بەك بۇرۇن كەتتىڭ دادا«مىسرانىم ماكاپاتلىق ئەسەر پائالىيىتىگە »

dillani

	دادابەك بۇرۇن كەتتىڭ                                                  (دادامغا ۋە دادىلار بېغىشلايمەن )       بىلىمەن دادا سەن شۇندىن باشلاپ بىر كۆزۈڭدە ئەزرائىلغا ئالايساڭ ،بىرۆكۆزۈڭ بىلەن بىزگە مىھرىڭنى چاچارئىدىڭ ،بىر قولۇڭدا ئەزرىئىلنىڭ مەيدىسىدىن ئىتتىرىۋېتىپ، بىر قولۇڭ بىلەن بېشىمىزنى سىلايتتىڭ ،بىر پۇتۇڭ بىلەن گۆرنى ئاغزىنى تىپەتتىڭ، بىر پۇتۇڭ بىلەن بىزنىڭ كىمىمىزنى تىپپەتتىڭ . ئۆزۈڭگە شۇ دۇرا بوتۇلكىسى قالاتتى.                                                                                                                                  خاتىرەمدىن.      دادامەن سىنى بەك سېغىندىم، راس سىنى ھەردائىم سېغىنىمەن دادا.مەن شۇنى قاپ يۈرەكلىك بىلەن دەيمەنكى ،ھەم ئىشىنىمەن ،مەن بۇنى دەپ بولغاندىن كىيىن ،ئاللا چۇقۇم مىنى كەچۈرۈۋېتىدۇ .چۈنكى ،سەن دائىم :ھەممە ئىشتا ئاللا نىڭ رازىلىغىنى ئستەش كىرەك،ئۇزات بىزلەرگە تۇلىمۇ مىھرىبان،بىز كەچۈرىۋېتىدۇ دەيتتىڭ.      راس  سەن بەك  بۇرۇن كەتتىڭ دادا، ئەمدىلا 4-5ياشقا كىرىپ قالغان نەۋرەڭ ھەر دۈشەنبە ،پەيشەنبە كۈنلىرىنى مىنى ،ئانىسىنى سەھەردىلا: «قوپە ،مىنى بۇۋامنىڭ قېشىغا ئېلىپ بار ،ئولتۇرامسەن مۇشۇنداق قوپە،بوۋامنىڭ گۈللىرىگە سۇ قۇيىلى»دەپ تۇرۋالىدۇ.سىنى پەقەت سىنىڭ رەسىمىڭدىنلا كۆرگەن قىزىمنى ئېلىپ سىنىڭ تۇپراق بېشىڭغا كەلگىنىمدە ئۇ نەۋرەقىزىڭ:«ھە دادا،بۇنىڭ ئاستىدا بوۋام بار شۇنداقمۇ.ئۇنىمىشقابۇيەرگەكىلىۋالدى،بىزبىلەن نىمىشقائۆيگەكەتمەيدۇ،بوۋام بۇيەردە يالغۇز قورقمامدۇ ،بۇيەردە ھېچكىم بولمىسايە.»دىيىشلىرىدىن يۈرۈگۈمنىڭ قانچاقېتىم سۇ بولغىنىنى بىلمەيمەن دادا.سىنىڭ گۈللىرىڭگە ھەرقېتىم سۇ قۇيغاندا قىزىم :مەنمۇ چوڭ بولسام بوۋامنىڭ گۈللىرىگە سۇقۇيىمەن ،ئۇز گۈللەرنى تېرىيمەن.دىسە مەن مۇشۇ گۈللىرىڭنىڭ قۇرۇپ كېتىشىدىن ،ئۆزۈمنىڭ قۇرۇپ كېتىشىنى راۋا كۆرۈپ كېتىمەن.       ھەرقېتىم كېلىنىڭ سەن دائىم لەغمەن يەيدىغان تەخسىدە ماڭا لەغمەن سۇنغاندا سىنى ئەسلەيمەن دادا،لىكىن سەن بۇكېلىنىڭنىڭ لەغمىنى تېتىپ باقمىدىڭ ،ئەمما ئىشىنىمەن بۇلەغمەنلەر نى سەن ھەم ياقتۇرۇپ يەيتتىڭ.