ۋاپاسىزلارغا مەكتۇپ

mehriya

	ۋاپاسىزلارغا مەكتۇپ تۈنۈگىنلا خوشلاشقان ئىدۇق ، ئۇنتۇپ قاپسەن بۈگۈنلا مېنى . ۋىجدانىڭنى ئىت يەپ كەتتىمۇ ؟! ئەتە يەنە گوللايسەن كېمنى . شاختىن -شاخقا قۇنۇپ سايراشنى ، قىلىۋالما ئۆزەڭگە دەستۇر . چۈشۈپ قالساڭ ئەل قاتارىدىن ، ھۆرمىتىڭنى تاپمىغىڭ تەستۇر . مۇھەببەتنى ئۇيۇن دەپ بىلىپ ، ئەخمەقلارچە تەنتەكلىك قىلما ، ياشىغىن سەن ئوغۇل بالىدەك ، ۋىجدانىڭنىڭ قۇربانى بولما . ئالتە كۈنلۈك ئۆتنە ئالەم بۇ ، تارتىپ قالىسەن سەنمۇ ئازاپنى . بىلسەڭ ئەگەر ئاناڭمۇ سەندىن ، كۈتمىگەندۇ بۇنداق جاۋاپنى . ئاھ ھالىم يامان ! سۈكۈتتە ئولتۇرۇپ سۈرىمەن خىيال ، قەلبىمدە قۇترايدۇ ھەسرەتلىك پىغان . ئايرىلىش ئەمەستى بىزنىڭ ناخشىمىز ، كۆزىمىز يۇمۇلماي دوست بولدى ھېجران . كەينىمنى قىلساممۇ ھېجرانغا باقماي ، قەلبىمنى قاماللاپ ئۆرتەيدۇ ئازاپ . قۇياشنىڭ كۆزىدە قاتتى تەبەسسۇم ، تىترەيدۇ زىمىنمۇ قەلبىمدە شۇ تاپ . ئىيتقىنا بار مېنىڭ نېمە گۇناھىم ، قىينالدىم لوغەتتىن تاپالماي جاۋاپ . ئاياللىق نازاكەت پاكلىقىم ئۈچۈن ، قىلمىغان ئەزەلدىن ئۆزەمنى خاراپ . كۈندەشلىك بىخلانغان ئاشۇ قەلبىڭدە ، يوقمىدى سۆيگىنىڭ ھەقىقى ئىسمى . يوق ئىشتىن ئازاپقا بولدۇق مۇپتىلا ، قۇلۇڭدا قۇرىدى بەختنىڭ جىسمى . كۆرىدۇ ھەممىنى ياراتقان خۇدا ، سالىدۇ دېلىڭغا مېھىرنى ھامان . كۈتىمەن سۈكۈتتە ئاشۇ بىر كۈننى ، شۇندىمۇ باقمىساڭ ئاھ ھالىم يامان . ئوخشايدۇ دېرىزەمدە سايرىدى ئەلچى قالىغاچ ۋىچىرلاپ ، ناۋاسىدىن ئاياندۇر كۆكلەم كەلگەن ئوخشايدۇ . مەيىن شامال ئەپ كەلدى چىمەنلەرنىڭ ھېدىنى ، سۈيۈپ شەبنەم ياپراقلار باھار كەلگەن ئوخشايدۇ . ياڭراپ ئەمگەك ناخشىسى ئېتىزلاردا قىرلاردا، جانلىنىپتۇ جىمى جان نەۋرۇز كەلگەن ئۇخشايدۇ . تۇلۇنئايمۇ باھارغا بولغاچ ئاڭا قەلبداش ، دېرىزەمدىن مارلايدۇ يايرىم كەلگەن ئوخشايدۇ . يالپۇز پۇراپ قىرلاردىن خەۋەر كەلدى باھاردىن ، زىمىستانغا خوش ئېيتىپ يۈرەك كۈلگەن ئوخشايدۇ . قۇياش سۈيۈپ ئويغاتتى سۈكۈتتىكى خىيالنى ، مىسكىن دىلنى شات ئەيلەپ ھايات كۈلگەن ئوخشايدۇ . مېھرىيە يازمىسى

چىمەنA

	بەك ياخشى يېزىپسىز،ھارماڭ قېرىندىشىم ! سەمىمى تەكلىۋىم:‹ۋىجدانىڭنى ئىت يەپ كەتتىمۇ ؟!›بۇ مىسرا ماڭا شېئىرىڭىزنىڭ گۈزەللىكىگە تەسىر يەتكۈزگەندەك بىلىندى.بولسا مۇشۇنداق قوپال سۆزلەرنى ئىشلىتىشتىن ساقلانغان بولسىڭىز.   مىنىڭ مۇنبەردىكى قىزلارغا ئانامدىن ئاڭلىغان ‹ئاق ئۈجمىنىڭ بودىكى›دىگەن يىكايىنى ئېيتىپ بەرگىم بار ئىدى،ئەمما ھازىر ئالدىراش بولغاچقا پۇرسەت يار بەرمىدى.چوقۇم ئەتىگىچە يوللىۋىتىمەن.

