ئاخىرقى ئۇچرىشىش

shaidayi

	ئاخىرقى ئۇچرىشىش   ئىمىننىياز مەتنىياز شەيدائىي 1 شۇ   كۈنى كەچتە پىچىرلاشتى كۆكتە مىڭ ئەختەر «تۇنجى سۆيگەن يارىڭ كەپتۇ !» دەپ . قىيام بولغان سېغىنچىم بىلەن يوللىرڭغا تىكىلىپ ئۈنسىز ئۈمىدىمنى چوغلىتىپ يال-يال بوۋاق كەبىي ئۆتتۈم ئېسەدەپ. ئۇزۇندىن بىرى ھەسرىتىمگە بولۇپ تەقدىرداش غەمگە چۆكۈپ قالغان دەرەخلەر بىردىنلا جانلىنىپ كىرىپ زۇۋانغا بەلجىر ئارا ئۈزگەن قاينامدەك تۈن كۆكسىنى سېلىپ لەرزىگە شىۋىرلىدى ئۇزاق بەك ئۇزاق ! شۇنچە ئۇزۇن يىللاردىن بىرى يۈرىكىمنى يىغلىتىپ قان-قان قىيام بولغان جۇدالىق زارى كەچمىشلەرنى سېلىپ ئېسىمگە كۆزلىرىمدە دەۋرەتتى قىيان. سېغىنچىمنىڭ بەرگىدە كۆكلەپ پۆرەكلىگەن كۈتۈش ۋە ئازاب ۋىسال چۆككەن قىرغاقنى بويلاپ                 كەلمەكتە دەۋرەپ سۆيگۈ ئىزلەپ يەنە مەلەمگە. چانىقىمدا تاراملاپ ئاققان ھاياجانلىق قاينامدا كۈلۈپ بەرىق ئۇردى سولغۇن شىۋاقلار شادلىقىمغا جۆر بولۇپ بىر پەس چاۋاك چالدى سولغۇن ياپراقلار.      2   شۇ كۈنى كەچتە مەن سېنى كوچىدا ئۇچراتقان ئاخشام تۈن كۆكسىدە ئۆركەشلىدى دەرت چېكىپ ئۆتتى يۈرەك تارىمنى مۇڭغا تولغان سېغىنىش، ھەسرەت. دىل قەسرىمدە چوغلانغان خىيال نىگاھىڭدا كۆكلەتسە پىراق ئۆكسۈپ تۇرغان ئارمىنىڭ بىلەن كۆزلىرىمگە تىكىلىپ ئۇزاق ئۈنسىز سۈكۈتتە ئۆتمۈش ئىچرە ئەيلىدىڭ پەرۋاز . كۈيى ئۆچكەن كەچمىش باغرىدا ئۆز ئۆزۈمگە ئاقتىم تاراملاپ. ئاخىرقى ئۇچرىشىش بولغاندا نېسىپ ئاھ ئېسىت دەپ قالدىم ئۇھسىنىپ تۇنجى قېتىم سۆيگەنگە ئوخشاش باسالمىدىم سېنى باغرىمغا مېھرىم بىلەن ئاستا ئاۋايلاپ. سۈكۈتلۈك بېقىشقان قاراقلار ئارا تۈن كۆكسىدە چىقىلدى چاقماق. ۋىسالغا تەلمۈرگەن چاناقلىرىمىز دىللاردا كۆكلەتتى يەنە مىڭ پىراق. ئاخىرقى ئۇچرىشىش چىللىدى زاۋال ۋىسالغا قانمىغان سولغۇن دىللارغا تاشلاپ ئۆتتى مىڭ پاتمان سۇراق . تەڭسىزلىك چەيلىگەن سۈكۈتلۈك كېچە كەچمىشلەر باغرىدىن يۇلقۇندى باھار ئاھ تەتۈر پەلەكنىڭ قىسمىتى ئىچرە ئۆكسۈپ-ئۆكسۈپ يىغلىدى دىللار. ھەسرەتلەر باغرىدا چايقالدى ئاسمان ھېچنىمە دېمىدىم ئامرىقىم ساڭا. سەنمۇ ھەم تاراملاپ ئۈنسىز سۈكۈتتە ھېچبىر سۆز ئېيىتمىدىڭ بىھۇش تاڭلارغا. كەچمىشلەر بىخ سۈرگەن تۈننىڭ باغرىغا تۈكۈلدى كىرپىكلەر ئۈنسىز تاراملاپ. ئاخىرقى ئۇچرىشىش پەيتىگە دىلبەر قويۇپ كەتتىڭ بىر دەستە ئازاب ! سېغىنىشقا تولغان كېچىلەر ئۈزمەكتە تاڭلارنىڭ باغرىغا قاراپ. بىز شېرىن دەملەردىن ئوتلاپ مىڭ پىراق كەچمىشلەر باغرىدا ئۇچۇپ قۇش كەبىي ئاھ ۋىسال قەسرىدىن كېتىشتۇق ئۇزاپ...             ..................................................     مىلادى 2014-يىلى فېۋرالنىڭ 27 سى،     پەيشەنبە كۈنى گۇمىدا قەلەمگە ئېلىندى .