ئۇزۇن بولدى مەن يەنە سەن دائىم ئۆپكە زاسۈي يەيدىغان ھېلىقى سىمىز ئايالدىن سەندەكلا شەنبە كۈنلىرى ئۆپكە زاسۇي يىيەلمەيمەن،ئاڭلىسام ئۇئايال شەھەر قۇرۇلىشى ئېلىپ بېرىلغاندا كىچىككىنە غالتىكى بىلەن باشقا جايغا كۆچۈرۈلۈپتىكەن ،مىڭ بىرتەستە تاپقاندا ئۇنىڭ ئورنىدا سەن دائىم ئەكپەرقەھرىمان ئېيتقان ناخشىغىلا دۈم چۈشكەن مىنىڭ مەن دىن قۇشۇق تالىشىدىغان  ئىنىمغا نىكاھلاپ بىرىمەن دەيدىغان، سەنەمغىلا ئوخشايدىغان قىزى ئولتۇرىدۇ، ئۇنىڭ قۇيغان ئۆپكە زاسۇيلىرى تېتىمىدى،شۇڭا بارماس بولدۇم . سەن دائىم سېرىق ئاش يەيدىغان مەمەت سۇيرۇ ،كاللاپاچاقچى سەيدەم بەز ،كاۋاپچى توختىمەت تاش لارنى سىنىڭ كە ينىڭدىڭ كەتتى داپ ئاڭلايمەن ،ئۇلارنىڭمۇ بالىلىرىغىمۇدوختۇر «داداڭلىنىڭ بۇكسەل بىلەن  بۇنچەياشىشى ،بىرمۆجىزە دىدىمىكىن دەيمەن»،بەلكىم ئۇلار بىلەنمۇ جەننىتىڭدە كۆرۈشكەنسەن. ئۇلارنىڭمۇ دوكانلىرى كۆچۈرۈلدى دادا،ئۇلارنىڭ بالىلىرى ھەرخىل ناملار بىلەن دۇكانلىرى يىڭىلىدى ،مەن مەمەت سۇيرۇنىڭ ئوغلى بىلەن تۇنۇشقاچقا ئۇنىڭ دائىملىق خېرىدارى ،توختىمەت كاۋاپچىنىڭ مەندى خېلىلا كىچىك نەۋرىسى ئاچقان كاۋاپخانىدىن قىزىمغا كاۋاپ ئېلىپ بەرگەندە ئۇماڭا :بۇيەردىن بوۋاممۇ كاۋاپ يەپتىكەن ھە دادا .دىسە مەن سىنىڭمۇ بۇلىشىڭنى ،مەن ئالغان كاۋاپتىن سىڭنىڭمۇ يىيىشىڭنى شۇنچىلىك ئۇيلاپ كىتىمەن دادا ،چۈنكى مەن سەن ئېلىپ بەرگەن كاۋاپقا بەك ئامراق ئىدىم ،سەنمۇ ئالدىرما بالام مەن مائاش ئالغاندا ئاناڭغا دىمەي ئىككىمىزلا بېرىپ كاۋاپ يەپ كىلىلى دەيتتىڭ،لىكىن، يەنە بەش –ئون زىخ كاۋاپنى ئىككى نانغا ئورايتتىڭ ،ئۇنى ئانام يەتتى .ئىنىم،سىڭلىم يەتتى .       راس بەك بۇرۇن كەتتىڭ دادا. ئانام ئىككىمىز  بىزئانامغا ئېلىپ بەرگەن بىنا ئۆيدە يالغۇز قالغاندا ئىنىلىرىمنىڭ ،نەۋرە بالىلارنىڭ گەپلىرىنى قىلشقاندا ئانام: مۇشۇ ئۆيدە بالام داداڭمۇ بولغان بولسا ،ئاۋۇ بۇزۇلغان تارتمىنى بىردەمدىلا ئوڭشارئىدى .دەيدۇ. توغرا ئو تارتما سەن بولساڭ بۇزۇلالماس ئىدى . ئانام يەنە مىنىڭ بالامغا ،باشقا نەۋرىلەرگە بىزنىڭ ئاچچىقلانغىنىمىزنى دەپ كىلىپ :داداڭ بولسا شۇنداق قىلىشقان بولۇشساڭلا داداڭلا سىلەرنى قوغلارئىدى دەيدۇ ،راس سەن بىرقېتىم قوشنىمىزنىڭ ئوغلى مىنى مەسلىكىدە ئۇرۇپ قۇيغاندا  سەن شۇنچە ئاغرىقلىقىڭغا قارىماي ئۇ بالىنى سۆرەپ مەلىدە توۋا دىگۈزگەن ئىدىڭ، ھەم دوختۇرغاكىرىپ 10 نەچچەكۈن ياتقانمۇ ئىدىڭ  ،شۇنداق ئەسلى  سەن ئىككى كۆزۈڭ ، ئىككى قولۇڭ ،ئىككى پۇتۇڭ بىلەن بىز نى باقار ئىدىڭ ،قاچان شۇ كېسەل سىنى ياقا يۇرتتا يېقىتتى شۇندن باشلاپ سىنىڭ بىريانچۇقۇڭ دۇرا بوتۇلكىسى بىلە تولدى ،سەن ئۇدورىدىن ئايرىلالمايتتىڭ ،بىزمۇ ئۇدورىدىن ئايرىلالمايتتۇق ،شۇڭا سەن دائىم كىيىم ئالماشتۇرساڭ ،سىرتقا ماڭساڭ ،دۇراڭنى ئېلىۋېشىڭنى ئەسكەرتىشنى بىزمۇ ئۇنتۇمايتتۇق ،بولمىسا سەن  يېقىلىپ قالساڭ بىزلەر سىنى يۆلىيەلمىيتتۇق دادا .