TAXNAI2

	مانا  -مانا-شىئىر دىگۈدەك شىئىر يېزىپسىز ....ئاپرىن سىزگە ... مەزمۇنلۇق ،ھىسياتلىق يېزىلىپتۇ،،،ياقتۇردۇم..

jelwa

	مەن   سىنى  سۆيىمەن  دىگەن  تۈنۈگۈن ۋە  لىكىن  باشقىنى  تاللىدىڭ بۈگۈن بىباھا  يۈرىكىمنى  لەختە قان  قىلىپ كىملەرنى  ئالدايسەن  ئەتە  ۋە  ئۆگۈن

jelwa

	چىمەنA يوللىغان ۋاقتى  2014-8-8 03:43 PM بەك ياخشى يېزىپسىز،ھارماڭ قېرىندىشىم ! سەمىمى تەكلىۋى ... ساقلايمىز  ئەمسە  .......  سىزنىڭ تىمىلىرىڭىز  ئۈزۈلۈپلا قالدىغۇ  ؟

mehriya

	چىمەنA يوللىغان ۋاقتى  2014-8-8 03:43 PM بەك ياخشى يېزىپسىز،ھارماڭ قېرىندىشىم ! سەمىمى تەكلىۋى ...         ئىلگىرى بۇ ھەقتە مەن بىر ئۇستازدىن سورىغان ئېدىم ، ئەمما ئۇ بۇ مىسرانى ئۆزگەرتمەسلىك توغرىسىدا پىكىر بەرگەن . كىيىن بىر توردۇشۇم بۇ ھەقتە مۇنداق دېگەنتى : تۈنۈگىنلا خوشلاشقان ئىدۇق ، ئۇنتۇپ قاپسەن بۈگۈنلا مېنى . ۋىجدانىڭنى ئىت يەپ كەتتىمۇ ؟! ئەتە يەنە گوللايسەن كېمنى!!!!! مانا بۇ  مىسرالار ۋاپاسىزنىڭ يۇركىگە ئىتىلغان يا ئوقى،شۇنداقلا  چۇشنۇشلۇك بولغان ھەممە كىشى قۇبۇل قىلالايدىغان ئۇيغۇر ئانا تىلىمىزدىكى زاغرا تىل ۋاريانىتى......قوش بىسلىق ئۇنۇمگە ئىگە شىئىرى خىتاپ..

mehriya

	چىمەنA يوللىغان ۋاقتى  2014-8-8 03:43 PM بەك ياخشى يېزىپسىز،ھارماڭ قېرىندىشىم ! سەمىمى تەكلىۋى ...         ئىلگىرى بۇ ھەقتە مەن بىر ئۇستازدىن سورىغان ئېدىم ، ئەمما ئۇ بۇ مىسرانى ئۆزگەرتمەسلىك توغرىسىدا پىكىر بەرگەن . كىيىن بىر توردۇشۇم بۇ ھەقتە مۇنداق دېگەنتى : تۈنۈگىنلا خوشلاشقان ئىدۇق ، ئۇنتۇپ قاپسەن بۈگۈنلا مېنى . ۋىجدانىڭنى ئىت يەپ كەتتىمۇ ؟! ئەتە يەنە گوللايسەن كېمنى!!!!! مانا بۇ  مىسرالار ۋاپاسىزنىڭ يۇركىگە ئىتىلغان يا ئوقى،شۇنداقلا  چۇشنۇشلۇك بولغان ھەممە كىشى قۇبۇل قىلالايدىغان ئۇيغۇر ئانا تىلىمىزدىكى زاغرا تىل ۋاريانىتى......قوش بىسلىق ئۇنۇمگە ئىگە شىئىرى خىتاپ..

rahiyma

	«ۋاپاسىزلارغا خىتاپ» ناملىق شېئىرىڭىزنىڭ تىلى ئۆتكۈر چىقىىپتۇ. «ئاھ ھالىم يامان!»  ، «ئوخشايدۇ» ناملىق شېئىرلىرىڭىزنىڭ تىلى يېقىملىق، لىرىكىغا  باي ، قايناق ھېسىياتلار ئىپادىلىنىپتۇ.  قەلىمىڭىزگە بەرىكەت تىلەيمەن.