shaidayi

	مەڭگۈلۈك سېغىنش ساچلىرىڭ بەرگىدە سويلىسا ھىجران، تېنىمنىڭ شېخىدا پۆرەكلەيدۇ دەرت. مەن ۋىسال قەسرىدىن يىراق بىر جايدا، قەلبىمدە لىپمۇ-لىق سېغىنىش، ھەسرەت. قارچۇقۇڭ تۈنگە ئوت قويغان لېرىكا، نىگاھىڭ سېھرىدىن ۋەيرانە جاھان. ئاشىقلىق چۆلىدە كەزسەم قىرىق يىل، ئاھ يەنە تەنھامەن شۇنچىلىك سارسان. تۈنلەرنىڭ باغرىدا يەكتا زۇھەلسەن، مەن ئۈچۈن بىر شېرىن پىنھان مۇئەمما. بۇ جېنىم سەن ئۈچۈن ئىدى تەسەددۇق، ئاھ جېنىم سۆيگۈمنى خارلىدىڭ، ئەمما... لەۋلىرىڭ پىچىرلار چەككەندە روجەك، مەڭگۈلۈك سېغىنىش ئۆچمەس قەلبىمدە. ئارمانلار ئەۋجىدە نۇرلانسا ئەتەم، سۆيىمەن ئامرىقىم سېنى مەڭگۈگە. كېچىنىڭ ئاۋازى كېچىنىڭ پىنھانە روجەكلىرىدىن، تاراملاپ ئاقىمەن ئۆزۈمگە تېمەن. گۇگۇمدىن باشلانغان چەكسىز سېغىنىش، تۈنلەرگە مىڭ سۇراق تاشلايدۇ جەزمەن. تەشنالىق ئۆركىشى دىللاردا تارام، تۈن كېچە قەلبمدە كۆيىدۇ تىمتاس. خورازنىڭ چىلىشى تاڭدىن بېشارەت، سەھەرنىڭ سەلكىنى يۈرەككە تەققاس. كېچىنىڭ ئاۋازى كۈلگۈن لېرىكا، خىيالچان قارچۇقتا پۆرەكلىگەن دەرت. شاماللار جېنىمدا ئوينايدۇ ئۇسۇل، بۇ نىمجان يۈرەكتە كۆكلىتىپ ھەسرەت. كېچىنىڭ ئاۋازى كۈلگەن دەقىقە، دەۋرەيدۇ قەلبىمدە ئۆركەشلەپ پىغان. ئاھ سۆيگۈ قەسرىگە يول ئالغان كۈنۈم، بوپ قالدى ھاياتقا مەڭگۈلۈك ئارمان! تاڭلارنىڭ باغرىغا سىرغىيمەن جىمجىت ھىلال ئاي قەلبىمگە قونۇپ ئولتۇرۇپ، تىترىتەر يۈرەكنىڭ سولغۇن بېغىنى. چۈشلەرنىڭ باغرىدىن يۇلقۇنسام سەھەر، شاماللار ئۆركىشى ئېزەر دىلىمنى. تاڭلارنىڭ باغرىدا كۈلگەن لېرىكام، تۈكىدۇ دىللارغا كۈلگۈن رىۋايەت. لالىزار سەھەرگە باقسام پىچىرلاپ، سۈبھىنىڭ سەلكىنى چىللايدۇ ھەسرەت. كەچمىشلەر ئىز سالغان شۇ ئايدىڭ ئاخشام، چاقنىتار دىللاردا مىسكىن يېتىرقاش. ئۈمىدىم تاڭلارغا گۈل چەككەن ئاخشام، چوغلاندىم ئارمانغا بولۇپ بىر ئوتقاش. مۇڭلانغان شەپەقنىڭ ئاراشلىرىدىن، تاڭلارنىڭ باغرىغا سىرغىيمەن جىمجىت. ئەقىدەم بېغىدا كۆكلىسىمۇ دەرت، پۆرەكلەر ئاخىرى مەن سۆيسگەن ۋاقىت! تۈكۈلگەن كىرپىكلەر قانايدۇ تال-تال   كېچىنىڭ ھەسرەتلىك تىنقلىرىدا، سېغىنىش پۆرەكلەپ كۆيىدۇ يال-يال. مۇھەببەت قەسرىدە خارلانسا كۆڭۈل، تۈكۈلگەن كىرپىكلەر قانايدۇ تال-تال. يۇلتۇزلار ناز