چۈنكى، ئۇچاغدا مەن ئەمدىلا 11ياشلىق سېرىق تۈك ئىدىم .شۇندىن باشلاپ دادا مەن دائىم كاۋاپ يىيەلمىدىم ،كاللا پاچاقنى،ئۆپكە –زاسۈينى ،سېرىق ئاشنى تاما قىلمىدىم .بىرقېتىم سىنىڭ دۇرىنى ئارتۇق يەۋالغىنىڭنى كۆرۈپ: دادانىمانداق قىلىسىز دىسەم ؟سەن :بالام ھېلى قولۇمدىكى ئىشنى باشلىسام دورا يىيىشكە ۋاقىت يوق، شۇڭا ،ھازىريەۋالدىم دىدىڭ .بىلىمەن ئەمىلىيەتتە سەن دائىم ئىش باشلىساڭ ئىشنى ئاقسىتىدۇ دەپ دورىنى شۇنداق  دائىم كۆپرەك يەۋىلاتتىڭ .        راس دادا سەن بەك بۇرۇن كەتتىڭ. ئۆلۈم ھامان بار ،لىكىن،سەن ھېچ بولمىغاندا 20 نەچچە يىل ياشىشىڭ كېرەكتى دادا.  خىزمەت تەكشۈرۈپ يىراق بىر يېزىغا بارغىنىمدا يامغۇر شۇنچىلىك ياغدىكى ،بىر كىشىنىڭ ھويلىسىدىكى  سىنىڭكىدەك سايمان -جابدۇقلىرى ھۆل بولۇپ كەتكەننى كۆرۈپ ،ئۇكىشىنىڭمۇ بىزنىڭكىدەك بىنا ئۆيى بولوشىنى ئويلاپ كېتىپتىمەن ،كىيىن بۇنى ئانامغا دەپ بەرسەم،ئانام يەرئاستى ئۆيدىكى سايمانلىرىڭنىڭ ئېپچىقىپ سىنىڭ ھويلىدا ھۆنەر قىلىمەن دەپ ھۆل بولۇپ كەتكىنىڭنى ،بىرقىشتا مەن قېتىپكەتكەن قولۇمنى كۆرسىتىپ ئانمغا داتلىسام سنىڭ بالام گېلىڭغا سۈرتەقولۇڭ ساقىيىدۇ دىگىنىڭنى، نىمشقىدۇ سىنىڭ قولۇڭنىڭ قاردىمۇ قېتىپ قالمايدىغىنىنى دىيىشىپ ئانام ئىككىمىز ھەم كۈلۈشۈپ ھەم، بىر ئۇزۇن يىغلىشىۋالدۇق .      ھەراس ددا مەنمۇ ھازىر ۋىلايەتتىكى ناھىيە دەرىجىلىك ئىدارىنىڭ بىرىنجى قول غوللۇقى  بولۇپ قالدىم،يېشىممۇ قىرىققا باردى دە،ئىدارىدە ھەممىسى مىنى كاللسىغا بۇرۇن قارياققان ھاسىسىز ئاكابوۋىمىز دەيدۇ،چۈنكى بۇ ئىدارىدا باش ئىنژىنىتلىققا 50تىن ئاشقانلارمۇ تەستە ئېرىشەلەيدۇ ،لىكىن مەن سىنىڭ «ئادەم ئۆزى ياخشى كۆرگەن ئىشنى تىرىشىپ قىلىش كېرەك ،ئۇنىمۇقىلالمىسا نىمەدەيدۇ ئەركەك دەپ »دېگىنىڭنى بىجا كەلتۈردۈم ،ھەم شۇندىلا ئىش ھەققىم كۆپرەك بۇلاتتى ،بىزنىڭ ئۆي پۇلغا ئېھتىياجلىق ئىدى .    ھېلىقى سەن دائىم مىجەز –خۇلقى منى تارتتى دەيدىغان 6-ئىنىممۇ دائىم ئانام ھەم بىز 9بالىنىڭ ئائىلىسىنى سېتىۋالغان 30 كىشىلىك مىنىبوسىداسىنىڭ يېزىدىكى قېرىنداشلىرىڭنىڭ قېشىغا ئېلىپ بېرىپ كىلىدۇ .سىڭىللىرىممۇ  بىرى دوختۇر ،ئىككىسى ئوقۇتقۇچى ،ئىنىلىرىمنىڭ چوڭى سىنىڭ كەسپىڭنى قىلدى ،قالغان ئىككىسى تاكسى سېتىۋالدى ،بىرى تاللا دۇكىنى ئېچىۋالدى .چوڭ ئىنىمنىڭ بالىسى  بۇيىل تۇلۇق ئوتتۇرا مەكتەپكە چىقتى.مىنىڭ شۇ 5ياش ئامال يوق دادا. سەن بەك بۇرۇن كەتتىڭ .