 |
 |
 |
 |
ئىككى شېئىر
(بالىلار ئۈچۈن)
دورايدىكەن چېكەتكە
كەڭ دالادا يۈگرىسەم،
دورايدىكەن چېكەتكە.
غەزەپلىنىپ ئارقامدىن،
قوغلايدىكەن چېكەتكە.
قىزىقسىنىپ قارىسام،
تۇرقى بەكمۇ سەت ئىكەن،
پۇتلىرىدا يازغىنى،
يېرىم-ياتا «خەت»ئىكەن.
پۇشتىكىمنى چېپ قويسام
سەپ-سەپ بولۇپ تىزىلدى.
بۇيرۇق كۈتكەن كوماندا،
(ماڭا شۇنداق بىلىندى).
رېپىر بولۇپ ،ئۇلارنى-
سالسام بىر دەم مەشققە.
چىدالماستىن سەكرىشىپ،
قېچىپ كەتتى ئۆيىگە...
كىردىم چۆچەك ئىچىگە
مومام ئېيتقان چۆچەكنىڭ،
كىرىپ باقسام ئىچىگە،
باشلاپ كەتتى ئالەمنىڭ
خىيال باسقان چېتىگە...
«ياغاچ ئات»نى «چۇھ»دېسەم،
كۆك قەرىدە ئويناتتى.
مىنسەم «تۆمۈر بېلىق»قا،
دېڭىزلارنى ئويغاتتى.
شۇ «مەلىكە دانىشمەن»
ماڭا ھېكمەت ئۆگەتتى.
ياۋنى يېڭىپ«باھادىر»
ئەندىشەمنى تۈگەتتى.
«ئۇر توقماق»چىڭ تۇتۇپ،
يامانلارنى قاقشاتتىم.
«ئېچىل سۇپرام» بەرگەننى،
يوقسۇللارغا ئۇزاتتىم.
تۇتىۋالسا "چىن تۆمۈر" يالماۋۇزنىڭ چېچىدىن. پەقەت چىققۇم كەلمىدى چۆچەكلەرنىڭ ئىچىدىن. قاناتلاندى خىيالىم، قاچان شۇنداق بولار دەپ.
چوڭ بولىمەن دېگەنچە،
ۋاقىت ئاستا ئۆتەر...خەپ!
ئىجادىيىتىم.
بۇ يازمىنى ئاخىرىدا Qabiljan تەھرىرلىگەن. ۋاقتى 2014-8-3 06:49 PM
|
 |
 |
 |
 |
|
يوللىغان ۋاقتى 2014-8-3 05:11:15 PM