چىمەنA

	ھىكايىنى باشلىدىم ئەمىسە: ئەينى ۋاقىتتا ئادەملەر نىمىلا سىتۋالمىسۇن ئۆچرەتتە تۇراتتىكەن.بىر كۈنى 17-18 ياشلاردىكى چىرايلىق بىر قىزچاق ياغ سىتۋالماقچى بولۇپ دۇكان ئالدىدا ئۆچرەتتە تۇرۇپتۇ.بۈگۈنمۇ دۇكان ئالدىدا ئۆچرەتتە تۇرغانلار بەك كۆپ بولغاچقا قىزچاق ئاران دىگەندە بىر ئاش پىشىم ساقلاپ ئۆچرەتنىڭ ئالدىغا كىلەي دىگەندە 20 ياشلار چاممىسىدىكى بىر يىگىت كىلىپلا ئۆچرەتنى بۇزۇپ قىزچاقنىڭ ئالدىغا ئۆتىۋاپتۇ.بۇنى كۆرگەن ئەتراپتىكىلەرنىڭ ھەممىسى نارازى بولۇشقا باشلاپتۇ. يىگىتنىڭ يولسىزلىقىغا چىدىمىغان قىزچاق ئاخىرى يىگىتكە:      -ئۆچرەتتە تۇرسىلا بوپتىكەن،- دەپتۇ.      -ئىشىڭنى قىلە،ئاكاڭنىڭ نەدە تۇرغىسى كەلسە شۇ يەردە تۇردۇ.ئادەمنى باشقۇرۇپ كەتكىننى ماۋۇ سېرىق تۈكنىڭ،-دەپتۇ يىگىتمۇ بوش كەلمەي.     -ئۆزلىرىغۇ ئاق ئۈجمىنىڭ بودىكىدەك بالىكەنلا،ئەمما ئېغىزلىرى نىمەدىگەن يامان سىلىنىڭ،-دەپتۇ قىزچاق ئاغزىنى ئۆمچەيتىپ،خاپا بولغان قىياپەتتە.     قىزچاقنىڭ بۇ گىپىدىن يىگىت گەدەنگىچە قىزىرىپتۇ.ئاڭغىچە يىگىتمۇ نۇۋىتى كىلىپ ياغنى ئىلىپ مىڭىپتۇ.يىگىت ئۆيگە بارغاندىن كىيىنمۇ قىزچاقنىڭ ‹ئاق ئۈجمىنىڭ بودىكى ›دىگەن سۆزى قۇلاق تۈۋىدىن كەتمەپتۇ.ئۇ ئىچىدە:«مەن نۇرغۇن كىشلەر ئالدىدا ئۇنى تىللىسام،ئەجىب مىنى ئاق ئۈجمىنىڭ بودىكىگە ئوخشاتتىيا» دىگەنلەرنى كۆڭلىدىن ئۆتكۈزۈپتۇ.شۇ تەرىقىدە بىر ھەپتىگىچە ‹ئاق ئۈجمىنىڭ بوسىكى ›دىگەن بۇ سۆز ئۇنى پەقەت ئارامىدا قويماپتۇ.ئۇنىڭ قولى ئىشقىمۇ بارماپتۇ،گىلىدىن تۈزۈكرەكمۇ تاماق ئۆتمەپتۇ،كىچىللىرى ئۇيقۇسى ئۇيقۇ بولماپتۇ.يىگىتنىڭ ئەخۋالىدىن خەۋەر تاپقان ئاتا-ئانىسى ئوغلىنىڭ تەلىۋى بويىچە ھېلىقى قىزچاقنىڭ ئۆيگە ئەلچىلىككە بىرىپتۇ.ئاخىرى يىگىت بىلەن قىز توي قىلىپ بەخىتلىك تۇرمۇش كەچۈرۈپتۇ.

چىمەنA

	mehriya يوللىغان ۋاقتى  2014-8-8 05:23 PM ئىلگىرى بۇ ھەقتە مەن بىر ئۇستازدىن سورىغان ئېدىم ، ئ ... ۋاپاسىزلارغا سىز دىگەندەك قوپالراق گەپ قىلمىسىغۇ تەسىر قىلمايدۇ راس ! كۆڭلىڭىزگە ئالمىغايسىز .