ئاخىر ئۇلارنىمۇ سىنڭ يوقلىقىڭنى چاندۇرمايلا  سەن توختىمەت تاشنىڭ كاۋاپخانىسىدا   ئاخىرقى قېتىم مەن ئېلىپ بەگەن كاۋاپ يەۋىتىپ :يەنە بۇيرۇت ئىنى –سىڭىللىرىڭ مەن ئالمىغان كاۋاپنى يەپ باقسۇن. دىگىنىڭ بويىچە چوڭ قىلىۋالدوق ،قاتارغا قېتىۋالدۇق .       سەن بۇرۇن كەتتىڭ دادا .ھەرقېتىم 9بالا ئائىلە –بالا چاقىلىرىمىزنى مىنىڭ ئۆيۈمگە يەنى سەندىن قالغان تۆت ئېغىزلىق بىزنىڭ چوڭ ئۆيگە جەم بولغاندا خوددى سەن ھەر تاماقتا بىزنى ساناپ يوقلىما قىلغاندەك ،مەنمۇ ئۇلارنى يىغلامسىراپ تۇرۇپ يوقلىما قىلىمەن .ئۇلارمۇ ساڭا جەۋاپ بەرگەندەكلا :بىرى يوقلىما ئاكام ،بىرى مىنى ئۇنتۇمايدۇ ئاكام ،بىرى دۇراڭنى مەن تېپىۋالدىم ئاكا (ھازىر مەنمۇ سىنىڭ دۇراڭنى يەيمەن دادا ،مەن بۇنىڭدىن خوش ،چۈنكى سىڭلىمنىڭ گېپى بويىچە بىرسىمىزلا ساڭا ئوخشىيالايدىكەنمىز ، مەنلا ساڭا بۇجەھەتتە ئوخشىيالىدىم )،بىرى سالام ئاكاجان ،بىرى مەن بارغۇ ئاكا ،مەن دەستۇرخانىنىڭ قېشىدا ،بىرى ئاشخانىدىن يۈگۈرۈپ چىقىپ ،بىرى چاي كۆتۈرۈپ كىرىپ، بىرى ئانامنىڭ قېشىدا ئەركىلەپ تۇرۇپ مانامەن ئاكا ،مىنى سېغىندۇڭمۇ ئاكا دىسە ھېلىقى سەندىن ئىككى ياشتىلا قالغان  كىچىك سىڭلىم مىنىڭ قۇلاق تۈۋىمگە كىلىپ :مەن بار دادا.دەيدۇ .نەۋرىلىرىڭ بولسا بىز بار بوۋا دەپ جەۋاپ بىرىدۇ .بىرقېتىم  مىنى دادا دەيدىغان ئەڭ كىچىك سىڭلىمنىڭ ئوغلى مىنى:دادا سىلەرنىمىشقا دىللان بوۋامنى ئاكا دەيسىلە ،ئۇسىنىڭ داداڭدىنمۇ قېرى تۇرسا دەپ سوراپ.ئانامنى يىغلىتىۋەتتى .دادا مەنمۇ ھازىرا تاماقنى قىزىمدىنمۇ  ئاز يەيمەن ، ئىسسىق ئۆيدەبىئارام بۇلىمەن.تۇۋا دەيمەن دادا مەن نىمىشقا سىنى دائىم سېغىنىدىغاندىمەن.بۇنى ئانامغا دىسەم داداڭ سىنىڭ دۇئايىڭنى سېغىنىدىكەن دەيدۇ .       راس دادا سەن بۇرۇن كەتتىڭ.بىز ئايدا بىرقېىم يېغىلىپ كەنجى ئىنىمنىڭ داچىسىدا توپ ئوينايمىز،سۇ ئۈزىمىز،كاۋاپ پۇشۇرۇپ يەيمىز،ھەممىمىز دەستۇرخاننى چۆرىدەپ ئولتۇرۇپ ئانام ئۇسۇپ بەرگەن سەن ئەڭ ئامراق قۇناڭ كۇمۇلىكىنى يەيمىز .ئاندىن دۇئادىن كىيىن كىم (بۇ قەستەن بۇلىدۇ ) ۋايسىسا قولۇڭنى بوينىڭغا سۈركە دەپ كۈلىشىمىز ئىنىلىرىمنىڭ بالىلىرى مىنى بوۋا دەيدۇ، دىمىسىمۇ مەن بوۋايغىلا ئوخشايمەن .ئېيتەدادا سەن نىمىشقا ھازىر يوق . سەن بىزدە مۇشۇلارنىڭ بۇلىشىغا تىرىشقان ئىدىڭ ،ئەپسۇسۇ مىڭ ئەپسۇس.راس سەن بەك بۇرۇن كەتتىڭ دادا .ھازىر ئۆيىمىزدىن يامغۇر توشىمايسەن ،قىشىچە مەشكە ئوت ياقمايسەن ،توك ئۆچۈپ قالمايدۇ ،سۇ توختىمايدۇ .سەن ئىش قىلساڭ يامغۇردا قالمايسەن ،قولوڭ تۇڭۇپ قېتىپ قالمايدۇ.سىنى بەك سېغىندىم دادا . سەن بەك بۇرۇن كەتتىڭ دادا. مەنبە ئۆزقەلىمىم .2014-8-06   خوتەن  تېگىللا  كۆك قورۇق

