غېرىپلىق

تۆتتاش

	غېرىپلىق تۆتتاش كۈلكىسى يوق ناتۇنۇش شەھەر، سوغاق كۈلۈپ تۇرار ھەر كۈنى. چىملىقلاردا يۇلتۇز ئەركىلەپ، نازلىق بىلەن باغاشلار ئۇنى. ئورۇندۇقلار پىنھان بېقىشىپ، ئاي نۇرىنى سۈيەر يېنىشلاپ. غەليان قىلىپ شامال بىر كەمدە، مەجنۇنتالنى كىتەر سوراقلاپ. شىۋاقلاردا ئوينار ئۇسۇلنى، كۆل بويىدا تەنھا  تۇمۇزغا. لەۋلىرىنى يۇيۇپ قىرغاقلار، تەلپۈنىدۇ ئاينىڭ نۇرىغا. سۆيگۈسى يوق ناتۇنۇش ئۆزۈم، غېرىپلىقتا كەتتىم ئېچىرقاپ. ئاشىقلارغا سىپىلسىز شەھەر، پاك روھىنى بېرەر بېغىشلاپ. ئاقسۇ

Gvlmisal

	كۈلكىسى يوق ناتۇنۇش شەھەر كۈلكىسى يوق ناتۇنۇش شەھەر، قارا بوران يۈرەر تەمتىرەپ. ئىزلىرىڭنى قالدىم ئاقتۇرۇپ، ئەپ كەتكۈم بار سېنى يىتىلەپ. كۈلكىسى يوق ناتۇنۇش شەھەر، يۈتۈپ كەتتى قوينىدا سېنى. ھەسرەتنى مەن قالدىم قۇچاقلاپ، دىلغا پۈككەن ئارزۇلار قېنى؟ كۈلكىسى يوق ناتۇنۇش شەھەر، بولماقچىدى كونا جايىمىز. بىز كۆرۈشۈپ باقمىدۇق ئەمما، چېكىلمىگەن يۈرەك تارىمىز. كۈلكىسى يوق ناتۇنۇش شەھەر، غاجىماقتا مىسىكىن دىلىمنى. ئىزلىرىڭنى قالدىم ئاختۇرۇپ، نەدىن تاپاي ؟ ئېيتقىنا سېنى. كۆرۈشۈپ باقمىغان دوستۇم خاتىرىسىگە 2014.8.8 توقسۇ

تۆتتاش

	Gvlmisal يوللىغان ۋاقتى  2014-8-9 12:53 AM كۈلكىسى يوق ناتۇنۇش شەھەر كۈلكىسى يوق ناتۇنۇش شەھەر،ق ... ئىزلىرىڭنى قالدىم ئاختۇرۇپ، نەدىن تاپاي ئېيتقىنا ؟سىنى، تۆنۈگۈنلا ئىدۇق ناتۇنۇش، دوست بۇلايلى كەلگىنە قېنى. باغدا ئۈرۈك تۇرار سۈكۈتتە، ئاق قۇچقاچلار سۆيسە شېخىنى. شۇنداق چاغدا قالساق تېپىشىپ، مۇبارەكلەپ  تۈكەر  قېقىنى. تاش كۆۋرۈكتە كۈتىمەن ھەر كۈن، سۈزۈك سۇغا  تۆككەچ دەردىمنى. مەجنۇنتالدەك تۈكۈلسە كۆڭلۈڭ، شامال بۇلۇپ تۈكەي ھەممىنى. ئىگىز بويلۇق قاپقارا چاچلىق، بىر كىتاپ بار قەلبىدە ئوتقاش. ۋاراقلىساڭ ئېلىپ يېنىڭدا . قىزىل گۈلدەك  ئېچىلار تۆتتاش.

kakkuk11

	كۈلكىسى يوق ناتۇنۇش شەھەر ، ھەر تەرەپتىن ئىزلىتەر سېنى . بىر دىدارغا تەشنا بۇ يۈرەك ، ۋاراقلايمەن ھەربىر كوچىنى . كۈلكىسى يوق ناتۇنۇش شەھەر ، يا باسمايدۇ باغرىغا مېنى . بېرىپ ماڭا دىلدىن ھارارەت ، ئۇنتۇلدۇرماس ماڭا بۇ دەرتنى . كۈلكىسى يوق ناتۇنۇش شەھەر ، جەلىپ قىلار مېنى ئۆزىگە . كەلسەم يىراق بىر ۋىسال ئەيلەپ ، تەكلىپ قىلماس زەينەپ ئۆيىگە . كۈلكىسى يوق ناتۇنۇش شەھەر ، بولۇپ قالدى كاككۇك ئۇۋىسى . مەن يۈرۈيمەن تېنەپ تەمتىرەپ ، تېپىلمىغاچ زەينەپ ھويلىسى . كۈلكىسى يوق ناتۇنۇش شەھەر ، قايتۇرۇپ بەر سۆيگەن جاناننى . كۈتەر بىزنى شادىمان شەھەر ، تاشلاپ قويۇپ تۈگمەس ئازابنى . باغراش كاككۇكى !