بىلەن جىمىرلاپ كۆكتە، ئۇھسىنغان يۈرەككە  تاشلايدۇ سۇئال. مەن دەرتتىن يۇلقۇنۇپ بوزلىسام تاڭدا، تۈنەيدۇ قەلبىمدە دىۋانە شامال. لالىزار سەھەرنىڭ كىرپىكلىرى نەم، ئازابنىڭ رەڭگىدەك تۇزىدى ناخشام. سۆيگۈ ئوتى بۇ جانغا سالدى مىڭ سەۋدا، ۋاپا دەپ كۆي قاتسام سەھەرۇ-ئاخشام. نۇر سۆيگەن سۈبھىدە كۆكلىگەن ھەسرەت، ئۇپۇقتا ۋىسال دەپ سالماقتا چۇقان. ئەقىدە كەۋسىرى قۇيۇلسۇن دىلغا، سۆيگۈمگە قەلبىڭدىن ئورۇن بەر جانان! نىگاھىمدا بوزلايدۇ قۇياش مەن بۇ كېچە شېئىر يازمىدىم، ئازابتىنمۇ ۋاز كەچمىدىم ھەم. ئۆركەشلىگەن تاتلىق سېغىنىش، تاشلاپ ئۆتتى قەلبىمگە ئەلەم. سۆيگۈن ئۈچۈن ئۆلگەن يۈرەكتىن، كۆكلەپ چىقتى بىر ئوتلام نەپرەت. بىۋاپاغا كۆيگەن كۆڭۈلدە، تاشقىنلىدى تۈمەن مىڭ ھەسرەت. نىگاھىمدا بوزلايدۇ قۇياش، دەرت كۆكسىمنى تىلماقتا قان-قان. ياشاي ئەمدى بىر ئۆمۈر شۇنداق، ئۆز-ئۆزۈمگە بولۇپ شاھ-سۇلتان! ئاخىرقى بېكەت دەز كەتكەن كۆڭۈلنىڭ پەرەنجىسىدەك، مۇڭسىراپ ياتماقتا يېگانە بېكەت. ساۋقۇنلۇق شەھەرنىڭ باغرى ئېزىلگەن، بۇ ئاشىق قەلبىمدە ئۆركەشلەيدۇ دەرت. لىپمۇ-لىق سېغىنىش تولغان كېچىنى، چىللايدۇ باغرىغا ناتونۇش كوچا. ئارمانلار باغرىدا كۆيسەم يېلىنجاپ، بىر دۆۋە ھەسرەتكە يەم قىلدى دۇنيا. مەن يارنىڭ مەلىسدە كېزىمەن تەنھا، يۇلتۇزغا تۈكۈپ ئاھ ھەسرەتلىرىمنى. شاماللار مەڭزىمگە سۆيىدۇ غەمكىن، بىر شېرىن تويغۇدا بەزلەپ كۆڭلۈمنى. مەن كۆيگەن شۇ يارنىڭ ئۆيى بېكەتتە، ئارىمىز يېقىندۇر يۈرەكلەر يىراق. ۋىسالغا قانالماي ئۆتەر بۇ كۈنلەر، كۆڭۈللەر سەتھىدە چاقنىتىپ پىراق. ئوت قويۇپ سېغىنغان ئارمانلىرىمغا، چىللايدۇ باغرىغا ئاخىرقى بېكەت. چۈش كەبىي تۇزارمۇ ھەسرەتلىرىم ئاھ... نىگاھىم خۇش كۈلۈپ چىقسىلا پەقەت !؟   ئۇزىتىش خاتىرىسى ئۇزاپ كەتتىڭ قەلبىمدىن ئۈنسىز، دەرت قەسرىگە نۇردەك تاراملاپ. كەچمىشلەردە كۆكلىتىپ ھەسرەت، ئالەم كەبىي ئارمان قۇچاقلاپ. سىرلىرىڭنى بىلمەس ھېچكىشى، ئەي سەھرالىق سۆيۈلمىگەن قىز. قىيا بېقىپ قاراشلىرىڭدىن، يۈرىكىمدە قالدى ئۆڭمەس ئىز. ___ مەنبە: شەيدائىي ئىجادىي ئەسەرلىرىدىن تاللاپ يوللاندى مىلادىي 2014-يىلى دىل كۈلگەن خاسىيەتلىك نەۋرۇز ئېيىدا قەدىمىي پاسئان شەھىرىنىڭ موجى، چودا يېزىلىدا قەلەمگە ئېلىندى.