tamken

	ھەممىز ئۆلۆپ كەتكۈچى...

hekmat110

	كىم قالىدۇ  ،مېھمان بىز.....

Gvlmisal

	بەك تەسىرلىك چىقىپتۇ.مۇكاپاتقا ئىرىشىشىڭىزگە تىلەكداشمەن

TAXNAI2

	تەسىرلىك ياخشى يېزىپسىز ....بۇنى ئوقۇپ رەھمەتلىك دادامنى ئەسلىدىم...... ئەسىرڭىزنىڭ مۇكاپاتقا ئېرشىشىنى ئۈمۈت قىلىمەن..

Samira120

	بەكمۇ تەسىرلەندىم .ئەسىرڭىزنىڭ مۇكاپاتقا ئېرشىشىنى ئۈمۈت قىلىمەن..

Samira120

	خوتەندە تور ئوچۇقمۇ？

dillani

	Samira120 يوللىغان ۋاقتى  2014-8-8 02:42 PM خوتەندە تور ئوچۇقمۇ？ شۇنداق ،تورئۇچۇق .خوتەندە ھەممە ئەھۋال بۇرۇنقىدەك نۇرمال .

kurbanjannn

	dillani يوللىغان ۋاقتى  2014-8-8 04:59 PM شۇنداق ،تورئۇچۇق .خوتەندە ھەممە ئەھۋال بۇرۇنقىدەك نۇ ... تور ئوچۇق، سەل ئاستىراق. ۋىيشىن قاتارلىق بىر قىسىم، ئالاقە قوراللىرى ئىشلىمەيدۇ.

jelwa

	ئەسلى  پوۋىسىت  قىلىپ  يوللىغان  بولسىڭىزچۇ  ............  شۇنداقتىمۇ سىزگە  ئامەت  تىلەيمەن ، نەتىجىگە  ئىرىشىشىگە  تىلەكداشمەن !!!!!!!!!!!!!!!!!