Gvlmisal

	كۈلكىسى يوق ناتۇنۇش شەھەر، كۆز يېشىمغا چىلاندى ئاستا. شاماللارمۇ سۆيمەس چېچىمنى، دەردلىرىمنى بىلمەيدۇ ھەتتا. كۈلكىسى يوق ناتۇنۇش شەھەر، نىچۈن يۈتۈپ كەتتى ئېيت سىنى؟ كېچە يەنە ئاۋازىڭدەكلا مەن سورايمەن نىگارىم قېنى؟ كۈلكىسى يوق ناتۇنۇش شەھەر، كۆز قىسىدۇ جىلمىيىپ قاراپ. قان تەپچىيدۇ قۇرۇغان لەۋدىن، مەن بارىمەن يۇلتۇزۇم ساناپ. كۈلكىسى يوق ناتۇنۇش شەھەر، يۈتۈپ كەتتى بىلىمەن سىنى. ناتۇنۇشتۇر ھەممە ناتۇنۇش.... تىم-تىم ئاقار يۈرىكىم قېنى. كۈلكىسى يوق ناتۇنۇش شەھەر، تۇنۇش بۇلۇپ قالىمەن چوقۇم. ھامان بىر كۈن تاپىمەن سېنى، ۋىسال چېيى ئوتلاپ بىر يۇتۇم. بىلىمەن،سەن بۇ قۇرلارنى كۆرمەيسەن،كۆرسەڭمۇ مىنىڭ سەن ئۈچۈن يازغىنىم سېنڭ خىيالىڭغا كىرمەيدۇ.تىمتاسلىقتىن ئۆزۈمنى ئىزلىگىنىمدە سۈكۈتنى تېپىۋالدىم.سۈكۈت ماڭا بۇ سۆزنى ھەدىيە قىلدى:«سەبىر......» ئاي بەرگى يازمىسى

Gvlbargi0999

	[img][/img]

kakkuk11

	كۈلكىسى يوق ناتۇنۇش شەھەر ، ئازابلايدۇ مەننى يۈرەكنى . كۆپ يۈرسەممۇ مەھەللىسىدە ، ئېيتالمىدىم ئارزۇ تىلەكنى . كۈلكىسى يوق ناتۇنۇش شەھەر ، نەپەسلەرنى بوغىدۇ ئاستا . سۆيەلمىدى دىلىنى يېرىپ ، مەن يىغلايمەن تەنھا دوقمۇشتا . كۈلكىسى يوق ناتۇنۇش شەھەر ، ئەللەيلىتەر شىرىن ئازابتا . خىياللىرىم توغسمۇ ۋىسال ، مەن يۈرىمەن ھىجران پاتقاقتا. كۈلكىسى يوق ناتۇنۇش شەھەر ، قاچانغىچە قىينايدۇ مېنى . كۈلكىسى يوق ناتۇنۇش شەھەر ، قاچانغىچە بەرمەيدۇ سېنى . باغراش كاككۇكى !

asrari

	كۈلكۈسى يوق ناتۇنۇش شەھەر، شاماللارمۇ تۇپا ياغدۇرۇپ. يۇلتۇزلارغا پىچىرلىساممۇ ، تاپالمىدىم سىنى ئاختۇرۇپ. ماڭماقتىمەن تىلسىز كوچىدا ، خىياللىرىم باشقىچە ،ئۈنسىز. تەسەۋۋۇرۇم ئۆلتۈرەر مىنى ، خىيال قىلسام دۇنيانى سەنسىز. يۇپۇرماقلار شىۋىرلىشىيدۇ، بەختسىزدىن بەخت سورىشىپ. كۈز كىلىشنى كىم بىلدى يازدا، مايسىلارمۇ تىترەر سولىشىپ. ئاستاغىنە ئۇخلاپ قالايمۇ، جىمجىتقىنە ئۇيقۇسىز شەھەر. ئەتە كۆرسەم ياڭراق سەھرانى، ئازاپلىرىم چۈش بولسا ئەگەر.

XAHZAD

	كۈلكىسى يوق ناتۇنۇش شەھەر يامغۇر بىلەن يۇيۇدۇ تىنىمنى مۇردا كەبى تىنىم جۇغۇلداپ غېرىپلىقتا قىينايدۇ مىنى ئىزدەيدۇ كۆڭلۈم ئايدىن خۇشاللىق يۇلتۇز ماڭا قەدەمدە ھەمراھ ئۆزۈم ياش لىكىن قەلبىمدە ئازاپ تىكلىگۈم بار يۇرتۇمدا قەبرىگاھ

Gvlbargi0999

	بۇ لىرىكىڭىز ياخشى چىقىپتۇ!