jelwa

	نىمىدىگەن  ئىسىل  يىزىلغان  شىئرلار  بۇ  .....ياقتۇردۇم  ...ساقلاۋالاي  ....

abbasjan

	بەك  ياخشى  يېزىلىپتۇ

nazigul8

	بىر-بىرىدىن ياخشى چىققان لېرىكىلاركەن، داۋاملىق يېزىپ تۇراسىز.

Gvlmisal

	بۇرۇنمۇ ئوقۇغان بولغىيمىدىم؟ شۇنچە تۇنۇش بىلىنىۋاتىدۇ........ «سۆيگۈن ئۈچۈن ئۆلگەن يۈرەكتىن، كۆكلەپ چىقتى بىر ئوتلام نەپرەت.» دىكى ن ئارتۇق ئۇرۇلۇپ كەتتىمۇ نىمە؟ «لالىزار سەھەرنىڭ كىرپىكلىرى نەم، ئازابنىڭ رەڭگىدەك تۇزىدى ناخشام. سۆيگۈ ئوتى بۇ جانغا سالدى مىڭ سەۋدا، ۋاپا دەپ كۆي قاتسام سەھەرۇ-ئاخشام. » نىڭ 3-مىسراسىنى «ۋىسالىڭ بۇ جانغا سالدى مىڭ سەۋدا»دەپ ئۆزگەرتىپ ئوقۇپ باقتىم. كېچىنىڭ ئاۋازى كۈلگۈن لېرىكا، دىكى «كۈلگۈن»ئەسلى «گۈلگۈن »مۇ؟ بىر ھەرپ ئالمىشىپ مەنا ئۆزگىرىپ كەتمىسۇن ۋاي بەك كوتۇلداپ كىتىپتىمەن،ھەقىقەتەن ياخشى يىزىلىپتۇ.چىمەنگۈل ئاۋۇت شىئېرلىرىنى ئوقۇغاندەك تۇيغۇدا تۇرۇپ ئوقۇۋەتتىم

باياۋان

	قەلىمىڭىزگە بەرىكەت تىلەيمەن .

پوكان

	ئىجادىيىتىڭىزگە ئۇتۇق تىلەيمەن ئاكا...شىئېرلىرىڭىزنى بەك ياقتۇرىمەن....

hUXhUYKIZ

	بىر بىرىدىن ئىسىل يېزىلغان شېېرلاركەن قەلىمىڭىزگە تەشەككۇر

BAGWAN01

	شەيدايى ئىنىم قەلبىڭىزدىكى بوشلۇق ۋە غېرىپلقنى ياخشى ئىپادىلەپسىز.دەيمەنكى قەلبىڭىزدىكى بوشلۇق ۋە غېرىپلىقىنى پاك رەببىم ئۆز مۇھەببىتى بىلەن مەنىلەرگە ئىگە قىلىۋەتسۇن.ئاللاھنىڭ مۇھەببىتىدىن باشقا مۇھەببەت كىشىنى سەرسان قىلىدۇ.سىزگە ئويغاق بىر قەلپ تىلەيمەن.ئاللاھ قەلبىڭىزنى ئېچىۋەتسۇن.