رۇبائىيلار : ‹ د ›

باشتۇغ

	رۇبائىيلار نۇرجان ئابدىراخمان باشتۇغ گۈزەلدۇر گۈل رەڭگى ، پۇرىقى بىلەن ، قۇياشمۇ نۇرى ھەم يۇرىقى بىلەن . ھەممىدىن گۈزەلدۇر يەنىلا ئادەم ، ياشىسا ۋىجداننىڭ بۇيرىقى بىلەن . ھاياتنىڭ خىلمۇ-خىل قىسمەتلىرى بار ، قىسمەتتىن تۇغۇلغان ھىكمەتلىرى بار . ئەلنى دەپ تەر تۈكۈپ ئىشلىگەنلەرگە ، خەلقنىڭ دۇئاسى ، رەھمەتلىرى بار . ئەل ئۈچۈن تىرناقچە بېرەلمىسەڭ نەپ ، ئويلىما ئۆزەڭنى مەنكى ئىنسان دەپ . قوساقنى تويغۇزۇپ موزاي چېغىدا ، بىلىدۇ يۈرۈشنى سېنىڭدەك مۆرەپ . قۇياش ئۇ ، زىمىنغا تۆككەچكە زەر-نۇر ، جىمىكى كائىنات ئالىدۇ ھۇزۇر . شۇنداقمۇ ئادەملەر باردۇر ئارىدا ، ھەتتاكى قۇياشتىن ئىزدەيدۇ قۇسۇر . ھاياتلىق ئۇچقۇر ئات ، ئۇندا يوق يۈگەن ، توختىماس ھىچقاچان يۈرگىنى يۈرگەن . ھاياتىم بىھۇدە ئۆتمىسۇن دىسەڭ ، تىرىشقىن بىلىم ئال ، توختىماي ئۆگەن . 2014-8-5 كورلا

zahar2011

	ئادەمنى تەپەككۇرغا ئۈندەيدىغان،ھېكمەت ئۈنچىلىرى چاقناپ تۇرىدىغان ياخشى روبائىيلار ئىكەن . ئەگەر مالال كۆرمىسىڭىز مېنىڭ يازمىلىرىمنى كۆرۈپ بېقىپ تەلىم بەرگەن بولسىڭىز سىزدىن خۇش بولغان بولاتتىم.

tamken

	ھىكمەتلىك روبائىيلاركەن.  نىمىشقا تىرناق ئىچىگە د  ھەرىپىنى ئايرىم يىزىپ قويىسىز،بىرەر مەنىسى بارمۇ؟بىلمىگەنلەر بىلىۋالساق. سىز ژۇرناللاردا ئەسەر ئىلان قىلغانمۇ؟

باشتۇغ

	tamken يوللىغان ۋاقتى  2014-8-8 01:48 AM ھىكمەتلىك روبائىيلاركەن.  نىمىشقا تىرناق ئىچىگە د  ھەر ... ‹‹ د ›› ھەرىپىنى يېزىپ قۇيۇشنىڭ باشقا ئالاھىدە مەنىسى يوق . مەن رۇبائىيلارنى ‹‹ ئا ، ب ، س ›› دەپ يوللىغان ئەمدى ‹‹ د ›› غا كەلدى . بۇرۇن ئېلان قىلغان . ھازىر بىر شىئېرلار توپلىمىغا تەييارلىق قىلىۋاتىمەن .

tamken

	باشتۇغ يوللىغان ۋاقتى  2014-8-8 01:57 AM ‹‹ د ›› ھەرىپىنى يېزىپ قۇيۇشنىڭ باشقا ئالاھىدە مەنىس ... قايسى ژۇرنالدا،قاچان ئىلان قىلغان،ھازىرمۇ ئىلان قىلىۋاتامسىز.

باشتۇغ

	tamken يوللىغان ۋاقتى  2014-8-8 02:00 AM قايسى ژۇرنالدا،قاچان ئىلان قىلغان،ھازىرمۇ ئىلان قىل ... 2005-يىللىرى ۋە ئۇنىڭ ئالدىدا ئېلان قىلغان . كىيىنكى ئايدىن باشلاپ يەنە ئېلان قىلىشىم مۈمكىن .

tamken

	باشتۇغ يوللىغان ۋاقتى  2014-8-8 02:08 AM 2005-يىللىرى ۋە ئۇنىڭ ئالدىدا ئېلان قىلغان . كىيىنكى ئا ... ئىلان قىلسىڭىز،خوش خەۋەر قىلىۋىتىڭ،سىز ئوقۇتقۇچىمۇ؟

باشتۇغ

	tamken يوللىغان ۋاقتى  2014-8-8 02:12 AM ئىلان قىلسىڭىز،خوش خەۋەر قىلىۋىتىڭ،سىز ئوقۇتقۇچىمۇ؟ ياق ، ئەركىن ئادەممەن ، تىجارەتچى . ئېلان قىلىپ قالسام ژۇرنالدىن بىر نۇسخا يوللاپ بېرەي .

tamken

	باشتۇغ يوللىغان ۋاقتى  2014-8-8 02:13 AM ياق ، ئەركىن ئادەممەن ، تىجارەتچى . قەلەمنى تاشلىماسلىقىڭىزنى ئۆمىد قىلىمەن.قارىغاندا مەندىن بۇرۇن قەلەمكەشلەرگە قوشۇلۇپسىز،قىممەتلىك پىكىرلىرىڭىزگە تەشنامەن. تولىمۇ خۇش بولدۇم.ئادەتتە قايسى ژۇرنالنى بەكرەك ئوقۇيسىز.

باشتۇغ

	tamken يوللىغان ۋاقتى  2014-8-8 02:18 AM قەلەمنى تاشلىماسلىقىڭىزنى ئۆمىد قىلىمەن.قارىغاندا م ... مەن قەلەمنى تاشلاي دەپمۇ تاشلىيالمايمەن ، كىم ئۆز ئاشىقىنى تاشلىيالايدۇ . ‹‹ تارىم ، تەڭرىتاغ ، شىنجاڭ مەدەنىيىتى ، ئاقسۇ ئەدەبىياتى ، قەشقەر ، دولان ›› قارلىق ژۇرناللارنى كۆپراق كۆرىمەن .