلىك تەرپلىسەكمۇ ئەرزىيدۇ، ئاتا ئانا بار چاغدىكى تۇرمۇش بىلەن ئۇلار يوق ۋاقىتتىكى تۇرمۇش بەكلا پەرقلىنىدىكەن، ئادەم بەكلا چانىدىكەن، ھەتتا ئۇرۇق- تۇققان، قېرىنداشلارمۇ چاندۇرىدىكەن. ئىشقىلىپ ئۇلار بار ۋاقىتتا كۆپراق ۋاقىت چىقىرىپ ئۇلار بىلەن بىرگە بۇلۇش كىرەككەن. شۇ تاپتا يازما ئىگىسى ئوخشاش ھىسياتتا بۇلۇپ تىمىنى ئۇقۇپ ئولتۇرۇپتىمەن. ئاتا- ئانىلارنى بار ۋاقتىدا قەدىرلەيلى، كۆپراق مۇڭدىشايلى، ئاخىرقى ئۆمرىدە يالغۇزسىراپ قالمىسۇن！

rabbey

	كىتىپ بولغاندا پۇشايمان قىپ يىغلىغانغا ئورنىغا كەلمەيدۇ..يەنىلا بار ۋاقتىدا قەدرىنى قىلغان ياخشى...

axek13999649893

	قارسۇ  ئەپەندىنىڭ  شىئىرلىنى  خىلى ياقتۇرىمەن

bardax

	شئىرىڭىز ياخشى چىقىپتۇ سۆيۈندۇم !رەھمەت ئىجاديەتلىرڭىزگە بەركەت يار بۇلسۈن!